| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
නිගමනවණ්‌ණනා
Nigamanavaṇṇanā
442. ඉතරෙ පන යාවතතියකාති වෙදිතබ්‌බාති සම්‌බන්‌ධො. යො හි ජරො එකස්‌මිං දිවසෙ ආගන්‌ත්‌වාපි ගතො අනන්‌තරෙසු ද්‌වීසු දිවසෙසු අනුප්‌පජ්‌ජිත්‌වා තතියෙ දිවසෙ උප්‌පජ්‌ජති, සො තතියකො. යො පන තතියෙපි අනුප්‌පජ්‌ජිත්‌වා චතුත්‌ථෙ එව දිවසෙ උප්‌පජ්‌ජති, සො චතුත්‌ථකො චාති වුච්‌චති. තං සන්‌ධායාහ ‘‘යථා තතියෙ’’තිආදි. ‘‘අකාමෙන අවසෙනා’’ති ඉමිනා අප්‌පටිකම්‌මකරණං නාම යස්‌මා අලජ්‌ජිලක්‌ඛණං, සග්‌ගමොක්‌ඛාවරණඤ්‌ච, තස්‌මා ආපන්‌නො පුග්‌ගලො ‘‘පච්‌ඡා පරිවසිස්‌සාමී’’ති වික්‌ඛිපිතුං න ලභති, සඞ්‌ඝෙන ච අනිච්‌ඡන්‌තස්‌සෙව පරිවාසො දාතබ්‌බොති දස්‌සෙති. පාළියං චිණ්‌ණමානත්‌තො භික්‌ඛු…පෙ.… අබ්‌භෙතබ්‌බොති එත්‌ථ යො භික්‌ඛු චිණ්‌ණමානත්‌තො, සො භික්‌ඛු අබ්‌භෙතබ්‌බොති එවං භික්‌ඛුසද්‌දද්‌වයස්‌ස යොජනා වෙදිතබ්‌බා. තෙ ච භික්‌ඛූ ගාරය්‌හාති ඌනභාවං ඤත්‌වා අබ්‌භෙන්‌ති, දුක්‌කටාපජ්‌ජනෙන ගරහිතබ්‌බා. සාමීචීති වත්‌තං.
442. Itare pana yāvatatiyakāti veditabbāti sambandho. Yo hi jaro ekasmiṃ divase āgantvāpi gato anantaresu dvīsu divasesu anuppajjitvā tatiye divase uppajjati, so tatiyako. Yo pana tatiyepi anuppajjitvā catutthe eva divase uppajjati, so catutthako cāti vuccati. Taṃ sandhāyāha ‘‘yathā tatiye’’tiādi. ‘‘Akāmena avasenā’’ti iminā appaṭikammakaraṇaṃ nāma yasmā alajjilakkhaṇaṃ, saggamokkhāvaraṇañca, tasmā āpanno puggalo ‘‘pacchā parivasissāmī’’ti vikkhipituṃ na labhati, saṅghena ca anicchantasseva parivāso dātabboti dasseti. Pāḷiyaṃ ciṇṇamānatto bhikkhu…pe… abbhetabboti ettha yo bhikkhu ciṇṇamānatto, so bhikkhu abbhetabboti evaṃ bhikkhusaddadvayassa yojanā veditabbā. Te ca bhikkhū gārayhāti ūnabhāvaṃ ñatvā abbhenti, dukkaṭāpajjanena garahitabbā. Sāmīcīti vattaṃ.
ඉති සමන්‌තපාසාදිකාය විනයට්‌ඨකථාය විමතිවිනොදනියං
Iti samantapāsādikāya vinayaṭṭhakathāya vimativinodaniyaṃ
තෙරසකවණ්‌ණනානයො නිට්‌ඨිතො.
Terasakavaṇṇanānayo niṭṭhito.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 13. කුලදූසකසික්‌ඛාපදං • 13. Kuladūsakasikkhāpadaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / නිගමනවණ්‌ණනා • Nigamanavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / නිගමනවණ්‌ණනා • Nigamanavaṇṇanā
