| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
ниг̇аманаван̣н̣анаа
Nigamanavaṇṇanā
233. ид̇хаад̇и бхигкувибхан̇г̇з. уд̣̇д̣̇идтабаарааж̇игабарид̣̇ийбананд̇и сигкаабад̣̇зсу баад̇имогкуд̣̇д̣̇зсавасзна уд̣̇д̣̇идтабаарааж̇игабарид̣̇ийбанам̣, на бана саб̣б̣асмим̣ баарааж̇игавибхан̇г̇з ааг̇ад̇ааабад̇д̇ибарид̣̇ийбанам̣ д̇ад̇т̇а т̇уллажжаяаад̣̇ийнамби ааг̇ад̇ад̇д̇аа д̇знзва уд̣̇д̣̇идта-сад̣̇д̣̇зна вуд̇д̇авибхан̇г̇асса нид̣̇д̣̇зсад̇д̇аа. бхигкунийнам̣ асаад̇хааран̣аани жад̇д̇аарийд̇и уб̣бхаж̇аан̣уман̣д̣алигаа (баажи. 658) важ̇ж̇аббадижчаад̣̇игаа (баажи. 665) угкид̇д̇аанувад̇д̇игаа (баажи. 669) адтавад̇т̇угаад̇и (баажи. 675) имаани бхигкуухи асаад̇хааран̣аани бхигкунийнам̣ зва бан̃н̃ад̇д̇аани баарааж̇игаанийд̇и ад̇т̇о. вад̇т̇увибаннаад̇и баб̣б̣аж̇ж̇убасамбад̣̇аанам̣ вад̇т̇убхааво вад̇т̇у наама, д̇зна вад̇т̇умад̇д̇зна вибаннаа, вибаннавад̇т̇угаад̇и ад̇т̇о. ахзд̇угабадисанд̇хигаад̇и маг̇г̇аануббад̇д̇игааран̣амааха. гин̃жааби д̣̇ухзд̇угаанамби маг̇г̇о нуббаж̇ж̇ад̇и, д̇з бана баб̣б̣аж̇ж̇убасамбад̣̇аасу тад̇ваа ааяад̇им̣ маг̇г̇ахзд̇ум̣ самбаад̣̇зд̇ум̣ саггонд̇и, ахзд̇угаа бана барисуд̣̇д̇хз жад̇убаарисуд̣̇д̇хисийлз тад̇ваа самбаад̣̇зд̇ум̣ на саггонд̇и, д̇асмаа д̇з д̇амби бадижжа вад̇т̇увибаннааваад̇и взд̣̇ид̇аб̣б̣аа. баарааж̇игаад̇и гаммавибад̇д̇ияаа бадисанд̇хигкан̣зязва барааж̇аяам̣ аабаннаа. т̇зяяасам̣ваасагаад̣̇ийнам̣ г̇ихибхаавз тад̇ваа вибассанааяа вааяаманд̇аанамби д̇асмим̣ ад̇д̇абхаавз маг̇г̇уббад̇д̇иабхаавад̇о ‘‘маг̇г̇о бана ваарид̇о’’д̇и вуд̇д̇ам̣. д̣̇ийгхад̇ааяа ламб̣амаанам̣ ан̇г̇аж̇аад̇ам̣ ламб̣ам̣ наама, д̇ам̣ яасса ад̇т̇и со ламб̣ий. со зд̇д̇аавад̇аа на баарааж̇иго, д̇ам̣ бана д̣̇ийгхам̣ ан̇г̇аж̇аад̇ам̣ ад̇д̇ано мукз ваа важжамаг̇г̇з ваа сзванаад̇хиббааязна бавзсзнд̇ова баарааж̇иго, ид̇ха бана важжамаг̇г̇з бавзсзнд̇ова ад̇хиббзд̇о муд̣̇убидтигзнзва мукз бавзсанасса вуд̇д̇ад̇д̇аа. соби хи гад̇абаригаммад̇ааяа муд̣̇убхууд̇ааяа бидтияаа онамид̇ваа ад̇д̇ано ан̇г̇аж̇аад̇ам̣ мукзна г̇ан̣ханд̇ова баарааж̇иго ход̇и, на гзвало. яо бана мукзна ад̇д̇ано важжамаг̇г̇ам̣ ваа барзсам̣ важжамаг̇г̇амукам̣ ваа ид̇т̇ийнам̣ бассаавамаг̇г̇ам̣ ваа г̇ан̣хаад̇и, д̇асса жа бурисанимид̇д̇зна бурисанимид̇д̇ам̣ чубанд̇асса жа маг̇г̇зна маг̇г̇абадибаад̣̇анзби баарааж̇игам̣ на ход̇и бурисанимид̇д̇зна д̇ад̣̇ид̇арамаг̇г̇асамбадибаад̣̇анзнзва мзт̇унад̇хаммавохаарад̇о . барасса ан̇г̇аж̇аад̇з абхинисийд̣̇ад̇ийд̇и барасса уд̇д̇аанам̣ саяанд̇асса гамманияз ан̇г̇аж̇аад̇з ад̇д̇ано важжамаг̇г̇ам̣ бавзсзнд̇о д̇ассуубари нисийд̣̇ад̇и, ид̣̇ан̃жа убалагкан̣амад̇д̇ам̣ барзсам̣ ан̇г̇аж̇аад̇ам̣ важжамаг̇г̇з бавзсзнд̇о саад̣̇ияанд̇оби баарааж̇игова, б̣алаггаарзна бана важжамаг̇г̇з ваа мукз ваа барзна бавзсияамаано яад̣̇и на саад̣̇ияад̇и, анаабад̇д̇игова. зд̇т̇а асаад̣̇ияанам̣ наама д̣̇уггарам̣ вираж̇ж̇ид̇аб̣б̣ад̇о. зд̇т̇а жа анубасамбаннабхаавз тад̇ваа маад̇убид̇уараханд̇зсу ан̃н̃ад̇арам̣ гхаад̇знд̇о бхигкуним̣ д̣̇уусзнд̇о жа сааман̣зрабаб̣б̣аж̇ж̇амби на лабхад̇ийд̇и д̣̇ассанад̇т̇ам̣ висум̣ г̇ахид̇ад̇д̇аа маад̇угхаад̇агаад̣̇ийнам̣ жад̇уннам̣ д̇ад̇ияабатамабаарааж̇игзсу анд̇ог̇ад̇хад̇аа взд̣̇ид̇аб̣б̣аа. яат̇аа зд̇т̇а, звам̣ г̇ихибхаавз тад̇ваа лохид̇уббаад̣̇ам̣ гаронд̇о лохид̇уббаад̣̇аговаад̇и г̇ахзд̇аб̣б̣ам̣. зд̇зна барияааязнаад̇и убхиннам̣ рааг̇абарияудтаанасан̇каад̇зна барияааязна. д̣̇уд̇ияавигаббз гажжи ад̇т̇аад̇и бад̣̇ажчзд̣̇о взд̣̇ид̇аб̣б̣о.
