| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
ниг̇аманагат̇ааван̣н̣анаа
Nigamanakathāvaṇṇanā
убхад̇овибхан̇г̇аканд̇хагабариваарзхи вибхад̇д̇ам̣ д̣̇зсанам̣ ад̇т̇и д̇асса винаяабидагасса, наамзна саманд̇абаасаад̣̇игаа наама сам̣ван̣н̣анаа ‘‘саманд̇абаасаад̣̇игаа наамаа’’д̇и вуд̇д̇аважанасам̣ван̣н̣анаа самад̇д̇аад̇и ааха. д̇ад̇т̇а бад̇хаанагхарз. ид̣̇д̇хаа ад̇т̇авинижчаяаад̣̇ийхи.
Ubhatovibhaṅgakhandhakaparivārehi vibhattaṃ desanaṃ atthi tassa vinayapiṭakassa, nāmena samantapāsādikā nāma saṃvaṇṇanā ‘‘samantapāsādikā nāmā’’ti vuttavacanasaṃvaṇṇanā samattāti āha. Tattha padhānaghare. Iddhā atthavinicchayādīhi.
саммаа уд̣̇ид̇о самуд̣̇ид̇о, д̇з г̇ун̣з агижчзна ад̇хиг̇ад̇о ад̇хигаббамаан̣аг̇ун̣зхи ваа самуд̣̇ид̇о, д̇зна самуд̣̇ид̇зна ‘‘г̇ад̇аанам̣ д̇хаммаанам̣ г̇ад̇ияо саманнзсад̇ий’’д̇и вуд̇д̇ааяа сад̇ияаа уббаад̣̇ид̇аа сад̣̇д̇хаад̣̇аяо барамависуд̣̇д̇хаа наама саманнаарагкад̇д̇аа. ид̇и сад̇иби сад̣̇д̇хаад̣̇ийхи вуд̇д̇аа ход̇и. звам̣ санд̇з зд̇т̇а вуд̇д̇з жад̇уб̣б̣ид̇хз сийлз баад̇имогкасам̣варасийлам̣ сад̣̇д̇хаа ман̣д̣зд̇и. сад̣̇д̇хаасаад̇ханан̃хи д̇ам̣. инд̣̇рияасам̣варааж̇ийвабаарисуд̣̇д̇хибажжаяабарибхог̇асийлаани бадиман̣д̣знд̇и сад̇ивийрияабан̃н̃ааяод̇и яат̇ааяог̇ам̣ взд̣̇ид̇аб̣б̣ам̣. абижа сад̣̇д̇хаа жа б̣уд̣̇д̇хирахид̇аа ависуд̣̇д̇хаа ход̇и б̣уд̣̇д̇хияаа басаад̣̇ахзд̇уд̇д̇аа. б̣уд̣̇д̇хияо бана д̇ассаанубхаавзна барамависуд̣̇д̇хаа наама хонд̇и. бан̃н̃аа сад̣̇д̇хаарахид̇аа гзраадигабагкам̣ бхаж̇ад̇и, сад̣̇д̇хааяуд̇д̇аа зва висуд̣̇д̇хаа ход̇и. вийрияан̃жа самаад̇хирахид̇ам̣ уд̣̇д̇хажжааяа сам̣вад̇д̇ад̇и, на самаад̇хияуд̇д̇анд̇и вийрияасса суд̣̇д̇хаважанад̇о самаад̇хиби вуд̇д̇о ход̇и, звам̣ барамависуд̣̇д̇хаа сад̣̇д̇хаад̣̇аяоби баад̇имогкам̣ бадиман̣д̣знд̇ийд̇и н̃аад̇аб̣б̣ам̣. гат̇ам̣? бадибад̇д̇ид̣̇зсагз сад̇т̇ари жа бадибад̇д̇ияан̃жа бадибад̇д̇ипалз жа сад̣̇д̇хааяа винаа сийласамаад̣̇аанам̣, самаад̣̇иннависод̇ханан̃жа гаад̇ум̣ на саггаад̇и сад̣̇д̇хаа баад̇имогкам̣ бадиман̣д̣зд̇и. д̇ад̇т̇а ‘‘ид̇иби со бхаг̇аваа’’д̇иаад̣̇инаа (д̣̇ий. ни. 1.255; ма. ни. 1.74; сам̣. ни. 1.249) сад̇т̇ари жа бууж̇зд̇ум̣ саггод̇и. бадибад̇д̇ияам̣ сийлавибад̇д̇исамбад̇д̇имуулагз санд̣̇идтигасамбарааяигапалз жа