| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
ниг̇аманаван̣н̣анаа
Nigamanavaṇṇanā
233. ид̇хаад̇и имасмим̣ бхигкувибхан̇г̇з. уд̣̇д̣̇идтаад̇и ид̇ха баад̇имогкавасзна аносаарид̇ад̇д̇аа жад̇д̇ааро баарааж̇игаава уд̣̇д̣̇идтаа гат̇ид̇аад̇и ад̇т̇о г̇ахзд̇аб̣б̣о. яад̣̇и звам̣ хздтаа т̇уллажжаяад̣̇уггадаанамби вуд̇д̇ад̇д̇аа баарааж̇игаава уд̣̇д̣̇идтаад̇и гасмаа вуд̇д̇аад̇и? баарааж̇игаад̇хигаарад̇д̇аа санд̇зсуби т̇уллажжаяад̣̇уггадзсу ид̇ха баарааж̇игаава вуд̇д̇аа. язсам̣…бз… асам̣ваасод̇и имамад̇т̇ам̣ ваа д̣̇ийбзд̇угаамо д̇ам̣самб̣анд̇хзна ‘‘уд̣̇д̣̇идтаа жад̇д̇ааро баарааж̇игаа’’д̇и ааха. д̇ад̇т̇ааяасманд̇зд̇иаад̣̇игам̣ бана анун̃н̃аад̇абаад̇имогкуд̣̇д̣̇зсаггамоби аяамзва, наан̃н̃од̇и д̣̇ассанад̇т̇ам̣ вуд̇д̇ам̣. бхигкунийнам̣ асаад̇хааран̣аани жад̇д̇аарийд̇и уб̣бхаж̇аан̣уман̣д̣алигаа важ̇ж̇абадижчаад̣̇игаа угкид̇д̇аанувад̇д̇игаа адтавад̇т̇угаад̇и имаани жад̇д̇аари бхигкунийнам̣ бхигкуухи асаад̇хааран̣аани наама. зд̇зсу уб̣бхаж̇аан̣уман̣д̣алигаа наама яаа гааяасам̣саг̇г̇арааг̇зна авассуд̇аа д̇знзва рааг̇зна авассуд̇асса мануссабурисасса агкагаанам̣ ад̇хо ж̇аан̣уман̣д̣алаанам̣ габбараанан̃жа убари язна гзнажи сарийрааваяавзна аамасанаад̣̇им̣ саад̣̇ияад̇и, д̇ассаа ад̇хиважанам̣. яаа бана бхигкуний ан̃н̃иссаа бхигкунияаа баарааж̇игасан̇каад̇ам̣ важ̇ж̇ам̣ ж̇аанам̣ бадижчаад̣̇зд̇и, саа важ̇ж̇абадижчаад̣̇игаа наама. самаг̇г̇зна бана сан̇гхзна угкид̇д̇ам̣ бхигкум̣ яаа бхигкуний яам̣д̣̇идтиго со ход̇и, д̇ассаа д̣̇идтияаа г̇ахан̣авасзна анувад̇д̇ад̇и, саа угкид̇д̇аанувад̇д̇игаа наама. яаа бана гааяасам̣саг̇г̇арааг̇зна д̇инд̇аа д̇ат̇аавид̇хассзва бурисасса хад̇т̇аг̇г̇ахан̣ам̣ ваа сан̇гхаадиган̣н̣аг̇г̇ахан̣ам̣ ваа саад̣̇ияад̇и, гааяасам̣саг̇г̇асан̇каад̇асса асад̣̇д̇хаммасса бадисзванад̇т̇ааяа бурисасса хад̇т̇абаасз санд̇идтад̇и ваа, д̇ад̇т̇а тад̇ваа саллабад̇и ваа, сан̇гзд̇ам̣ ваа г̇ажчад̇и, бурисасса ааг̇аманам̣ ваа саад̣̇ияад̇и, гзнажи ваа бадижчанногаасам̣ бависад̇и, хад̇т̇абаасз ваа тад̇ваа гааяам̣ убасам̣харад̇и, аяам̣ адтавад̇т̇угаа наамаад̇и взд̣̇ид̇аб̣б̣ам̣.
