| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
ниг̇аманагат̇ааван̣н̣анаа
Nigamanakathāvaṇṇanā
звам̣ винаяасам̣ван̣н̣анам̣ гад̇ваа ид̣̇аани д̇ам̣ ниг̇амзнд̇о ааха ‘‘зд̇д̇аавад̇аа’’д̇иаад̣̇и. д̇ад̇т̇а зд̇д̇аавад̇аад̇и зд̇д̇агзна ‘‘яо габбагодийхиби аббамзяяа’’нд̇иаад̣̇иважанад̇о (баараа. адта. 1.г̇ант̇аарамбхагат̇аа) бадтааяа ‘‘навасан̇г̇ахид̇аваг̇г̇аван̣н̣анаа нидтид̇аа’’д̇и важанабарияосаанаанам̣ агкарабад̣̇аб̣яан̃ж̇анаанам̣ самуд̣̇ааяабхууд̇зна важанаггамзна, самад̇д̇аад̇и самб̣анд̇хо.
Evaṃ vinayasaṃvaṇṇanaṃ katvā idāni taṃ nigamento āha ‘‘ettāvatā’’tiādi. Tattha ettāvatāti ettakena ‘‘yo kappakoṭīhipi appameyya’’ntiādivacanato (pārā. aṭṭha. 1.ganthārambhakathā) paṭṭhāya ‘‘navasaṅgahitavaggavaṇṇanā niṭṭhitā’’ti vacanapariyosānānaṃ akkharapadabyañjanānaṃ samudāyabhūtena vacanakkamena, samattāti sambandho.
убхад̇овибхан̇г̇аканд̇хагабаривааравибхад̇д̇ид̣̇зсананд̇и убхад̇овибхан̇г̇зна жа канд̇хагзна жа бариваарзна жа вибхаж̇ид̇аб̣б̣ад̣̇зсанам̣ винаяабидаганд̇и самб̣анд̇хо. наат̇од̇и бхигкубхигкунийнам̣ хид̇абадибад̇д̇им̣ яаажанадтзна жа гилзсаанам̣ убад̇аабанадтзна жа взнзяяаанам̣ хид̇асукам̣ аасийсанадтзна жа жид̇д̇иссарияадтзна жа наат̇о. взнзяяанд̇и винзд̇аб̣б̣адтзна взнзяяам̣. ж̇инод̇и бан̃жамаараанам̣ ж̇ид̇адтзна ж̇ино. аяам̣ банзд̇т̇а яож̇анаа – наат̇о взнзяяам̣ винзнд̇о ж̇ино убхад̇овибхан̇г̇аканд̇хагабаривааравибхад̇д̇ид̣̇зсанам̣ яам̣ винаяабидагам̣ аахаад̇и.
Ubhatovibhaṅgakhandhakaparivāravibhattidesananti ubhatovibhaṅgena ca khandhakena ca parivārena ca vibhajitabbadesanaṃ vinayapiṭakanti sambandho. Nāthoti bhikkhubhikkhunīnaṃ hitapaṭipattiṃ yācanaṭṭhena ca kilesānaṃ upatāpanaṭṭhena ca veneyyānaṃ hitasukhaṃ āsīsanaṭṭhena ca cittissariyaṭṭhena ca nātho. Veneyyanti vinetabbaṭṭhena veneyyaṃ. Jinoti pañcamārānaṃ jitaṭṭhena jino. Ayaṃ panettha yojanā – nātho veneyyaṃ vinento jino ubhatovibhaṅgakhandhakaparivāravibhattidesanaṃ yaṃ vinayapiṭakaṃ āhāti.
самад̇хигасад̇д̇авийсад̇исахассамад̇д̇знаад̇и саха ад̇хигзна сад̇д̇асахассаббамаан̣зна жа вийсад̇исахассаббамаан̣зна жа г̇ант̇знаад̇и самб̣анд̇хо. д̇ассаад̇и винаяабидагасса. саманд̇абаасаад̣̇игаад̇и саманд̇ад̇о басаад̣̇ам̣ вахигаа, ж̇анигаа ваа. д̇ад̇рааяам̣ яож̇анаа – д̇асса самад̇хигасад̇д̇авийсад̇исахассамад̇д̇зна г̇ант̇зна саманд̇абаасаад̣̇игаа наама сам̣ван̣н̣анаа самад̇д̇аад̇и.
Samadhikasattavīsatisahassamattenāti saha adhikena sattasahassappamāṇena ca vīsatisahassappamāṇena ca ganthenāti sambandho. Tassāti vinayapiṭakassa. Samantapāsādikāti samantato pasādaṃ vahikā, janikā vā. Tatrāyaṃ yojanā – tassa samadhikasattavīsatisahassamattena ganthena samantapāsādikā nāma saṃvaṇṇanā samattāti.
д̇ад̇рид̣̇анд̇и д̇ад̇ра ид̣̇ам̣. ‘‘д̇ад̇раа’’д̇и бад̣̇ам̣ буримаважанаабзгкам̣. д̇ад̇ра ‘‘саманд̇абаасаад̣̇игаа наамаа’’д̇и важанзд̇и хи ад̇т̇о. саманд̇абаасаад̣̇игад̇д̇асминд̇и бажжад̇д̇ад̇т̇з жзд̇ам̣ бхуммаважанам̣ ход̇и ‘‘ид̣̇амби сийласми’’нд̇иаад̣̇ийсу (д̣̇ий. ни. 1.194 аад̣̇аяо) вияа, саманд̇абаасаад̣̇игад̇д̇анд̇и ад̇т̇о. аяам̣ банзд̇т̇а яож̇анаад̇ад̇ра ‘‘саманд̇абаасаад̣̇игаа наамаа’’д̇и важанз саманд̇абаасаад̣̇игааяа ид̣̇ам̣ саманд̇абаасаад̣̇игад̇д̇ам̣ ход̇ийд̇и аяам̣ саманд̇абаасаад̣̇игабхаавод̇и ад̇т̇о.
