| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
ниг̇аманагат̇ааван̣н̣анаа
Nigamanakathāvaṇṇanā
махааадтагат̇ааяа сааранд̇и ан̇г̇уд̇д̇арамахааадтагат̇ааяа саарам̣. згуунасадтимад̇д̇од̇и т̇огам̣ уунабхаавад̇о мад̇д̇асад̣̇д̣̇аг̇г̇ахан̣ам̣. мууладтагат̇аасааранд̇и буб̣б̣з вуд̇д̇аан̇г̇уд̇д̇арамахааадтагат̇ааяа саарамзва ануниг̇амавасзна вад̣̇ад̇и. ат̇а ваа мууладтагат̇аасааранд̇и бораан̣адтагат̇аасу ад̇т̇асаарам̣. д̇знзд̣̇ам̣ д̣̇ассзд̇и – ан̇г̇уд̇д̇арамахааадтагат̇ааяа ад̇т̇асаарам̣ аад̣̇ааяа имам̣ манорат̇абууран̣им̣ гаронд̇о сзсамахаанигааяаанамби мууладтагат̇аасу ид̇ха винияог̇агкамам̣ ад̇т̇асаарам̣ аад̣̇ааяа звамагаасинд̇и. махаавихаараад̇хиваасийнанд̇и жа ид̣̇ам̣ буримабажчимабад̣̇зхи сад̣̇д̇хим̣ самб̣анд̇хид̇аб̣б̣ам̣ ‘‘махаавихаараад̇хиваасийнам̣ самаяам̣ багаасаяанд̇ий, махаавихаараад̇хиваасийнам̣ мууладтагат̇аасаарам̣ аад̣̇ааяаа’’д̇и. д̇знаад̇и бун̃н̃зна. ход̇у саб̣б̣о сукий логод̇и гаамааважараад̣̇ивибхааг̇о саб̣б̣о сад̇д̇алого яат̇аарахам̣ б̣од̇хид̇д̇аяаад̇хиг̇амавасзна самбад̇д̇зна ниб̣б̣аанасукзна сукий сукид̇о ход̇ууд̇и сад̣̇звагасса логасса ажжанд̇ам̣ сукаад̇хиг̇амааяа ад̇д̇ано бун̃н̃ам̣ барин̣аамзд̇и.
Mahāaṭṭhakathāyasāranti aṅguttaramahāaṭṭhakathāya sāraṃ. Ekūnasaṭṭhimattoti thokaṃ ūnabhāvato mattasaddaggahaṇaṃ. Mūlaṭṭhakathāsāranti pubbe vuttaaṅguttaramahāaṭṭhakathāya sārameva anunigamavasena vadati. Atha vā mūlaṭṭhakathāsāranti porāṇaṭṭhakathāsu atthasāraṃ. Tenedaṃ dasseti – aṅguttaramahāaṭṭhakathāya atthasāraṃ ādāya imaṃ manorathapūraṇiṃ karonto sesamahānikāyānampi mūlaṭṭhakathāsu idha viniyogakkhamaṃ atthasāraṃ ādāya evamakāsinti. Mahāvihārādhivāsīnanti ca idaṃ purimapacchimapadehi saddhiṃ sambandhitabbaṃ ‘‘mahāvihārādhivāsīnaṃ samayaṃ pakāsayantī, mahāvihārādhivāsīnaṃ mūlaṭṭhakathāsāraṃ ādāyā’’ti. Tenāti puññena. Hotu sabbo sukhī lokoti kāmāvacarādivibhāgo sabbo sattaloko yathārahaṃ bodhittayādhigamavasena sampattena nibbānasukhena sukhī sukhito hotūti sadevakassa lokassa accantaṃ sukhādhigamāya attano puññaṃ pariṇāmeti.
зд̇д̇аавад̇аа самад̇д̇аава, саб̣б̣асо ван̣н̣анаа аяам̣;
Ettāvatā samattāva, sabbaso vaṇṇanā ayaṃ;
вийсад̇ияаа сахассзхи, г̇ант̇зхи баримаан̣ад̇о.
Vīsatiyā sahassehi, ganthehi parimāṇato.
