| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
ਨਿਗਮਨਕਥਾવਣ੍ਣਨਾ
Nigamanakathāvaṇṇanā
੪੭੩-੫. ਅਧਿਸੀਲਅਧਿਚਿਤ੍ਤਾਨਂ ਅਧਿਪਞ੍ਞਾਯ ਚ ਸਿਕ੍ਖਨਾ ਉਤ੍ਤਰਿ ਭਿਕ੍ਖੁਕਿਚ੍ਚਂ ਨਾਮ ਨਤ੍ਥਿ ਯਸ੍ਮਾ, ਅਤੋ ਅਯਂ ਖੁਦ੍ਦਸਿਕ੍ਖਾ ਸਮੁਦਾਹਟਾ।
473-5. Adhisīlaadhicittānaṃ adhipaññāya ca sikkhanā uttari bhikkhukiccaṃ nāma natthi yasmā, ato ayaṃ khuddasikkhā samudāhaṭā.
ਕੇਨਾਤਿ ਚੇ? ਯਸ੍ਸ ਥੇਰਸ੍ਸ ਲੋਕવਿਚਾਰਿਨੋ ਲੋਕੇ વਿਚਰਨ੍ਤਸ੍ਸ ਮਹਤੋ ਕਿਤ੍ਤਿਸਦ੍ਦਸ੍ਸ ਪਰਿਸ੍ਸਮੋ ਨ ਸਮ੍ਭੋਤਿ ਨ ਹੋਤਿ, ਕਿਂ વਿਯ? ਮਾਲੁਤਸ੍ਸੇવ ਨਿਚ੍ਚਸੋ, ਯਥਾ ਨਿਚ੍ਚਂ વਿਚਰਨ੍ਤਸ੍ਸ ਮਾਲੁਤਸ੍ਸ ਪਰਿਸ੍ਸਮੋ ਨਤ੍ਥਿ, ਏવਂ વਿਚਰਨ੍ਤਸ੍ਸ ਕਿਤ੍ਤਿਸਦ੍ਦਸ੍ਸ ਪਰਿਸ੍ਸਮੋ ਨਤ੍ਥਿ, ਤੇਨ ਧਮ੍ਮਸਿਰਿਕੇਨ ਸਮੁਦਾਹਟਾਤਿ ਸਮ੍ਬਨ੍ਧੋ।
Kenāti ce? Yassa therassa lokavicārino loke vicarantassa mahato kittisaddassa parissamo na sambhoti na hoti, kiṃ viya? Mālutasseva niccaso, yathā niccaṃ vicarantassa mālutassa parissamo natthi, evaṃ vicarantassa kittisaddassa parissamo natthi, tena dhammasirikena samudāhaṭāti sambandho.
ਏਤ੍ਤਾવਤਾ ਚ –
Ettāvatā ca –
ਨਿਟ੍ਠਿਤੋ ਖੁਦ੍ਦਸਿਕ੍ਖਾਯ, ਸਮਾਸੇਨ વਿਨਿਚ੍ਛਯੋ।
Niṭṭhito khuddasikkhāya, samāsena vinicchayo;
વਿਤ੍ਥਾਰੋ ਪਨ ਏਤਿਸ੍ਸਾ, ਸਬ੍ਬਮ੍ਪਿ ਪਿਟਕਤ੍ਤਯਂ॥
Vitthāro pana etissā, sabbampi piṭakattayaṃ.
ਤਸ੍ਮਾ વਿਤ੍ਥਾਰਕਾਮੇਨ, ਸਕਲੇ ਪਿਟਕਤ੍ਤਯੇ।
Tasmā vitthārakāmena, sakale piṭakattaye;
ਕਤ੍ਤਬ੍ਬੋ ਸਾਦਰੋ ਏਤ੍ਥ, ਇਤਰੇਨ વਿਸੇਸਤੋਤਿ॥
Kattabbo sādaro ettha, itarena visesatoti.
ਖੁਦ੍ਦਸਿਕ੍ਖਾવਿਨਿਚ੍ਛਯੋ।
Khuddasikkhāvinicchayo.
ਖੁਦ੍ਦਸਿਕ੍ਖਾ-ਪੁਰਾਣਟੀਕਾ ਨਿਟ੍ਠਿਤਾ।
Khuddasikkhā-purāṇaṭīkā niṭṭhitā.