Tatridanti tatra idaṃ. ‘‘Tatrā’’ti padaṃ purimavacanāpekkhaṃ. Tatra ‘‘samantapāsādikā nāmā’’ti vacaneti hi attho. Samantapāsādikattasminti paccattatthe cetaṃ bhummavacanaṃ hoti ‘‘idampi sīlasmi’’ntiādīsu (dī. ni. 1.194 ādayo) viya, samantapāsādikattanti attho. Ayaṃ panettha yojanātatra ‘‘samantapāsādikā nāmā’’ti vacane samantapāsādikāya idaṃ samantapāsādikattaṃ hotīti ayaṃ samantapāsādikabhāvoti attho.
аажарияабарам̣барад̇од̇иаад̣̇ийсу г̇аат̇аасу вуд̇д̇ам̣ нававид̇хам̣ висзсанабад̣̇ам̣ ‘‘на д̣̇иссад̇ий’’д̇и бад̣̇зна самб̣анд̇хид̇аб̣б̣ам̣. самбассад̇анд̇и саммаа бассанд̇аанам̣ вин̃н̃уунанд̇и самб̣анд̇хо. яад̇од̇и яасмаа, на д̣̇иссад̇ийд̇и самб̣анд̇хо. зд̇т̇аад̇и сам̣ван̣н̣анааяам̣. саманд̇абаасаад̣̇игаад̇взваад̇и саманд̇абаасаад̣̇игаа ид̇и зва наама. винаяассаад̇и винаяабидагасса. винзяяад̣̇аманагусалзнаад̇и винзяяаанам̣ д̣̇аманз чзгзна. логанаат̇знаад̇и логаанам̣ наат̇зна. логаманугамбамаанзнаад̇и логам̣ анугамбамаанзна. аяан̃хзд̇т̇а яож̇анаа – аажарияабарам̣барад̇о…бз… вибхан̇г̇анаяабхзд̣̇ад̣̇ассанад̇о самбассад̇ам̣ вин̃н̃уунам̣ зд̇т̇а гин̃жи абаасаад̣̇игам̣ яад̇о на д̣̇иссад̇и, д̇асмаа винзяяад̣̇аманагусалзна логанаат̇зна логаманугамбамаанзна бхаг̇авад̇аа вуд̇д̇асса винаяасса аяам̣ саманд̇абаасаад̣̇игаад̇взва сам̣ван̣н̣анаа бавад̇д̇аад̇и.
Ācariyaparaṃparatotiādīsu gāthāsu vuttaṃ navavidhaṃ visesanapadaṃ ‘‘na dissatī’’ti padena sambandhitabbaṃ. Sampassatanti sammā passantānaṃ viññūnanti sambandho. Yatoti yasmā, na dissatīti sambandho. Etthāti saṃvaṇṇanāyaṃ. Samantapāsādikātvevāti samantapāsādikā iti eva nāma. Vinayassāti vinayapiṭakassa. Vineyyadamanakusalenāti vineyyānaṃ damane chekena. Lokanāthenāti lokānaṃ nāthena. Lokamanukampamānenāti lokaṃ anukampamānena. Ayañhettha yojanā – ācariyaparaṃparato…pe… vibhaṅganayabhedadassanato sampassataṃ viññūnaṃ ettha kiñci apāsādikaṃ yato na dissati, tasmā vineyyadamanakusalena lokanāthena lokamanukampamānena bhagavatā vuttassa vinayassa ayaṃ samantapāsādikātveva saṃvaṇṇanā pavattāti.
д̇иссоби имаа сийхал̣адтагат̇ааяо суд̇ваад̇и самб̣анд̇хо. гасса санд̇игз суд̇анд̇и ааха ‘‘б̣уд̣̇д̇хамид̇д̇о…бз… санд̇игз’’д̇и. ‘‘б̣уд̣̇д̇хамид̇д̇о’’д̇и наамзна виссуд̇асса яасассино винаяан̃н̃усса д̇хийрасса т̇зрасса санд̇игз суд̇ваад̇и яож̇анаа. ‘‘суд̇ваа’’д̇и бад̣̇ам̣ ‘‘аарад̣̇д̇хаа’’д̇и бад̣̇з буб̣б̣агаалагирияаависзсанам̣.
Tissopi imā sīhaḷaṭṭhakathāyo sutvāti sambandho. Kassa santike sutanti āha ‘‘buddhamitto…pe… santike’’ti. ‘‘Buddhamitto’’ti nāmena vissutassa yasassino vinayaññussa dhīrassa therassa santike sutvāti yojanā. ‘‘Sutvā’’ti padaṃ ‘‘āraddhā’’ti pade pubbakālakiriyāvisesanaṃ.
махаамзгхавануяяаанз бхуумибхааг̇з бад̇идтид̇о сад̇т̇у махааб̣од̇хивибхуусид̇о яо махаавихааро ад̇т̇ийд̇и яож̇анаа.