сад̣̇д̇хаабавад̇д̇и вид̇т̇аарад̇о н̃аад̇аб̣б̣аа, сийлавибад̇д̇исамбад̇д̇инимид̇д̇ам̣ аад̣̇ийнавамаанисам̣сан̃жа аад̣̇ийнавабарижжааг̇з, аанисам̣сасамбаад̣̇анз жа убааяам̣ д̣̇исваа д̇ат̇аа бавад̇д̇амаанаа бан̃н̃аа баад̇имогкасам̣варам̣ бадиман̣д̣зд̇и. ‘‘ад̇исийд̇а’’нд̇иаад̣̇инаа аббавад̇д̇анаарахам̣ госаж̇ж̇ам̣ ‘‘яо жа сийд̇ан̃жа ун̣хан̃жаа’’д̇и вуд̇д̇аанусаарзна баж̇ахид̇ваа ануббаннуббаннаанам̣ асам̣варасам̣вараанам̣ ануббаад̣̇анабаж̇аханауббаад̣̇анавад̣дханавасзна бавад̇д̇амаанавийрияам̣ баад̇имогкам̣ бадиман̣д̣зд̇и, иминаа наязна инд̣̇рияасам̣вараад̣̇ийсуби яож̇зд̇аб̣б̣ам̣. жад̇уннамби сан̇г̇ахавад̇т̇уунам̣ анугууласамуд̣̇аажааро ид̇ха аажаарод̇и взд̣̇ид̇аб̣б̣о. аж̇ж̇ава-важанзна лаабхасаггаарахзд̇у гааяад̣̇ужжарид̇аад̣̇игудилагарамааяаасаатзяяабадибагкааж̇ж̇авад̇хаммасамааяог̇ад̣̇ийбанзна алобхаж̇жхаасаяад̇аа д̣̇ийбид̇аа. мад̣̇д̣̇ава-важанзна гагкал̣абхаавагарабадигхаад̣̇ибадибагкабхууд̇амзд̇д̇аад̣̇имад̣̇д̣̇авад̇хаммасамааяог̇ад̣̇ийбанзна хид̇аж̇жхаасаяаад̣̇ийни д̣̇ийбид̇аани хонд̇и. аад̣̇и-сад̣̇д̣̇зна ‘‘канд̇и жа соражжан̃жа саакаляан̃жа бадисант̇ааро жаа’’д̇иаад̣̇инаа (д̇ха. са. д̣̇угамаад̇игаа 125-126) вуд̇д̇ад̇хаммзхи самааяог̇о д̣̇ийбид̇о ход̇и. ид̇ха вуд̇д̇аа аж̇ж̇авамад̣̇д̣̇аваад̣̇аяо г̇ун̣аа сийласамбад̇д̇ияаа хзд̇уу жа хонд̇и сийласамбад̇д̇ипалан̃жа д̇ам̣самбаад̣̇анад̇о. сагасамаяод̇и жад̇убарисаа. зд̇зна сабхааг̇ад̣̇угкабхааваабхааво суужид̇о. ат̇а ваа сагасамаяод̇и сог̇ад̇ам̣ бидагад̇д̇аяам̣ сагасамаяо зва г̇аханам̣ д̣̇уд̣̇д̣̇ийбанад̇д̇аа, сагасамаяасса саннидтаанам̣ сагасамаяаг̇аханам̣ –
Sammā udito samudito, te guṇe akicchena adhigato adhikappamāṇaguṇehi vā samudito, tena samuditena ‘‘gatānaṃ dhammānaṃ gatiyo samannesatī’’ti vuttāya satiyā uppāditā saddhādayo paramavisuddhā nāma samannārakkhattā. Iti satipi saddhādīhi vuttā hoti. Evaṃ sante ettha vutte catubbidhe sīle pātimokkhasaṃvarasīlaṃ saddhā maṇḍeti. Saddhāsādhanañhi taṃ. Indriyasaṃvarājīvapārisuddhipaccayaparibhogasīlāni paṭimaṇḍenti sativīriyapaññāyoti yathāyogaṃ veditabbaṃ. Apica saddhā ca buddhirahitā avisuddhā hoti buddhiyā pasādahetuttā. Buddhiyo pana tassānubhāvena paramavisuddhā nāma honti. Paññā saddhārahitā kerāṭikapakkhaṃ bhajati, saddhāyuttā eva visuddhā hoti. Vīriyañca samādhirahitaṃ uddhaccāya saṃvattati, na samādhiyuttanti vīriyassa suddhavacanato samādhipi vutto hoti, evaṃ paramavisuddhā saddhādayopi pātimokkhaṃ paṭimaṇḍentīti ñātabbaṃ. Kathaṃ? Paṭipattidesake satthari ca paṭipattiyañca paṭipattiphale ca saddhāya vinā sīlasamādānaṃ, samādinnavisodhanañca kātuṃ na sakkāti saddhā pātimokkhaṃ paṭimaṇḍeti. Tattha ‘‘itipi so bhagavā’’tiādinā (dī. ni. 1.255; ma. ni. 1.74; saṃ. ni. 1.249) satthari ca pūjetuṃ sakkoti. Paṭipattiyaṃ sīlavipattisampattimūlake sandiṭṭhikasamparāyikaphale ca saddhāpavatti vitthārato ñātabbā, sīlavipattisampattinimittaṃ ādīnavamānisaṃsañca ādīnavapariccāge, ānisaṃsasampādane ca upāyaṃ disvā tathā pavattamānā paññā pātimokkhasaṃvaraṃ paṭimaṇḍeti. ‘‘Atisīta’’ntiādinā appavattanārahaṃ kosajjaṃ ‘‘yo ca sītañca uṇhañcā’’ti vuttānusārena pajahitvā anuppannuppannānaṃ asaṃvarasaṃvarānaṃ anuppādanapajahanauppādanavaḍḍhanavasena pavattamānavīriyaṃ pātimokkhaṃ paṭimaṇḍeti, iminā nayena indriyasaṃvarādīsupi yojetabbaṃ. Catunnampi saṅgahavatthūnaṃ anukūlasamudācāro idha ācāroti veditabbo. Ajjava-vacanena lābhasakkārahetu kāyaduccaritādikuṭilakaramāyāsāṭheyyapaṭipakkhaajjavadhammasamāyogadīpanena alobhajjhāsayatā dīpitā. Maddava-vacanena kakkhaḷabhāvakarapaṭighādipaṭipakkhabhūtamettādimaddavadhammasamāyogadīpanena hitajjhāsayādīni dīpitāni honti. Ādi-saddena ‘‘khanti ca soraccañca sākhalyañca paṭisanthāro cā’’tiādinā (dha. sa. dukamātikā 125-126) vuttadhammehi samāyogo dīpito hoti. Idha vuttā ajjavamaddavādayo guṇā sīlasampattiyā hetū ca honti sīlasampattiphalañca taṃsampādanato. Sakasamayoti catuparisā. Etena sabhāgadukkhabhāvābhāvo sūcito. Atha vā sakasamayoti sogataṃ piṭakattayaṃ sakasamayo eva gahanaṃ duddīpanattā, sakasamayassa sanniṭṭhānaṃ sakasamayagahanaṃ –
‘‘сажжам̣ сад̇д̇о бадисанд̇хи, бажжаяаагаарамзва жа;
‘‘Saccaṃ satto paṭisandhi, paccayākārameva ca;
д̣̇уд̣̇д̣̇асаа жад̇уро д̇хаммаа, д̣̇зсзд̇ун̃жа суд̣̇уггараа’’д̇и. (вибха. адта. 225) –
Duddasā caturo dhammā, desetuñca sudukkarā’’ti. (vibha. aṭṭha. 225) –