бораан̣аанам̣ гат̇аамаг̇г̇а-саарамзд̇т̇а яад̇о тид̇ам̣;
Porāṇānaṃ kathāmagga-sāramettha yato ṭhitaṃ;
д̇асмаа саарад̇т̇аман̃ж̇уусаа, ид̇и наамзна виссуд̇аа.
Tasmā sāratthamañjūsā, iti nāmena vissutā.
аж̇жхзсид̇о наринд̣̇зна, сохам̣ бараггамаб̣аахунаа;
Ajjhesito narindena, sohaṃ parakkamabāhunā;
сад̣̇д̇хаммадтид̇игаамзна, саасануж̇ж̇од̇агааринаа.
Saddhammaṭṭhitikāmena, sāsanujjotakārinā.
д̇знзва гаарид̇з раммз, баасаад̣̇асад̇аман̣д̣ид̇з;
Teneva kārite ramme, pāsādasatamaṇḍite;
наанаад̣̇умаг̇ан̣аагин̣н̣з, бхааванаабхирад̇аалаяз.
Nānādumagaṇākiṇṇe, bhāvanābhiratālaye.
сийд̇алууд̣̇агасамбаннз , васам̣ ж̇зд̇аванз имам̣;
Sītalūdakasampanne , vasaṃ jetavane imaṃ;
ад̇т̇аб̣яан̃ж̇анасамбаннам̣, агаасим̣ саад̇хусаммад̇ам̣.
Atthabyañjanasampannaṃ, akāsiṃ sādhusammataṃ.
яам̣ сид̣̇д̇хам̣ иминаа бун̃н̃ам̣, яам̣ жан̃н̃ам̣ басуд̇ам̣ маяаа;
Yaṃ siddhaṃ iminā puññaṃ, yaṃ caññaṃ pasutaṃ mayā;
зд̇зна бун̃н̃агаммзна, д̣̇уд̇ияз ад̇д̇асамбхавз.
Etena puññakammena, dutiye attasambhave.
д̇аавад̇им̣сз бамод̣̇знд̇о, сийлаажаараг̇ун̣з рад̇о;
Tāvatiṃse pamodento, sīlācāraguṇe rato;
алаг̇г̇о бан̃жагаамзсу, бад̇ваана батамам̣ палам̣.
Alaggo pañcakāmesu, patvāna paṭhamaṃ phalaṃ.
анд̇имз ад̇д̇абхаавамхи, мзд̇д̇зяяам̣ мунибун̇г̇авам̣;
Antime attabhāvamhi, metteyyaṃ munipuṅgavaṃ;
логаг̇г̇абуг̇г̇алам̣ наат̇ам̣, саб̣б̣асад̇д̇ахид̇з рад̇ам̣.
Lokaggapuggalaṃ nāthaṃ, sabbasattahite rataṃ.
д̣̇исваана д̇асса д̇хийрасса, суд̇ваа сад̣̇д̇хаммад̣̇зсанам̣;
Disvāna tassa dhīrassa, sutvā saddhammadesanaṃ;
ад̇хиг̇анд̇ваа палам̣ аг̇г̇ам̣, собхзяяам̣ ж̇инасаасанам̣.
Adhigantvā phalaṃ aggaṃ, sobheyyaṃ jinasāsanaṃ.
сад̣̇аа рагканд̇у рааж̇аано, д̇хаммзнзва имам̣ баж̇ам̣;
Sadā rakkhantu rājāno, dhammeneva imaṃ pajaṃ;
нирад̇аа бун̃н̃агаммзсу, ж̇од̇знд̇у ж̇инасаасанам̣.
Niratā puññakammesu, jotentu jinasāsanaṃ.
имз жа баан̣ино саб̣б̣з, саб̣б̣ад̣̇аа нирубад̣̇д̣̇аваа;
Ime ca pāṇino sabbe, sabbadā nirupaddavā;
нижжам̣ галяаан̣асан̇габбаа, баббонд̇у амад̇ам̣ бад̣̇анд̇и.
Niccaṃ kalyāṇasaṅkappā, pappontu amataṃ padanti.
ан̇г̇уд̇д̇арадийгаа самад̇д̇аа.
Aṅguttaraṭīkā samattā.