Mahāmeghavanuyyāne bhūmibhāge patiṭṭhito satthu mahābodhivibhūsito yo mahāvihāro atthīti yojanā.
д̇асса махаавихаарасса д̣̇агкин̣з д̣̇исаабхааг̇з бад̇хаанагхарам̣ бад̇хаанагхаранаамагам̣ уд̇д̇амам̣ сужижаарид̇д̇асийлзна бхигкусан̇гхзна сзвид̇ам̣ яам̣ баривзн̣ам̣ ад̇т̇и, д̇ад̇т̇а гаараяийд̇и яож̇анаа.
Tassa mahāvihārassa dakkhiṇe disābhāge padhānagharaṃ padhānagharanāmakaṃ uttamaṃ sucicārittasīlena bhikkhusaṅghena sevitaṃ yaṃ pariveṇaṃ atthi, tattha kārayīti yojanā.
гонаамо гаараяийд̇и ааха ‘‘ул̣аарагуласамбхууд̇о…бз… виссуд̇о’’д̇и. д̇ад̇т̇а ул̣аарагуласамбхууд̇о сан̇гхубадтааяаго сад̣̇аа анаагулааяа сад̣̇д̇хааяа рад̇анад̇д̇аяз басанно ‘‘махааниг̇амасаамий’’д̇и виссуд̇о убаасаго гаараяийд̇и самб̣анд̇хо.
Konāmo kārayīti āha ‘‘uḷārakulasambhūto…pe… vissuto’’ti. Tattha uḷārakulasambhūto saṅghupaṭṭhāyako sadā anākulāya saddhāya ratanattaye pasanno ‘‘mahānigamasāmī’’ti vissuto upāsako kārayīti sambandho.
гам̣ гаараяийд̇и ааха ‘‘жаару…бз… самбаннасалилаасаяа’’нд̇и. д̇ад̇т̇а жаарубаагаарасам̣жид̇ам̣ собхзна баагаарзна судту жид̇ам̣ жинид̇ам̣ манорамам̣ сийд̇ажчааяад̇аруубзд̇ам̣ сийд̇ажчааязна ругкзна убзд̇ам̣ самбаннасалилаасаяам̣ мад̇хураж̇алаад̇хаарам̣ яам̣ баасаад̣̇ам̣ гаараяийд̇и яож̇анаа. махааниг̇амасаамино д̇ад̇ра баасаад̣̇з васад̇аамаяаад̇и самб̣анд̇хо.
Kaṃ kārayīti āha ‘‘cāru…pe… sampannasalilāsaya’’nti. Tattha cārupākārasaṃcitaṃ sobhena pākārena suṭṭhu citaṃ cinitaṃ manoramaṃ sītacchāyatarūpetaṃ sītacchāyena rukkhena upetaṃ sampannasalilāsayaṃ madhurajalādhāraṃ yaṃ pāsādaṃ kārayīti yojanā. Mahānigamasāmino tatra pāsāde vasatāmayāti sambandho.
гам̣ уд̣̇д̣̇исид̇ваа гийд̣̇исаа гаа аарад̣̇д̇хаад̇и ааха ‘‘сужисийласамаажаарам̣…бз… винаяаван̣н̣анаа’’д̇и. д̇ад̇т̇а сужисийласамаажаарам̣ б̣уд̣̇д̇хасиривхаяам̣ т̇зрам̣ уд̣̇д̣̇исид̇ваа ид̣̇д̇хаа ад̇т̇авинижчаяаад̣̇ийхи барибун̣н̣аа яаа винаяаван̣н̣анаа аарад̣̇д̇хаад̇и яож̇анаа.
Kaṃ uddisitvā kīdisā kā āraddhāti āha ‘‘sucisīlasamācāraṃ…pe… vinayavaṇṇanā’’ti. Tattha sucisīlasamācāraṃ buddhasirivhayaṃ theraṃ uddisitvā iddhā atthavinicchayādīhi paripuṇṇā yā vinayavaṇṇanā āraddhāti yojanā.
гим̣наамасса ран̃н̃о гад̇амз сам̣важчарз аарад̣̇д̇хаа, гисмим̣ гаалз баринидтид̇аад̇и ааха ‘‘баалаяанд̇асса…бз… баринидтид̇аа’’д̇и. д̇ад̇т̇а сагалам̣ лан̇гаад̣̇ийбам̣ нираб̣б̣уд̣̇ам̣ гад̇ваад̇и самб̣анд̇хо. баалаяанд̇асса сириниваасасса сирибаалаяасассино ран̃н̃о ж̇аяасам̣важчарзд̇и самб̣анд̇хо. самавийсад̇имз кзмз ж̇аяасам̣важчарз аяам̣ винаяасам̣ван̣н̣анаа аарад̣̇д̇хаа, згавийсамхи ран̃н̃о згавийсад̇имз сам̣важчарз самбад̇д̇з сад̇и баринидтид̇аад̇и яож̇анаа.
Kiṃnāmassa rañño katame saṃvacchare āraddhā, kismiṃ kāle pariniṭṭhitāti āha ‘‘pālayantassa…pe… pariniṭṭhitā’’ti. Tattha sakalaṃ laṅkādīpaṃ nirabbudaṃ katvāti sambandho. Pālayantassa sirinivāsassa siripālayasassino rañño jayasaṃvacchareti sambandho. Samavīsatime kheme jayasaṃvacchare ayaṃ vinayasaṃvaṇṇanā āraddhā, ekavīsamhi rañño ekavīsatime saṃvacchare sampatte sati pariniṭṭhitāti yojanā.
