| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
นิคมนวณฺณนา
Nigamanavaṇṇanā
๔๔๒. อิตเร ปน ยาวตติยกาติ เวทิตพฺพาติ สมฺพโนฺธฯ โย หิ ชโร เอกสฺมิํ ทิวเส อาคนฺตฺวาปิ คโต อนนฺตเรสุ ทฺวีสุ ทิวเสสุ อนุปฺปชฺชิตฺวา ตติเย ทิวเส อุปฺปชฺชติ, โส ตติยโกฯ โย ปน ตติเยปิ อนุปฺปชฺชิตฺวา จตุเตฺถ เอว ทิวเส อุปฺปชฺชติ, โส จตุตฺถโก จาติ วุจฺจติฯ ตํ สนฺธายาห ‘‘ยถา ตติเย’’ติอาทิฯ ‘‘อกาเมน อวเสนา’’ติ อิมินา อปฺปฎิกมฺมกรณํ นาม ยสฺมา อลชฺชิลกฺขณํ, สคฺคโมกฺขาวรณญฺจ, ตสฺมา อาปโนฺน ปุคฺคโล ‘‘ปจฺฉา ปริวสิสฺสามี’’ติ วิกฺขิปิตุํ น ลภติ, สเงฺฆน จ อนิจฺฉนฺตเสฺสว ปริวาโส ทาตโพฺพติ ทเสฺสติฯ ปาฬิยํ จิณฺณมานโตฺต ภิกฺขุ…เป.… อเพฺภตโพฺพติ เอตฺถ โย ภิกฺขุ จิณฺณมานโตฺต, โส ภิกฺขุ อเพฺภตโพฺพติ เอวํ ภิกฺขุสทฺททฺวยสฺส โยชนา เวทิตพฺพาฯ เต จ ภิกฺขู คารยฺหาติ อูนภาวํ ญตฺวา อเพฺภนฺติ, ทุกฺกฎาปชฺชเนน ครหิตพฺพาฯ สามีจีติ วตฺตํฯ
442. Itare pana yāvatatiyakāti veditabbāti sambandho. Yo hi jaro ekasmiṃ divase āgantvāpi gato anantaresu dvīsu divasesu anuppajjitvā tatiye divase uppajjati, so tatiyako. Yo pana tatiyepi anuppajjitvā catutthe eva divase uppajjati, so catutthako cāti vuccati. Taṃ sandhāyāha ‘‘yathā tatiye’’tiādi. ‘‘Akāmena avasenā’’ti iminā appaṭikammakaraṇaṃ nāma yasmā alajjilakkhaṇaṃ, saggamokkhāvaraṇañca, tasmā āpanno puggalo ‘‘pacchā parivasissāmī’’ti vikkhipituṃ na labhati, saṅghena ca anicchantasseva parivāso dātabboti dasseti. Pāḷiyaṃ ciṇṇamānatto bhikkhu…pe… abbhetabboti ettha yo bhikkhu ciṇṇamānatto, so bhikkhu abbhetabboti evaṃ bhikkhusaddadvayassa yojanā veditabbā. Te ca bhikkhū gārayhāti ūnabhāvaṃ ñatvā abbhenti, dukkaṭāpajjanena garahitabbā. Sāmīcīti vattaṃ.
อิติ สมนฺตปาสาทิกาย วินยฎฺฐกถาย วิมติวิโนทนิยํ
Iti samantapāsādikāya vinayaṭṭhakathāya vimativinodaniyaṃ
เตรสกวณฺณนานโย นิฎฺฐิโตฯ
Terasakavaṇṇanānayo niṭṭhito.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๑๓. กุลทูสกสิกฺขาปทํ • 13. Kuladūsakasikkhāpadaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวิภงฺค-อฎฺฐกถา • Mahāvibhaṅga-aṭṭhakathā / นิคมนวณฺณนา • Nigamanavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / นิคมนวณฺณนา • Nigamanavaṇṇanā
