| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
12. ниг̇род̇хагаббасуд̇д̇а-(ван̇г̇ийсасуд̇д̇а)-ван̣н̣анаа
12. Nigrodhakappasutta-(vaṅgīsasutta)-vaṇṇanā
звам̣ мз суд̇анд̇и ниг̇род̇хагаббасуд̇д̇ам̣, ‘‘ван̇г̇ийсасуд̇д̇а’’нд̇иби вужжад̇и. гаа уббад̇д̇и? аяамзва яаасса нид̣̇аанз вуд̇д̇аа. д̇ад̇т̇а звам̣ мзд̇иаад̣̇ийни вуд̇д̇ад̇т̇аанзва, яад̇о д̇аани ан̃н̃аани жа д̇ат̇аавид̇хаани чад̣д̣зд̇ваа авуд̇д̇анаяамзва ван̣н̣аяиссаама. аг̇г̇аал̣авз жзд̇иязд̇и аал̣авияам̣ аг̇г̇ажзд̇ияз. ануббаннз хи бхаг̇авад̇и аг̇г̇аал̣аваг̇од̇амагаад̣̇ийни анзгаани жзд̇ияаани ахзсум̣ яагканааг̇аад̣̇ийнам̣ бхаванаани. д̇аани уббаннз бхаг̇авад̇и мануссаа винаасзд̇ваа вихаарз агам̣су, д̇знзва жа наамзна вохарим̣су. д̇ад̇о аг̇г̇аал̣аважзд̇ияасан̇каад̇з вихаарз вихарад̇ийд̇и вуд̇д̇ам̣ ход̇и. ааяасмад̇о ван̇г̇ийсассаад̇и зд̇т̇а ааяасмаад̇и бияаважанам̣, ван̇г̇ийсод̇и д̇асса т̇зрасса наамам̣. со ж̇аад̇ид̇о бабхуд̇и звам̣ взд̣̇ид̇аб̣б̣о – со гира бариб̣б̣ааж̇агасса буд̇д̇о бариб̣б̣ааж̇игааяа гужчимхи ж̇аад̇о ан̃н̃ад̇арам̣ виж̇ж̇ам̣ ж̇аанаад̇и, яассаанубхаавзна чавасийсам̣ аагодзд̇ваа сад̇д̇аанам̣ г̇ад̇им̣ ж̇аанаад̇и. мануссааби суд̣̇ам̣ ад̇д̇ано н̃аад̇ийнам̣ гаалагад̇аанам̣ сусаанад̇о сийсаани аанзд̇ваа д̇ам̣ д̇зсам̣ г̇ад̇им̣ бужчанд̇и. со ‘‘асуганираяз ниб̣б̣ад̇д̇о, асугамануссалогз’’д̇и вад̣̇ад̇и. д̇з д̇зна вимхид̇аа д̇асса б̣ахум̣ д̇ханам̣ д̣̇знд̇и. звам̣ со сагалаж̇амб̣уд̣̇ийбз баагадо ахоси.
Evaṃme sutanti nigrodhakappasuttaṃ, ‘‘vaṅgīsasutta’’ntipi vuccati. Kā uppatti? Ayameva yāssa nidāne vuttā. Tattha evaṃ metiādīni vuttatthāneva, yato tāni aññāni ca tathāvidhāni chaḍḍetvā avuttanayameva vaṇṇayissāma. Aggāḷave cetiyeti āḷaviyaṃ aggacetiye. Anuppanne hi bhagavati aggāḷavagotamakādīni anekāni cetiyāni ahesuṃ yakkhanāgādīnaṃ bhavanāni. Tāni uppanne bhagavati manussā vināsetvā vihāre akaṃsu, teneva ca nāmena vohariṃsu. Tato aggāḷavacetiyasaṅkhāte vihāre viharatīti vuttaṃ hoti. Āyasmato vaṅgīsassāti ettha āyasmāti piyavacanaṃ, vaṅgīsoti tassa therassa nāmaṃ. So jātito pabhuti evaṃ veditabbo – so kira paribbājakassa putto paribbājikāya kucchimhi jāto aññataraṃ vijjaṃ jānāti, yassānubhāvena chavasīsaṃ ākoṭetvā sattānaṃ gatiṃ jānāti. Manussāpi sudaṃ attano ñātīnaṃ kālakatānaṃ susānato sīsāni ānetvā taṃ tesaṃ gatiṃ pucchanti. So ‘‘asukaniraye nibbatto, asukamanussaloke’’ti vadati. Te tena vimhitā tassa bahuṃ dhanaṃ denti. Evaṃ so sakalajambudīpe pākaṭo ahosi.