вуд̇д̇ад̇д̇аа яат̇аа сагасамаяасса г̇аханабад̣̇зна яож̇анаа вуд̇д̇аа, д̇ат̇аа барасамаяассаби. бан̃н̃аавзяяад̇д̇иязнаад̇и анзна д̇икин̣зна н̃аан̣зна гад̇асилаанисид̇асад̇т̇асад̣̇исасабхаавабан̃н̃аа вуд̇д̇аа. д̇ибидагасан̇каад̇ааяа барияад̇д̇ияаа бабхзд̣̇о д̇ибидагабарияад̇д̇иббабхзд̣̇о. д̇асмим̣ бабхзд̣̇з. д̇анд̇и жа д̇анд̇иад̇т̇о жа саасанам̣ наама. ид̇ха ‘‘д̇анд̇и зваа’’д̇и вад̣̇анд̇и. яасмим̣ аяам̣ сам̣ван̣н̣анаа нидтаабид̇аа, д̇асмим̣ гаалз бадивзд̇хан̃аан̣аабхаавад̇о суд̇амаяам̣ санд̇хааяа ‘‘аббадихад̇ан̃аан̣аббабхаавзнаа’’д̇и вуд̇д̇ам̣. гаран̣асамбад̇д̇ияаа ж̇анид̇ад̇д̇аа сукавиниг̇г̇ад̇ам̣. сукавиниг̇г̇ад̇ад̇д̇аа мад̇хурод̣̇аад̇аважаналааван̣н̣аяуд̇д̇знааби яож̇зд̇аб̣б̣ам̣, ийд̣̇исам̣ важанам̣ сод̇асукан̃жа саннивзсасамбад̇д̇исукан̃жа ход̇и. ‘‘взяяаагаран̣знаа’’д̇и авад̇ваа ‘‘махаавзяяаагаран̣знаа’’д̇и вуд̇д̇ад̇д̇аа сигкаанируд̇д̇ичанд̣̇овижид̇яаад̣̇ибадиман̣д̣ид̇абаан̣инияаняаасаад̇хааран̣ад̇хааран̣асабхааво суужид̇о бхавад̇и. яуд̇д̇аваад̣̇инаад̇иаад̣̇ийсу яуд̇д̇амуд̇д̇аваад̣̇инаа таануббад̇д̇ияабан̃н̃ааяа саманнааг̇ад̇знаад̇и ад̇т̇о. ож̇аабхзд̣̇зби ааяусад̇д̇игаран̣ад̇аад̣̇исаамад̇т̇аяог̇аанам̣ махаагавинаа ражид̇аг̇ант̇асса маханд̇ад̇д̇аа ваа ‘‘д̇ибидагабарияад̇д̇иббабхзд̣̇з’’д̇иаад̣̇ийхи саасанз, хзд̇увисаяз, сад̣̇д̣̇з жаад̇и имзсу д̇ийсу таанзсу баадавабхаавам̣ д̣̇ийбзнд̇о взнаяигаб̣уд̣̇д̇хисамбад̇д̇исаб̣бхаавамасса суужзд̇и. язсам̣ буг̇г̇алаанам̣ бабхиннаа бадисамбхид̣̇аад̣̇и, д̇з бабхиннабадисамбхид̣̇аад̣̇аяо д̇хаммаа. д̇зхи бариваарид̇о угкид̇д̇асанд̇ад̇иубажчзд̣̇амагад̇ваа ад̇д̇ано санд̇аанз уббаад̣̇анавад̣дханавасзна ваарид̇о со бабхиннабадисамбхид̣̇аабаривааро. д̇асмим̣ бабхиннабадисамбхид̣̇аабариваарз уд̇д̇аримануссад̇хаммзд̇и ад̇т̇о. чал̣абхин̃н̃ажад̇убадисамбхид̣̇аад̣̇иббабхзд̣̇аг̇ун̣абадиман̣д̣ид̇з бана чал̣абхин̃н̃аа уд̇д̇аримануссад̇хаммаа зва. жад̇уусу бадисамбхид̣̇аасу ад̇т̇абадисамбхид̣̇ааяа згад̣̇зсова. д̇ад̣̇убхаяам̣ саяам̣ уд̇д̇аримануссад̇хаммабарияаабаннам̣ гат̇ам̣ уд̇д̇аримануссад̇хаммам̣ бадиман̣д̣зд̇ийд̇и жз? ругкам̣ ругкасса аваяавабхууд̇абубпаад̣̇аяо вияа саяан̃жа язсам̣ уд̇д̇аримануссад̇хаммаанам̣ аваяавад̇д̇аад̇и. гаамааважарад̇хаммабарияаабаннабадисамбхид̣̇аан̃аан̣ам̣ уд̇д̇аримануссад̇хаммаанам̣ анаваяавабхууд̇ам̣ уд̇д̇аримануссад̇хаммам̣ бадиман̣д̣зд̇и, бурисасса анаваяавабхууд̇о алан̇гааро вияа бурисам̣. ат̇а ваа гаамааважарабаасамбхид̣̇аабаривааро чал̣абхин̃н̃аабадисамбхид̣̇аад̣̇иббабхзд̣̇аг̇ун̣з бадиман̣д̣зд̇и. логуд̇д̇арабадисамбхид̣̇ам̣ санд̇хааяа буна бадисамбхид̣̇ааважанан̃жа. саасанз уббаж̇ж̇ид̇ваа саасанасса алан̇гаарабхууд̇зна, яасмим̣ вам̣сз уббанно, д̇ассзва ваа алан̇гаарабхууд̇зна. сан̇кзбавид̇т̇аарзсу ид̇арийд̇арагаран̣ам̣, аббасаннабасаннаанам̣ басаад̣̇уббаад̣̇анаабхивуд̣дхигаран̣ам̣, вуд̇д̇аанам̣ г̇амбхийраанам̣ г̇амбхийруд̇д̇аанабхаавагаран̣анд̇и звам̣ чаб̣б̣ид̇хаажарияаг̇ун̣аяог̇ад̇о вибулаб̣уд̣̇д̇хи наама. яз д̇хаммажинд̇анам̣ ад̇ид̇хааванд̇аа гзжи ужчзд̣̇аад̣̇инаанаббагаарам̣ анд̇ам̣ ваа г̇ан̣ханд̇и, ‘‘саб̣б̣ам̣ н̃зяяам̣ бан̃н̃ад̇д̇и зваа’’д̇и ваа ‘‘барамад̇т̇о зваа’’д̇и ваа г̇ан̣ханд̇и, д̇зсам̣ б̣уд̣̇д̇хи мижчаад̣̇идтибажжаяад̇д̇аа самалаа наама ход̇и, имасса бана б̣уд̣̇д̇хи д̇хаммажинд̇аад̇ид̇хааванарахид̇ад̇д̇аа висуд̣̇д̇хаа наама ход̇и. д̇зна вуд̇д̇ам̣ ‘‘вибулависуд̣̇д̇хаб̣уд̣̇д̇хинаа’’д̇и . г̇аруухи ‘‘бияо г̇ару бхааванийяо’’д̇иаад̣̇инаа (а. ни. 7.37; нзд̇д̇и. 113) вуд̇д̇аг̇ун̣зхи яуд̇д̇аг̇аруухи. г̇ун̣зхи т̇ирабхаавам̣ г̇ад̇ад̇д̇аа т̇зрзна.
Vuttattā yathā sakasamayassa gahanapadena yojanā vuttā, tathā parasamayassapi. Paññāveyyattiyenāti anena tikhiṇena ñāṇena katasilānisitasatthasadisasabhāvapaññā vuttā. Tipiṭakasaṅkhātāya pariyattiyā pabhedo tipiṭakapariyattippabhedo. Tasmiṃ pabhede. Tanti ca tantiattho ca sāsanaṃ nāma. Idha ‘‘tanti evā’’ti vadanti. Yasmiṃ ayaṃ saṃvaṇṇanā niṭṭhāpitā, tasmiṃ kāle paṭivedhañāṇābhāvato sutamayaṃ sandhāya ‘‘appaṭihatañāṇappabhāvenā’’ti vuttaṃ. Karaṇasampattiyā janitattā sukhaviniggataṃ. Sukhaviniggatattā madhurodātavacanalāvaṇṇayuttenāpi yojetabbaṃ, īdisaṃ vacanaṃ sotasukhañca sannivesasampattisukhañca hoti. ‘‘Veyyākaraṇenā’’ti avatvā ‘‘mahāveyyākaraṇenā’’ti vuttattā sikkhāniruttichandovicityādipaṭimaṇḍitapāṇiniyanyāsādhāraṇadhāraṇasabhāvo sūcito bhavati. Yuttavādinātiādīsu yuttamuttavādinā ṭhānuppattiyapaññāya samannāgatenāti attho. Ojābhedepi āyusattikaraṇatādisāmatthayogānaṃ mahākavinā racitaganthassa mahantattā vā ‘‘tipiṭakapariyattippabhede’’tiādīhi sāsane, hetuvisaye, sadde