| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
ниг̇аманаван̣н̣анаа
Nigamanavaṇṇanā
‘‘наамамад̇д̇авасзнаа’’д̇и баато. ‘‘наамаг̇од̇д̇авасзнаа’’д̇и ликид̇ам̣. ид̣̇ам̣ вуд̇д̇ам̣ ход̇и – ‘‘аяам̣ гирияаа бхигкуунам̣ гаад̇ум̣ на ваддад̇ий’’д̇и ж̇аанид̇ваа сажз чаад̣̇зд̇и, чаннаава ход̇ийд̇и ад̇т̇о. сабхааг̇амад̇д̇амзваад̇и авзрисабхааг̇амад̇д̇амзваад̇и ад̇хиббааяо.
‘‘Nāmamattavasenā’’ti pāṭho. ‘‘Nāmagottavasenā’’ti likhitaṃ. Idaṃ vuttaṃ hoti – ‘‘ayaṃ kiriyā bhikkhūnaṃ kātuṃ na vaṭṭatī’’ti jānitvā sace chādeti, channāva hotīti attho. Sabhāgamattamevāti averisabhāgamattamevāti adhippāyo.
вад̇т̇у жзва г̇од̇д̇ан̃жаад̇и зд̇т̇а вад̇т̇ууд̇и вийд̇иггаманам̣ асужимужжанам̣. г̇од̇д̇анд̇и г̇ам̣ д̇ааяад̇ийд̇и г̇од̇д̇ам̣, саж̇аад̇ид̇о ан̃н̃ад̇т̇а г̇анд̇ум̣ ад̣̇ад̇ваа г̇ам̣ б̣уд̣̇д̇хим̣, важанан̃жа д̇ааяад̇ийд̇и ад̇т̇о. вад̇т̇у жа саж̇аад̇имзва г̇ажчад̇и. саж̇аад̇и наамзд̇т̇а ан̃н̃зхи висидтаависидтабхууд̇аа гирияаа, на гааяасам̣саг̇г̇аад̣̇и. нааман̃жзва аабад̇д̇и жаад̇и зд̇т̇а аабад̇д̇ийд̇и вийд̇иггамзнаабаннаабад̇д̇ияаа наамам̣.
Vatthu ceva gottañcāti ettha vatthūti vītikkamanaṃ asucimuccanaṃ. Gottanti gaṃ tāyatīti gottaṃ, sajātito aññattha gantuṃ adatvā gaṃ buddhiṃ, vacanañca tāyatīti attho. Vatthu ca sajātimeva gacchati. Sajāti nāmettha aññehi visiṭṭhāvisiṭṭhabhūtā kiriyā, na kāyasaṃsaggādi. Nāmañceva āpatti cāti ettha āpattīti vītikkamenāpannāpattiyā nāmaṃ.
буна ааг̇ад̇ааг̇ад̇аанам̣ бхигкуунам̣ аарожзнд̇знаад̇и зд̇т̇а д̣̇виннам̣ аарожзнд̇зна ‘‘ааяасманд̇аа д̇хаарзнд̇у’’д̇ин̣н̣ам̣ ваа ад̇ирзгаанам̣ ваа аарожзнд̇зна ‘‘ааяасманд̇о д̇хаарзнд̇уу’’д̇и звам̣ аарожанавид̇хаанам̣ взд̣̇ид̇аб̣б̣ам̣. вад̇д̇абхзд̣̇ан̃жа рад̇д̇ижчзд̣̇ан̃жа агад̇ваад̇и зд̇т̇а табзд̇ваа навагад̇арам̣ баариваасигам̣ авасзсаанам̣ анд̇амасо муулааяабадигассанаарахаад̣̇ийнамби абхиваад̣̇анаад̣̇исаад̣̇ияанз, бадибаадияаа нисийд̣̇анз, овад̣̇анз, гаммигаанам̣ г̇арахан̣з жаад̇иаад̣̇ийсу вад̇д̇абхзд̣̇о ход̇и. д̣̇ассанасаванависаязсу анаарожанз жа бхигкуухи згажчаннз васанз жа аж̇аананд̇ассзва вихаарз бхигкуунам̣ ааг̇анд̇ваа г̇аманз жаад̇иаад̣̇ийсу рад̇д̇ижчзд̣̇о ход̇и. наанаасам̣ваасагзхи винаяагаммаабхаавад̇о д̇зсам̣ анаарожанз рад̇д̇ижчзд̣̇о на ход̇и. ‘‘д̣̇вз лзд̣д̣убаад̇з ад̇иггамид̇ваа’’д̇и важанад̇о анд̇о на ваддад̇и. нигкид̇д̇авад̇д̇знзва худ̇ваа вижаранд̇зна яасса санд̇игз буб̣б̣з самаад̣̇ияид̇ваа