со сад̇асахассагаббам̣ буурид̇абаарамий абхинийхаарасамбанно бан̃жахи бурисасахассзхи баривуд̇о г̇ааманиг̇амаж̇анабад̣̇арааж̇ад̇хаанийсу вижаранд̇о саавад̇т̇им̣ ануббад̇д̇о. д̇зна жа самаязна бхаг̇аваа саавад̇т̇ияам̣ вихарад̇и, саавад̇т̇иваасино бурзбхад̇д̇ам̣ д̣̇аанам̣ д̣̇ад̇ваа бажчаабхад̇д̇ам̣ сунивад̇т̇аа субааруд̇аа бубпаг̇анд̇хаад̣̇ийни г̇ахзд̇ваа д̇хаммассаванад̇т̇ааяа ж̇зд̇аванам̣ г̇ажчанд̇и. со д̇з д̣̇исваа ‘‘махааж̇анагааяо гухим̣ г̇ажчад̇ий’’д̇и бужчи. ат̇асса д̇з аажигким̣су – ‘‘б̣уд̣̇д̇хо логз уббанно, со б̣ахуж̇анахид̇ааяа д̇хаммам̣ д̣̇зсзд̇и, д̇ад̇т̇а г̇ажчаамаа’’д̇и. соби д̇зхи сад̣̇д̇хим̣ сабаривааро г̇анд̇ваа бхаг̇авад̇аа сад̣̇д̇хим̣ саммод̣̇ид̇ваа згаманд̇ам̣ нисийд̣̇и. ат̇а нам̣ бхаг̇аваа ааманд̇зси – ‘‘гим̣, ван̇г̇ийса, ж̇аанааси гира д̇аад̣̇исам̣ виж̇ж̇ам̣, яааяа сад̇д̇аанам̣ чавасийсаани аагодзд̇ваа г̇ад̇им̣ бавзд̣̇зсий’’д̇и? ‘‘звам̣, бхо г̇од̇ама, ж̇аанаамий’’д̇и. бхаг̇аваа нираяз ниб̣б̣ад̇д̇асса сийсам̣ аахараабзд̇ваа д̣̇ассзси, со накзна аагодзд̇ваа ‘‘нираяз ниб̣б̣ад̇д̇асса сийсам̣ бхо г̇од̇амаа’’д̇и ааха. звам̣ саб̣б̣аг̇ад̇иниб̣б̣ад̇д̇аанам̣ сийсаани д̣̇ассзси, соби д̇ат̇зва н̃ад̇ваа аарожзси. ат̇асса бхаг̇аваа кийн̣аасавасийсам̣ д̣̇ассзси, со бунаббунам̣ аагодзд̇ваа на ан̃н̃ааси. д̇ад̇о бхаг̇аваа ‘‘ависаяо д̇з зд̇т̇а ван̇г̇ийса, мамзвзсо висаяо, кийн̣аасавасийса’’нд̇и вад̇ваа имам̣ г̇аат̇амабхааси –
So satasahassakappaṃ pūritapāramī abhinīhārasampanno pañcahi purisasahassehi parivuto gāmanigamajanapadarājadhānīsu vicaranto sāvatthiṃ anuppatto. Tena ca samayena bhagavā sāvatthiyaṃ viharati, sāvatthivāsino purebhattaṃ dānaṃ datvā pacchābhattaṃ sunivatthā supārutā pupphagandhādīni gahetvā dhammassavanatthāya jetavanaṃ gacchanti. So te disvā ‘‘mahājanakāyo kuhiṃ gacchatī’’ti pucchi. Athassa te ācikkhiṃsu – ‘‘buddho loke uppanno, so bahujanahitāya dhammaṃ deseti, tattha gacchāmā’’ti. Sopi tehi saddhiṃ saparivāro gantvā bhagavatā saddhiṃ sammoditvā ekamantaṃ nisīdi. Atha naṃ bhagavā āmantesi – ‘‘kiṃ, vaṅgīsa, jānāsi kira tādisaṃ vijjaṃ, yāya sattānaṃ chavasīsāni ākoṭetvā gatiṃ pavedesī’’ti? ‘‘Evaṃ, bho gotama, jānāmī’’ti. Bhagavā niraye nibbattassa sīsaṃ āharāpetvā dassesi, so nakhena ākoṭetvā ‘‘niraye nibbattassa sīsaṃ bho gotamā’’ti āha. Evaṃ sabbagatinibbattānaṃ sīsāni dassesi, sopi tatheva ñatvā ārocesi. Athassa bhagavā khīṇāsavasīsaṃ dassesi, so punappunaṃ ākoṭetvā na aññāsi. Tato bhagavā ‘‘avisayo te ettha vaṅgīsa, mameveso visayo, khīṇāsavasīsa’’nti vatvā imaṃ gāthamabhāsi –
‘‘г̇ад̇ий миг̇аанам̣ баванам̣, аагаасо багкинам̣ г̇ад̇и;
‘‘Gatī migānaṃ pavanaṃ, ākāso pakkhinaṃ gati;
вибхаво г̇ад̇и д̇хаммаанам̣, ниб̣б̣аанам̣ арахад̇о г̇ад̇ий’’д̇и. (бари. 339);
Vibhavo gati dhammānaṃ, nibbānaṃ arahato gatī’’ti. (pari. 339);
ван̇г̇ийсо г̇аат̇ам̣ суд̇ваа ‘‘имам̣ мз, бхо г̇од̇ама, виж̇ж̇ам̣ д̣̇зхий’’д̇и ааха. бхаг̇аваа ‘‘нааяам̣ виж̇ж̇аа абаб̣б̣аж̇ид̇аанам̣ самбаж̇ж̇ад̇ий’’д̇и ааха. со ‘‘баб̣б̣ааж̇зд̇ваа ваа мам̣, бхо г̇од̇ама, яам̣ ваа ижчаси, д̇ам̣ гад̇ваа имам̣ виж̇ж̇ам̣ д̣̇зхий’’д̇и ааха. д̇ад̣̇аа жа бхаг̇авад̇о ниг̇род̇хагаббад̇т̇зро самийбз ход̇и, д̇ам̣ бхаг̇аваа аан̣аабзси – ‘‘д̇зна хи, ниг̇род̇хагабба, имам̣ баб̣б̣ааж̇зхий’’д̇и. со д̇ам̣ баб̣б̣ааж̇зд̇ваа д̇ажабан̃жагагаммадтаанам̣ аажигки. ван̇г̇ийсо анубуб̣б̣зна бадисамбхид̣̇ааббад̇д̇о арахаа ахоси. зд̇ад̣̇аг̇г̇з жа бхаг̇авад̇аа нид̣̇д̣̇идто ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ бадибхаанаванд̇аанам̣ яад̣̇ид̣̇ам̣ ван̇г̇ийсо’’д̇и (а. ни. 1.212).
