| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
நிக³மனகதா²வண்ணனா
Nigamanakathāvaṇṇanā
அவஸானகா³தா²ஸு உப⁴தோவிப⁴ங்க³-க²ந்த⁴க-பரிவாரேஹி விப⁴த்தத்தா விபா⁴க³படிதே³ஸனா யஸ்மிங் வினயபிடகே. ஸோ உப⁴தோவிப⁴ங்க³-க²ந்த⁴க-பரிவாரவிப⁴த்ததே³ஸனோ ஆஹாதி யோஜனா. தஸ்ஸாதி வினயபிடகஸ்ஸ.
Avasānagāthāsu ubhatovibhaṅga-khandhaka-parivārehi vibhattattā vibhāgapaṭidesanā yasmiṃ vinayapiṭake. So ubhatovibhaṅga-khandhaka-parivāravibhattadesano āhāti yojanā. Tassāti vinayapiṭakassa.
ஸத்து² மஹாபோ³தீ⁴தி த³க்கி²ணஸாக²ங் ஸந்தா⁴ய வத³தி. யங் பதா⁴னக⁴ரங் நாம பரிவேணங், தத்த² சாருபாகாரேன ஸஞ்சிதங் பரிக்கி²த்தங் யங் பாஸாத³ங் காரயி, தத்ர தஸ்மிங் மஹானிக³மஸாமினோ பாஸாதே³ வஸதாதி யோஜேதப்³பா³.
Satthu mahābodhīti dakkhiṇasākhaṃ sandhāya vadati. Yaṃ padhānagharaṃ nāma pariveṇaṃ, tattha cārupākārena sañcitaṃ parikkhittaṃ yaṃ pāsādaṃ kārayi, tatra tasmiṃ mahānigamasāmino pāsāde vasatāti yojetabbā.
பு³த்³த⁴ஸிரிங் உத்³தி³ஸித்வா நிஸ்ஸாய, தஸ்ஸ வா அஜ்ஜே²ஸனம்பி படிச்ச யா இத்³தா⁴ பரிபுண்ணவினிச்ச²யதாய ஸமித்³தா⁴ வினயஸங்வண்ணனா ஆரத்³தா⁴தி யோஜனா.
Buddhasiriṃ uddisitvā nissāya, tassa vā ajjhesanampi paṭicca yā iddhā paripuṇṇavinicchayatāya samiddhā vinayasaṃvaṇṇanā āraddhāti yojanā.
ஸிரினிவாஸஸ்ஸாதி ஸிரியா நிவாஸனட்டா²னபூ⁴தஸ்ஸ ஸிரிபாலநாமகஸ்ஸ ரஞ்ஞோ. ஜயஸங்வச்ச²ரேதி விஜயயுத்தே ஸங்வச்ச²ரே. ஆரத்³த⁴காலத³ஸ்ஸனத்த²ங் புன ‘‘ஜயஸங்வச்ச²ரே அயங் ஆரத்³தா⁴’’தி வுத்தங்.
Sirinivāsassāti siriyā nivāsanaṭṭhānabhūtassa siripālanāmakassa rañño. Jayasaṃvacchareti vijayayutte saṃvacchare. Āraddhakāladassanatthaṃ puna ‘‘jayasaṃvacchare ayaṃ āraddhā’’ti vuttaṃ.
காலே வஸ்ஸந்தி யுத்தகாலே வஸ்ஸனஸீலோ. தே³வோதி மேகோ⁴.
Kālevassanti yuttakāle vassanasīlo. Devoti megho.
நிக³மனகதா²வண்ணனா நிட்டி²தா.
Nigamanakathāvaṇṇanā niṭṭhitā.