аарожид̇ам̣, д̇ассааби санд̇игз бажчаа нигкибанагаалз аарожзд̇ваава нигкибид̇аб̣б̣ам̣. д̇асмаа буна самаад̣̇аанагаалзби со жз д̇ад̇о г̇ажчад̇и, д̇ам̣ д̣̇ивасам̣ аг̇анд̇ваа д̣̇иваа аарожзд̇вааби яад̣̇и звам̣ ад̇ийд̇ад̣̇ивасам̣ ход̇и, ‘‘арун̣з удтид̇з д̇асса санд̇игз аарожзд̇ваа вад̇д̇ам̣ нигкибид̇ваа вихаарам̣ г̇анд̇аб̣б̣анд̇и д̇асса санд̇игз аарожзд̇ваа вад̇д̇ам̣ нигкибид̇аб̣б̣а’’нд̇и вуд̇д̇ам̣. абижа ‘‘вихаарам̣ г̇анд̇ваа яам̣ саб̣б̣абатамам̣ бхигкум̣ бассад̇и, д̇асса аарожзд̇ваа нигкибид̇аб̣б̣а’’нд̇и вуд̇д̇ам̣. сажз рад̇д̇ижчзд̣̇о ход̇и, вихаарасиймаабарияаабаннаанам̣ саб̣б̣зсам̣ аарожзд̇аб̣б̣ам̣ сияаа. ‘‘д̇асса аарожзд̇ваа’’д̇и ид̣̇ам̣ бана буб̣б̣з анаарожид̇ам̣ санд̇хааяа вад̇д̇абхзд̣̇арагкан̣ад̇т̇ам̣ вуд̇д̇ам̣. д̇асмаа зва саманд̇абаасаад̣̇игааяам̣ (жуул̣ава. адта. 97) звам̣ вуд̇д̇ам̣ ‘‘ан̃н̃ам̣ вихаарад̇о нигканд̇ам̣ ваа ааг̇анд̇угам̣ ваа’’д̇и.
Punaāgatāgatānaṃ bhikkhūnaṃ ārocentenāti ettha dvinnaṃ ārocentena ‘‘āyasmantā dhārentu’’tiṇṇaṃ vā atirekānaṃ vā ārocentena ‘‘āyasmanto dhārentū’’ti evaṃ ārocanavidhānaṃ veditabbaṃ. Vattabhedañca ratticchedañca akatvāti ettha ṭhapetvā navakataraṃ pārivāsikaṃ avasesānaṃ antamaso mūlāyapaṭikassanārahādīnampi abhivādanādisādiyane, paṭipāṭiyā nisīdane, ovadane, kammikānaṃ garahaṇe cātiādīsu vattabhedo hoti. Dassanasavanavisayesu anārocane ca bhikkhūhi ekacchanne vasane ca ajānantasseva vihāre bhikkhūnaṃ āgantvā gamane cātiādīsu ratticchedo hoti. Nānāsaṃvāsakehi vinayakammābhāvato tesaṃ anārocane ratticchedo na hoti. ‘‘Dve leḍḍupāte atikkamitvā’’ti vacanato anto na vaṭṭati. Nikkhittavatteneva hutvā vicarantena yassa santike pubbe samādiyitvā ārocitaṃ, tassāpi santike pacchā nikkhipanakāle ārocetvāva nikkhipitabbaṃ. Tasmā puna samādānakālepi so ce tato gacchati, taṃ divasaṃ agantvā divā ārocetvāpi yadi evaṃ atītadivasaṃ hoti, ‘‘aruṇe uṭṭhite tassa santike ārocetvā vattaṃ nikkhipitvā vihāraṃ gantabbanti tassa santike ārocetvā vattaṃ nikkhipitabba’’nti vuttaṃ. Apica ‘‘vihāraṃ gantvā yaṃ sabbapaṭhamaṃ bhikkhuṃ passati, tassa ārocetvā nikkhipitabba’’nti vuttaṃ. Sace ratticchedo hoti, vihārasīmāpariyāpannānaṃ sabbesaṃ ārocetabbaṃ siyā. ‘‘Tassa ārocetvā’’ti idaṃ pana pubbe anārocitaṃ sandhāya vattabhedarakkhaṇatthaṃ vuttaṃ. Tasmā eva samantapāsādikāyaṃ (cūḷava. aṭṭha. 97) evaṃ vuttaṃ ‘‘aññaṃ vihārato nikkhantaṃ vā āgantukaṃ vā’’ti.
