| Library / Tipiṭaka / திபிடக • Tipiṭaka / மஹாவிப⁴ங்க³-அட்ட²கதா² • Mahāvibhaṅga-aṭṭhakathā |
நிக³மனவண்ணனா
Nigamanavaṇṇanā
442. உத்³தி³ட்டா² கோ²…பே॰… ஏவமேதங் தா⁴ரயாமீதி எத்த² பட²மங் ஆபத்தி ஏதேஸந்தி பட²மாபத்திகா, பட²மங் வீதிக்கமக்க²ணேயேவ ஆபஜ்ஜிதப்³பா³தி அத்தோ². இதரே பன யதா² ததியே சதுத்தே² ச தி³வஸே ஹோதீதி ஜரோ ‘‘ததியகோ சதுத்த²கோ’’தி ச வுச்சதி; ஏவங் யாவததியே ஸமனுபா⁴ஸனகம்மே ஹொந்தீதி யாவததியகாதி வேதி³தப்³பா³.
442.Uddiṭṭhā kho…pe… evametaṃ dhārayāmīti ettha paṭhamaṃ āpatti etesanti paṭhamāpattikā, paṭhamaṃ vītikkamakkhaṇeyeva āpajjitabbāti attho. Itare pana yathā tatiye catutthe ca divase hotīti jaro ‘‘tatiyako catutthako’’ti ca vuccati; evaṃ yāvatatiye samanubhāsanakamme hontīti yāvatatiyakāti veditabbā.
யாவதீஹங் ஜானங் படிச்சா²தே³தீதி யத்தகானி அஹானி ஜானந்தோ படிச்சா²தே³தி, ‘‘அஹங் இத்த²ன்னாமங் ஆபத்திங் ஆபன்னோ’’தி ஸப்³ரஹ்மசாரீனங் நாரோசேதி. தாவதீஹந்தி தத்தகானி அஹானி. அகாமா பரிவத்த²ப்³ப³ந்தி ந காமேன, ந வஸேன, அத² கோ² அகாமேன அவஸேன பரிவாஸங் ஸமாதா³ய வத்த²ப்³ப³ங். உத்தரி சா²ரத்தந்தி பரிவாஸதோ உத்தரி ச² ரத்தியோ. பி⁴க்கு²மானத்தாயாதி பி⁴க்கூ²னங் மானநபா⁴வாய, ஆராத⁴னத்தா²யாதி வுத்தங் ஹோதி. வீஸதிஸங்கோ⁴ க³ணோ அஸ்ஸாதி வீஸதிக³ணோ . தத்ராதி யத்ர ஸப்³ப³ந்திமேன பரிச்சே²தே³ன வீஸதிக³ணோ பி⁴க்கு²ஸங்கோ⁴ அத்தி² தத்ர. அப்³பே⁴தப்³போ³தி அபி⁴ஏதப்³போ³ ஸம்படிச்சி²தப்³போ³, அப்³பா⁴னகம்மவஸேன ஓஸாரேதப்³போ³தி வுத்தங் ஹோதி , அவ்ஹாதப்³போ³தி வா அத்தோ². அனப்³பி⁴தோதி ந அப்³பி⁴தோ, அஸம்படிச்சி²தோ, அகதப்³பா⁴னகம்மோதி வுத்தங் ஹோதி, அனவ்ஹாதோதி வா அத்தோ². ஸாமீசீதி அனுத⁴ம்மதா, லோகுத்தரத⁴ம்மங் அனுக³தா ஓவாதா³னுஸாஸனீ, ஸாமீசி த⁴ம்மதாதி வுத்தங் ஹோதி. ஸேஸமெத்த² வுத்தனயமேவாதி.
Yāvatīhaṃ jānaṃ paṭicchādetīti yattakāni ahāni jānanto paṭicchādeti, ‘‘ahaṃ itthannāmaṃ āpattiṃ āpanno’’ti sabrahmacārīnaṃ nāroceti. Tāvatīhanti tattakāni ahāni. Akāmā parivatthabbanti na kāmena, na vasena, atha kho akāmena avasena parivāsaṃ samādāya vatthabbaṃ. Uttari chārattanti parivāsato uttari cha rattiyo. Bhikkhumānattāyāti bhikkhūnaṃ mānanabhāvāya, ārādhanatthāyāti vuttaṃ hoti. Vīsatisaṅgho gaṇo assāti vīsatigaṇo . Tatrāti yatra sabbantimena paricchedena vīsatigaṇo bhikkhusaṅgho atthi tatra. Abbhetabboti abhietabbo sampaṭicchitabbo, abbhānakammavasena osāretabboti vuttaṃ hoti , avhātabboti vā attho. Anabbhitoti na abbhito, asampaṭicchito, akatabbhānakammoti vuttaṃ hoti, anavhātoti vā attho. Sāmīcīti anudhammatā, lokuttaradhammaṃ anugatā ovādānusāsanī, sāmīci dhammatāti vuttaṃ hoti. Sesamettha vuttanayamevāti.
ஸமந்தபாஸாதி³காய வினயஸங்வண்ணனாய
Samantapāsādikāya vinayasaṃvaṇṇanāya
தேரஸகவண்ணனா நிட்டி²தா.
Terasakavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 13. குலதூ³ஸகஸிக்கா²பத³ங் • 13. Kuladūsakasikkhāpadaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / நிக³மனவண்ணனா • Nigamanavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / நிக³மனவண்ணனா • Nigamanavaṇṇanā
