| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. ниг̇ан̣танаадабуд̇д̇асуд̇д̇аван̣н̣анаа
8. Nigaṇṭhanāṭaputtasuttavaṇṇanā
350. адтамз д̇знубасан̇гамийд̇и саяам̣ ааг̇ад̇ааг̇амо вин̃н̃аад̇асаасано анааг̇аамий арияасааваго самаано гасмаа наг̇г̇абхог̇г̇ам̣ ниссиригам̣ ниг̇ан̣там̣ убасан̇гамийд̇и? убаваад̣̇аможанад̇т̇ан̃жзва ваад̣̇ааробанад̇т̇ан̃жа. ниг̇ан̣таа гира ‘‘саман̣асса г̇од̇амасса саавагаа т̇ад̣̇д̇хакад̣̇иракаан̣угасад̣̇исаа, гзнажи сад̣̇д̇хим̣ бадисант̇аарамби на гаронд̇ий’’д̇и убавад̣̇анд̇и, д̇асса убаваад̣̇асса можанад̇т̇ан̃жа, ‘‘ваад̣̇ан̃жасса ааробзссаамий’’д̇и убасан̇гами. на кваахам̣ зд̇т̇а бханд̇з бхаг̇авад̇о сад̣̇д̇хааяа г̇ажчаамийд̇и яасса н̃аан̣зна асажчигад̇ам̣ ход̇и. со ‘‘звам̣ гирзд̇а’’нд̇и ан̃н̃асса сад̣̇д̇хааяа г̇ажчзяяа, маяаа бана н̃аан̣знзд̇ам̣ сажчигад̇ам̣, д̇асмаа наахам̣ зд̇т̇а бхаг̇авад̇о сад̣̇д̇хааяа г̇ажчаамийд̇и д̣̇ийбзнд̇о звамааха.
350. Aṭṭhame tenupasaṅkamīti sayaṃ āgatāgamo viññātasāsano anāgāmī ariyasāvako samāno kasmā naggabhoggaṃ nissirikaṃ nigaṇṭhaṃ upasaṅkamīti? Upavādamocanatthañceva vādāropanatthañca. Nigaṇṭhā kira ‘‘samaṇassa gotamassa sāvakā thaddhakhadirakhāṇukasadisā, kenaci saddhiṃ paṭisanthārampi na karontī’’ti upavadanti, tassa upavādassa mocanatthañca, ‘‘vādañcassa āropessāmī’’ti upasaṅkami. Na khvāhaṃ ettha bhante bhagavato saddhāya gacchāmīti yassa ñāṇena asacchikataṃ hoti. So ‘‘evaṃ kireta’’nti aññassa saddhāya gaccheyya, mayā pana ñāṇenetaṃ sacchikataṃ, tasmā nāhaṃ ettha bhagavato saddhāya gacchāmīti dīpento evamāha.
уллогзд̇ваад̇и гааяам̣ уннаамзд̇ваа гужчим̣ нийхарид̇ваа г̇ийвам̣ баг̇г̇аяха саб̣б̣ам̣ д̣̇исам̣ бзгкамаано уллогзд̇ваа. б̣аад̇хзд̇аб̣б̣ам̣ ман̃н̃зяяаад̇и яат̇аа винивиж̇жхид̇ваа на нигкамад̇и, звам̣ бадиб̣аахид̇аб̣б̣ам̣ ман̃н̃зяяа б̣анд̇хид̇аб̣б̣ам̣ ваа. сахад̇хаммигаад̇и сагааран̣аа. ат̇а мам̣ бадихарзяяааси сад̣̇д̇хим̣ ниг̇ан̣табарисааяаад̇и зд̇зсам̣ ад̇т̇з н̃аад̇з ат̇а мз ниг̇ан̣табарисааяа сад̣̇д̇хим̣ абхиг̇ажчзяяааси, бад̇ийхаарасса мз санд̇игам̣ ааг̇анд̇ваа ад̇д̇ано ааг̇ад̇абхаавам̣ ж̇аанаабзяяаасийд̇и ад̇т̇о. зго бан̃ход̇и зго бан̃хамаг̇г̇о, згам̣ бан̃хаг̇авзсананд̇и ад̇т̇о. зго уд̣̇д̣̇зсод̇и згам̣ наама гинд̇и? аяам̣ зго уд̣̇д̣̇зсо. згам̣ взяяаагаран̣анд̇и ‘‘саб̣б̣з сад̇д̇аа аахаарадтид̇игаа’’д̇и (ку. баа. 4.1; а. ни. 10.27) ид̣̇ам̣ згам̣ взяяаагаран̣ам̣. звам̣ саб̣б̣ад̇т̇а ад̇т̇о взд̣̇ид̇аб̣б̣о.
Ulloketvāti kāyaṃ unnāmetvā kucchiṃ nīharitvā gīvaṃ paggayha sabbaṃ disaṃ pekkhamāno ulloketvā. Bādhetabbaṃ maññeyyāti yathā vinivijjhitvā na nikkhamati, evaṃ paṭibāhitabbaṃ maññeyya bandhitabbaṃ vā. Sahadhammikāti sakāraṇā. Atha maṃ paṭihareyyāsi saddhiṃ nigaṇṭhaparisāyāti etesaṃ atthe ñāte atha me nigaṇṭhaparisāya saddhiṃ abhigaccheyyāsi, patīhārassa me santikaṃ āgantvā attano āgatabhāvaṃ jānāpeyyāsīti attho. Eko pañhoti eko pañhamaggo, ekaṃ pañhagavesananti attho. Eko uddesoti ekaṃ nāma kinti? Ayaṃ eko uddeso. Ekaṃ veyyākaraṇanti ‘‘sabbe sattā āhāraṭṭhitikā’’ti (khu. pā. 4.1; a. ni. 10.27) idaṃ ekaṃ veyyākaraṇaṃ. Evaṃ sabbattha attho veditabbo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. ниг̇ан̣танаадабуд̇д̇асуд̇д̇ам̣ • 8. Nigaṇṭhanāṭaputtasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. ниг̇ан̣танаадабуд̇д̇асуд̇д̇аван̣н̣анаа • 8. Nigaṇṭhanāṭaputtasuttavaṇṇanā