суд̣̇д̇ханд̇абариваасз бана сажз ‘‘маасамад̇д̇ам̣ асуд̣̇д̇хомхий’’д̇и аг̇г̇ахзси, баривасанд̇о буна уунам̣ ваа ад̇хигам̣ ваа саннидтаанам̣ гарод̇и, д̇ад̇д̇агамби баривасид̇аб̣б̣амзва, бариваасад̣̇аанагижжам̣ над̇т̇и. аяан̃хи суд̣̇д̇ханд̇абариваасо наама уд̣̇д̇хамби аарохад̇и, хздтааби орохад̇и. ид̣̇амасса лагкан̣ам̣.
Suddhantaparivāse pana sace ‘‘māsamattaṃ asuddhomhī’’ti aggahesi, parivasanto puna ūnaṃ vā adhikaṃ vā sanniṭṭhānaṃ karoti, tattakampi parivasitabbameva, parivāsadānakiccaṃ natthi. Ayañhi suddhantaparivāso nāma uddhampi ārohati, heṭṭhāpi orohati. Idamassa lakkhaṇaṃ.
самод̣̇ахид̇ваад̇и муулаабад̇д̇идтаанз табзд̇ваа, багкибид̇ваад̇и ад̇т̇о. аббадижчаннаа жз анд̇араабад̇д̇и, муулааяа бадигассанам̣ агад̇ваа буб̣б̣з г̇ахид̇абариваасзнзва баривасид̇аб̣б̣ам̣. яо бана аабад̇д̇им̣ аабаж̇ж̇ид̇ваа виб̣бхамид̇ваа буна убасамбанно худ̇вааби бадижчаад̣̇зд̇и, яо жа буб̣б̣з бадижчаад̣̇зд̇ваа бажчаа на бадижчаад̣̇зд̇и, яо жа убхаяад̇т̇а бадижчаад̣̇зд̇и, саб̣б̣зсам̣ бадижчаннад̣̇ивасавасзна бариваасо д̣̇аад̇аб̣б̣о. ‘‘буримасмим̣ аабад̇д̇игканд̇хз ваа’’д̇и жа ‘‘бажчимасмим̣ аабад̇д̇игканд̇хз ваа’’д̇и (жуул̣ава. 166 аад̣̇аяо) жа баал̣ияам̣ вуд̇д̇ад̇д̇аа д̣̇вз бхигкуу висуд̣̇д̇хигам̣ аабаннаа хонд̇и, д̇з суд̣̇д̇хигад̣̇идтино хонд̇и. зго чаад̣̇зд̇и, зго на чаад̣̇зд̇и. яо чаад̣̇зд̇и, со д̣̇уггадам̣ д̣̇зсаабзд̇аб̣б̣о. ‘‘убхоби яат̇аад̇хаммам̣ гаараабзд̇аб̣б̣аа’’д̇и (жуул̣ава. 181) важанад̇о яам̣ ган̃жи аабад̇д̇им̣ чаад̣̇зд̇ваа д̣̇уггадам̣ аабаж̇ж̇ад̇ийд̇и взд̣̇ид̇аб̣б̣о.
Samodahitvāti mūlāpattiṭṭhāne ṭhapetvā, pakkhipitvāti attho. Appaṭicchannā ce antarāpatti, mūlāya paṭikassanaṃ akatvā pubbe gahitaparivāseneva parivasitabbaṃ. Yo pana āpattiṃ āpajjitvā vibbhamitvā puna upasampanno hutvāpi paṭicchādeti, yo ca pubbe paṭicchādetvā pacchā na paṭicchādeti, yo ca ubhayattha paṭicchādeti, sabbesaṃ paṭicchannadivasavasena parivāso dātabbo. ‘‘Purimasmiṃ āpattikkhandhe vā’’ti ca ‘‘pacchimasmiṃ āpattikkhandhe vā’’ti (cūḷava. 166 ādayo) ca pāḷiyaṃ vuttattā dve bhikkhū visuddhikaṃ āpannā honti, te suddhikadiṭṭhino honti. Eko chādeti, eko na chādeti. Yo chādeti, so dukkaṭaṃ desāpetabbo. ‘‘Ubhopi yathādhammaṃ kārāpetabbā’’ti (cūḷava. 181) vacanato yaṃ kañci āpattiṃ chādetvā dukkaṭaṃ āpajjatīti veditabbo.
