| Library / Tipiṭaka / ਤਿਪਿਟਕ • Tipiṭaka / ਚੂਲ਼ਨਿਦ੍ਦੇਸ-ਅਟ੍ਠਕਥਾ • Cūḷaniddesa-aṭṭhakathā |
ਨਿਗਮਨਕਥਾ
Nigamanakathā
ਯੋ ਸੋ ਸੁਗਤਪੁਤ੍ਤਾਨਂ, ਅਧਿਪਤਿਭੂਤੇਨ ਹਿਤਰਤਿਨਾ।
Yo so sugataputtānaṃ, adhipatibhūtena hitaratinā;
ਥੇਰੇਨ ਥਿਰਗੁਣવਤਾ, ਸੁવਿਭਤ੍ਤੋ ਮਹਾਨਿਦ੍ਦੇਸੋ॥
Therena thiraguṇavatā, suvibhatto mahāniddeso.
ਤਸ੍ਸਤ੍ਥવਣ੍ਣਨਾ ਯਾ, ਪੁਬ੍ਬਟ੍ਠਕਥਾਨਯਂ ਤਥਾ।
Tassatthavaṇṇanā yā, pubbaṭṭhakathānayaṃ tathā;
ਯੁਤ੍ਤਿਂ ਨਿਸ੍ਸਾਯ ਮਯਾਰਦ੍ਧਾ, ਨਿਟ੍ਠਾਨਮੁਪਗਤਾ ਏਸਾ॥
Yuttiṃ nissāya mayāraddhā, niṭṭhānamupagatā esā.
ਯਂ ਪੁਰਂ ਪੁਰੁਤ੍ਤਮਂ, ਅਨੁਰਾਧਪੁਰવ੍ਹਯਂ।
Yaṃ puraṃ puruttamaṃ, anurādhapuravhayaṃ;
ਯੋ ਤਸ੍ਸ ਦਕ੍ਖਿਣੇ ਭਾਗੇ, ਮਹਾવਿਹਾਰੋ ਪਤਿਟ੍ਠਿਤੋ॥
Yo tassa dakkhiṇe bhāge, mahāvihāro patiṭṭhito.
ਯੋ ਤਸ੍ਸ ਤਿਲਕੋ ਭੂਤੋ, ਮਹਾਥੂਪੋ ਸਿਲੁਚ੍ਚਯੋ।
Yo tassa tilako bhūto, mahāthūpo siluccayo;
ਯਂ ਤਸ੍ਸ ਪਚ੍ਛਿਮੇ ਭਾਗੇ, ਲੇਖੋ ਕਥਿਕਸਞ੍ਞਿਤੋ॥
Yaṃ tassa pacchime bhāge, lekho kathikasaññito.
ਕਿਤ੍ਤਿਸੇਨੋਤਿ ਨਾਮੇਨ, ਸਜੀવੋ ਰਾਜਸਮ੍ਮਤੋ।
Kittisenoti nāmena, sajīvo rājasammato;
ਸੁਚਿਚਾਰਿਤ੍ਤਸਮ੍ਪਨ੍ਨੋ, ਲੇਖੋ ਕੁਸਲਕਮ੍ਮਿਕੋ॥
Sucicārittasampanno, lekho kusalakammiko.
ਸੀਤਚ੍ਛਾਯਤਰੁਪੇਤਂ, ਸਲਿਲਾਸਯਸਮ੍ਪਦਂ।
Sītacchāyatarupetaṃ, salilāsayasampadaṃ;
ਚਾਰੁਪਾਕਾਰਸਞ੍ਚਿਤਂ, ਪਰਿવੇਣਮਕਾਰਯਿ॥
Cārupākārasañcitaṃ, pariveṇamakārayi.
ਉਪਸੇਨੋ ਮਹਾਥੇਰੋ, ਮਹਾਪਰਿવੇਣવਾਸਿਯੋ।
Upaseno mahāthero, mahāpariveṇavāsiyo;
ਤਸ੍ਸਾਦਾਸਿ ਪਰਿવੇਣਂ, ਲੇਖੋ ਕੁਸਲਕਮ੍ਮਿਕੋ॥
Tassādāsi pariveṇaṃ, lekho kusalakammiko.
વਸਨ੍ਤੇਨੇਤ੍ਥ ਥੇਰੇਨ, ਥਿਰਸੀਲੇਨ ਤਾਦਿਨਾ।
Vasantenettha therena, thirasīlena tādinā;
ਉਪਸੇਨવ੍ਹਯੇਨ ਸਾ, ਕਤਾ ਸਦ੍ਧਮ੍ਮਜੋਤਿਕਾ॥
Upasenavhayena sā, katā saddhammajotikā.
