| Library / Tipiṭaka / ਤਿਪਿਟਕ • Tipiṭaka / ਸਮ੍ਮੋਹવਿਨੋਦਨੀ-ਅਟ੍ਠਕਥਾ • Sammohavinodanī-aṭṭhakathā |
ਨਿਗਮਨਕਥਾ
Nigamanakathā
ਏਤ੍ਤਾવਤਾ ਚ –
Ettāvatā ca –
ਅਭਿਧਮ੍ਮਂ ਦੇਸੇਨ੍ਤੋ, ਧਮ੍ਮਗਰੁ ਧਮ੍ਮਗਾਰવਯੁਤ੍ਤਾਨਂ।
Abhidhammaṃ desento, dhammagaru dhammagāravayuttānaṃ;
ਦੇવਾਨਂ ਦੇવਪੁਰੇ, ਦੇવਗਣਸਹਸ੍ਸਪਰਿવਾਰੋ॥
Devānaṃ devapure, devagaṇasahassaparivāro.
ਦੁਤਿਯਂ ਅਦੁਤਿਯਪੁਰਿਸੋ, ਯਂ ਆਹ વਿਭਙ੍ਗਪਕਰਣਂ ਨਾਥੋ।
Dutiyaṃ adutiyapuriso, yaṃ āha vibhaṅgapakaraṇaṃ nātho;
ਅਟ੍ਠਾਰਸਹਿ વਿਭਙ੍ਗੇਹਿ, ਮਣ੍ਡਿਤਮਣ੍ਡਪੇਯ੍ਯਗੁਣੋ॥
Aṭṭhārasahi vibhaṅgehi, maṇḍitamaṇḍapeyyaguṇo.
ਅਤ੍ਥਪ੍ਪਕਾਸਨਤ੍ਥਂ, ਤਸ੍ਸਾਹਂ ਯਾਚਿਤੋ ਠਿਤਗੁਣੇਨ।
Atthappakāsanatthaṃ, tassāhaṃ yācito ṭhitaguṇena;
ਯਤਿਨਾ ਅਦਨ੍ਧਗਤਿਨਾ, ਸੁਬੁਦ੍ਧਿਨਾ ਬੁਦ੍ਧਘੋਸੇਨ॥
Yatinā adandhagatinā, subuddhinā buddhaghosena.
ਯਂ ਆਰਭਿਂ ਰਚਯਿਤੁਂ, ਅਟ੍ਠਕਥਂ ਸੁਨਿਪੁਣੇਸੁ ਅਤ੍ਥੇਸੁ।
Yaṃ ārabhiṃ racayituṃ, aṭṭhakathaṃ sunipuṇesu atthesu;
ਸਮ੍ਮੋਹવਿਨੋਦਨਤੋ, ਸਮ੍ਮੋਹવਿਨੋਦਨਿਂ ਨਾਮ॥
Sammohavinodanato, sammohavinodaniṃ nāma.
ਪੋਰਾਣਟ੍ਠਕਥਾਨਂ, ਸਾਰਂ ਆਦਾਯ ਸਾ ਅਯਂ ਨਿਟ੍ਠਂ।
Porāṇaṭṭhakathānaṃ, sāraṃ ādāya sā ayaṃ niṭṭhaṃ;
ਪਤ੍ਤਾ ਅਨਨ੍ਤਰਾਯੇਨ, ਪਾਲ਼ਿਯਾ ਭਾਣવਾਰੇਹਿ॥
Pattā anantarāyena, pāḷiyā bhāṇavārehi.
ਚਤ੍ਤਾਲੀਸਾਯ ਯਥਾ, ਏਕੇਨ ਚ ਏવਮੇવ ਸਬ੍ਬੇਪਿ।
Cattālīsāya yathā, ekena ca evameva sabbepi;
ਨਿਟ੍ਠਂ વਜਨ੍ਤੁ વਿਮਲਾ, ਮਨੋਰਥਾ ਸਬ੍ਬਸਤ੍ਤਾਨਂ॥
Niṭṭhaṃ vajantu vimalā, manorathā sabbasattānaṃ.
ਸਦ੍ਧਮ੍ਮਸ੍ਸ ਠਿਤਤ੍ਥਂ, ਯਞ੍ਚ ਇਮਂ ਰਚਯਤਾ ਮਯਾ ਪੁਞ੍ਞਂ।
Saddhammassa ṭhitatthaṃ, yañca imaṃ racayatā mayā puññaṃ;
ਪਤ੍ਤਂ ਤੇਨ ਸਮਤ੍ਤਂ, ਪਾਪੁਣਤੁ ਸਦੇવਕੋ ਲੋਕੋ॥
Pattaṃ tena samattaṃ, pāpuṇatu sadevako loko.
ਸੁਚਿਰਂ ਤਿਟ੍ਠਤੁ ਧਮ੍ਮੋ, ਧਮ੍ਮਾਭਿਰਤੋ ਸਦਾ ਭવਤੁ ਲੋਕੋ।
Suciraṃ tiṭṭhatu dhammo, dhammābhirato sadā bhavatu loko;
ਨਿਚ੍ਚਂ ਖੇਮਸੁਭਿਕ੍ਖਾਦਿ-ਸਮ੍ਪਦਾ ਜਨਪਦਾ ਹੋਨ੍ਤੂਤਿ॥
Niccaṃ khemasubhikkhādi-sampadā janapadā hontūti.
