| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਨਿਗਣ੍ਠਨਾਟਪੁਤ੍ਤਸੁਤ੍ਤવਣ੍ਣਨਾ
8. Nigaṇṭhanāṭaputtasuttavaṇṇanā
੩੫੦. ਅਟ੍ਠਮੇ ਤੇਨੁਪਸਙ੍ਕਮੀਤਿ ਸਯਂ ਆਗਤਾਗਮੋ વਿਞ੍ਞਾਤਸਾਸਨੋ ਅਨਾਗਾਮੀ ਅਰਿਯਸਾવਕੋ ਸਮਾਨੋ ਕਸ੍ਮਾ ਨਗ੍ਗਭੋਗ੍ਗਂ ਨਿਸ੍ਸਿਰਿਕਂ ਨਿਗਣ੍ਠਂ ਉਪਸਙ੍ਕਮੀਤਿ? ਉਪવਾਦਮੋਚਨਤ੍ਥਞ੍ਚੇવ વਾਦਾਰੋਪਨਤ੍ਥਞ੍ਚ। ਨਿਗਣ੍ਠਾ ਕਿਰ ‘‘ਸਮਣਸ੍ਸ ਗੋਤਮਸ੍ਸ ਸਾવਕਾ ਥਦ੍ਧਖਦਿਰਖਾਣੁਕਸਦਿਸਾ, ਕੇਨਚਿ ਸਦ੍ਧਿਂ ਪਟਿਸਨ੍ਥਾਰਮ੍ਪਿ ਨ ਕਰੋਨ੍ਤੀ’’ਤਿ ਉਪવਦਨ੍ਤਿ, ਤਸ੍ਸ ਉਪવਾਦਸ੍ਸ ਮੋਚਨਤ੍ਥਞ੍ਚ, ‘‘વਾਦਞ੍ਚਸ੍ਸ ਆਰੋਪੇਸ੍ਸਾਮੀ’’ਤਿ ਉਪਸਙ੍ਕਮਿ। ਨ ਖ੍વਾਹਂ ਏਤ੍ਥ ਭਨ੍ਤੇ ਭਗવਤੋ ਸਦ੍ਧਾਯ ਗਚ੍ਛਾਮੀਤਿ ਯਸ੍ਸ ਞਾਣੇਨ ਅਸਚ੍ਛਿਕਤਂ ਹੋਤਿ। ਸੋ ‘‘ਏવਂ ਕਿਰੇਤ’’ਨ੍ਤਿ ਅਞ੍ਞਸ੍ਸ ਸਦ੍ਧਾਯ ਗਚ੍ਛੇਯ੍ਯ, ਮਯਾ ਪਨ ਞਾਣੇਨੇਤਂ ਸਚ੍ਛਿਕਤਂ, ਤਸ੍ਮਾ ਨਾਹਂ ਏਤ੍ਥ ਭਗવਤੋ ਸਦ੍ਧਾਯ ਗਚ੍ਛਾਮੀਤਿ ਦੀਪੇਨ੍ਤੋ ਏવਮਾਹ।
350. Aṭṭhame tenupasaṅkamīti sayaṃ āgatāgamo viññātasāsano anāgāmī ariyasāvako samāno kasmā naggabhoggaṃ nissirikaṃ nigaṇṭhaṃ upasaṅkamīti? Upavādamocanatthañceva vādāropanatthañca. Nigaṇṭhā kira ‘‘samaṇassa gotamassa sāvakā thaddhakhadirakhāṇukasadisā, kenaci saddhiṃ paṭisanthārampi na karontī’’ti upavadanti, tassa upavādassa mocanatthañca, ‘‘vādañcassa āropessāmī’’ti upasaṅkami. Na khvāhaṃ ettha bhante bhagavato saddhāya gacchāmīti yassa ñāṇena asacchikataṃ hoti. So ‘‘evaṃ kireta’’nti aññassa saddhāya gaccheyya, mayā pana ñāṇenetaṃ sacchikataṃ, tasmā nāhaṃ ettha bhagavato saddhāya gacchāmīti dīpento evamāha.