ਰਞ੍ਞੋ ਸਿਰਿਨਿવਾਸਸ੍ਸ, ਸਿਰਿਸਙ੍ਘਸ੍ਸ ਬੋਧਿਨੋ।
Rañño sirinivāsassa, sirisaṅghassa bodhino;
ਛਬ੍ਬੀਸਤਿਮ੍ਹਿ વਸ੍ਸਮ੍ਹਿ, ਨਿਟ੍ਠਿਤਾ ਨਿਦ੍ਦੇਸવਣ੍ਣਨਾ॥
Chabbīsatimhi vassamhi, niṭṭhitā niddesavaṇṇanā.
ਸਮਯਂ ਅਨੁਲੋਮੇਨ੍ਤੀ, ਥੇਰਾਨਂ ਥੇਰવਂਸਦੀਪਾਨਂ।
Samayaṃ anulomentī, therānaṃ theravaṃsadīpānaṃ;
ਨਿਟ੍ਠਂ ਗਤਾ ਯਥਾਯਂ, ਅਟ੍ਠਕਥਾ ਲੋਕਹਿਤਜਨਨੀ॥
Niṭṭhaṃ gatā yathāyaṃ, aṭṭhakathā lokahitajananī.
ਸਦ੍ਧਮ੍ਮਂ ਅਨੁਲੋਮੇਨ੍ਤਾ, ਅਤ੍ਤਹਿਤਂ ਪਰਹਿਤਞ੍ਚ ਸਾਧੇਨ੍ਤਾ।
Saddhammaṃ anulomentā, attahitaṃ parahitañca sādhentā;
ਨਿਟ੍ਠਂ ਗਚ੍ਛਨ੍ਤੁ ਤਥਾ, ਮਨੋਰਥਾ ਸਬ੍ਬਸਤ੍ਤਾਨਂ॥
Niṭṭhaṃ gacchantu tathā, manorathā sabbasattānaṃ.
ਸਦ੍ਧਮ੍ਮਪ੍ਪਜ੍ਜੋਤਿਕਾਯ, ਅਟ੍ਠਕਥਾਯੇਤ੍ਥ ਗਣਿਤਕੁਸਲੇਹਿ।
Saddhammappajjotikāya, aṭṭhakathāyettha gaṇitakusalehi;
ਗਣਿਤਾ ਤੁ ਭਾਣવਾਰਾ, ਞੇਯ੍ਯਾਤਿਰੇਕਚਤ੍ਤਾਰਿਸਾ॥
Gaṇitā tu bhāṇavārā, ñeyyātirekacattārisā.
ਆਨੁਟ੍ਠੁਭੇਨ ਅਸ੍ਸਾ, ਛਨ੍ਦੋ ਬਦ੍ਧੇਨ ਗਣਿਯਮਾਨਾ ਤੁ।
Ānuṭṭhubhena assā, chando baddhena gaṇiyamānā tu;
ਅਤਿਰੇਕਦਸਸਹਸ੍ਸ-ਸਙ੍ਖਾ ਗਾਥਾਤਿ વਿਞ੍ਞੇਯ੍ਯਾ॥
Atirekadasasahassa-saṅkhā gāthāti viññeyyā.
ਸਾਸਨਚਿਰਟ੍ਠਿਤਤ੍ਥਂ, ਲੋਕਹਿਤਤ੍ਥਞ੍ਚ ਸਾਦਰੇਨ ਮਯਾ।
Sāsanaciraṭṭhitatthaṃ, lokahitatthañca sādarena mayā;
ਪੁਞ੍ਞਂ ਇਮਂ ਰਚਯਤਾ, ਯਂ ਪਤ੍ਤਮਨਪ੍ਪਕਂ વਿਪੁਲਂ॥
Puññaṃ imaṃ racayatā, yaṃ pattamanappakaṃ vipulaṃ.
ਪੁਞ੍ਞੇਨ ਤੇਨ ਲੋਕੋ, ਸਦ੍ਧਮ੍ਮਰਸਾਯਨਂ ਦਸਬਲਸ੍ਸ।
Puññena tena loko, saddhammarasāyanaṃ dasabalassa;
ਉਪਭੁਞ੍ਜਿਤ੍વਾ વਿਮਲਂ, ਪਪ੍ਪੋਤੁ ਸੁਖਂ ਸੁਖੇਨੇવਾਤਿ॥
Upabhuñjitvā vimalaṃ, pappotu sukhaṃ sukhenevāti.
ਸਦ੍ਧਮ੍ਮਪ੍ਪਜ੍ਜੋਤਿਕਾ ਨਾਮ
Saddhammappajjotikā nāma
ਚੂਲ਼ਨਿਦ੍ਦੇਸ-ਅਟ੍ਠਕਥਾ ਨਿਟ੍ਠਿਤਾ।
Cūḷaniddesa-aṭṭhakathā niṭṭhitā.
