| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
ਨਿਗਮਨਕਥਾવਣ੍ਣਨਾ
Nigamanakathāvaṇṇanā
ਯਂ ਪਾਤਿਮੋਕ੍ਖਸ੍ਸ વਣ੍ਣਨਂ ਆਰਭਿਨ੍ਤਿ ਸਮ੍ਬਨ੍ਧੋ। ‘‘ਮਹਾવਿਹਾਰવਾਸੀਨ’’ਨ੍ਤਿ ਇਦਂ ਪੁਰਿਮਪਚ੍ਛਿਮਪਦੇਹਿ ਸਦ੍ਧਿਂ ਸਮ੍ਬਨ੍ਧਿਤਬ੍ਬਂ, ਮਹਾવਿਹਾਰવਾਸੀਨਂ ਪੋਰਾਣਟ੍ਠਕਥਾਹਿ વਾਤਿ ਚ। ਪਾਲ਼ਿਯਤ੍ਥਞ੍ਚ ਕੇવਲਨ੍ਤਿ ਸਕਲਂ ਪਾਲ਼ਿਅਤ੍ਥਞ੍ਚ, ਉਭਤੋવਿਭਙ੍ਗਞ੍ਚਾਤਿ વੁਤ੍ਤਂ ਹੋਤਿ। ਏਤ੍ਥਾਤਿ ਏਤਿਸ੍ਸਂ ਕਙ੍ਖਾવਿਤਰਣਿਯਂ। ਯਸ੍ਮਾ ਨ ਹਿ ਅਤ੍ਥੀਤਿ ਸਮ੍ਬਨ੍ਧੋ। ਯਨ੍ਤਿ ਯਂ ਪਦਂ। ਸੀਹਲ਼ਟ੍ਠਕਥਾਨਯਨ੍ਤਿ ਸੀਹਲ਼ਮਾਤਿਕਟ੍ਠਕਥਾਨਯਂ। ਅਟ੍ਠਕਥਾਸਾਰਨ੍ਤਿ ਸੀਹਲ਼ਮਾਤਿਕਟ੍ਠਕਥਾਯਂ ਅਤ੍ਥਸਾਰਂ, ਅਥ વਾ વਿਨਯਟ੍ਠਕਥਾਸੁ ਅਤ੍ਥਸਾਰਂ। ਤੇਨੇਤਂ ਦਸ੍ਸੇਤਿ – ਸੀਹਲ਼ਮਾਤਿਕਟ੍ਠਕਥਾਯਂ ਅਤ੍ਥਸਾਰਂ ਆਦਾਯ ਇਮਂ ਕਙ੍ਖਾવਿਤਰਣਿਂ ਕਰੋਨ੍ਤੋ વਿਨਯਟ੍ਠਕਥਾਸੁਪਿ ਇਧ વਿਨਿਚ੍ਛਯੇ ਯੋਗਕ੍ਖਮਂ ਅਤ੍ਥਸਾਰਂ ਆਦਾਯੇવ ਅਕਾਸਿਨ੍ਤਿ।
Yaṃ pātimokkhassa vaṇṇanaṃ ārabhinti sambandho. ‘‘Mahāvihāravāsīna’’nti idaṃ purimapacchimapadehi saddhiṃ sambandhitabbaṃ, mahāvihāravāsīnaṃ porāṇaṭṭhakathāhi vāti ca. Pāḷiyatthañca kevalanti sakalaṃ pāḷiatthañca, ubhatovibhaṅgañcāti vuttaṃ hoti. Etthāti etissaṃ kaṅkhāvitaraṇiyaṃ. Yasmā na hi atthīti sambandho. Yanti yaṃ padaṃ. Sīhaḷaṭṭhakathānayanti sīhaḷamātikaṭṭhakathānayaṃ. Aṭṭhakathāsāranti sīhaḷamātikaṭṭhakathāyaṃ atthasāraṃ, atha vā vinayaṭṭhakathāsu atthasāraṃ. Tenetaṃ dasseti – sīhaḷamātikaṭṭhakathāyaṃ atthasāraṃ ādāya imaṃ kaṅkhāvitaraṇiṃ karonto vinayaṭṭhakathāsupi idha vinicchaye yogakkhamaṃ atthasāraṃ ādāyeva akāsinti.
ਇਦਾਨਿ ਸਦੇવਕਸ੍ਸ ਲੋਕਸ੍ਸ ਅਚ੍ਚਨ੍ਤਸੁਖਾਧਿਗਮਾਯ ਅਤ੍ਤਨੋ ਪੁਞ੍ਞਂ ਪਰਿਣਾਮੇਨ੍ਤੋ ‘‘ਯਥਾ ਚ ਨਿਟ੍ਠਂ ਸਮ੍ਪਤ੍ਤਾ’’ਤਿਆਦਿਗਾਥਾਦ੍વਯਮਾਹ। ਕਲ੍ਯਾਣਨਿਸ੍ਸਿਤਾਤਿ ਕੁਸਲਨਿਸ੍ਸਿਤਾ। ਸਬ੍ਬਸਤ੍ਤਾਨਨ੍ਤਿ ਕਾਮਾવਚਰਾਦਿਭੇਦਾਨਂ ਸਬ੍ਬੇਸਂ ਸਤ੍ਤਾਨਂ।
Idāni sadevakassa lokassa accantasukhādhigamāya attano puññaṃ pariṇāmento ‘‘yathā ca niṭṭhaṃ sampattā’’tiādigāthādvayamāha. Kalyāṇanissitāti kusalanissitā. Sabbasattānanti kāmāvacarādibhedānaṃ sabbesaṃ sattānaṃ.
ਨਿਗਮਨਕਥਾવਣ੍ਣਨਾ ਨਿਟ੍ਠਿਤਾ।
Nigamanakathāvaṇṇanā niṭṭhitā.
