| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. ниг̇ан̣танаадабуд̇д̇асуд̇д̇аван̣н̣анаа
8. Nigaṇṭhanāṭaputtasuttavaṇṇanā
350. ааг̇ад̇ааг̇амод̇и ваажуг̇г̇ад̇абарияад̇д̇ид̇хаммо. вин̃н̃аад̇асаасанод̇и бадивид̣̇д̇хасад̇т̇усаасано. д̇знааха ‘‘анааг̇аамий’’д̇иаад̣̇и. наг̇г̇абхог̇г̇анд̇и авасанабхаавзна наг̇г̇ам̣, гудилаж̇жхаасаяад̇ааяа бхог̇г̇ам̣, д̇ад̇о зва ниссиригам̣. наг̇г̇ад̇ааяа хи со руубзна ниссириго, бхог̇г̇ад̇ааяа жид̇д̇зна. бхаг̇авад̇о сад̣̇д̇хааяаад̇и бхаг̇авад̇и сад̣̇д̇хааяа. д̇асмим̣ сад̣̇д̣̇аханаа огаббанаа д̇асса сад̣̇д̇хаад̇иби вад̇д̇аб̣б̣ад̇ам̣ лабхад̇и. г̇ажчаамийд̇и ааг̇ажчаами, б̣уж̇жхаамийд̇и ад̇т̇о. зд̇ам̣ ниг̇ан̣тзна бужчид̇амад̇т̇амааха.
350.Āgatāgamoti vācuggatapariyattidhammo. Viññātasāsanoti paṭividdhasatthusāsano. Tenāha ‘‘anāgāmī’’tiādi. Naggabhogganti avasanabhāvena naggaṃ, kuṭilajjhāsayatāya bhoggaṃ, tato eva nissirikaṃ. Naggatāya hi so rūpena nissiriko, bhoggatāya cittena. Bhagavato saddhāyāti bhagavati saddhāya. Tasmiṃ saddahanā okappanā tassa saddhātipi vattabbataṃ labhati. Gacchāmīti āgacchāmi, bujjhāmīti attho. Etaṃ nigaṇṭhena pucchitamatthamāha.
гааяам̣ уннаамзд̇ваад̇и гааяам̣ аб̣бхуннаамзд̇ваа. гужчим̣ нийхарид̇ваад̇и бидтияаа ниннаманзна гужчим̣ бурад̇о нийхарид̇ваа. г̇ийвам̣ басааран̣авасзна баг̇г̇аяха баг̇г̇ахзд̇ваа саб̣б̣ам̣ д̣̇исам̣ бзгкамаано. саб̣б̣амид̣̇ам̣ ниг̇ан̣тасса бахадтаагаарад̣̇ассанад̇т̇ам̣ ‘‘ид̣̇аани саман̣асса г̇од̇амасса убари ваад̣̇ам̣ ааробзд̇ум̣ лаб̣бхад̇ий’’д̇и. д̇знааха ‘‘ваад̇ам̣ ваа со’’д̇иаад̣̇и. сагааран̣аад̇и яуд̇д̇исахид̇аа. бан̃хамаг̇г̇од̇и бан̃хасан̇каад̇о виймам̣саа, звам̣ бхавид̇аб̣б̣анд̇и жид̇д̇знзва баривиймам̣саа бан̃хаа. зго уд̣̇д̣̇зсод̇и згам̣ уд̣̇д̣̇исанам̣ ад̇т̇асса сам̣кид̇д̇аважанам̣. взяяаагаран̣анд̇и нид̣̇д̣̇исанам̣ ад̇т̇асса вижаарзд̇ваа гат̇анам̣. званд̇и иминаа наязна. саб̣б̣ад̇т̇аад̇и саб̣б̣зсу бан̃худ̣̇д̣̇зсавзяяаагаран̣зсу ад̇т̇о вид̇т̇аарад̇о взд̣̇ид̇аб̣б̣о.
Kāyaṃunnāmetvāti kāyaṃ abbhunnāmetvā. Kucchiṃ nīharitvāti piṭṭhiyā ninnamanena kucchiṃ purato nīharitvā. Gīvaṃ pasāraṇavasena paggayha paggahetvā sabbaṃ disaṃ pekkhamāno. Sabbamidaṃ nigaṇṭhassa pahaṭṭhākāradassanatthaṃ ‘‘idāni samaṇassa gotamassa upari vādaṃ āropetuṃ labbhatī’’ti. Tenāha ‘‘vātaṃ vā so’’tiādi. Sakāraṇāti yuttisahitā. Pañhamaggoti pañhasaṅkhāto vīmaṃsā, evaṃ bhavitabbanti citteneva parivīmaṃsā pañhā. Eko uddesoti ekaṃ uddisanaṃ atthassa saṃkhittavacanaṃ. Veyyākaraṇanti niddisanaṃ atthassa vicāretvā kathanaṃ. Evanti iminā nayena. Sabbatthāti sabbesu pañhuddesaveyyākaraṇesu attho vitthārato veditabbo.
ниг̇ан̣танаадабуд̇д̇асуд̇д̇аван̣н̣анаа нидтид̇аа.
Nigaṇṭhanāṭaputtasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. ниг̇ан̣танаадабуд̇д̇асуд̇д̇ам̣ • 8. Nigaṇṭhanāṭaputtasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. ниг̇ан̣танаадабуд̇д̇асуд̇д̇аван̣н̣анаа • 8. Nigaṇṭhanāṭaputtasuttavaṇṇanā