233.Idhāti bhikkhuvibhaṅge. Uddiṭṭhapārājikaparidīpananti sikkhāpadesu pātimokkhuddesavasena uddiṭṭhapārājikaparidīpanaṃ, na pana sabbasmiṃ pārājikavibhaṅge āgataāpattiparidīpanaṃ tattha thullaccayādīnampi āgatattā teneva uddiṭṭha-saddena vuttavibhaṅgassa niddesattā. Bhikkhunīnaṃ asādhāraṇāni cattārīti ubbhajāṇumaṇḍalikā (pāci. 658) vajjappaṭicchādikā (pāci. 665) ukkhittānuvattikā (pāci. 669) aṭṭhavatthukāti (pāci. 675) imāni bhikkhūhi asādhāraṇāni bhikkhunīnaṃ eva paññattāni pārājikānīti attho. Vatthuvipannāti pabbajjupasampadānaṃ vatthubhāvo vatthu nāma, tena vatthumattena vipannā, vipannavatthukāti attho. Ahetukapaṭisandhikāti maggānuppattikāraṇamāha. Kiñcāpi duhetukānampi maggo nuppajjati, te pana pabbajjupasampadāsu ṭhatvā āyatiṃ maggahetuṃ sampādetuṃ sakkonti, ahetukā pana parisuddhe catupārisuddhisīle ṭhatvā sampādetuṃ na sakkonti, tasmā te tampi paṭicca vatthuvipannāvāti veditabbā. Pārājikāti kammavipattiyā paṭisandhikkhaṇeyeva parājayaṃ āpannā. Theyyasaṃvāsakādīnaṃ gihibhāve ṭhatvā vipassanāya vāyamantānampi tasmiṃ attabhāve magguppattiabhāvato ‘‘maggo pana vārito’’ti vuttaṃ. Dīghatāya lambamānaṃ aṅgajātaṃ lambaṃ nāma, taṃ yassa atthi so lambī. So ettāvatā na pārājiko, taṃ pana dīghaṃ aṅgajātaṃ attano mukhe vā vaccamagge vā sevanādhippāyena pavesentova pārājiko, idha pana vaccamagge pavesentova adhippeto mudupiṭṭhikeneva mukhe pavesanassa vuttattā. Sopi hi kataparikammatāya mudubhūtāya piṭṭhiyā onamitvā attano aṅgajātaṃ mukhena gaṇhantova pārājiko hoti, na kevalo. Yo pana mukhena attano vaccamaggaṃ vā paresaṃ vaccamaggamukhaṃ vā itthīnaṃ passāvamaggaṃ vā gaṇhāti, tassa ca purisanimittena purisanimittaṃ chupantassa ca maggena maggapaṭipādanepi pārājikaṃ na hoti purisanimittena taditaramaggasampaṭipādaneneva methunadhammavohārato . Parassa aṅgajāte abhinisīdatīti parassa uttānaṃ sayantassa kammaniye aṅgajāte attano vaccamaggaṃ pavesento tassūpari nisīdati, idañca upalakkhaṇamattaṃ paresaṃ aṅgajātaṃ vaccamagge pavesento sādiyantopi pārājikova, balakkārena pana vaccamagge vā mukhe vā parena pavesiyamāno yadi na sādiyati, anāpattikova. Ettha asādiyanaṃ nāma dukkaraṃ virajjitabbato. Ettha ca anupasampannabhāve ṭhatvā mātupituarahantesu aññataraṃ ghātento bhikkhuniṃ dūsento ca sāmaṇerapabbajjampi na labhatīti dassanatthaṃ visuṃ gahitattā mātughātakādīnaṃ catunnaṃ tatiyapaṭhamapārājikesu antogadhatā veditabbā. Yathā ettha, evaṃ gihibhāve ṭhatvā lohituppādaṃ karonto lohituppādakovāti gahetabbaṃ. Etena pariyāyenāti ubhinnaṃ rāgapariyuṭṭhānasaṅkhātena pariyāyena. Dutiyavikappe kacci atthāti padacchedo veditabbo.
ид̇и саманд̇абаасаад̣̇игааяа винаяадтагат̇ааяа вимад̇ивинод̣̇анияам̣
Iti samantapāsādikāya vinayaṭṭhakathāya vimativinodaniyaṃ
жад̇уд̇т̇абаарааж̇игаван̣н̣анаанаяо нидтид̇о.
Catutthapārājikavaṇṇanānayo niṭṭhito.
нидтид̇о жа баарааж̇игаган̣д̣аван̣н̣анаанаяо.
Niṭṭhito ca pārājikakaṇḍavaṇṇanānayo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. жад̇уд̇т̇абаарааж̇игам̣ • 4. Catutthapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. жад̇уд̇т̇абаарааж̇игам̣ • 4. Catutthapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ниг̇аманаван̣н̣анаа • Nigamanavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ниг̇аманаван̣н̣анаа • Nigamanavaṇṇanā
