| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
ਨਿਗਮਨવਣ੍ਣਨਾ
Nigamanavaṇṇanā
੪੪੨. ਉਦ੍ਦਿਟ੍ਠਾ ਖੋ…ਪੇ॰… ਏવਮੇਤਂ ਧਾਰਯਾਮੀਤਿ ਏਤ੍ਥ ਪਠਮਂ ਆਪਤ੍ਤਿ ਏਤੇਸਨ੍ਤਿ ਪਠਮਾਪਤ੍ਤਿਕਾ, ਪਠਮਂ વੀਤਿਕ੍ਕਮਕ੍ਖਣੇਯੇવ ਆਪਜ੍ਜਿਤਬ੍ਬਾਤਿ ਅਤ੍ਥੋ। ਇਤਰੇ ਪਨ ਯਥਾ ਤਤਿਯੇ ਚਤੁਤ੍ਥੇ ਚ ਦਿવਸੇ ਹੋਤੀਤਿ ਜਰੋ ‘‘ਤਤਿਯਕੋ ਚਤੁਤ੍ਥਕੋ’’ਤਿ ਚ વੁਚ੍ਚਤਿ; ਏવਂ ਯਾવਤਤਿਯੇ ਸਮਨੁਭਾਸਨਕਮ੍ਮੇ ਹੋਨ੍ਤੀਤਿ ਯਾવਤਤਿਯਕਾਤਿ વੇਦਿਤਬ੍ਬਾ।
442.Uddiṭṭhā kho…pe… evametaṃ dhārayāmīti ettha paṭhamaṃ āpatti etesanti paṭhamāpattikā, paṭhamaṃ vītikkamakkhaṇeyeva āpajjitabbāti attho. Itare pana yathā tatiye catutthe ca divase hotīti jaro ‘‘tatiyako catutthako’’ti ca vuccati; evaṃ yāvatatiye samanubhāsanakamme hontīti yāvatatiyakāti veditabbā.
ਯਾવਤੀਹਂ ਜਾਨਂ ਪਟਿਚ੍ਛਾਦੇਤੀਤਿ ਯਤ੍ਤਕਾਨਿ ਅਹਾਨਿ ਜਾਨਨ੍ਤੋ ਪਟਿਚ੍ਛਾਦੇਤਿ, ‘‘ਅਹਂ ਇਤ੍ਥਨ੍ਨਾਮਂ ਆਪਤ੍ਤਿਂ ਆਪਨ੍ਨੋ’’ਤਿ ਸਬ੍ਰਹ੍ਮਚਾਰੀਨਂ ਨਾਰੋਚੇਤਿ। ਤਾવਤੀਹਨ੍ਤਿ ਤਤ੍ਤਕਾਨਿ ਅਹਾਨਿ। ਅਕਾਮਾ ਪਰਿવਤ੍ਥਬ੍ਬਨ੍ਤਿ ਨ ਕਾਮੇਨ, ਨ વਸੇਨ, ਅਥ ਖੋ ਅਕਾਮੇਨ ਅવਸੇਨ ਪਰਿવਾਸਂ ਸਮਾਦਾਯ વਤ੍ਥਬ੍ਬਂ। ਉਤ੍ਤਰਿ ਛਾਰਤ੍ਤਨ੍ਤਿ ਪਰਿવਾਸਤੋ ਉਤ੍ਤਰਿ ਛ ਰਤ੍ਤਿਯੋ। ਭਿਕ੍ਖੁਮਾਨਤ੍ਤਾਯਾਤਿ ਭਿਕ੍ਖੂਨਂ ਮਾਨਨਭਾવਾਯ, ਆਰਾਧਨਤ੍ਥਾਯਾਤਿ વੁਤ੍ਤਂ ਹੋਤਿ। વੀਸਤਿਸਙ੍ਘੋ ਗਣੋ ਅਸ੍ਸਾਤਿ વੀਸਤਿਗਣੋ । ਤਤ੍ਰਾਤਿ ਯਤ੍ਰ ਸਬ੍ਬਨ੍ਤਿਮੇਨ ਪਰਿਚ੍ਛੇਦੇਨ વੀਸਤਿਗਣੋ ਭਿਕ੍ਖੁਸਙ੍ਘੋ ਅਤ੍ਥਿ ਤਤ੍ਰ। ਅਬ੍ਭੇਤਬ੍ਬੋਤਿ ਅਭਿਏਤਬ੍ਬੋ ਸਮ੍ਪਟਿਚ੍ਛਿਤਬ੍ਬੋ, ਅਬ੍ਭਾਨਕਮ੍ਮવਸੇਨ ਓਸਾਰੇਤਬ੍ਬੋਤਿ વੁਤ੍ਤਂ ਹੋਤਿ , ਅવ੍ਹਾਤਬ੍ਬੋਤਿ વਾ ਅਤ੍ਥੋ। ਅਨਬ੍ਭਿਤੋਤਿ ਨ ਅਬ੍ਭਿਤੋ, ਅਸਮ੍ਪਟਿਚ੍ਛਿਤੋ, ਅਕਤਬ੍ਭਾਨਕਮ੍ਮੋਤਿ વੁਤ੍ਤਂ ਹੋਤਿ, ਅਨવ੍ਹਾਤੋਤਿ વਾ ਅਤ੍ਥੋ। ਸਾਮੀਚੀਤਿ ਅਨੁਧਮ੍ਮਤਾ, ਲੋਕੁਤ੍ਤਰਧਮ੍ਮਂ ਅਨੁਗਤਾ ਓવਾਦਾਨੁਸਾਸਨੀ, ਸਾਮੀਚਿ ਧਮ੍ਮਤਾਤਿ વੁਤ੍ਤਂ ਹੋਤਿ। ਸੇਸਮੇਤ੍ਥ વੁਤ੍ਤਨਯਮੇવਾਤਿ।