яат̇аа ад̇д̇ано сам̣ван̣н̣анаа нирубад̣̇д̣̇аваа сийгхам̣ нидтам̣ убаг̇ад̇аа, звам̣ логасса д̇хаммуубасам̣хид̇аа сийгхам̣ г̇ажчанд̇ууд̇и аасийсам̣ д̣̇ассзнд̇о ааха ‘‘убад̣̇д̣̇аваагулз’’д̇иаад̣̇и. д̇ад̇т̇а убад̣̇д̣̇аваагулз убад̣̇д̣̇авзхи аагулз логз сад̇д̇алогз нирубад̣̇д̣̇авад̇о убад̣̇д̣̇ававирахад̇о яат̇аа аяам̣ винаяасам̣ван̣н̣анаа згасам̣важчарзнзва нидтам̣ убааг̇ад̇аа, звам̣ саб̣б̣асса логасса аарад̣̇д̇хаа саб̣б̣зби д̇хаммуубасам̣хид̇аа ад̇т̇аа нирубад̣̇д̣̇аваа сийгхам̣ нидтам̣ г̇ажчанд̇ууд̇и яож̇анаа.
Yathā attano saṃvaṇṇanā nirupaddavā sīghaṃ niṭṭhaṃ upagatā, evaṃ lokassa dhammūpasaṃhitā sīghaṃ gacchantūti āsīsaṃ dassento āha ‘‘upaddavākule’’tiādi. Tattha upaddavākule upaddavehi ākule loke sattaloke nirupaddavato upaddavavirahato yathā ayaṃ vinayasaṃvaṇṇanā ekasaṃvacchareneva niṭṭhaṃ upāgatā, evaṃ sabbassa lokassa āraddhā sabbepi dhammūpasaṃhitā atthā nirupaddavā sīghaṃ niṭṭhaṃ gacchantūti yojanā.
ад̇д̇анаа самаажид̇асса бун̃н̃асса ижчид̇ад̇т̇з барин̣ааманам̣ д̣̇ассзнд̇о ааха ‘‘жирадтид̇ад̇т̇ам̣ д̇хаммассаа’’д̇иаад̣̇и. д̇ад̇т̇а д̇хаммасса жирадтид̇ад̇т̇ам̣ имам̣ винаяасам̣ван̣н̣анам̣ гаронд̇зна сад̣̇д̇хаммаб̣ахумаанзна маяаа яан̃жа бун̃н̃ам̣ самаажид̇ам̣, саб̣б̣асса д̇асса бун̃н̃асса аанубхаавзна саб̣б̣зби баан̣ино д̇хаммарааж̇асса бхаг̇авад̇о сад̣̇д̇хаммарасасзвино бхаванд̇у.
Attanā samācitassa puññassa icchitatthe pariṇāmanaṃ dassento āha ‘‘ciraṭṭhitatthaṃ dhammassā’’tiādi. Tattha dhammassa ciraṭṭhitatthaṃ imaṃ vinayasaṃvaṇṇanaṃ karontena saddhammabahumānena mayā yañca puññaṃ samācitaṃ, sabbassa tassa puññassa ānubhāvena sabbepi pāṇino dhammarājassa bhagavato saddhammarasasevino bhavantu.
сад̣̇д̇хаммо жирам̣ д̇идтад̇у, д̣̇зво гаалз вассам̣ вассанд̇о жирам̣ баж̇ам̣ сад̇д̇асамуухам̣ д̇аббзд̇у. рааж̇аа д̇хаммзна мзд̣̇аним̣ рагкад̇ууд̇и яож̇анаа. ид̇исад̣̇д̣̇о барисамаабанад̇т̇о. ид̇и баринидтам̣ судту аабанам̣ д̣̇адтаб̣б̣анд̇ийд̇и ад̇т̇о.
Saddhammo ciraṃ tiṭṭhatu, devo kāle vassaṃ vassanto ciraṃ pajaṃ sattasamūhaṃ tappetu. Rājā dhammena medaniṃ rakkhatūti yojanā. Itisaddo parisamāpanattho. Iti pariniṭṭhaṃ suṭṭhu āpanaṃ daṭṭhabbantīti attho.