д̇зсу г̇ад̇зсу ваа аг̇ад̇зсу ваа буриманаязнзва бадибаж̇ж̇ид̇аб̣б̣анд̇и зд̇т̇а уунз г̇ан̣з жаран̣ам̣, анудтаханам̣ згарад̇д̇амби г̇ан̣зна виббаваасам̣, сажз рад̇д̇ияаа згагкан̣зна сан̇гхо васад̇и, сажз со бурз арун̣амзва гзнажи гаран̣ийязна г̇ад̇од̇и зд̇т̇аби маанад̇д̇зби звам̣ ж̇аад̇з. ‘‘аяан̃жа яасмаа г̇ан̣асса аарожзд̇ваа, бхигкуунан̃жа ад̇т̇ибхаавам̣ саллагкзд̇ваава васи, д̇знасса уунз г̇ан̣з жаран̣ад̣̇осо ваа виббаваасо ваа на ход̇ий’’д̇и (жуул̣ава. адта. 97) саманд̇абаасаад̣̇игааяам̣ вуд̇д̇ам̣. д̇асмаа д̇зна аарожид̇з мухуд̇д̇амби нисийд̣̇ид̇ваа г̇ад̇зби виббаваасо над̇т̇и. баариваасигасса, угкид̇д̇агасса жа багад̇ад̇д̇зна д̇асмим̣ васанам̣ уд̣̇агабаад̇зна ваарид̇ам̣, д̇асмаа наануубажаарзби згажчаннз на ваддад̇и.
Tesu gatesu vā agatesu vā purimanayeneva paṭipajjitabbanti ettha ūne gaṇe caraṇaṃ, anuṭṭhahanaṃ ekarattampi gaṇena vippavāsaṃ, sace rattiyā ekakkhaṇena saṅgho vasati, sace so pure aruṇameva kenaci karaṇīyena gatoti etthapi mānattepi evaṃ jāte. ‘‘Ayañca yasmā gaṇassa ārocetvā, bhikkhūnañca atthibhāvaṃ sallakkhetvāva vasi, tenassa ūne gaṇe caraṇadoso vā vippavāso vā na hotī’’ti (cūḷava. aṭṭha. 97) samantapāsādikāyaṃ vuttaṃ. Tasmā tena ārocite muhuttampi nisīditvā gatepi vippavāso natthi. Pārivāsikassa, ukkhittakassa ca pakatattena tasmiṃ vasanaṃ udakapātena vāritaṃ, tasmā nānūpacārepi ekacchanne na vaṭṭati.