Vaṅgīso gāthaṃ sutvā ‘‘imaṃ me, bho gotama, vijjaṃ dehī’’ti āha. Bhagavā ‘‘nāyaṃ vijjā apabbajitānaṃ sampajjatī’’ti āha. So ‘‘pabbājetvā vā maṃ, bho gotama, yaṃ vā icchasi, taṃ katvā imaṃ vijjaṃ dehī’’ti āha. Tadā ca bhagavato nigrodhakappatthero samīpe hoti, taṃ bhagavā āṇāpesi – ‘‘tena hi, nigrodhakappa, imaṃ pabbājehī’’ti. So taṃ pabbājetvā tacapañcakakammaṭṭhānaṃ ācikkhi. Vaṅgīso anupubbena paṭisambhidāppatto arahā ahosi. Etadagge ca bhagavatā niddiṭṭho ‘‘etadaggaṃ, bhikkhave, mama sāvakānaṃ bhikkhūnaṃ paṭibhānavantānaṃ yadidaṃ vaṅgīso’’ti (a. ni. 1.212).
звам̣ самуд̣̇ааг̇ад̇асса ааяасмад̇о ван̇г̇ийсасса убаж̇жхааяо важ̇ж̇ааваж̇ж̇аад̣̇иубаниж̇жхааяанзна звам̣ лад̣̇д̇хавохааро ниг̇род̇хагаббо наама т̇зро. габбод̇и д̇асса т̇зрасса наамам̣, ниг̇род̇хамуулз бана арахад̇д̇ам̣ ад̇хиг̇ад̇ад̇д̇аа ‘‘ниг̇род̇хагаббо’’д̇и бхаг̇авад̇аа вуд̇д̇о. д̇ад̇о нам̣ бхигкууби звам̣ вохаранд̇и. саасанз т̇ирабхаавам̣ бад̇д̇од̇и т̇зро. аг̇г̇аал̣авз жзд̇ияз ажирабариниб̣б̣уд̇о ход̇ийд̇и д̇асмим̣ жзд̇ияз ажирабариниб̣б̣уд̇о ход̇и. рахог̇ад̇асса бадисаллийнассаад̇и г̇ан̣амхаа вуубагадтад̇д̇аа рахог̇ад̇асса гааязна, бадисаллийнасса жид̇д̇зна д̇зхи д̇зхи висаязхи бадинивад̇д̇ид̇ваа саллийнасса. звам̣ жзд̇асо баривид̇агго уд̣̇абаад̣̇ийд̇и иминаа аагаарзна вид̇агго уббаж̇ж̇и. гасмаа бана уд̣̇абаад̣̇ийд̇и. асаммукад̇д̇аа д̣̇идтаасзванад̇д̇аа жа. аяан̃хи д̇асса бариниб̣б̣аанагаалз на саммукаа ахоси, д̣̇идтабуб̣б̣ан̃жаанзна асса хад̇т̇агуггужжаад̣̇ибуб̣б̣аасзванам̣, д̇аад̣̇исан̃жа акийн̣аасаваанамби ход̇и кийн̣аасаваанамби буб̣б̣абарижаязна.
Evaṃ samudāgatassa āyasmato vaṅgīsassa upajjhāyo vajjāvajjādiupanijjhāyanena evaṃ laddhavohāro nigrodhakappo nāma thero. Kappoti tassa therassa nāmaṃ, nigrodhamūle pana arahattaṃ adhigatattā ‘‘nigrodhakappo’’ti bhagavatā vutto. Tato naṃ bhikkhūpi evaṃ voharanti. Sāsane thirabhāvaṃ pattoti thero. Aggāḷave cetiye aciraparinibbuto hotīti tasmiṃ cetiye aciraparinibbuto hoti. Rahogatassa paṭisallīnassāti gaṇamhā vūpakaṭṭhattā rahogatassa kāyena, paṭisallīnassa cittena tehi tehi visayehi paṭinivattitvā sallīnassa. Evaṃ cetaso parivitakko udapādīti iminā ākārena vitakko uppajji. Kasmā pana udapādīti. Asammukhattā diṭṭhāsevanattā ca. Ayañhi tassa parinibbānakāle na sammukhā ahosi, diṭṭhapubbañcānena assa hatthakukkuccādipubbāsevanaṃ, tādisañca akhīṇāsavānampi hoti khīṇāsavānampi pubbaparicayena.
