| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
ниг̇аманаван̣н̣анаа
Nigamanavaṇṇanā
г̇ираг̇г̇асамаж̇ж̇аад̣̇ийни ‘‘ажид̇д̇агаани логаваж̇ж̇ааний’’д̇и вуд̇д̇ад̇д̇аа ‘‘нажжа’’нд̇и ваа ‘‘г̇анд̇хо’’д̇и ваа аж̇аанид̇вааби д̣̇ассанзна, вилимбанзна ваа аабаж̇ж̇анад̇о вад̇т̇уаж̇аананажид̇д̇зна ажид̇д̇агаани. ‘‘нажжа’’нд̇и ваа ‘‘г̇анд̇хо’’д̇и ваа ж̇аанид̇ваа бассанд̇ияаа, вилимбанд̇ияаа жа агусалад̇д̇аа зва логаваж̇ж̇аани. жоривудтаабанаад̣̇ийни ‘‘жорий’’д̇иаад̣̇инаа вад̇т̇ум̣ ж̇аанид̇ваа гаран̣з зва аабад̇д̇исаб̣бхаавад̇о сажид̇д̇агаани. убасамбад̣̇аад̣̇ийнам̣ зганд̇зна агусалажид̇д̇знзва агад̇д̇аб̣б̣ад̇д̇аа бан̣н̣ад̇д̇иваж̇ж̇аани. ‘‘ид̇ха сажид̇д̇агаажид̇д̇агад̇аа бан̣н̣ад̇д̇иж̇аананааж̇аананад̇ааяа аг̇г̇ахзд̇ваа вад̇т̇уж̇аананааж̇аананад̇ааяа г̇ахзд̇аб̣б̣аа’’д̇и ликид̇ам̣. ануг̇ан̣тибад̣̇з бана ‘‘г̇ираг̇г̇асамаж̇ж̇аад̣̇ийни ‘ажид̇д̇агаани логаваж̇ж̇ааний’д̇и вуд̇д̇ад̇д̇аа ‘нажжа’нд̇и ваа ‘сан̇гхаан̣ий’д̇и ваа ‘г̇анд̇хо’д̇и ваа д̇асса наамавасзна аж̇аанид̇ваа мааяаагаарасса мааяаани сийсадтиаад̣̇ийни бадисан̇кааяа бассанд̇ияаа, агкамаалаад̣̇иад̇т̇ааяа сан̇гхаан̣им̣ гадияаа б̣анд̇ханд̇ияаа, ‘сзд̣̇аг̇анд̇хам̣ абанзд̇ваа б̣уд̣̇д̇хабууж̇ам̣ гариссаамий’д̇и уббаннзна жид̇д̇зна г̇анд̇хам̣ вилимбзд̇ваа нахааяанд̇ияаа жа аабад̇д̇исаб̣бхаавад̇о наамзна сад̣̇д̇хим̣ наамавасзна ваа вад̇т̇усса аж̇аананажид̇д̇зна ажид̇д̇агаани наама. на анд̇хагаарз ‘гадисуд̇д̇амид̣̇а’нд̇и сан̃н̃ааяа сан̇гхаан̣им̣ г̇ахзд̇ваа гадияам̣ д̇хааран̣агаалз, мад̇д̇игаасан̃н̃ааяа жа г̇анд̇хам̣ г̇ахзд̇ваа вилимбанагаалз аабад̇д̇исаб̣бхаавад̇о ‘ажид̇д̇агааний’д̇и вад̇д̇аб̣б̣аани. д̇асмим̣ гаалз анаабад̇д̇и, д̇знзва сан̇гхаан̣ияаа асан̇гхаан̣исан̃н̃ааваарзби ‘аабад̇д̇и баажид̇д̇ияассаа’д̇и баал̣и на вуд̇д̇аа. яат̇аа ‘кзд̇д̇аааб̣аад̇хабажжаяаа, гадисуд̇д̇агам̣ д̇хаарзд̇ий’д̇и важанад̇о винааби агусалзна сан̇гхаан̣иаад̣̇ийни саггаа д̇хаарзд̇унд̇и сид̣̇д̇хам̣, звам̣ ааб̣аад̇хабажжаяаа винааби агусалзна на саггаа сурам̣ баад̇унд̇и сид̣̇д̇хам̣ ‘анаабад̇д̇и ааб̣аад̇хабажжаяаа маж̇ж̇ам̣ бивад̇ий’д̇и баал̣ияаа абхаавад̇о. агусалзна винаа мад̇хубун̣н̣амудтияам̣ багкид̇д̇амаж̇ж̇асса аж̇жхохаран̣агаалаад̣̇ийсу сураабаанаабад̇д̇им̣ аабаж̇ж̇ад̇ийд̇и жа сид̣̇д̇хам̣ ‘маж̇ж̇з амаж̇ж̇асан̃н̃ий бивад̇и, аабад̇д̇и баажид̇д̇ияассаа’д̇и (баажи. 328) вуд̇д̇ад̇д̇аа. гим̣б̣ахунаа, гаамабхог̇асан̃н̃ааяа сад̣̇д̇хим̣ ‘сан̇гхаан̣ий’д̇и жа ‘г̇анд̇хо’д̇и жа ж̇аанид̇ваа винаа анаабад̇д̇игааран̣зна д̇хаарзнд̇ияаа зганд̇аагусалад̇д̇аа логаваж̇ж̇аани наама вужжанд̇и. иминаа убааязна сзсзсуби наяо нзд̇аб̣б̣о. зд̇т̇а сураабаанаад̇хигаарз убад̇иссад̇т̇зраваад̣̇о’’д̇и вуд̇д̇ам̣. асам̣гажжигасигкаабад̣̇з ‘‘абаригкид̇д̇асса г̇аамасса убажаарам̣ оггаманд̇ияаад̇и баато’’д̇и жа ‘‘бан̣ийд̇абхож̇анавин̃н̃ад̇д̇и, ажзлагасигкаабад̣̇ам̣, ниманд̇ид̇асса жаарид̇д̇аабаж̇ж̇анам̣, д̣̇удтуллаббадижчаад̣̇анам̣, уунавийсад̇ивассубасамбад̣̇ам̣, маад̇уг̇аамзна сад̣̇д̇хим̣ сам̣вид̇хааяа ад̣̇д̇хаанаг̇аманам̣, рааж̇анд̇збураббавзсанам̣, санд̇ам̣ бхигкум̣ анаабужчаа вигаалз г̇аамаббавзсанам̣, нисийд̣̇анам̣, вассигасаадиганд̇и баато’’д̇и жа вуд̇д̇ам̣.