сад̣̇д̇хаа жа б̣уд̣̇д̇хи жа вийрияан̃жа сад̣̇д̇хааб̣уд̣̇д̇хивийрияаани, висуд̣̇д̇хаани жа д̇аани сад̣̇д̇хааб̣уд̣̇д̇хивийрияаани жзд̇и висуд̣̇д̇хасад̣̇д̇хааб̣уд̣̇д̇хивийрияаани, барамаани жа д̇аани висуд̣̇д̇хасад̣̇д̇хааб̣уд̣̇д̇хивийрияаани жзд̇и барамависуд̣̇д̇хасад̣̇д̇хааб̣уд̣̇д̇хивийрияаани, д̇зхи бариман̣д̣ид̇о барамависуд̣̇д̇хасад̣̇д̇хааб̣уд̣̇д̇хивийрияабадиман̣д̣ид̇о, д̇зна, т̇зрзнаад̇и самб̣анд̇хо. сийлан̃жа аажааро жа аж̇ж̇аван̃жа мад̣̇д̣̇аван̃жа сийлаажаараж̇ж̇авамад̣̇д̣̇аваани, д̇аани аад̣̇ийни язсам̣ д̇зд̇и сийлаажаараж̇ж̇авамад̣̇д̣̇аваад̣̇аяо, аад̣̇исад̣̇д̣̇зна канд̇исоражжаад̣̇аяо сан̇г̇ан̣хаад̇и, д̇зязва г̇ун̣аад̇и сийлаажаараж̇ж̇авамад̣̇д̣̇аваад̣̇иг̇ун̣аа, д̇зсам̣ самуд̣̇аяод̇и сийлаажаараж̇ж̇авамад̣̇д̣̇аваад̣̇иг̇ун̣асамуд̣̇аяо, д̇зна самуд̣̇ид̇о судту баагадод̇и сийлаажаараж̇ж̇авамад̣̇д̣̇аваад̣̇иг̇ун̣асамуд̣̇аяасамуд̣̇ид̇о, д̇зна т̇зрзнаад̇и самб̣анд̇хо.
Saddhā ca buddhi ca vīriyañca saddhābuddhivīriyāni, visuddhāni ca tāni saddhābuddhivīriyāni ceti visuddhasaddhābuddhivīriyāni, paramāni ca tāni visuddhasaddhābuddhivīriyāni ceti paramavisuddhasaddhābuddhivīriyāni, tehi parimaṇḍito paramavisuddhasaddhābuddhivīriyapaṭimaṇḍito, tena, therenāti sambandho. Sīlañca ācāro ca ajjavañca maddavañca sīlācārajjavamaddavāni, tāni ādīni yesaṃ teti sīlācārajjavamaddavādayo, ādisaddena khantisoraccādayo saṅgaṇhāti, teyeva guṇāti sīlācārajjavamaddavādiguṇā, tesaṃ samudayoti sīlācārajjavamaddavādiguṇasamudayo, tena samudito suṭṭhu pākaṭoti sīlācārajjavamaddavādiguṇasamudayasamudito, tena therenāti sambandho.
сагасамаяо жа самаяанд̇аро жа сагасамаяасамаяанд̇араа, д̇зязва бана г̇аханасад̣̇исад̇д̇аа г̇ахананд̇и сагасамаяасамаяанд̇араг̇аханам̣, д̇асса аж̇жхог̇аахан̣ам̣ сагасамаяасамаяанд̇араг̇аханаж̇жхог̇аахан̣ам̣, д̇асмим̣ самад̇т̇о сагасамаяасамаяанд̇араг̇аханаж̇жхог̇аахан̣асамад̇т̇о. д̇зна т̇зрзнаад̇и самб̣анд̇хо. висзсзна ан̃ж̇ад̇и баагадам̣ гарод̇ийд̇и вияад̇д̇о, буг̇г̇ало, вияад̇д̇асса ид̣̇ам̣ взяяад̇д̇ияам̣, сад̇и. бан̃н̃аа жа взяяад̇д̇ияан̃жа бан̃н̃аавзяяад̇д̇ияам̣, д̇зна саманнааг̇ад̇знаад̇и самб̣анд̇хо. саманнааг̇ад̇зна т̇зрзнаад̇и яож̇анаа.
Sakasamayo ca samayantaro ca sakasamayasamayantarā, teyeva pana gahanasadisattā gahananti sakasamayasamayantaragahanaṃ, tassa ajjhogāhaṇaṃ sakasamayasamayantaragahanajjhogāhaṇaṃ, tasmiṃ samattho sakasamayasamayantaragahanajjhogāhaṇasamattho. Tena therenāti sambandho. Visesena añjati pākaṭaṃ karotīti viyatto, puggalo, viyattassa idaṃ veyyattiyaṃ, sati. Paññā ca veyyattiyañca paññāveyyattiyaṃ, tena samannāgatenāti sambandho. Samannāgatena therenāti yojanā.
д̇ийн̣и бидагаанийд̇и д̇ибидагам̣, д̇амзва барияаабун̣ид̇аб̣б̣ад̇д̇аа барияад̇д̇ийд̇и д̇ибидагабарияад̇д̇и, д̇асса бабхзд̣̇о зд̇т̇а сад̇т̇усаасанзд̇и д̇ибидагабарияад̇д̇ибабхзд̣̇ам̣, д̇асмим̣. саха адтагат̇ааяаад̇и саадтагат̇ам̣, сад̇т̇у саасанам̣, д̇асмим̣ сад̇т̇усаасанзд̇и самб̣анд̇хо. сад̇т̇уно барияад̇д̇ибадибад̇д̇ибадивзд̇хавасзна д̇ивид̇хам̣ саасанам̣ сад̇т̇усаасанам̣, б̣яаасоби яуж̇ж̇ад̇зва, д̇асмим̣ сад̇т̇усаасанз ‘‘аббадихад̇а’’ид̇и бад̣̇зна самб̣анд̇хид̇аб̣б̣ам̣. аббадихад̇ам̣ н̃аан̣ам̣ аббадихад̇ан̃аан̣ам̣, ид̣̇ам̣ д̇асмим̣ винаяасам̣ван̣н̣анаагаалз т̇зрасса бадивзд̇хан̃аан̣аабхаавад̇о суд̇амаяажинд̇аамаяан̃аан̣ам̣ санд̇хааяа вуд̇д̇анд̇и д̣̇адтаб̣б̣ам̣. аббадихад̇ан̃аан̣асса бабхааво зд̇ассаад̇и аббадихад̇ан̃аан̣абабхааво, д̇зна т̇зрзнаад̇и самб̣анд̇хо. маханд̇ам̣ взяяаагаран̣амзд̇ассаад̇и махаавзяяаагаран̣о, иминаа сигкаанируд̇д̇иаад̣̇ийхи чал̣ан̇г̇з маханд̇авзяяаагаран̣з т̇зрасса аббадихад̇ан̃аан̣абабхаавад̇ам̣ д̣̇ассзд̇и, д̇зна махаавзяяаагаран̣зна т̇зрзнаад̇и самб̣анд̇хо.