ид̣̇аани баатавижааран̣аа взд̣̇ид̇аб̣б̣аа – ‘‘нава батамаабад̇д̇игаа жад̇д̇ааро яаавад̇ад̇ияагаа’’д̇и ид̣̇ам̣ сабхааванияамаважанам̣. д̇зна вудтаанам̣ анияаманд̇и д̣̇ассзд̇и. згажжаабад̇д̇ивудтаанан̃хи гаммад̇оби ход̇и агаммад̇оби, на звам̣ аабаж̇ж̇ананд̇и вуд̇д̇ам̣ ход̇и. ан̃н̃ад̇арам̣ ваа ан̃н̃ад̇арам̣ ваад̇и д̇зсам̣ д̣̇вид̇хаа бхиннаанамби вудтаанаггамабхзд̣̇аабхаавад̣̇ийбагаважанам̣. яаавад̇ийхам̣, д̇аавад̇ийханд̇и зд̇т̇а ахабарижчзд̣̇о арун̣авасзна. ‘‘ж̇аана’’нд̇и иминаа ж̇аананаббадижчаннасса агаамаа баривад̇т̇аб̣б̣анд̇и д̣̇ассзд̇и. д̇зна бхигкунаа агаамаа баривад̇т̇аб̣б̣анд̇и д̇зна бхигкунаа васад̇аа агаамаа баривад̇т̇аб̣б̣ам̣, на баривад̇д̇ид̇алин̇г̇знаад̇и д̣̇ассанад̇т̇ам̣ вуд̇д̇ам̣. баривуд̇т̇абариваасзнаад̇и аад̣̇имхи баривуд̇т̇абариваасзнзва бариваасад̇о уд̇д̇ари ид̇иваарзна аад̣̇ид̇о бхигкунаава чаарад̇д̇ам̣, баривад̇д̇ид̇алин̇г̇зна уд̣̇д̇хамби бхигкумаанад̇д̇ааяа бадибаж̇ж̇ид̇аб̣б̣ам̣, на бариваасз вияа д̇аббажжаяаа ажин̣н̣амаанад̇д̇о. жин̣н̣амаанад̇д̇ова аб̣бхзд̇аб̣б̣о, на ид̇аро, на бариваасз вияа маанад̇д̇аарахз, багкамаанад̇д̇ан̃жа жаранд̇ияаа бхигкунияаа лин̇г̇ам̣ баривад̇д̇аад̇иггамз сад̇и жин̣н̣амаанад̇д̇о бхигку ход̇и, буна бхигкумаанад̇д̇ам̣ г̇ахзд̇ваа жин̣н̣амаанад̇д̇ова бхигку аб̣бхзд̇аб̣б̣од̇и д̣̇ассзд̇и.
Idāni pāṭhavicāraṇā veditabbā – ‘‘nava paṭhamāpattikā cattāro yāvatatiyakā’’ti idaṃ sabhāvaniyamavacanaṃ. Tena vuṭṭhānaṃ aniyamanti dasseti. Ekaccāpattivuṭṭhānañhi kammatopi hoti akammatopi, na evaṃ āpajjananti vuttaṃ hoti. Aññataraṃ vā aññataraṃ vāti tesaṃ dvidhā bhinnānampi vuṭṭhānakkamabhedābhāvadīpakavacanaṃ. Yāvatīhaṃ, tāvatīhanti ettha ahaparicchedo aruṇavasena. ‘‘Jāna’’nti iminā jānanappaṭicchannassa akāmā parivatthabbanti dasseti. Tena bhikkhunā akāmā parivatthabbanti tena bhikkhunā vasatā akāmā parivatthabbaṃ, na parivattitaliṅgenāti dassanatthaṃ vuttaṃ. Parivutthaparivāsenāti ādimhi parivutthaparivāseneva parivāsato uttari itivārena ādito bhikkhunāva chārattaṃ, parivattitaliṅgena uddhampi bhikkhumānattāya paṭipajjitabbaṃ, na parivāse viya tappaccayā aciṇṇamānatto. Ciṇṇamānattova abbhetabbo, na itaro, na parivāse viya mānattārahe, pakkhamānattañca carantiyā bhikkhuniyā liṅgaṃ parivattātikkame sati ciṇṇamānatto bhikkhu hoti, puna bhikkhumānattaṃ gahetvā ciṇṇamānattova bhikkhu abbhetabboti dasseti.