Giraggasamajjādīni ‘‘acittakāni lokavajjānī’’ti vuttattā ‘‘nacca’’nti vā ‘‘gandho’’ti vā ajānitvāpi dassanena, vilimpanena vā āpajjanato vatthuajānanacittena acittakāni. ‘‘Nacca’’nti vā ‘‘gandho’’ti vā jānitvā passantiyā, vilimpantiyā ca akusalattā eva lokavajjāni. Corivuṭṭhāpanādīni ‘‘corī’’tiādinā vatthuṃ jānitvā karaṇe eva āpattisabbhāvato sacittakāni. Upasampadādīnaṃ ekantena akusalacitteneva akattabbattā paṇṇattivajjāni. ‘‘Idha sacittakācittakatā paṇṇattijānanājānanatāya aggahetvā vatthujānanājānanatāya gahetabbā’’ti likhitaṃ. Anugaṇṭhipade pana ‘‘giraggasamajjādīni ‘acittakāni lokavajjānī’ti vuttattā ‘nacca’nti vā ‘saṅghāṇī’ti vā ‘gandho’ti vā tassa nāmavasena ajānitvā māyākārassa māyāni sīsaṭṭhiādīni paṭisaṅkhāya passantiyā, akkhamālādiatthāya saṅghāṇiṃ kaṭiyā bandhantiyā, ‘sedagandhaṃ apanetvā buddhapūjaṃ karissāmī’ti uppannena cittena gandhaṃ vilimpetvā nahāyantiyā ca āpattisabbhāvato nāmena saddhiṃ nāmavasena vā vatthussa ajānanacittena acittakāni nāma. Na andhakāre ‘kaṭisuttamida’nti saññāya saṅghāṇiṃ gahetvā kaṭiyaṃ dhāraṇakāle, mattikāsaññāya ca gandhaṃ gahetvā vilimpanakāle āpattisabbhāvato ‘acittakānī’ti vattabbāni. Tasmiṃ kāle anāpatti, teneva saṅghāṇiyā asaṅghāṇisaññāvārepi ‘āpatti pācittiyassā’ti pāḷi na vuttā. Yathā ‘khettaābādhapaccayā, kaṭisuttakaṃ dhāretī’ti vacanato vināpi akusalena saṅghāṇiādīni sakkā dhāretunti siddhaṃ, evaṃ ābādhapaccayā vināpi akusalena na sakkā suraṃ pātunti siddhaṃ ‘anāpatti ābādhapaccayā majjaṃ pivatī’ti pāḷiyā abhāvato. Akusalena vinā madhupuṇṇamuṭṭhiyaṃ pakkhittamajjassa ajjhoharaṇakālādīsu surāpānāpattiṃ āpajjatīti ca siddhaṃ ‘majje amajjasaññī pivati, āpatti pācittiyassā’ti (pāci. 328) vuttattā. Kiṃbahunā, kāmabhogasaññāya saddhiṃ ‘saṅghāṇī’ti ca ‘gandho’ti ca jānitvā vinā anāpattikāraṇena dhārentiyā ekantākusalattā lokavajjāni nāma vuccanti. Iminā upāyena sesesupi nayo netabbo. Ettha surāpānādhikāre upatissattheravādo’’ti vuttaṃ. Asaṃkaccikasikkhāpade ‘‘aparikkhittassa gāmassa upacāraṃ okkamantiyāti pāṭho’’ti ca ‘‘paṇītabhojanaviññatti, acelakasikkhāpadaṃ, nimantitassa cārittāpajjanaṃ, duṭṭhullappaṭicchādanaṃ, ūnavīsativassupasampadaṃ, mātugāmena saddhiṃ saṃvidhāya addhānagamanaṃ, rājantepurappavesanaṃ, santaṃ bhikkhuṃ anāpucchā vikāle gāmappavesanaṃ, nisīdanaṃ, vassikasāṭikanti pāṭho’’ti ca vuttaṃ.
ниг̇аманаван̣н̣анаа нидтид̇аа.
Nigamanavaṇṇanā niṭṭhitā.
баажид̇д̇ияаган̣д̣аван̣н̣анаа нидтид̇аа.
Pācittiyakaṇḍavaṇṇanā niṭṭhitā.
убхад̇овибхан̇г̇адтагат̇ааван̣н̣анаа нидтид̇аа.
Ubhatovibhaṅgaṭṭhakathāvaṇṇanā niṭṭhitā.