Tīṇi piṭakānīti tipiṭakaṃ, tameva pariyāpuṇitabbattā pariyattīti tipiṭakapariyatti, tassa pabhedo ettha satthusāsaneti tipiṭakapariyattipabhedaṃ, tasmiṃ. Saha aṭṭhakathāyāti sāṭṭhakathaṃ, satthu sāsanaṃ, tasmiṃ satthusāsaneti sambandho. Satthuno pariyattipaṭipattipaṭivedhavasena tividhaṃ sāsanaṃ satthusāsanaṃ, byāsopi yujjateva, tasmiṃ satthusāsane ‘‘appaṭihata’’iti padena sambandhitabbaṃ. Appaṭihataṃ ñāṇaṃ appaṭihatañāṇaṃ, idaṃ tasmiṃ vinayasaṃvaṇṇanākāle therassa paṭivedhañāṇābhāvato sutamayacintāmayañāṇaṃ sandhāya vuttanti daṭṭhabbaṃ. Appaṭihatañāṇassa pabhāvo etassāti appaṭihatañāṇapabhāvo, tena therenāti sambandho. Mahantaṃ veyyākaraṇametassāti mahāveyyākaraṇo, iminā sikkhāniruttiādīhi chaḷaṅge mahantaveyyākaraṇe therassa appaṭihatañāṇapabhāvataṃ dasseti, tena mahāveyyākaraṇena therenāti sambandho.
гаран̣ам̣ вужжад̇и таанам̣ гарияад̇и ужжаарияад̇и зд̇т̇а, зд̇знаад̇и ваа важанад̇т̇зна, гаран̣асса самбад̇д̇и гаран̣асамбад̇д̇и, д̇ааяа ж̇анид̇ам̣ гаран̣асамбад̇д̇иж̇анид̇ам̣. сукзна т̇зрамукад̇о виниг̇г̇ад̇ам̣ сукавиниг̇г̇ад̇ам̣, гаран̣асамбад̇д̇иж̇анид̇зна хзд̇убхууд̇зна сукавиниг̇г̇ад̇ам̣ гаран̣асамбад̇д̇иж̇анид̇асукавиниг̇г̇ад̇ам̣. мад̇хураважанан̃жа уд̣̇аараважанан̃жа мад̇хурод̣̇аараважанам̣, буб̣б̣абад̣̇з уд̇д̇арабад̣̇алобо, иминаа гздубхабагаран̣з (суб̣од̇хаалам̣гаарз 127-142 г̇аат̇аасу) вуд̇д̇зсу д̣̇асасу сад̣̇д̣̇аг̇ун̣зсу мад̇хурад̇ааг̇ун̣зна жа уд̣̇аарад̇ааг̇ун̣зна жа саманнааг̇ад̇абхаавам̣ д̣̇ассзд̇и. гаран̣асамбад̇д̇иж̇анид̇асукавиниг̇г̇ад̇ан̃жа д̇ам̣ мад̇хурод̣̇аараважанан̃жзд̇и гаран̣асамбад̇д̇иж̇анид̇асукавиниг̇г̇ад̇амад̇хурод̣̇аараважанам̣. ат̇а ваа гаран̣асамбад̇д̇иж̇анид̇ан̃жа д̇ам̣ сукавиниг̇г̇ад̇амад̇хурод̣̇аараважанан̃жзд̇и гаран̣асамбад̇д̇иж̇анид̇асукавиниг̇г̇ад̇амад̇хурод̣̇аараважанам̣. злам̣ вужжад̇и д̣̇уруд̇д̇ад̣̇осо, над̇т̇и зламзд̇ассаад̇и нзлаа, соязва ван̣н̣о нзлаван̣н̣о, д̇зна яуд̇д̇ам̣ нзлаван̣н̣аяуд̇д̇ам̣, гаран̣асамбад̇д̇иж̇анид̇асукавиниг̇г̇ад̇амад̇хурод̣̇аараважанам̣ нзлаван̣н̣аяуд̇д̇амзд̇ассаад̇и гаран̣асамбад̇д̇иж̇анид̇асукавиниг̇г̇ад̇амад̇хурод̣̇аараважананзлаван̣н̣аяуд̇д̇о, т̇зро. висзсанабарабад̣̇асамаасо, нзлаван̣н̣аяуд̇д̇агаран̣асамбад̇д̇и ж̇анид̇асукавиниг̇г̇ад̇амад̇хурод̣̇аараважанод̇и хи ад̇т̇о, д̇зна т̇зрзнаад̇и самб̣анд̇хо. яуд̇д̇ан̃жа барисааяа сод̇зна ануруубад̇д̇аа, муд̇д̇ан̃жа барисааяа висаарад̣̇ад̇д̇аад̇и яуд̇д̇амуд̇д̇ам̣, важанам̣, д̇ам̣ вад̣̇ад̇и сийлзнаад̇и яуд̇д̇амуд̇д̇аваад̣̇ий, д̇зна т̇зрзнаад̇и самб̣анд̇хо.
