| Library / Tipiṭaka / తిపిటక • Tipiṭaka / సారత్థదీపనీ-టీకా • Sāratthadīpanī-ṭīkā |
నిగమనవణ్ణనా
Nigamanavaṇṇanā
౪౪౨. పఠమం ఆపత్తి ఆపజ్జనం ఏతేసన్తి పఠమాపత్తికా. తత్తకాని అహానీతి పటిచ్ఛాదితదివసతో పట్ఠాయ యావ ఆరోచితదివసో, తావ దివసపక్ఖమాససంవచ్ఛరవసేన యత్తకో కాలో అతిక్కన్తో, తత్తకం కాలన్తి అత్థో. అకామేన అవసేనాతి ఏత్థ అప్పటికమ్మకతాయ ఆపత్తియా సగ్గమోక్ఖావరణభావతో అనిచ్ఛన్తేనపి పరివసితబ్బన్తి అధిప్పాయో. అవ్హాతబ్బోతి అబ్భానకమ్మవసేన పక్కోసితబ్బో. తే చ భిక్ఖూ గారయ్హాతి ఏత్థ యే ఊనభావం ఞత్వా అబ్భేన్తి, తే భిక్ఖూ చ గరహితబ్బా సాతిసారా సదోసా, దుక్కటం ఆపజ్జన్తీతి అయమత్థో పాకటోయేవాతి న వుత్తో. సామీచీతి వత్తం.
442. Paṭhamaṃ āpatti āpajjanaṃ etesanti paṭhamāpattikā. Tattakāni ahānīti paṭicchāditadivasato paṭṭhāya yāva ārocitadivaso, tāva divasapakkhamāsasaṃvaccharavasena yattako kālo atikkanto, tattakaṃ kālanti attho. Akāmena avasenāti ettha appaṭikammakatāya āpattiyā saggamokkhāvaraṇabhāvato anicchantenapi parivasitabbanti adhippāyo. Avhātabboti abbhānakammavasena pakkositabbo. Te ca bhikkhū gārayhāti ettha ye ūnabhāvaṃ ñatvā abbhenti, te bhikkhū ca garahitabbā sātisārā sadosā, dukkaṭaṃ āpajjantīti ayamattho pākaṭoyevāti na vutto. Sāmīcīti vattaṃ.
ఇతి సమన్తపాసాదికాయ వినయట్ఠకథాయ సారత్థదీపనియం
Iti samantapāsādikāya vinayaṭṭhakathāya sāratthadīpaniyaṃ
తేరసకవణ్ణనా నిట్ఠితా.
Terasakavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావిభఙ్గ • Mahāvibhaṅga / ౧౩. కులదూసకసిక్ఖాపదం • 13. Kuladūsakasikkhāpadaṃ
అట్ఠకథా • Aṭṭhakathā / వినయపిటక (అట్ఠకథా) • Vinayapiṭaka (aṭṭhakathā) / మహావిభఙ్గ-అట్ఠకథా • Mahāvibhaṅga-aṭṭhakathā / నిగమనవణ్ణనా • Nigamanavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / నిగమనవణ్ణనా • Nigamanavaṇṇanā
