| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
ниг̇аманагат̇ааван̣н̣анаа
Nigamanakathāvaṇṇanā
яам̣ баад̇имогкасса ван̣н̣анам̣ аарабхинд̇и самб̣анд̇хо. ‘‘махаавихаараваасийна’’нд̇и ид̣̇ам̣ буримабажчимабад̣̇зхи сад̣̇д̇хим̣ самб̣анд̇хид̇аб̣б̣ам̣, махаавихаараваасийнам̣ бораан̣адтагат̇аахи ваад̇и жа. баал̣ияад̇т̇ан̃жа гзваланд̇и сагалам̣ баал̣иад̇т̇ан̃жа, убхад̇овибхан̇г̇ан̃жаад̇и вуд̇д̇ам̣ ход̇и. зд̇т̇аад̇и зд̇иссам̣ ган̇каавид̇аран̣ияам̣. яасмаа на хи ад̇т̇ийд̇и самб̣анд̇хо. яанд̇и яам̣ бад̣̇ам̣. сийхал̣адтагат̇аанаяанд̇и сийхал̣амаад̇игадтагат̇аанаяам̣. адтагат̇аасааранд̇и сийхал̣амаад̇игадтагат̇ааяам̣ ад̇т̇асаарам̣, ат̇а ваа винаяадтагат̇аасу ад̇т̇асаарам̣. д̇знзд̇ам̣ д̣̇ассзд̇и – сийхал̣амаад̇игадтагат̇ааяам̣ ад̇т̇асаарам̣ аад̣̇ааяа имам̣ ган̇каавид̇аран̣им̣ гаронд̇о винаяадтагат̇аасуби ид̇ха винижчаяз яог̇агкамам̣ ад̇т̇асаарам̣ аад̣̇ааязва агаасинд̇и.
Yaṃ pātimokkhassa vaṇṇanaṃ ārabhinti sambandho. ‘‘Mahāvihāravāsīna’’nti idaṃ purimapacchimapadehi saddhiṃ sambandhitabbaṃ, mahāvihāravāsīnaṃ porāṇaṭṭhakathāhi vāti ca. Pāḷiyatthañca kevalanti sakalaṃ pāḷiatthañca, ubhatovibhaṅgañcāti vuttaṃ hoti. Etthāti etissaṃ kaṅkhāvitaraṇiyaṃ. Yasmā na hi atthīti sambandho. Yanti yaṃ padaṃ. Sīhaḷaṭṭhakathānayanti sīhaḷamātikaṭṭhakathānayaṃ. Aṭṭhakathāsāranti sīhaḷamātikaṭṭhakathāyaṃ atthasāraṃ, atha vā vinayaṭṭhakathāsu atthasāraṃ. Tenetaṃ dasseti – sīhaḷamātikaṭṭhakathāyaṃ atthasāraṃ ādāya imaṃ kaṅkhāvitaraṇiṃ karonto vinayaṭṭhakathāsupi idha vinicchaye yogakkhamaṃ atthasāraṃ ādāyeva akāsinti.
ид̣̇аани сад̣̇звагасса логасса ажжанд̇асукаад̇хиг̇амааяа ад̇д̇ано бун̃н̃ам̣ барин̣аамзнд̇о ‘‘яат̇аа жа нидтам̣ самбад̇д̇аа’’д̇иаад̣̇иг̇аат̇аад̣̇ваяамааха. галяаан̣аниссид̇аад̇и гусаланиссид̇аа. саб̣б̣асад̇д̇аананд̇и гаамааважараад̣̇ибхзд̣̇аанам̣ саб̣б̣зсам̣ сад̇д̇аанам̣.
Idāni sadevakassa lokassa accantasukhādhigamāya attano puññaṃ pariṇāmento ‘‘yathā ca niṭṭhaṃ sampattā’’tiādigāthādvayamāha. Kalyāṇanissitāti kusalanissitā. Sabbasattānanti kāmāvacarādibhedānaṃ sabbesaṃ sattānaṃ.
ниг̇аманагат̇ааван̣н̣анаа нидтид̇аа.
Nigamanakathāvaṇṇanā niṭṭhitā.