яад̇т̇а сияаад̇и яассам̣ самаанасам̣ваасагасиймааяамби вийсад̇иг̇ан̣о бхигкусан̇гхо ад̇т̇и. згзнаби жз ууно вийсад̇иг̇ан̣од̇и на яуж̇ж̇ад̇и, ууно жз. на хи вийсад̇иг̇ан̣о, сан̇гхо жз ууно. д̇асмаа ‘‘згзнаби жз ууно сан̇гхо’’д̇и зд̇д̇агамзва вад̇д̇аб̣б̣анд̇и жз? на, жад̇уваг̇г̇абан̃жаваг̇г̇ад̣̇асаваг̇г̇аббасан̇г̇анивааран̣аббаяож̇анад̇о. д̇асмаа вийсад̇иваг̇г̇о бхигкусан̇гхо жз бхигкунаа згзнаби ууно, надто д̣̇адтаб̣б̣о. гзжи бана винаяз аббагад̇ан̃н̃уно ‘‘яат̇аа ад̇ирзгажад̇уваг̇г̇оби сан̇гхо жад̇уваг̇г̇агаран̣ийяз гаммз ‘жад̇уваг̇г̇о’д̇и вужжад̇и, д̇ат̇аа бан̃жаваг̇г̇ад̣̇асаваг̇г̇агаран̣ийяз гаммз ад̇ирзгабан̃жаваг̇г̇ад̣̇асаваг̇г̇оби ‘бан̃жаваг̇г̇ад̣̇асаваг̇г̇о’д̇и вужжад̇и. д̇асмаа ууноби жад̇уваг̇г̇абан̃жаваг̇г̇ад̣̇асаваг̇г̇авийсад̇иваг̇г̇оваа’’д̇и ман̃н̃зяяум̣, д̇зсам̣ ман̃н̃анаанивааран̣ад̇т̇ам̣ ‘‘згзнаби жз ууно’’д̇иаад̣̇и вуд̇д̇ам̣. ат̇а ваа вийсад̇и бхигкусан̇гхо жз, табзд̇ваа згзнаби жз ууно аббагад̇ад̇д̇о, д̇ам̣ табзд̇ваа згзнаби жзд̇и звамзд̇т̇а ад̇т̇о д̣̇адтаб̣б̣о. аяам̣ д̇ад̇т̇а саамийжийд̇и важанам̣ яам̣ вуд̇д̇ам̣ саб̣б̣ад̇т̇а ‘‘д̇асса аабад̇д̇ияаа бариваасам̣ д̣̇зд̇и, муулааяа бадигассад̇и, маанад̇д̇ам̣ д̣̇зд̇и, аб̣бхзд̇ий’’д̇и, д̇асса аавибхаавагаран̣ад̇т̇ам̣ вуд̇д̇анд̇и взд̣̇ид̇аб̣б̣ам̣. д̇зна д̇зсу аяам̣ яат̇аавуд̇д̇аа саамийжи нияад̇аа ижчид̇аб̣б̣аа, на рааж̇асигкаабад̣̇аад̣̇ийсу вияа анияад̇аа. д̇ад̇т̇а хи гзнажи анд̇арааязна д̇ам̣ саамийжимагаронд̇зби анаабад̇д̇ийд̇и д̣̇ийбид̇ам̣ ход̇и.
Yattha siyāti yassaṃ samānasaṃvāsakasīmāyampi vīsatigaṇo bhikkhusaṅgho atthi. Ekenapi ce ūno vīsatigaṇoti na yujjati, ūno ce. Na hi vīsatigaṇo, saṅgho ce ūno. Tasmā ‘‘ekenapi ce ūno saṅgho’’ti ettakameva vattabbanti ce? Na, catuvaggapañcavaggadasavaggappasaṅganivāraṇappayojanato. Tasmā vīsativaggo bhikkhusaṅgho ce bhikkhunā ekenapi ūno, naṭṭho daṭṭhabbo. Keci pana vinaye appakataññuno ‘‘yathā atirekacatuvaggopi saṅgho catuvaggakaraṇīye kamme ‘catuvaggo’ti vuccati, tathā pañcavaggadasavaggakaraṇīye kamme atirekapañcavaggadasavaggopi ‘pañcavaggadasavaggo’ti vuccati. Tasmā ūnopi catuvaggapañcavaggadasavaggavīsativaggovā’’ti maññeyyuṃ, tesaṃ maññanānivāraṇatthaṃ ‘‘ekenapi ce ūno’’tiādi vuttaṃ. Atha vā vīsati bhikkhusaṅgho ce, ṭhapetvā ekenapi ce ūno appakatatto, taṃ ṭhapetvā ekenapi ceti evamettha attho daṭṭhabbo. Ayaṃ tattha sāmīcīti vacanaṃ yaṃ vuttaṃ sabbattha ‘‘tassa āpattiyā parivāsaṃ deti, mūlāya paṭikassati, mānattaṃ deti, abbhetī’’ti, tassa āvibhāvakaraṇatthaṃ vuttanti veditabbaṃ. Tena tesu ayaṃ yathāvuttā sāmīci niyatā icchitabbā, na rājasikkhāpadādīsu viya aniyatā. Tattha hi kenaci antarāyena taṃ sāmīcimakarontepi anāpattīti dīpitaṃ hoti.
сан̇гхаад̣̇исзсаван̣н̣анаа нидтид̇аа.
Saṅghādisesavaṇṇanā niṭṭhitā.