233.Idhāti imasmiṃ bhikkhuvibhaṅge. Uddiṭṭhāti idha pātimokkhavasena anosāritattā cattāro pārājikāva uddiṭṭhā kathitāti attho gahetabbo. Yadi evaṃ heṭṭhā thullaccayadukkaṭānampi vuttattā pārājikāva uddiṭṭhāti kasmā vuttāti? Pārājikādhikārattā santesupi thullaccayadukkaṭesu idha pārājikāva vuttā. Yesaṃ…pe… asaṃvāsoti imamatthaṃ vā dīpetukāmo taṃsambandhena ‘‘uddiṭṭhā cattāro pārājikā’’ti āha. Tatthāyasmantetiādikaṃ pana anuññātapātimokkhuddesakkamopi ayameva, nāññoti dassanatthaṃ vuttaṃ. Bhikkhunīnaṃ asādhāraṇāni cattārīti ubbhajāṇumaṇḍalikā vajjapaṭicchādikā ukkhittānuvattikā aṭṭhavatthukāti imāni cattāri bhikkhunīnaṃ bhikkhūhi asādhāraṇāni nāma. Etesu ubbhajāṇumaṇḍalikā nāma yā kāyasaṃsaggarāgena avassutā teneva rāgena avassutassa manussapurisassa akkhakānaṃ adho jāṇumaṇḍalānaṃ kapparānañca upari yena kenaci sarīrāvayavena āmasanādiṃ sādiyati, tassā adhivacanaṃ. Yā pana bhikkhunī aññissā bhikkhuniyā pārājikasaṅkhātaṃ vajjaṃ jānaṃ paṭicchādeti, sā vajjapaṭicchādikā nāma. Samaggena pana saṅghena ukkhittaṃ bhikkhuṃ yā bhikkhunī yaṃdiṭṭhiko so hoti, tassā diṭṭhiyā gahaṇavasena anuvattati, sā ukkhittānuvattikā nāma. Yā pana kāyasaṃsaggarāgena tintā tathāvidhasseva purisassa hatthaggahaṇaṃ vā saṅghāṭikaṇṇaggahaṇaṃ vā sādiyati, kāyasaṃsaggasaṅkhātassa asaddhammassa paṭisevanatthāya purisassa hatthapāse santiṭṭhati vā, tattha ṭhatvā sallapati vā, saṅketaṃ vā gacchati, purisassa āgamanaṃ vā sādiyati, kenaci vā paṭicchannokāsaṃ pavisati, hatthapāse vā ṭhatvā kāyaṃ upasaṃharati, ayaṃ aṭṭhavatthukā nāmāti veditabbaṃ.
вад̇т̇увибаннаад̇и баб̣б̣аж̇ж̇убасамбад̣̇ааяа авад̇т̇убхаавад̇о вад̇т̇увибаннаа. нзсан̃хи ‘‘на, бхигкавз, бан̣д̣аго баб̣б̣ааж̇зд̇аб̣б̣о, яо баб̣б̣ааж̇зяяа, аабад̇д̇и д̣̇уггадассаа’’д̇иаад̣̇инаа баб̣б̣аж̇ж̇аа убасамбад̣̇аа жа бадигкид̇д̇аа. д̇асмаа д̇з бхигкубхаавааяа абхаб̣б̣ад̇д̇аа баарааж̇игаабаннасад̣̇исад̇ааяа ‘‘баарааж̇игаа’’д̇и вуд̇д̇аа. д̇аб̣бхаавабхаавид̇ааяа бхигкубхааво васад̇и зд̇т̇аад̇и вад̇т̇у, буг̇г̇алаанам̣ бхигкубхааваарахад̇аа. саа бана баб̣б̣аж̇ж̇агканд̇хагааг̇ад̇асаб̣б̣ад̣̇осавирахид̇асамбад̇д̇ияуд̇д̇ад̇аа. д̇ам̣ вибаннам̣ бан̣д̣агабхааваад̣̇ияог̇зна язсам̣ д̇з вад̇т̇увибаннаа. ахзд̇угабадисанд̇хигаад̇и иминаа д̇зсам̣ вибаагааваран̣зна саманнааг̇ад̇абхаавам̣ д̣̇ассзнд̇о маг̇г̇ааваран̣з гааран̣амааха. баарааж̇игаабаннасад̣̇исад̇д̇аа баарааж̇игаа. т̇зяяасам̣ваасагаад̣̇игаммам̣ маад̇угхаад̇аад̣̇игам̣ вияа аананд̇арияам̣ на ход̇ийд̇и ааха ‘‘имзсам̣ д̇ин̣н̣ам̣ саг̇г̇о аваарид̇о’’д̇и.
