| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੮. ਨਿਗਣ੍ਠਨਾਟਪੁਤ੍ਤਸੁਤ੍ਤવਣ੍ਣਨਾ
8. Nigaṇṭhanāṭaputtasuttavaṇṇanā
੩੫੦. ਆਗਤਾਗਮੋਤਿ વਾਚੁਗ੍ਗਤਪਰਿਯਤ੍ਤਿਧਮ੍ਮੋ। વਿਞ੍ਞਾਤਸਾਸਨੋਤਿ ਪਟਿવਿਦ੍ਧਸਤ੍ਥੁਸਾਸਨੋ। ਤੇਨਾਹ ‘‘ਅਨਾਗਾਮੀ’’ਤਿਆਦਿ। ਨਗ੍ਗਭੋਗ੍ਗਨ੍ਤਿ ਅવਸਨਭਾવੇਨ ਨਗ੍ਗਂ, ਕੁਟਿਲਜ੍ਝਾਸਯਤਾਯ ਭੋਗ੍ਗਂ, ਤਤੋ ਏવ ਨਿਸ੍ਸਿਰਿਕਂ। ਨਗ੍ਗਤਾਯ ਹਿ ਸੋ ਰੂਪੇਨ ਨਿਸ੍ਸਿਰਿਕੋ, ਭੋਗ੍ਗਤਾਯ ਚਿਤ੍ਤੇਨ। ਭਗવਤੋ ਸਦ੍ਧਾਯਾਤਿ ਭਗવਤਿ ਸਦ੍ਧਾਯ। ਤਸ੍ਮਿਂ ਸਦ੍ਦਹਨਾ ਓਕਪ੍ਪਨਾ ਤਸ੍ਸ ਸਦ੍ਧਾਤਿਪਿ વਤ੍ਤਬ੍ਬਤਂ ਲਭਤਿ। ਗਚ੍ਛਾਮੀਤਿ ਆਗਚ੍ਛਾਮਿ, ਬੁਜ੍ਝਾਮੀਤਿ ਅਤ੍ਥੋ। ਏਤਂ ਨਿਗਣ੍ਠੇਨ ਪੁਚ੍ਛਿਤਮਤ੍ਥਮਾਹ।
350.Āgatāgamoti vācuggatapariyattidhammo. Viññātasāsanoti paṭividdhasatthusāsano. Tenāha ‘‘anāgāmī’’tiādi. Naggabhogganti avasanabhāvena naggaṃ, kuṭilajjhāsayatāya bhoggaṃ, tato eva nissirikaṃ. Naggatāya hi so rūpena nissiriko, bhoggatāya cittena. Bhagavato saddhāyāti bhagavati saddhāya. Tasmiṃ saddahanā okappanā tassa saddhātipi vattabbataṃ labhati. Gacchāmīti āgacchāmi, bujjhāmīti attho. Etaṃ nigaṇṭhena pucchitamatthamāha.
ਕਾਯਂ ਉਨ੍ਨਾਮੇਤ੍વਾਤਿ ਕਾਯਂ ਅਬ੍ਭੁਨ੍ਨਾਮੇਤ੍વਾ। ਕੁਚ੍ਛਿਂ ਨੀਹਰਿਤ੍વਾਤਿ ਪਿਟ੍ਠਿਯਾ ਨਿਨ੍ਨਮਨੇਨ ਕੁਚ੍ਛਿਂ ਪੁਰਤੋ ਨੀਹਰਿਤ੍વਾ। ਗੀવਂ ਪਸਾਰਣવਸੇਨ ਪਗ੍ਗਯ੍ਹ ਪਗ੍ਗਹੇਤ੍વਾ ਸਬ੍ਬਂ ਦਿਸਂ ਪੇਕ੍ਖਮਾਨੋ। ਸਬ੍ਬਮਿਦਂ ਨਿਗਣ੍ਠਸ੍ਸ ਪਹਟ੍ਠਾਕਾਰਦਸ੍ਸਨਤ੍ਥਂ ‘‘ਇਦਾਨਿ ਸਮਣਸ੍ਸ ਗੋਤਮਸ੍ਸ ਉਪਰਿ વਾਦਂ ਆਰੋਪੇਤੁਂ ਲਬ੍ਭਤੀ’’ਤਿ। ਤੇਨਾਹ ‘‘વਾਤਂ વਾ ਸੋ’’ਤਿਆਦਿ। ਸਕਾਰਣਾਤਿ ਯੁਤ੍ਤਿਸਹਿਤਾ। ਪਞ੍ਹਮਗ੍ਗੋਤਿ ਪਞ੍ਹਸਙ੍ਖਾਤੋ વੀਮਂਸਾ, ਏવਂ ਭવਿਤਬ੍ਬਨ੍ਤਿ ਚਿਤ੍ਤੇਨੇવ ਪਰਿવੀਮਂਸਾ ਪਞ੍ਹਾ। ਏਕੋ ਉਦ੍ਦੇਸੋਤਿ ਏਕਂ ਉਦ੍ਦਿਸਨਂ ਅਤ੍ਥਸ੍ਸ ਸਂਖਿਤ੍ਤવਚਨਂ। વੇਯ੍ਯਾਕਰਣਨ੍ਤਿ ਨਿਦ੍ਦਿਸਨਂ ਅਤ੍ਥਸ੍ਸ વਿਚਾਰੇਤ੍વਾ ਕਥਨਂ। ਏવਨ੍ਤਿ ਇਮਿਨਾ ਨਯੇਨ। ਸਬ੍ਬਤ੍ਥਾਤਿ ਸਬ੍ਬੇਸੁ ਪਞ੍ਹੁਦ੍ਦੇਸવੇਯ੍ਯਾਕਰਣੇਸੁ ਅਤ੍ਥੋ વਿਤ੍ਥਾਰਤੋ વੇਦਿਤਬ੍ਬੋ।
Kāyaṃunnāmetvāti kāyaṃ abbhunnāmetvā. Kucchiṃ nīharitvāti piṭṭhiyā ninnamanena kucchiṃ purato nīharitvā. Gīvaṃ pasāraṇavasena paggayha paggahetvā sabbaṃ disaṃ pekkhamāno. Sabbamidaṃ nigaṇṭhassa pahaṭṭhākāradassanatthaṃ ‘‘idāni samaṇassa gotamassa upari vādaṃ āropetuṃ labbhatī’’ti. Tenāha ‘‘vātaṃ vā so’’tiādi. Sakāraṇāti yuttisahitā. Pañhamaggoti pañhasaṅkhāto vīmaṃsā, evaṃ bhavitabbanti citteneva parivīmaṃsā pañhā. Eko uddesoti ekaṃ uddisanaṃ atthassa saṃkhittavacanaṃ. Veyyākaraṇanti niddisanaṃ atthassa vicāretvā kathanaṃ. Evanti iminā nayena. Sabbatthāti sabbesu pañhuddesaveyyākaraṇesu attho vitthārato veditabbo.
ਨਿਗਣ੍ਠਨਾਟਪੁਤ੍ਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Nigaṇṭhanāṭaputtasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਨਿਗਣ੍ਠਨਾਟਪੁਤ੍ਤਸੁਤ੍ਤਂ • 8. Nigaṇṭhanāṭaputtasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਨਿਗਣ੍ਠਨਾਟਪੁਤ੍ਤਸੁਤ੍ਤવਣ੍ਣਨਾ • 8. Nigaṇṭhanāṭaputtasuttavaṇṇanā