Karaṇaṃ vuccati ṭhānaṃ kariyati uccāriyati ettha, etenāti vā vacanatthena, karaṇassa sampatti karaṇasampatti, tāya janitaṃ karaṇasampattijanitaṃ. Sukhena theramukhato viniggataṃ sukhaviniggataṃ, karaṇasampattijanitena hetubhūtena sukhaviniggataṃ karaṇasampattijanitasukhaviniggataṃ. Madhuravacanañca udāravacanañca madhurodāravacanaṃ, pubbapade uttarapadalopo, iminā keṭubhapakaraṇe (subodhālaṃkāre 127-142 gāthāsu) vuttesu dasasu saddaguṇesu madhuratāguṇena ca udāratāguṇena ca samannāgatabhāvaṃ dasseti. Karaṇasampattijanitasukhaviniggatañca taṃ madhurodāravacanañceti karaṇasampattijanitasukhaviniggatamadhurodāravacanaṃ. Atha vā karaṇasampattijanitañca taṃ sukhaviniggatamadhurodāravacanañceti karaṇasampattijanitasukhaviniggatamadhurodāravacanaṃ. Elaṃ vuccati duruttadoso, natthi elametassāti nelā, soyeva vaṇṇo nelavaṇṇo, tena yuttaṃ nelavaṇṇayuttaṃ, karaṇasampattijanitasukhaviniggatamadhurodāravacanaṃ nelavaṇṇayuttametassāti karaṇasampattijanitasukhaviniggatamadhurodāravacananelavaṇṇayutto, thero. Visesanaparapadasamāso, nelavaṇṇayuttakaraṇasampatti janitasukhaviniggatamadhurodāravacanoti hi attho, tena therenāti sambandho. Yuttañca parisāya sotena anurūpattā, muttañca parisāya visāradattāti yuttamuttaṃ, vacanaṃ, taṃ vadati sīlenāti yuttamuttavādī, tena therenāti sambandho.
гаммасассад̇аужчзд̣̇аиссараниммаанаад̣̇ивасзна наанаа ваад̣̇аа зд̇зсанд̇и ваад̣̇ино, наанааваад̣̇аа ж̇анаа, ваад̣̇ийнам̣, ваад̣̇ийсу ваа варо гаммагирияаваад̣̇ад̇д̇аад̇и ваад̣̇иваро, д̇зна т̇зрзнаад̇и самб̣анд̇хо. баал̣ияаа ад̇т̇ам̣ ван̣н̣зд̇ум̣ самад̇т̇ад̇д̇аа маханд̇о гави махаагави, д̇зна т̇зрзнаад̇и самб̣анд̇хо.
Kammasassataucchedaissaranimmānādivasena nānā vādā etesanti vādino, nānāvādā janā, vādīnaṃ, vādīsu vā varo kammakiriyavādattāti vādivaro, tena therenāti sambandho. Pāḷiyā atthaṃ vaṇṇetuṃ samatthattā mahanto kavi mahākavi, tena therenāti sambandho.
ад̇т̇ад̇хамманируд̇д̇ибадибхаанавасзна бабхиннааяа бадисамбхид̣̇ааяа бариваарид̇од̇и бабхиннабадисамбхид̣̇аабаривааро, д̇асмим̣ уд̇д̇аримануссад̇хаммзд̇и самб̣анд̇хо. ча абхин̃н̃аа жа бадисамбхид̣̇аа жа чал̣абхин̃н̃аабадисамбхид̣̇аа, д̇аа аад̣̇аяо язсам̣ д̇зд̇и чал̣абхин̃н̃аабадисамбхид̣̇аад̣̇аяо, аад̣̇исад̣̇д̣̇зна д̇звиж̇ж̇аад̣̇аяо сан̇г̇ан̣хаад̇и. чал̣абхин̃н̃аабадисамбхид̣̇аад̣̇аяо бабхзд̣̇аа зд̇ассаад̇и чал̣абхин̃н̃аабадисамбхид̣̇аад̣̇иббабхзд̣̇о, соязва г̇ун̣о чал̣абхин̃н̃аабадисамбхид̣̇аад̣̇иббабхзд̣̇аг̇ун̣о, д̇зна бадиман̣д̣ид̇о чал̣абхин̃н̃аабадисамбхид̣̇аад̣̇иббабхзд̣̇аг̇ун̣абадиман̣д̣ид̇о, д̇асмим̣ уд̇д̇аримануссад̇хаммзд̇и самб̣анд̇хо. уд̇д̇аримануссаанам̣ жхааналаабхиаад̣̇ийнам̣ д̇хаммо уд̇д̇аримануссад̇хаммо, ат̇а ваа мануссаанам̣ гусалагаммабат̇асан̇каад̇ад̇хаммад̇о уд̇д̇арийд̇и уд̇д̇аримануссад̇хаммо, жхаанаад̣̇ид̇хаммо, д̇асмим̣, ‘‘суббад̇идтид̇а’’ ид̇и бад̣̇зна самб̣анд̇хид̇аб̣б̣ам̣. суббад̇идтид̇аа б̣уд̣̇д̇хи зд̇зсанд̇и суббад̇идтид̇аб̣уд̣̇д̇хино, д̇зсам̣ т̇зраананд̇и самб̣анд̇хо. т̇зраанам̣ вам̣сз багаарзна д̣̇иббанд̇и, бад̣̇ийбо вияаад̇и ваа т̇зравам̣саббад̣̇ийбаа, д̇зсам̣. т̇иро сийласамаад̇хибан̃н̃аасан̇каад̇о г̇ун̣о зд̇зсамад̇т̇ийд̇и т̇зраа, д̇зсам̣, вам̣саалан̇гаарабхууд̇знаад̇и самб̣анд̇хо. махаавихаарз васанасийлаа васанад̇хаммаа, васанз саад̇хугаарийд̇и ваа махаавихаараваасино, д̇зсам̣, т̇зраананд̇и самб̣анд̇хо . вам̣сз алан̇гааро, вам̣сасса ваад̇и вам̣саалан̇гааро, со худ̇ваа бхууд̇о, вам̣саалан̇гаарабхаавам̣ ваа бад̇д̇од̇и вам̣саалан̇гаарабхууд̇о, д̇зна т̇зрзнаад̇и самб̣анд̇хо.