Vatthuvipannāti pabbajjupasampadāya avatthubhāvato vatthuvipannā. Nesañhi ‘‘na, bhikkhave, paṇḍako pabbājetabbo, yo pabbājeyya, āpatti dukkaṭassā’’tiādinā pabbajjā upasampadā ca paṭikkhittā. Tasmā te bhikkhubhāvāya abhabbattā pārājikāpannasadisatāya ‘‘pārājikā’’ti vuttā. Tabbhāvabhāvitāya bhikkhubhāvo vasati etthāti vatthu, puggalānaṃ bhikkhubhāvārahatā. Sā pana pabbajjakkhandhakāgatasabbadosavirahitasampattiyuttatā. Taṃ vipannaṃ paṇḍakabhāvādiyogena yesaṃ te vatthuvipannā. Ahetukapaṭisandhikāti iminā tesaṃ vipākāvaraṇena samannāgatabhāvaṃ dassento maggāvaraṇe kāraṇamāha. Pārājikāpannasadisattā pārājikā. Theyyasaṃvāsakādikammaṃ mātughātādikaṃ viya ānantariyaṃ na hotīti āha ‘‘imesaṃ tiṇṇaṃ saggo avārito’’ti.
д̣̇ийгхад̇ааяа ламб̣амаанам̣ ан̇г̇аж̇аад̇амзд̇ассаад̇и ламб̣ий. со зд̇д̇аавад̇аа на баарааж̇иго, ат̇а ко яад̣̇аа анабхирад̇ияаа бийл̣ид̇о ад̇д̇ано ан̇г̇аж̇аад̇ам̣ мукз ваа важжамаг̇г̇з ваа бавзсзд̇и, д̇ад̣̇аа баарааж̇иго ход̇и. муд̣̇у бидти зд̇ассаад̇и муд̣̇убидтиго, гад̇абаригаммааяа муд̣̇угааяа бидтияаа саманнааг̇ад̇о. соби яад̣̇аа анабхирад̇ияаа бийл̣ид̇о ад̇д̇ано ан̇г̇аж̇аад̇ам̣ ад̇д̇ано мукаважжамаг̇г̇зсу ан̃н̃ад̇арам̣ бавзсзд̇и, д̇ад̣̇аа баарааж̇иго ход̇и. барасса ан̇г̇аж̇аад̇ам̣ ад̇д̇ано мукзна г̇ан̣хаад̇ийд̇и яо анабхирад̇ияаа бийл̣ид̇о барасса суд̇д̇асса ваа бамад̇д̇асса ваа ан̇г̇аж̇аад̇ам̣ ад̇д̇ано мукзна г̇ан̣хаад̇и. барасса ан̇г̇аж̇аад̇з абхинисийд̣̇ад̇ийд̇и яо анабхирад̇ияаа бийл̣ид̇о барасса ан̇г̇аж̇аад̇ам̣ гамманияам̣ д̣̇исваа ад̇д̇ано важжамаг̇г̇зна д̇ассуубари нисийд̣̇ад̇и, д̇ам̣ ад̇д̇ано важжамаг̇г̇ам̣ бавзсзд̇ийд̇и ад̇т̇о.