cāti imesu tīsu ṭhānesu pāṭavabhāvaṃ dīpento venayikabuddhisampattisabbhāvamassa sūceti. Yesaṃ puggalānaṃ pabhinnā paṭisambhidādi, te pabhinnapaṭisambhidādayo dhammā. Tehi parivārito ukkhittasantatiupacchedamakatvā attano santāne uppādanavaḍḍhanavasena vārito so pabhinnapaṭisambhidāparivāro. Tasmiṃ pabhinnapaṭisambhidāparivāre uttarimanussadhammeti attho. Chaḷabhiññacatupaṭisambhidādippabhedaguṇapaṭimaṇḍite pana chaḷabhiññā uttarimanussadhammā eva. Catūsu paṭisambhidāsu atthapaṭisambhidāya ekadesova. Tadubhayaṃ sayaṃ uttarimanussadhammapariyāpannaṃ kathaṃ uttarimanussadhammaṃ paṭimaṇḍetīti ce? Rukkhaṃ rukkhassa avayavabhūtapupphādayo viya sayañca yesaṃ uttarimanussadhammānaṃ avayavattāti. Kāmāvacaradhammapariyāpannapaṭisambhidāñāṇaṃ uttarimanussadhammānaṃ anavayavabhūtaṃ uttarimanussadhammaṃ paṭimaṇḍeti, purisassa anavayavabhūto alaṅkāro viya purisaṃ. Atha vā kāmāvacarapaasambhidāparivāro chaḷabhiññāpaṭisambhidādippabhedaguṇe paṭimaṇḍeti. Lokuttarapaṭisambhidaṃ sandhāya puna paṭisambhidāvacanañca. Sāsane uppajjitvā sāsanassa alaṅkārabhūtena, yasmiṃ vaṃse uppanno, tasseva vā alaṅkārabhūtena. Saṅkhepavitthāresu itarītarakaraṇaṃ, appasannapasannānaṃ pasāduppādanābhivuḍḍhikaraṇaṃ, vuttānaṃ gambhīrānaṃ gambhīruttānabhāvakaraṇanti evaṃ chabbidhācariyaguṇayogato vipulabuddhi nāma. Ye dhammacintanaṃ atidhāvantā keci ucchedādinānappakāraṃ antaṃ vā gaṇhanti, ‘‘sabbaṃ ñeyyaṃ paññatti evā’’ti vā ‘‘paramattho evā’’ti vā gaṇhanti, tesaṃ buddhi micchādiṭṭhipaccayattā samalā nāma hoti, imassa pana buddhi dhammacintātidhāvanarahitattā visuddhā nāma hoti. Tena vuttaṃ ‘‘vipulavisuddhabuddhinā’’ti . Garūhi ‘‘piyo garu bhāvanīyo’’tiādinā (a. ni. 7.37; netti. 113) vuttaguṇehi yuttagarūhi. Guṇehi thirabhāvaṃ gatattā therena.
сийлзна сийласса ваа висуд̣̇д̇хияаа сийлависуд̣̇д̇хияаа. авиж̇ж̇ан̣д̣агосам̣ бад̣̇аалзд̇ваа батамам̣ абхиниб̣б̣ад̇д̇ад̇д̇аа логаж̇здтасса. логасса ваа г̇амбхийрз маханд̇з сийлаад̣̇игканд̇хз зси г̇авзсийд̇и махзсийд̇и.
Sīlena sīlassa vā visuddhiyā sīlavisuddhiyā. Avijjaṇḍakosaṃ padāletvā paṭhamaṃ abhinibbattattā lokajeṭṭhassa. Lokassa vā gambhīre mahante sīlādikkhandhe esi gavesīti mahesīti.