Yāvatīhaṃ jānaṃ paṭicchādetīti yattakāni ahāni jānanto paṭicchādeti, ‘‘ahaṃ itthannāmaṃ āpattiṃ āpanno’’ti sabrahmacārīnaṃ nāroceti. Tāvatīhanti tattakāni ahāni. Akāmā parivatthabbanti na kāmena, na vasena, atha kho akāmena avasena parivāsaṃ samādāya vatthabbaṃ. Uttari chārattanti parivāsato uttari cha rattiyo. Bhikkhumānattāyāti bhikkhūnaṃ mānanabhāvāya, ārādhanatthāyāti vuttaṃ hoti. Vīsatisaṅgho gaṇo assāti vīsatigaṇo . Tatrāti yatra sabbantimena paricchedena vīsatigaṇo bhikkhusaṅgho atthi tatra. Abbhetabboti abhietabbo sampaṭicchitabbo, abbhānakammavasena osāretabboti vuttaṃ hoti , avhātabboti vā attho. Anabbhitoti na abbhito, asampaṭicchito, akatabbhānakammoti vuttaṃ hoti, anavhātoti vā attho. Sāmīcīti anudhammatā, lokuttaradhammaṃ anugatā ovādānusāsanī, sāmīci dhammatāti vuttaṃ hoti. Sesamettha vuttanayamevāti.
ਸਮਨ੍ਤਪਾਸਾਦਿਕਾਯ વਿਨਯਸਂવਣ੍ਣਨਾਯ
Samantapāsādikāya vinayasaṃvaṇṇanāya
ਤੇਰਸਕવਣ੍ਣਨਾ ਨਿਟ੍ਠਿਤਾ।
Terasakavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੧੩. ਕੁਲਦੂਸਕਸਿਕ੍ਖਾਪਦਂ • 13. Kuladūsakasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਨਿਗਮਨવਣ੍ਣਨਾ • Nigamanavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਨਿਗਮਨવਣ੍ਣਨਾ • Nigamanavaṇṇanā
