| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
8. නිගණ්‌ඨසුත්‌තං
8. Nigaṇṭhasuttaṃ
78. ‘‘දසහි , භික්‌ඛවෙ, අසද්‌ධම්‌මෙහි සමන්‌නාගතා නිගණ්‌ඨා. කතමෙහි දසහි? අස්‌සද්‌ධා, භික්‌ඛවෙ, නිගණ්‌ඨා; දුස්‌සීලා, භික්‌ඛවෙ, නිගණ්‌ඨා; අහිරිකා, භික්‌ඛවෙ, නිගණ්‌ඨා; අනොත්‌තප්‌පිනො, භික්‌ඛවෙ, නිගණ්‌ඨා; අසප්‌පුරිසසම්‌භත්‌තිනො, භික්‌ඛවෙ, නිගණ්‌ඨා; අත්‌තුක්‌කංසකපරවම්‌භකා, භික්‌ඛවෙ, නිගණ්‌ඨා; සන්‌දිට්‌ඨිපරාමාසා ආධානග්‌ගාහී දුප්‌පටිනිස්‌සග්‌ගිනො, භික්‌ඛවෙ, නිගණ්‌ඨා; කුහකා, භික්‌ඛවෙ, නිගණ්‌ඨා; පාපිච්‌ඡා, භික්‌ඛවෙ, නිගණ්‌ඨා; පාපමිත්‌තා, භික්‌ඛවෙ, නිගණ්‌ඨා – ඉමෙහි ඛො, භික්‌ඛවෙ, දසහි අසද්‌ධම්‌මෙහි සමන්‌නාගතා නිගණ්‌ඨා’’ති. අට්‌ඨමං.
78. ‘‘Dasahi , bhikkhave, asaddhammehi samannāgatā nigaṇṭhā. Katamehi dasahi? Assaddhā, bhikkhave, nigaṇṭhā; dussīlā, bhikkhave, nigaṇṭhā; ahirikā, bhikkhave, nigaṇṭhā; anottappino, bhikkhave, nigaṇṭhā; asappurisasambhattino, bhikkhave, nigaṇṭhā; attukkaṃsakaparavambhakā, bhikkhave, nigaṇṭhā; sandiṭṭhiparāmāsā ādhānaggāhī duppaṭinissaggino, bhikkhave, nigaṇṭhā; kuhakā, bhikkhave, nigaṇṭhā; pāpicchā, bhikkhave, nigaṇṭhā; pāpamittā, bhikkhave, nigaṇṭhā – imehi kho, bhikkhave, dasahi asaddhammehi samannāgatā nigaṇṭhā’’ti. Aṭṭhamaṃ.
Related texts:
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 5-10. මිගසාලාසුත්‌තාදිවණ්‌ණනා • 5-10. Migasālāsuttādivaṇṇanā