зд̇д̇аавад̇аа самад̇хигасад̇д̇авийсад̇исахассабаримаан̣ааяа саманд̇абаасаад̣̇игасан̃н̃ид̇ааяа винаяадтагат̇ааяа саб̣б̣абад̣̇зсу винижчаяаж̇аад̇ам̣ сан̇кибид̇ваа г̇ан̣тидтаанавигаасанаа гад̇аа ход̇и, д̇ат̇ааби яам̣ зд̇т̇а ликид̇ам̣, д̇ам̣ судту вижаарзд̇ваа баал̣ин̃жа адтагат̇ан̃жа саллагкзд̇ваа яз аажарияаа б̣уд̣̇д̇хасса бхаг̇авад̇о махаанубхаавам̣, винаяабидагасса жа вижид̇ранаяаг̇амбхийрад̇т̇ад̇ам̣ саллагкзд̇ваа бораан̣аанам̣ гат̇аамаг̇г̇ам̣ авинаасзд̇ваа ад̇д̇ано мад̇им̣ бахааяа гзвалам̣ сад̣̇д̇хаммадтид̇ияаа, бараануг̇г̇ахагаамад̇ааяа жа винаяабидагам̣ багаасзнд̇аа тид̇аа, д̇зсам̣ баад̣̇амуулз ванд̣̇ид̇ваа канд̇исоражжаад̣̇иг̇ун̣асаманнааг̇ад̇зна худ̇ваа вад̇д̇асамбад̇д̇ияаа д̇зсам̣ жид̇д̇ам̣ аараад̇хзд̇ваа бавзн̣ияаа ааг̇ад̇ам̣ винижчаяам̣ гат̇аабзд̇ваа убад̇хаарзд̇ваа яам̣ д̇зна сам̣санд̣̇ад̇и, д̇ам̣ г̇ахзд̇аб̣б̣ам̣, ид̇арам̣ чад̣д̣зд̇аб̣б̣ам̣. ид̇арат̇аа д̇ун̣хийбхууд̇зна бхавид̇аб̣б̣ам̣. винижчаяасан̇гарагарзна бана на бхавид̇аб̣б̣амзва. гасмаа? саасанасса наасахзд̇уд̇д̇аа. ход̇и жзд̇т̇а –
Ettāvatā samadhikasattavīsatisahassaparimāṇāya samantapāsādikasaññitāya vinayaṭṭhakathāya sabbapadesu vinicchayajātaṃ saṅkhipitvā gaṇṭhiṭṭhānavikāsanā katā hoti, tathāpi yaṃ ettha likhitaṃ, taṃ suṭṭhu vicāretvā pāḷiñca aṭṭhakathañca sallakkhetvā ye ācariyā buddhassa bhagavato mahānubhāvaṃ, vinayapiṭakassa ca vicitranayagambhīratthataṃ sallakkhetvā porāṇānaṃ kathāmaggaṃ avināsetvā attano matiṃ pahāya kevalaṃ saddhammaṭṭhitiyā, parānuggahakāmatāya ca vinayapiṭakaṃ pakāsentā ṭhitā, tesaṃ pādamūle vanditvā khantisoraccādiguṇasamannāgatena hutvā vattasampattiyā tesaṃ cittaṃ ārādhetvā paveṇiyā āgataṃ vinicchayaṃ kathāpetvā upadhāretvā yaṃ tena saṃsandati, taṃ gahetabbaṃ, itaraṃ chaḍḍetabbaṃ. Itarathā tuṇhībhūtena bhavitabbaṃ. Vinicchayasaṅkarakarena pana na bhavitabbameva. Kasmā? Sāsanassa nāsahetuttā. Hoti cettha –
‘‘асамб̣уд̇хам̣ б̣уд̣̇д̇хамахаанубхаавам̣,
‘‘Asambudhaṃ buddhamahānubhāvaṃ,
д̇хаммасса г̇амбхийранаяад̇т̇ад̇ан̃жа;
Dhammassa gambhīranayatthatañca;
яо ван̣н̣аяз д̇ам̣ винаяам̣ авин̃н̃уу,
Yo vaṇṇaye taṃ vinayaṃ aviññū,
со д̣̇уд̣̇д̣̇асо саасананаасахзд̇у.
So duddaso sāsananāsahetu.
баал̣им̣ д̇ад̣̇ад̇т̇ан̃жа асамб̣уд̇хан̃хи,
Pāḷiṃ tadatthañca asambudhañhi,
наасзд̇и яо адтагат̇аанаяан̃жа;
Nāseti yo aṭṭhakathānayañca;
анижчаяам̣ нижчаяад̇о барзхи,
Anicchayaṃ nicchayato parehi,
г̇аахзд̇и д̇зхзва бурагкад̇о со.
Gāheti teheva purakkhato so.
ануггамзнзва махааж̇анзна,
Anukkameneva mahājanena,
бурагкад̇о бан̣д̣ид̇амаанибхигку;
Purakkhato paṇḍitamānibhikkhu;
абан̣д̣ид̇аанам̣ вимад̇им̣ агад̇ваа,
Apaṇḍitānaṃ vimatiṃ akatvā,
аажарияалийл̣ам̣ бурад̇о гарод̇ий’’д̇и.
Ācariyalīḷaṃ purato karotī’’ti.
саманд̇абаасаад̣̇игааяа г̇ан̣тибад̣̇аад̇хиббааяаббагаасанаа самад̇д̇аа.
Samantapāsādikāya gaṇṭhipadādhippāyappakāsanā samattā.
важ̇ираб̣уд̣̇д̇хидийгаа нидтид̇аа.
Vajirabuddhiṭīkā niṭṭhitā.