ਉਲ੍ਲੋਕੇਤ੍વਾਤਿ ਕਾਯਂ ਉਨ੍ਨਾਮੇਤ੍વਾ ਕੁਚ੍ਛਿਂ ਨੀਹਰਿਤ੍વਾ ਗੀવਂ ਪਗ੍ਗਯ੍ਹ ਸਬ੍ਬਂ ਦਿਸਂ ਪੇਕ੍ਖਮਾਨੋ ਉਲ੍ਲੋਕੇਤ੍વਾ। ਬਾਧੇਤਬ੍ਬਂ ਮਞ੍ਞੇਯ੍ਯਾਤਿ ਯਥਾ વਿਨਿવਿਜ੍ਝਿਤ੍વਾ ਨ ਨਿਕ੍ਖਮਤਿ, ਏવਂ ਪਟਿਬਾਹਿਤਬ੍ਬਂ ਮਞ੍ਞੇਯ੍ਯ ਬਨ੍ਧਿਤਬ੍ਬਂ વਾ। ਸਹਧਮ੍ਮਿਕਾਤਿ ਸਕਾਰਣਾ। ਅਥ ਮਂ ਪਟਿਹਰੇਯ੍ਯਾਸਿ ਸਦ੍ਧਿਂ ਨਿਗਣ੍ਠਪਰਿਸਾਯਾਤਿ ਏਤੇਸਂ ਅਤ੍ਥੇ ਞਾਤੇ ਅਥ ਮੇ ਨਿਗਣ੍ਠਪਰਿਸਾਯ ਸਦ੍ਧਿਂ ਅਭਿਗਚ੍ਛੇਯ੍ਯਾਸਿ, ਪਤੀਹਾਰਸ੍ਸ ਮੇ ਸਨ੍ਤਿਕਂ ਆਗਨ੍ਤ੍વਾ ਅਤ੍ਤਨੋ ਆਗਤਭਾવਂ ਜਾਨਾਪੇਯ੍ਯਾਸੀਤਿ ਅਤ੍ਥੋ। ਏਕੋ ਪਞ੍ਹੋਤਿ ਏਕੋ ਪਞ੍ਹਮਗ੍ਗੋ, ਏਕਂ ਪਞ੍ਹਗવੇਸਨਨ੍ਤਿ ਅਤ੍ਥੋ। ਏਕੋ ਉਦ੍ਦੇਸੋਤਿ ਏਕਂ ਨਾਮ ਕਿਨ੍ਤਿ? ਅਯਂ ਏਕੋ ਉਦ੍ਦੇਸੋ। ਏਕਂ વੇਯ੍ਯਾਕਰਣਨ੍ਤਿ ‘‘ਸਬ੍ਬੇ ਸਤ੍ਤਾ ਆਹਾਰਟ੍ਠਿਤਿਕਾ’’ਤਿ (ਖੁ॰ ਪਾ॰ ੪.੧; ਅ॰ ਨਿ॰ ੧੦.੨੭) ਇਦਂ ਏਕਂ વੇਯ੍ਯਾਕਰਣਂ। ਏવਂ ਸਬ੍ਬਤ੍ਥ ਅਤ੍ਥੋ વੇਦਿਤਬ੍ਬੋ।
Ulloketvāti kāyaṃ unnāmetvā kucchiṃ nīharitvā gīvaṃ paggayha sabbaṃ disaṃ pekkhamāno ulloketvā. Bādhetabbaṃ maññeyyāti yathā vinivijjhitvā na nikkhamati, evaṃ paṭibāhitabbaṃ maññeyya bandhitabbaṃ vā. Sahadhammikāti sakāraṇā. Atha maṃ paṭihareyyāsi saddhiṃ nigaṇṭhaparisāyāti etesaṃ atthe ñāte atha me nigaṇṭhaparisāya saddhiṃ abhigaccheyyāsi, patīhārassa me santikaṃ āgantvā attano āgatabhāvaṃ jānāpeyyāsīti attho. Eko pañhoti eko pañhamaggo, ekaṃ pañhagavesananti attho. Eko uddesoti ekaṃ nāma kinti? Ayaṃ eko uddeso. Ekaṃ veyyākaraṇanti ‘‘sabbe sattā āhāraṭṭhitikā’’ti (khu. pā. 4.1; a. ni. 10.27) idaṃ ekaṃ veyyākaraṇaṃ. Evaṃ sabbattha attho veditabbo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਨਿਗਣ੍ਠਨਾਟਪੁਤ੍ਤਸੁਤ੍ਤਂ • 8. Nigaṇṭhanāṭaputtasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਨਿਗਣ੍ਠਨਾਟਪੁਤ੍ਤਸੁਤ੍ਤવਣ੍ਣਨਾ • 8. Nigaṇṭhanāṭaputtasuttavaṇṇanā
