| Library / Tipiṭaka / д̇ибидага • Tipiṭaka / ж̇аад̇агабаал̣и • Jātakapāḷi |
445. ниг̇род̇хаж̇аад̇агам̣ (7)
445. Nigrodhajātakaṃ (7)
72.
72.
яат̇аа саако жари 5 звам̣, ниг̇род̇ха гинд̇и ман̃н̃аси.
Yathā sākho cari 6 evaṃ, nigrodha kinti maññasi.
73.
73.
д̇ад̇о г̇алавинийд̇зна, бурисаа нийхарим̣су мам̣;
Tato galavinītena, purisā nīhariṃsu maṃ;
д̣̇ад̇ваа мукабахаараани, саакасса важанам̣гараа.
Datvā mukhapahārāni, sākhassa vacanaṃkarā.
74.
74.
зд̇аад̣̇исам̣ д̣̇уммад̇инаа, агад̇ан̃н̃уна д̣̇уб̣бхинаа;
Etādisaṃ dummatinā, akataññuna dubbhinā;
гад̇ам̣ анарияам̣ саакзна, сакинаа д̇з ж̇анаад̇хиба.
Kataṃ anariyaṃ sākhena, sakhinā te janādhipa.
75.
75.
на ваахамзд̇ам̣ ж̇аанаами, наби мз гожи сам̣сад̇и;
Na vāhametaṃ jānāmi, napi me koci saṃsati;
яам̣ мз д̇вам̣ самма агкааси, саакзна гааран̣ам̣ 7 гад̇ам̣.
Yaṃ me tvaṃ samma akkhāsi, sākhena kāraṇaṃ 8 kataṃ.
76.
76.
сакийнам̣ сааж̇ийвагаро, мама саакасса жуубхаяам̣;
Sakhīnaṃ sājīvakaro, mama sākhassa cūbhayaṃ;
д̇вам̣ носиссарияам̣ д̣̇аад̇аа, мануссзсу маханд̇ад̇ам̣;
Tvaṃ nosissariyaṃ dātā, manussesu mahantataṃ;
д̇аяаамаа лаб̣бхид̇аа ид̣̇д̇хий, зд̇т̇а мз над̇т̇и сам̣саяо.
Tayāmā labbhitā iddhī, ettha me natthi saṃsayo.
77.
77.
яат̇ааби б̣ийж̇амаг̇г̇имхи, д̣аяхад̇и на вируухад̇и;
Yathāpi bījamaggimhi, ḍayhati na virūhati;
звам̣ гад̇ам̣ асаббурисз, нассад̇и на вируухад̇и.
Evaṃ kataṃ asappurise, nassati na virūhati.
78.
78.
гад̇ан̃н̃умхи жа босамхи, сийлаванд̇з арияавуд̇д̇инз;
Kataññumhi ca posamhi, sīlavante ariyavuttine;
сукзд̇д̇з вияа б̣ийж̇аани, гад̇ам̣ д̇амхи на нассад̇и.
Sukhette viya bījāni, kataṃ tamhi na nassati.
79.
79.
имам̣ ж̇аммам̣ нзгад̇игам̣, асаббурисажинд̇агам̣;
Imaṃ jammaṃ nekatikaṃ, asappurisacintakaṃ;
хананд̇у саакам̣ сад̇д̇ийхи, наасса ижчаами ж̇ийвид̇ам̣.
Hanantu sākhaṃ sattīhi, nāssa icchāmi jīvitaṃ.
80.
80.
кама д̣̇зва асаббурисасса, наасса ижчаамахам̣ вад̇хам̣.
Khama deva asappurisassa, nāssa icchāmahaṃ vadhaṃ.
81.
81.
ниг̇род̇хамзва сзвзяяа, на саакамубасам̣васз;
Nigrodhameva seveyya, na sākhamupasaṃvase;
ниг̇род̇хасмим̣ мад̇ам̣ сзяяо, яан̃жз саакасми ж̇ийвид̇анд̇и.
Nigrodhasmiṃ mataṃ seyyo, yañce sākhasmi jīvitanti.
ниг̇род̇хаж̇аад̇агам̣ сад̇д̇амам̣.
Nigrodhajātakaṃ sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ж̇аад̇ага-адтагат̇аа • Jātaka-aṭṭhakathā / [445] 7. ниг̇род̇хаж̇аад̇агаван̣н̣анаа • [445] 7. Nigrodhajātakavaṇṇanā