Atthadhammaniruttipaṭibhānavasena pabhinnāya paṭisambhidāya parivāritoti pabhinnapaṭisambhidāparivāro, tasmiṃ uttarimanussadhammeti sambandho. Cha abhiññā ca paṭisambhidā ca chaḷabhiññāpaṭisambhidā, tā ādayo yesaṃ teti chaḷabhiññāpaṭisambhidādayo, ādisaddena tevijjādayo saṅgaṇhāti. Chaḷabhiññāpaṭisambhidādayo pabhedā etassāti chaḷabhiññāpaṭisambhidādippabhedo, soyeva guṇo chaḷabhiññāpaṭisambhidādippabhedaguṇo, tena paṭimaṇḍito chaḷabhiññāpaṭisambhidādippabhedaguṇapaṭimaṇḍito, tasmiṃ uttarimanussadhammeti sambandho. Uttarimanussānaṃ jhānalābhiādīnaṃ dhammo uttarimanussadhammo, atha vā manussānaṃ kusalakammapathasaṅkhātadhammato uttarīti uttarimanussadhammo, jhānādidhammo, tasmiṃ, ‘‘suppatiṭṭhita’’ iti padena sambandhitabbaṃ. Suppatiṭṭhitā buddhi etesanti suppatiṭṭhitabuddhino, tesaṃ therānanti sambandho. Therānaṃ vaṃse pakārena dippanti, padīpo viyāti vā theravaṃsappadīpā, tesaṃ. Thiro sīlasamādhipaññāsaṅkhāto guṇo etesamatthīti therā, tesaṃ, vaṃsālaṅkārabhūtenāti sambandho. Mahāvihāre vasanasīlā vasanadhammā, vasane sādhukārīti vā mahāvihāravāsino, tesaṃ, therānanti sambandho . Vaṃse alaṅkāro, vaṃsassa vāti vaṃsālaṅkāro, so hutvā bhūto, vaṃsālaṅkārabhāvaṃ vā pattoti vaṃsālaṅkārabhūto, tena therenāti sambandho.
вибулаа жа саа висуд̣̇д̇хаа жзд̇и вибулависуд̣̇д̇хаа, висзсанобхаяабад̣̇о, вибулависуд̣̇д̇хаа б̣уд̣̇д̇хи зд̇ассаад̇и вибулависуд̣̇д̇хаб̣уд̣̇д̇хи, д̇зна т̇зрзнаад̇и самб̣анд̇хо. наамамзва наамад̇хзяяам̣, г̇ахид̇ам̣ наамад̇хзяяамзд̇ассаад̇и г̇ахид̇анаамад̇хзяяо , д̇зна т̇зрзна гад̇аа саманд̇абаасаад̣̇игаа наама аяам̣ винаяасам̣ван̣н̣анаа д̇идтад̇ууд̇и самб̣анд̇хо.
Vipulā ca sā visuddhā ceti vipulavisuddhā, visesanobhayapado, vipulavisuddhā buddhi etassāti vipulavisuddhabuddhi, tena therenāti sambandho. Nāmameva nāmadheyyaṃ, gahitaṃ nāmadheyyametassāti gahitanāmadheyyo, tena therena katā samantapāsādikā nāma ayaṃ vinayasaṃvaṇṇanā tiṭṭhatūti sambandho.
суд̣̇д̇хажид̇д̇асса д̇аад̣̇ино логаж̇здтасса махзсино ‘‘б̣уд̣̇д̇хо’’д̇и наамамби яаава логамхи бавад̇д̇ад̇и, д̇аава логанид̇т̇аран̣зсийнам̣ гулабуд̇д̇аанам̣ сийлависуд̣̇д̇хааяа наяам̣ д̣̇ассзнд̇ий логасмим̣ д̇идтад̇ууд̇и яож̇анаа.
Suddhacittassa tādino lokajeṭṭhassa mahesino ‘‘buddho’’ti nāmampi yāva lokamhi pavattati, tāva lokanittharaṇesīnaṃ kulaputtānaṃ sīlavisuddhāya nayaṃ dassentī lokasmiṃ tiṭṭhatūti yojanā.
ид̇и ниг̇аманасса ад̇т̇аяож̇анаа самад̇д̇аа.
Iti nigamanassa atthayojanā samattā.