Dīghatāya lambamānaṃ aṅgajātametassāti lambī. So ettāvatā na pārājiko, atha kho yadā anabhiratiyā pīḷito attano aṅgajātaṃ mukhe vā vaccamagge vā paveseti, tadā pārājiko hoti. Mudu piṭṭhi etassāti mudupiṭṭhiko, kataparikammāya mudukāya piṭṭhiyā samannāgato. Sopi yadā anabhiratiyā pīḷito attano aṅgajātaṃ attano mukhavaccamaggesu aññataraṃ paveseti, tadā pārājiko hoti. Parassa aṅgajātaṃ attano mukhena gaṇhātīti yo anabhiratiyā pīḷito parassa suttassa vā pamattassa vā aṅgajātaṃ attano mukhena gaṇhāti. Parassa aṅgajāte abhinisīdatīti yo anabhiratiyā pīḷito parassa aṅgajātaṃ kammaniyaṃ disvā attano vaccamaggena tassūpari nisīdati, taṃ attano vaccamaggaṃ pavesetīti attho.
зд̇т̇ааха – маад̇угхаад̇агабид̇угхаад̇агаараханд̇агхаад̇агаа д̇ад̇ияабаарааж̇игам̣ аабаннаа, бхигкунийд̣̇уусаго ламб̣ийаад̣̇аяо жад̇д̇ааро батамабаарааж̇игам̣ аабаннаа зваад̇и гат̇ам̣ жад̇увийсад̇ийд̇и? вужжад̇з – маад̇угхаад̇агаад̣̇аяо хи жад̇д̇ааро ид̇ха анубасамбаннаа зва ад̇хиббзд̇аа, ламб̣ийаад̣̇аяо жад̇д̇ааро гин̃жааби батамабаарааж̇игзна сан̇г̇ахид̇аа, яасмаа бана зд̇зна барияааязна мзт̇унам̣ д̇хаммам̣ аббадисзвино хонд̇и, д̇асмаа висум̣ вуд̇д̇аад̇и. зд̇зна барияааязнаад̇и убхиннам̣ рааг̇абарияудтаанасан̇каад̇зна барияааязна. д̣̇уд̇ияавигаббз гажжид̇т̇аад̇и зд̇т̇а гажжи ад̇т̇аад̇и бад̣̇ажчзд̣̇о взд̣̇ид̇аб̣б̣о.
Etthāha – mātughātakapitughātakaarahantaghātakā tatiyapārājikaṃ āpannā, bhikkhunīdūsako lambīādayo cattāro paṭhamapārājikaṃ āpannā evāti kathaṃ catuvīsatīti? Vuccate – mātughātakādayo hi cattāro idha anupasampannā eva adhippetā, lambīādayo cattāro kiñcāpi paṭhamapārājikena saṅgahitā, yasmā pana etena pariyāyena methunaṃ dhammaṃ appaṭisevino honti, tasmā visuṃ vuttāti. Etena pariyāyenāti ubhinnaṃ rāgapariyuṭṭhānasaṅkhātena pariyāyena. Dutiyavikappe kaccitthāti ettha kacci atthāti padacchedo veditabbo.
ниг̇аманаван̣н̣анаа нидтид̇аа.
Nigamanavaṇṇanā niṭṭhitā.
ид̇и саманд̇абаасаад̣̇игааяа винаяасам̣ван̣н̣анааяа саарад̇т̇ад̣̇ийбанияам̣
Iti samantapāsādikāya vinayasaṃvaṇṇanāya sāratthadīpaniyaṃ
жад̇уд̇т̇абаарааж̇игаван̣н̣анаа нидтид̇аа.
Catutthapārājikavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. жад̇уд̇т̇абаарааж̇игам̣ • 4. Catutthapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. жад̇уд̇т̇абаарааж̇игам̣ • 4. Catutthapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ниг̇аманаван̣н̣анаа • Nigamanavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ниг̇аманаван̣н̣анаа • Nigamanavaṇṇanā
