| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੮. ਨਿਗਣ੍ਠਸੁਤ੍ਤਂ
8. Nigaṇṭhasuttaṃ
੭੮. ‘‘ਦਸਹਿ , ਭਿਕ੍ਖવੇ, ਅਸਦ੍ਧਮ੍ਮੇਹਿ ਸਮਨ੍ਨਾਗਤਾ ਨਿਗਣ੍ਠਾ। ਕਤਮੇਹਿ ਦਸਹਿ? ਅਸ੍ਸਦ੍ਧਾ, ਭਿਕ੍ਖવੇ, ਨਿਗਣ੍ਠਾ; ਦੁਸ੍ਸੀਲਾ, ਭਿਕ੍ਖવੇ, ਨਿਗਣ੍ਠਾ; ਅਹਿਰਿਕਾ, ਭਿਕ੍ਖવੇ, ਨਿਗਣ੍ਠਾ; ਅਨੋਤ੍ਤਪ੍ਪਿਨੋ, ਭਿਕ੍ਖવੇ, ਨਿਗਣ੍ਠਾ; ਅਸਪ੍ਪੁਰਿਸਸਮ੍ਭਤ੍ਤਿਨੋ, ਭਿਕ੍ਖવੇ, ਨਿਗਣ੍ਠਾ; ਅਤ੍ਤੁਕ੍ਕਂਸਕਪਰવਮ੍ਭਕਾ, ਭਿਕ੍ਖવੇ, ਨਿਗਣ੍ਠਾ; ਸਨ੍ਦਿਟ੍ਠਿਪਰਾਮਾਸਾ ਆਧਾਨਗ੍ਗਾਹੀ ਦੁਪ੍ਪਟਿਨਿਸ੍ਸਗ੍ਗਿਨੋ, ਭਿਕ੍ਖવੇ, ਨਿਗਣ੍ਠਾ; ਕੁਹਕਾ, ਭਿਕ੍ਖવੇ, ਨਿਗਣ੍ਠਾ; ਪਾਪਿਚ੍ਛਾ, ਭਿਕ੍ਖવੇ, ਨਿਗਣ੍ਠਾ; ਪਾਪਮਿਤ੍ਤਾ, ਭਿਕ੍ਖવੇ, ਨਿਗਣ੍ਠਾ – ਇਮੇਹਿ ਖੋ, ਭਿਕ੍ਖવੇ, ਦਸਹਿ ਅਸਦ੍ਧਮ੍ਮੇਹਿ ਸਮਨ੍ਨਾਗਤਾ ਨਿਗਣ੍ਠਾ’’ਤਿ। ਅਟ੍ਠਮਂ।
78. ‘‘Dasahi , bhikkhave, asaddhammehi samannāgatā nigaṇṭhā. Katamehi dasahi? Assaddhā, bhikkhave, nigaṇṭhā; dussīlā, bhikkhave, nigaṇṭhā; ahirikā, bhikkhave, nigaṇṭhā; anottappino, bhikkhave, nigaṇṭhā; asappurisasambhattino, bhikkhave, nigaṇṭhā; attukkaṃsakaparavambhakā, bhikkhave, nigaṇṭhā; sandiṭṭhiparāmāsā ādhānaggāhī duppaṭinissaggino, bhikkhave, nigaṇṭhā; kuhakā, bhikkhave, nigaṇṭhā; pāpicchā, bhikkhave, nigaṇṭhā; pāpamittā, bhikkhave, nigaṇṭhā – imehi kho, bhikkhave, dasahi asaddhammehi samannāgatā nigaṇṭhā’’ti. Aṭṭhamaṃ.
Related texts:
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫-੧੦. ਮਿਗਸਾਲਾਸੁਤ੍ਤਾਦਿવਣ੍ਣਨਾ • 5-10. Migasālāsuttādivaṇṇanā
