| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၈. နိဂဏ္ဌသုတ္တံ
8. Nigaṇṭhasuttaṃ
၇၈. ‘‘ဒသဟိ , ဘိက္ခဝေ, အသဒ္ဓမ္မေဟိ သမန္နာဂတာ နိဂဏ္ဌာ။ ကတမေဟိ ဒသဟိ? အသ္သဒ္ဓာ, ဘိက္ခဝေ, နိဂဏ္ဌာ; ဒုသ္သီလာ, ဘိက္ခဝေ, နိဂဏ္ဌာ; အဟိရိကာ, ဘိက္ခဝေ, နိဂဏ္ဌာ; အနောတ္တပ္ပိနော, ဘိက္ခဝေ, နိဂဏ္ဌာ; အသပ္ပုရိသသမ္ဘတ္တိနော, ဘိက္ခဝေ, နိဂဏ္ဌာ; အတ္တုက္ကံသကပရဝမ္ဘကာ, ဘိက္ခဝေ, နိဂဏ္ဌာ; သန္ဒိဋ္ဌိပရာမာသာ အာဓာနဂ္ဂာဟီ ဒုပ္ပဋိနိသ္သဂ္ဂိနော, ဘိက္ခဝေ, နိဂဏ္ဌာ; ကုဟကာ, ဘိက္ခဝေ, နိဂဏ္ဌာ; ပာပိစ္ဆာ, ဘိက္ခဝေ, နိဂဏ္ဌာ; ပာပမိတ္တာ, ဘိက္ခဝေ, နိဂဏ္ဌာ – ဣမေဟိ ခော, ဘိက္ခဝေ, ဒသဟိ အသဒ္ဓမ္မေဟိ သမန္နာဂတာ နိဂဏ္ဌာ’’တိ။ အဋ္ဌမံ။
78. ‘‘Dasahi , bhikkhave, asaddhammehi samannāgatā nigaṇṭhā. Katamehi dasahi? Assaddhā, bhikkhave, nigaṇṭhā; dussīlā, bhikkhave, nigaṇṭhā; ahirikā, bhikkhave, nigaṇṭhā; anottappino, bhikkhave, nigaṇṭhā; asappurisasambhattino, bhikkhave, nigaṇṭhā; attukkaṃsakaparavambhakā, bhikkhave, nigaṇṭhā; sandiṭṭhiparāmāsā ādhānaggāhī duppaṭinissaggino, bhikkhave, nigaṇṭhā; kuhakā, bhikkhave, nigaṇṭhā; pāpicchā, bhikkhave, nigaṇṭhā; pāpamittā, bhikkhave, nigaṇṭhā – imehi kho, bhikkhave, dasahi asaddhammehi samannāgatā nigaṇṭhā’’ti. Aṭṭhamaṃ.
Related texts:
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၅-၁၀. မိဂသာလာသုတ္တာဒိဝဏ္ဏနာ • 5-10. Migasālāsuttādivaṇṇanā
