| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
நிக³மனகதா²வண்ணனா
Nigamanakathāvaṇṇanā
யங் பாதிமொக்க²ஸ்ஸ வண்ணனங் ஆரபி⁴ந்தி ஸம்ப³ந்தோ⁴. ‘‘மஹாவிஹாரவாஸீன’’ந்தி இத³ங் புரிமபச்சி²மபதே³ஹி ஸத்³தி⁴ங் ஸம்ப³ந்தி⁴தப்³ப³ங், மஹாவிஹாரவாஸீனங் போராணட்ட²கதா²ஹி வாதி ச. பாளியத்த²ஞ்ச கேவலந்தி ஸகலங் பாளிஅத்த²ஞ்ச, உப⁴தோவிப⁴ங்க³ஞ்சாதி வுத்தங் ஹோதி. எத்தா²தி ஏதிஸ்ஸங் கங்கா²விதரணியங். யஸ்மா ந ஹி அத்தீ²தி ஸம்ப³ந்தோ⁴. யந்தி யங் பத³ங். ஸீஹளட்ட²கதா²னயந்தி ஸீஹளமாதிகட்ட²கதா²னயங். அட்ட²கதா²ஸாரந்தி ஸீஹளமாதிகட்ட²கதா²யங் அத்த²ஸாரங், அத² வா வினயட்ட²கதா²ஸு அத்த²ஸாரங். தேனேதங் த³ஸ்ஸேதி – ஸீஹளமாதிகட்ட²கதா²யங் அத்த²ஸாரங் ஆதா³ய இமங் கங்கா²விதரணிங் கரொந்தோ வினயட்ட²கதா²ஸுபி இத⁴ வினிச்ச²யே யோக³க்க²மங் அத்த²ஸாரங் ஆதா³யேவ அகாஸிந்தி.
Yaṃ pātimokkhassa vaṇṇanaṃ ārabhinti sambandho. ‘‘Mahāvihāravāsīna’’nti idaṃ purimapacchimapadehi saddhiṃ sambandhitabbaṃ, mahāvihāravāsīnaṃ porāṇaṭṭhakathāhi vāti ca. Pāḷiyatthañca kevalanti sakalaṃ pāḷiatthañca, ubhatovibhaṅgañcāti vuttaṃ hoti. Etthāti etissaṃ kaṅkhāvitaraṇiyaṃ. Yasmā na hi atthīti sambandho. Yanti yaṃ padaṃ. Sīhaḷaṭṭhakathānayanti sīhaḷamātikaṭṭhakathānayaṃ. Aṭṭhakathāsāranti sīhaḷamātikaṭṭhakathāyaṃ atthasāraṃ, atha vā vinayaṭṭhakathāsu atthasāraṃ. Tenetaṃ dasseti – sīhaḷamātikaṭṭhakathāyaṃ atthasāraṃ ādāya imaṃ kaṅkhāvitaraṇiṃ karonto vinayaṭṭhakathāsupi idha vinicchaye yogakkhamaṃ atthasāraṃ ādāyeva akāsinti.
இதா³னி ஸதே³வகஸ்ஸ லோகஸ்ஸ அச்சந்தஸுகா²தி⁴க³மாய அத்தனோ புஞ்ஞங் பரிணாமெந்தோ ‘‘யதா² ச நிட்ட²ங் ஸம்பத்தா’’திஆதி³கா³தா²த்³வயமாஹ. கல்யாணனிஸ்ஸிதாதி குஸலனிஸ்ஸிதா. ஸப்³ப³ஸத்தானந்தி காமாவசராதி³பே⁴தா³னங் ஸப்³பே³ஸங் ஸத்தானங்.
Idāni sadevakassa lokassa accantasukhādhigamāya attano puññaṃ pariṇāmento ‘‘yathā ca niṭṭhaṃ sampattā’’tiādigāthādvayamāha. Kalyāṇanissitāti kusalanissitā. Sabbasattānanti kāmāvacarādibhedānaṃ sabbesaṃ sattānaṃ.
நிக³மனகதா²வண்ணனா நிட்டி²தா.
Nigamanakathāvaṇṇanā niṭṭhitā.
