| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੬. ਸੋਲ਼ਸਮવਗ੍ਗੋ
16. Soḷasamavaggo
(੧੫੬) ੧. ਨਿਗ੍ਗਹਕਥਾ
(156) 1. Niggahakathā
੭੪੩. ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀਤਿ? ਆਮਨ੍ਤਾ। ਪਰੋ ਪਰਸ੍ਸ ਚਿਤ੍ਤਂ ‘‘ਮਾ ਰਜ੍ਜਿ’’, ‘‘ਮਾ ਦੁਸ੍ਸਿ’’, ‘‘ਮਾ ਮੁਯ੍ਹਿ’’, ‘‘ਮਾ ਕਿਲਿਸ੍ਸੀ’’ਤਿ ਨਿਗ੍ਗਣ੍ਹਾਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀਤਿ? ਆਮਨ੍ਤਾ। ਪਰੋ ਪਰਸ੍ਸ ਉਪ੍ਪਨ੍ਨੋ ਫਸ੍ਸੋ ‘‘ਮਾ ਨਿਰੁਜ੍ਝੀ’’ਤਿ ਨਿਗ੍ਗਣ੍ਹਾਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਪਰੋ ਪਰਸ੍ਸ ਉਪ੍ਪਨ੍ਨਾ વੇਦਨਾ…ਪੇ॰… ਉਪ੍ਪਨ੍ਨਾ ਸਞ੍ਞਾ… ਉਪ੍ਪਨ੍ਨਾ ਚੇਤਨਾ… ਉਪ੍ਪਨ੍ਨਂ ਚਿਤ੍ਤਂ… ਉਪ੍ਪਨ੍ਨਾ ਸਦ੍ਧਾ… ਉਪ੍ਪਨ੍ਨਂ વੀਰਿਯਂ … ਉਪ੍ਪਨ੍ਨਾ ਸਤਿ… ਉਪ੍ਪਨ੍ਨੋ ਸਮਾਧਿ…ਪੇ॰… ਉਪ੍ਪਨ੍ਨਾ ਪਞ੍ਞਾ ‘‘ਮਾ ਨਿਰੁਜ੍ਝੀ’’ਤਿ ਨਿਗ੍ਗਣ੍ਹਾਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
743. Paro parassa cittaṃ niggaṇhātīti? Āmantā. Paro parassa cittaṃ ‘‘mā rajji’’, ‘‘mā dussi’’, ‘‘mā muyhi’’, ‘‘mā kilissī’’ti niggaṇhātīti? Na hevaṃ vattabbe…pe… paro parassa cittaṃ niggaṇhātīti? Āmantā. Paro parassa uppanno phasso ‘‘mā nirujjhī’’ti niggaṇhātīti? Na hevaṃ vattabbe…pe… paro parassa uppannā vedanā…pe… uppannā saññā… uppannā cetanā… uppannaṃ cittaṃ… uppannā saddhā… uppannaṃ vīriyaṃ … uppannā sati… uppanno samādhi…pe… uppannā paññā ‘‘mā nirujjhī’’ti niggaṇhātīti? Na hevaṃ vattabbe…pe….
ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀਤਿ? ਆਮਨ੍ਤਾ। ਪਰੋ ਪਰਸ੍ਸ ਅਤ੍ਥਾਯ ਰਾਗਂ ਪਜਹਤਿ… ਦੋਸਂ ਪਜਹਤਿ…ਪੇ॰… ਅਨੋਤ੍ਤਪ੍ਪਂ ਪਜਹਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Paro parassa cittaṃ niggaṇhātīti? Āmantā. Paro parassa atthāya rāgaṃ pajahati… dosaṃ pajahati…pe… anottappaṃ pajahatīti? Na hevaṃ vattabbe…pe….
ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀਤਿ? ਆਮਨ੍ਤਾ। ਪਰੋ ਪਰਸ੍ਸ ਅਤ੍ਥਾਯ ਮਗ੍ਗਂ ਭਾવੇਤਿ… ਸਤਿਪਟ੍ਠਾਨਂ ਭਾવੇਤਿ…ਪੇ॰… ਬੋਜ੍ਝਙ੍ਗਂ ਭਾવੇਤੀਤਿ ? ਨ ਹੇવਂ વਤ੍ਤਬ੍ਬੇ…ਪੇ॰…।
Paro parassa cittaṃ niggaṇhātīti? Āmantā. Paro parassa atthāya maggaṃ bhāveti… satipaṭṭhānaṃ bhāveti…pe… bojjhaṅgaṃ bhāvetīti ? Na hevaṃ vattabbe…pe….
ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀਤਿ? ਆਮਨ੍ਤਾ। ਪਰੋ ਪਰਸ੍ਸ ਅਤ੍ਥਾਯ ਦੁਕ੍ਖਂ ਪਰਿਜਾਨਾਤਿ, ਸਮੁਦਯਂ ਪਜਹਤਿ, ਨਿਰੋਧਂ ਸਚ੍ਛਿਕਰੋਤਿ, ਮਗ੍ਗਂ ਭਾવੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Paro parassa cittaṃ niggaṇhātīti? Āmantā. Paro parassa atthāya dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀਤਿ? ਆਮਨ੍ਤਾ। ਅਞ੍ਞੋ ਅਞ੍ਞਸ੍ਸ ਕਾਰਕੋ, ਪਰਙ੍ਕਤਂ ਸੁਖਂ ਦੁਕ੍ਖਂ ਅਞ੍ਞੋ ਕਰੋਤਿ ਅਞ੍ਞੋ ਪਟਿਸਂવੇਦੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Paro parassa cittaṃ niggaṇhātīti? Āmantā. Añño aññassa kārako, paraṅkataṃ sukhaṃ dukkhaṃ añño karoti añño paṭisaṃvedetīti? Na hevaṃ vattabbe…pe….
ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ –
Paro parassa cittaṃ niggaṇhātīti? Āmantā. Nanu vuttaṃ bhagavatā –
‘‘ਅਤ੍ਤਨਾવ ਕਤਂ ਪਾਪਂ, ਅਤ੍ਤਨਾ ਸਂਕਿਲਿਸ੍ਸਤਿ।
‘‘Attanāva kataṃ pāpaṃ, attanā saṃkilissati;
ਅਤ੍ਤਨਾ ਅਕਤਂ ਪਾਪਂ, ਅਤ੍ਤਨਾવ વਿਸੁਜ੍ਝਤਿ।
Attanā akataṃ pāpaṃ, attanāva visujjhati;
ਸੁਦ੍ਧਿ ਅਸੁਦ੍ਧਿ ਪਚ੍ਚਤ੍ਤਂ, ਨਾਞ੍ਞੋ ਅਞ੍ਞਂ વਿਸੋਧਯੇ’’ਤਿ 1॥
Suddhi asuddhi paccattaṃ, nāñño aññaṃ visodhaye’’ti 2.
ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀ’’ਤਿ।
Attheva suttantoti? Āmantā. Tena hi na vattabbaṃ – ‘‘paro parassa cittaṃ niggaṇhātī’’ti.
੭੪੪. ਨ વਤ੍ਤਬ੍ਬਂ – ‘‘ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀ’’ਤਿ? ਆਮਨ੍ਤਾ। ਨਨੁ ਅਤ੍ਥਿ ਬਲਪ੍ਪਤ੍ਤਾ, ਅਤ੍ਥਿ વਸੀਭੂਤਾਤਿ? ਆਮਨ੍ਤਾ। ਹਞ੍ਚਿ ਅਤ੍ਥਿ ਬਲਪ੍ਪਤ੍ਤਾ, ਅਤ੍ਥਿ વਸੀਭੂਤਾ, ਤੇਨ વਤ ਰੇ વਤ੍ਤਬ੍ਬੇ – ‘‘ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀ’’ਤਿ।
744. Na vattabbaṃ – ‘‘paro parassa cittaṃ niggaṇhātī’’ti? Āmantā. Nanu atthi balappattā, atthi vasībhūtāti? Āmantā. Hañci atthi balappattā, atthi vasībhūtā, tena vata re vattabbe – ‘‘paro parassa cittaṃ niggaṇhātī’’ti.
ਨਿਗ੍ਗਹਕਥਾ ਨਿਟ੍ਠਿਤਾ।
Niggahakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੧. ਨਿਗ੍ਗਹਕਥਾવਣ੍ਣਨਾ • 1. Niggahakathāvaṇṇanā