д̇ат̇аа хи бин̣д̣олабхаарад̣̇вааж̇о бажчаабхад̇д̇ам̣ д̣̇иваавихаарад̇т̇ааяа уд̣̇знасса уяяаанамзва г̇ажчад̇и буб̣б̣з рааж̇аа худ̇ваа д̇ад̇т̇а барижаарзсийд̇и иминаа буб̣б̣абарижаязна, г̇авамбад̇ид̇т̇зро д̇аавад̇им̣сабхаванз сун̃н̃ам̣ д̣̇звавимаанам̣ г̇ажчад̇и д̣̇звабуд̇д̇о худ̇ваа д̇ад̇т̇а барижаарзсийд̇и иминаа буб̣б̣абарижаязна. билинд̣̇аважчо бхигкуу васалаваад̣̇зна самуд̣̇аажарад̇и аб̣б̣огин̣н̣аани бан̃жа ж̇аад̇исад̇аани б̣раахман̣о худ̇ваа д̇ат̇аа абхаасийд̇и иминаа буб̣б̣абарижаязна. д̇асмаа асаммукад̇д̇аа д̣̇идтаасзванад̇д̇аа жасса звам̣ жзд̇асо баривид̇агго уд̣̇абаад̣̇и ‘‘бариниб̣б̣уд̇о ну ко мз убаж̇жхааяо, уд̣̇ааху но бариниб̣б̣уд̇о’’д̇и. д̇ад̇о барам̣ уд̇д̇аанад̇т̇амзва. згам̣сам̣ жийварам̣ гад̇ваад̇и зд̇т̇а бана буна сан̣таабанзна звам̣ вуд̇д̇ам̣. згам̣санд̇и жа ваамам̣сам̣ баарубид̇ваа тид̇ассзд̇ам̣ ад̇хиважанам̣. яад̇о яат̇аа ваамам̣сам̣ баарубид̇ваа тид̇ам̣ ход̇и, д̇ат̇аа жийварам̣ гад̇ваад̇и звамассад̇т̇о взд̣̇ид̇аб̣б̣о. сзсам̣ баагадамзва.
Tathā hi piṇḍolabhāradvājo pacchābhattaṃ divāvihāratthāya udenassa uyyānameva gacchati pubbe rājā hutvā tattha paricāresīti iminā pubbaparicayena, gavampatitthero tāvatiṃsabhavane suññaṃ devavimānaṃ gacchati devaputto hutvā tattha paricāresīti iminā pubbaparicayena. Pilindavaccho bhikkhū vasalavādena samudācarati abbokiṇṇāni pañca jātisatāni brāhmaṇo hutvā tathā abhāsīti iminā pubbaparicayena. Tasmā asammukhattā diṭṭhāsevanattā cassa evaṃ cetaso parivitakko udapādi ‘‘parinibbuto nu kho me upajjhāyo, udāhu no parinibbuto’’ti. Tato paraṃ uttānatthameva. Ekaṃsaṃ cīvaraṃ katvāti ettha pana puna saṇṭhāpanena evaṃ vuttaṃ. Ekaṃsanti ca vāmaṃsaṃ pārupitvā ṭhitassetaṃ adhivacanaṃ. Yato yathā vāmaṃsaṃ pārupitvā ṭhitaṃ hoti, tathā cīvaraṃ katvāti evamassattho veditabbo. Sesaṃ pākaṭameva.
