| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
ниг̇аманагат̇ааван̣н̣анаа
Nigamanakathāvaṇṇanā
авасаанаг̇аат̇аасу убхад̇овибхан̇г̇а-канд̇хага-бариваарзхи вибхад̇д̇ад̇д̇аа вибхааг̇абадид̣̇зсанаа яасмим̣ винаяабидагз. со убхад̇овибхан̇г̇а-канд̇хага-баривааравибхад̇д̇ад̣̇зсано аахаад̇и яож̇анаа. д̇ассаад̇и винаяабидагасса.
Avasānagāthāsu ubhatovibhaṅga-khandhaka-parivārehi vibhattattā vibhāgapaṭidesanā yasmiṃ vinayapiṭake. So ubhatovibhaṅga-khandhaka-parivāravibhattadesano āhāti yojanā. Tassāti vinayapiṭakassa.
сад̇т̇у махааб̣од̇хийд̇и д̣̇агкин̣асаакам̣ санд̇хааяа вад̣̇ад̇и. яам̣ бад̇хаанагхарам̣ наама баривзн̣ам̣, д̇ад̇т̇а жаарубаагаарзна сан̃жид̇ам̣ баригкид̇д̇ам̣ яам̣ баасаад̣̇ам̣ гаараяи, д̇ад̇ра д̇асмим̣ махааниг̇амасаамино баасаад̣̇з васад̇аад̇и яож̇зд̇аб̣б̣аа.
Satthu mahābodhīti dakkhiṇasākhaṃ sandhāya vadati. Yaṃ padhānagharaṃ nāma pariveṇaṃ, tattha cārupākārena sañcitaṃ parikkhittaṃ yaṃ pāsādaṃ kārayi, tatra tasmiṃ mahānigamasāmino pāsāde vasatāti yojetabbā.
б̣уд̣̇д̇хасирим̣ уд̣̇д̣̇исид̇ваа ниссааяа, д̇асса ваа аж̇жхзсанамби бадижжа яаа ид̣̇д̇хаа барибун̣н̣авинижчаяад̇ааяа самид̣̇д̇хаа винаяасам̣ван̣н̣анаа аарад̣̇д̇хаад̇и яож̇анаа.
Buddhasiriṃ uddisitvā nissāya, tassa vā ajjhesanampi paṭicca yā iddhā paripuṇṇavinicchayatāya samiddhā vinayasaṃvaṇṇanā āraddhāti yojanā.
сириниваасассаад̇и сирияаа ниваасанадтаанабхууд̇асса сирибааланаамагасса ран̃н̃о. ж̇аяасам̣важчарзд̇и виж̇аяаяуд̇д̇з сам̣важчарз. аарад̣̇д̇хагаалад̣̇ассанад̇т̇ам̣ буна ‘‘ж̇аяасам̣важчарз аяам̣ аарад̣̇д̇хаа’’д̇и вуд̇д̇ам̣.
Sirinivāsassāti siriyā nivāsanaṭṭhānabhūtassa siripālanāmakassa rañño. Jayasaṃvacchareti vijayayutte saṃvacchare. Āraddhakāladassanatthaṃ puna ‘‘jayasaṃvacchare ayaṃ āraddhā’’ti vuttaṃ.
гаалз вассанд̇и яуд̇д̇агаалз вассанасийло. д̣̇звод̇и мзгхо.
Kālevassanti yuttakāle vassanasīlo. Devoti megho.
ниг̇аманагат̇ааван̣н̣анаа нидтид̇аа.
Nigamanakathāvaṇṇanā niṭṭhitā.