ਪਰਮવਿਸੁਦ੍ਧਸਦ੍ਧਾਬੁਦ੍ਧਿવੀਰਿਯਪਟਿਮਣ੍ਡਿਤੇਨ ਸੀਲਾਚਾਰਜ੍ਜવਮਦ੍ਦવਾਦਿਗੁਣਸਮੁਦਯਸਮੁਦਿਤੇਨ ਸਕਸਮਯਸਮਯਨ੍ਤਰਗਹਨਜ੍ਝੋਗਾਹਣਸਮਤ੍ਥੇਨ ਪਞ੍ਞਾવੇਯ੍ਯਤ੍ਤਿਯਸਮਨ੍ਨਾਗਤੇਨ ਤਿਪਿਟਕਪਰਿਯਤ੍ਤਿਪ੍ਪਭੇਦੇ ਸਾਟ੍ਠਕਥੇ ਸਤ੍ਥੁਸਾਸਨੇ ਅਪ੍ਪਟਿਹਤਞਾਣਪ੍ਪਭਾવੇਨ ਮਹਾવੇਯ੍ਯਾਕਰਣੇਨ ਕਰਣਸਮ੍ਪਤ੍ਤਿਜਨਿਤਸੁਖવਿਨਿਗ੍ਗਤਮਧੁਰੋਦਾਰવਚਨਲਾવਣ੍ਣਯੁਤ੍ਤੇਨ ਯੁਤ੍ਤਮੁਤ੍ਤવਾਦਿਨਾ વਾਦੀવਰੇਨ ਮਹਾਕવਿਨਾ ਪਭਿਨ੍ਨਪਟਿਸਮ੍ਭਿਦਾਪਰਿવਾਰੇ ਛਲ਼ਭਿਞ੍ਞਾਪਟਿਸਮ੍ਭਿਦਾਦਿਪ੍ਪਭੇਦਗੁਣਪਟਿਮਣ੍ਡਿਤੇ ਉਤ੍ਤਰਿਮਨੁਸ੍ਸਧਮ੍ਮੇ ਸੁਪ੍ਪਤਿਟ੍ਠਿਤਬੁਦ੍ਧੀਨਂ ਥੇਰવਂਸਪ੍ਪਦੀਪਾਨਂ ਥੇਰਾਨਂ ਮਹਾવਿਹਾਰવਾਸੀਨਂ વਂਸਾਲਙ੍ਕਾਰਭੂਤੇਨ વਿਪੁਲવਿਸੁਦ੍ਧਬੁਦ੍ਧਿਨਾ ਬੁਦ੍ਧਘੋਸੋਤਿ ਗਰੂਹਿ ਗਹਿਤਨਾਮਧੇਯ੍ਯੇਨ ਥੇਰੇਨ ਕਤਾ ਅਯਂ ਸਮ੍ਮੋਹવਿਨੋਦਨੀ ਨਾਮ વਿਭਙ੍ਗਟ੍ਠਕਥਾ।
Paramavisuddhasaddhābuddhivīriyapaṭimaṇḍitena sīlācārajjavamaddavādiguṇasamudayasamuditena sakasamayasamayantaragahanajjhogāhaṇasamatthena paññāveyyattiyasamannāgatena tipiṭakapariyattippabhede sāṭṭhakathe satthusāsane appaṭihatañāṇappabhāvena mahāveyyākaraṇena karaṇasampattijanitasukhaviniggatamadhurodāravacanalāvaṇṇayuttena yuttamuttavādinā vādīvarena mahākavinā pabhinnapaṭisambhidāparivāre chaḷabhiññāpaṭisambhidādippabhedaguṇapaṭimaṇḍite uttarimanussadhamme suppatiṭṭhitabuddhīnaṃ theravaṃsappadīpānaṃ therānaṃ mahāvihāravāsīnaṃ vaṃsālaṅkārabhūtena vipulavisuddhabuddhinā buddhaghosoti garūhi gahitanāmadheyyena therena katā ayaṃ sammohavinodanī nāma vibhaṅgaṭṭhakathā.
ਤਾવ ਤਿਟ੍ਠਤੁ ਲੋਕਸ੍ਮਿਂ, ਲੋਕਨਿਤ੍ਥਰਣੇਸਿਨਂ।
Tāva tiṭṭhatu lokasmiṃ, lokanittharaṇesinaṃ;
ਦਸ੍ਸੇਨ੍ਤੀ ਕੁਲਪੁਤ੍ਤਾਨਂ, ਨਯਂ ਪਞ੍ਞਾવਿਸੁਦ੍ਧਿਯਾ॥
Dassentī kulaputtānaṃ, nayaṃ paññāvisuddhiyā.
ਯਾવ ਬੁਦ੍ਧੋਤਿ ਨਾਮਮ੍ਪਿ, ਸੁਦ੍ਧਚਿਤ੍ਤਸ੍ਸ ਤਾਦਿਨੋ।
Yāva buddhoti nāmampi, suddhacittassa tādino;
ਲੋਕਮ੍ਹਿ ਲੋਕਜੇਟ੍ਠਸ੍ਸ, ਪવਤ੍ਤਤਿ ਮਹੇਸਿਨੋਤਿ॥
Lokamhi lokajeṭṭhassa, pavattati mahesinoti.
ਸਮ੍ਮੋਹવਿਨੋਦਨੀ ਨਾਮ વਿਭਙ੍ਗ-ਅਟ੍ਠਕਥਾ ਨਿਟ੍ਠਿਤਾ।
Sammohavinodanī nāma vibhaṅga-aṭṭhakathā niṭṭhitā.
