| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
ниг̇аманагат̇ааван̣н̣анаа
Nigamanakathāvaṇṇanā
авасаанаг̇аат̇аасу бана аяамад̇т̇о. вибхад̇д̇ад̣̇зсананд̇и убхад̇овибхан̇г̇аканд̇хагабариваарзхи вибхад̇д̇ад̣̇зсанам̣ винаяабидаганд̇и яож̇зд̇аб̣б̣ам̣. д̇ассаад̇и д̇асса винаяасса.
Avasānagāthāsu pana ayamattho. Vibhattadesananti ubhatovibhaṅgakhandhakaparivārehi vibhattadesanaṃ vinayapiṭakanti yojetabbaṃ. Tassāti tassa vinayassa.
д̇ад̇рид̣̇анд̇иаад̣̇и батамабаарааж̇игаван̣н̣анааяам̣ вуд̇д̇анаяамзва.
Tatridantiādi paṭhamapārājikavaṇṇanāyaṃ vuttanayameva.
сад̇т̇умахааб̣од̇хивибхуусид̇од̇и сад̇т̇унаа барибхуд̇д̇амахааб̣од̇хивибхуусид̇о ман̣д̣ид̇о, д̇асса махаавихаарасса д̣̇агкин̣абхааг̇з уд̇д̇амам̣ яам̣ бад̇хаанагхаранд̇и самб̣анд̇хо. д̇ад̇т̇а бад̇хаанагхаранд̇и д̇ам̣наамагам̣ баривзн̣ам̣. сужижаарид̇д̇асийлзна, бхигкусан̇гхзна сзвид̇анд̇и ид̣̇амби бад̇хаанагхарависзсанам̣.
Satthumahābodhivibhūsitoti satthunā paribhuttamahābodhivibhūsito maṇḍito, tassa mahāvihārassa dakkhiṇabhāge uttamaṃ yaṃ padhānagharanti sambandho. Tattha padhānagharanti taṃnāmakaṃ pariveṇaṃ. Sucicārittasīlena, bhikkhusaṅghena sevitanti idampi padhānagharavisesanaṃ.
д̇ад̇т̇аад̇и д̇асмим̣ бад̇хаанагхарз. жаарубаагаарасан̃жид̇анд̇и манаабзна баагаарзна баригкид̇д̇ам̣. сийд̇ажчааяад̇аруубзд̇анд̇и гхананижид̇абад̇д̇асан̃чаннасаакаабасаакад̇ааяа сийд̇ажчааязхи ругкзхи убзд̇ам̣. вигасид̇агамалагувалаяабун̣д̣арийгасог̇анд̇хигаад̣̇ибубпасан̃чаннамад̇хурасийд̇алуд̣̇агабун̣н̣ад̇ааяа самбаннаа салилаасаяаа ассаад̇и самбаннасалилаасаяо. уд̣̇д̣̇исид̇ваад̇и б̣уд̣̇д̇хасирим̣ наама т̇зрам̣ ниссааяа, д̇асса аж̇жхзсанам̣ ниссааяаад̇и вуд̇д̇ам̣ ход̇и. ид̣̇д̇хаад̇и ад̇т̇авинижчаяаад̣̇ийхи ид̣̇д̇хаа пийд̇аа барибун̣н̣аа.
Tatthāti tasmiṃ padhānaghare. Cārupākārasañcitanti manāpena pākārena parikkhittaṃ. Sītacchāyatarūpetanti ghananicitapattasañchannasākhāpasākhatāya sītacchāyehi rukkhehi upetaṃ. Vikasitakamalakuvalayapuṇḍarīkasogandhikādipupphasañchannamadhurasītaludakapuṇṇatāya sampannā salilāsayā assāti sampannasalilāsayo. Uddisitvāti buddhasiriṃ nāma theraṃ nissāya, tassa ajjhesanaṃ nissāyāti vuttaṃ hoti. Iddhāti atthavinicchayādīhi iddhā phītā paripuṇṇā.
сириниваасассаад̇и сирияаа ниваасадтаанабхууд̇асса. ж̇аяасам̣важчарзд̇и ж̇аяаббад̇д̇асам̣важчарз. аяанд̇и т̇зрам̣ б̣уд̣̇д̇хасирим̣ уд̣̇д̣̇исса яаа винаяаван̣н̣анаа аарад̣̇д̇хаа, аяам̣. д̇хаммуубасам̣хид̇аад̇и гусаласанниссид̇аа. ид̣̇аани сад̣̇звагасса логасса ажжанд̇асукаад̇хиг̇амааяа ад̇д̇ано бун̃н̃ам̣ барин̣аамзнд̇о ‘‘жирадтид̇ад̇т̇а д̇хаммассаа’’д̇иаад̣̇имааха . д̇ад̇т̇а самаажид̇анд̇и убажид̇ам̣. саб̣б̣асса аанубхаавзнаад̇и саб̣б̣асса д̇асса бун̃н̃асса д̇зж̇зна. саб̣б̣зби баан̣инод̇и гаамааважараад̣̇ибхзд̣̇аа саб̣б̣з сад̇д̇аа. сад̣̇д̇хаммарасасзвинод̇и яат̇аарахам̣ б̣од̇хид̇д̇аяаад̇хиг̇амавасзна сад̣̇д̇хаммарасасзвино бхаванд̇у. сзсамзд̇т̇а сувин̃н̃зяяамзва.
Sirinivāsassāti siriyā nivāsaṭṭhānabhūtassa. Jayasaṃvacchareti jayappattasaṃvacchare. Ayanti theraṃ buddhasiriṃ uddissa yā vinayavaṇṇanā āraddhā, ayaṃ. Dhammūpasaṃhitāti kusalasannissitā. Idāni sadevakassa lokassa accantasukhādhigamāya attano puññaṃ pariṇāmento ‘‘ciraṭṭhitattha dhammassā’’tiādimāha . Tattha samācitanti upacitaṃ. Sabbassa ānubhāvenāti sabbassa tassa puññassa tejena. Sabbepi pāṇinoti kāmāvacarādibhedā sabbe sattā. Saddhammarasasevinoti yathārahaṃ bodhittayādhigamavasena saddhammarasasevino bhavantu. Sesamettha suviññeyyameva.
ниг̇аманагат̇ааван̣н̣анаа нидтид̇аа.
Nigamanakathāvaṇṇanā niṭṭhitā.
