| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
१६. सोळसमवग्गो
16. Soḷasamavaggo
१. निग्गहकथावण्णना
1. Niggahakathāvaṇṇanā
७४३-७४४. इदानि निग्गहकथा नाम होति। तत्थ ये लोके बलप्पत्ता वसीभूता, ते यदि परस्स चित्तं निग्गण्हितुं न सक्कुणेय्युं, का तेसं बलप्पत्ति, को वसीभावो। बलप्पत्तिया पन वसीभावेन च अद्धा ते परस्स चित्तं निग्गण्हन्तीति येसं लद्धि, सेय्यथापि महासङ्घिकानं; ते सन्धाय परो परस्साति पुच्छा सकवादिस्स, पटिञ्ञा इतरस्स। तत्थ निग्गण्हातीति संकिलेसापत्तितो निवारेति। सेसमेत्थ यथापाळिमेव निय्यातीति। पग्गहकथायपि एसेव नयो।
743-744. Idāni niggahakathā nāma hoti. Tattha ye loke balappattā vasībhūtā, te yadi parassa cittaṃ niggaṇhituṃ na sakkuṇeyyuṃ, kā tesaṃ balappatti, ko vasībhāvo. Balappattiyā pana vasībhāvena ca addhā te parassa cittaṃ niggaṇhantīti yesaṃ laddhi, seyyathāpi mahāsaṅghikānaṃ; te sandhāya paro parassāti pucchā sakavādissa, paṭiññā itarassa. Tattha niggaṇhātīti saṃkilesāpattito nivāreti. Sesamettha yathāpāḷimeva niyyātīti. Paggahakathāyapi eseva nayo.
निग्गहकथावण्णना।
Niggahakathāvaṇṇanā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (१५६) १. निग्गहकथा • (156) 1. Niggahakathā
