| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
16. සොළසමවග්‌ගො
16. Soḷasamavaggo
1. නිග්‌ගහකථාවණ්‌ණනා
1. Niggahakathāvaṇṇanā
743-744. ඉදානි නිග්‌ගහකථා නාම හොති. තත්‌ථ යෙ ලොකෙ බලප්‌පත්‌තා වසීභූතා, තෙ යදි පරස්‌ස චිත්‌තං නිග්‌ගණ්‌හිතුං න සක්‌කුණෙය්‍යුං, කා තෙසං බලප්‌පත්‌ති, කො වසීභාවො. බලප්‌පත්‌තියා පන වසීභාවෙන ච අද්‌ධා තෙ පරස්‌ස චිත්‌තං නිග්‌ගණ්‌හන්‌තීති යෙසං ලද්‌ධි, සෙය්‍යථාපි මහාසඞ්‌ඝිකානං; තෙ සන්‌ධාය පරො පරස්‌සාති පුච්‌ඡා සකවාදිස්‌ස, පටිඤ්‌ඤා ඉතරස්‌ස. තත්‌ථ නිග්‌ගණ්‌හාතීති සංකිලෙසාපත්‌තිතො නිවාරෙති. සෙසමෙත්‌ථ යථාපාළිමෙව නිය්‍යාතීති. පග්‌ගහකථායපි එසෙව නයො.
743-744. Idāni niggahakathā nāma hoti. Tattha ye loke balappattā vasībhūtā, te yadi parassa cittaṃ niggaṇhituṃ na sakkuṇeyyuṃ, kā tesaṃ balappatti, ko vasībhāvo. Balappattiyā pana vasībhāvena ca addhā te parassa cittaṃ niggaṇhantīti yesaṃ laddhi, seyyathāpi mahāsaṅghikānaṃ; te sandhāya paro parassāti pucchā sakavādissa, paṭiññā itarassa. Tattha niggaṇhātīti saṃkilesāpattito nivāreti. Sesamettha yathāpāḷimeva niyyātīti. Paggahakathāyapi eseva nayo.
නිග්‌ගහකථාවණ්‌ණනා.
Niggahakathāvaṇṇanā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (156) 1. නිග්‌ගහකථා • (156) 1. Niggahakathā