346. аномабан̃н̃анд̇и омам̣ вужжад̇и барид̇д̇ам̣ лаамагам̣, на омабан̃н̃ам̣, аномабан̃н̃ам̣, махаабан̃н̃анд̇и ад̇т̇о. д̣̇идтзва д̇хаммзд̇и бажжагкамзва, имасмим̣язва ад̇д̇абхаавзд̇и ваа ад̇т̇о. вижигижчаананд̇и зваруубаанам̣ баривид̇аггаанам̣. н̃аад̇од̇и баагадо. яасассийд̇и лаабхабариваарасамбанно абхиниб̣б̣уд̇ад̇д̇од̇и г̇уд̇д̇ажид̇д̇о абарид̣аяхамаанажид̇д̇о ваа.
346.Anomapaññanti omaṃ vuccati parittaṃ lāmakaṃ, na omapaññaṃ, anomapaññaṃ, mahāpaññanti attho. Diṭṭheva dhammeti paccakkhameva, imasmiṃyeva attabhāveti vā attho. Vicikicchānanti evarūpānaṃ parivitakkānaṃ. Ñātoti pākaṭo. Yasassīti lābhaparivārasampanno abhinibbutattoti guttacitto apariḍayhamānacitto vā.
347. д̇аяаа гад̇анд̇и ниг̇род̇хамуулз нисиннад̇д̇аа ‘‘ниг̇род̇хагаббо’’д̇и вад̣̇ад̇аа д̇аяаа гад̇анд̇и яат̇аа ад̇д̇анаа убалагкзд̇и, д̇ат̇аа бхан̣ад̇и. бхаг̇аваа бана на нисиннад̇д̇аа зва д̇ам̣ д̇ат̇аа аалаби, абижа ко д̇ад̇т̇а арахад̇д̇ам̣ бад̇д̇ад̇д̇аа. б̣раахман̣ассаад̇и ж̇аад̇им̣ санд̇хааяа бхан̣ад̇и. со гира б̣раахман̣амахаасаалагулаа баб̣б̣аж̇ид̇о. намассам̣ ажарийд̇и намассамаано вихааси. муд̇яабзгкод̇и ниб̣б̣аанасан̇каад̇ам̣ вимуд̇д̇им̣ абзгкамаано, ниб̣б̣аанам̣ бад̇т̇знд̇од̇и вуд̇д̇ам̣ ход̇и. д̣̇ал̣хад̇хаммад̣̇ассийд̇и бхаг̇аванд̇ам̣ аалабад̇и. д̣̇ал̣хад̇хаммо хи ниб̣б̣аанам̣ абхиж̇ж̇анадтзна, д̇ан̃жа бхаг̇аваа д̣̇ассзд̇и. д̇асмаа д̇ам̣ ‘‘д̣̇ал̣хад̇хаммад̣̇ассий’’д̇и ааха.
347.Tayā katanti nigrodhamūle nisinnattā ‘‘nigrodhakappo’’ti vadatā tayā katanti yathā attanā upalakkheti, tathā bhaṇati. Bhagavā pana na nisinnattā eva taṃ tathā ālapi, apica kho tattha arahattaṃ pattattā. Brāhmaṇassāti jātiṃ sandhāya bhaṇati. So kira brāhmaṇamahāsālakulā pabbajito. Namassaṃ acarīti namassamāno vihāsi. Mutyapekkhoti nibbānasaṅkhātaṃ vimuttiṃ apekkhamāno, nibbānaṃ patthentoti vuttaṃ hoti. Daḷhadhammadassīti bhagavantaṃ ālapati. Daḷhadhammo hi nibbānaṃ abhijjanaṭṭhena, tañca bhagavā dasseti. Tasmā taṃ ‘‘daḷhadhammadassī’’ti āha.
348. сагяаад̇иби бхаг̇аванд̇амзва гуланаамзна аалабад̇и. маяамби саб̣б̣зд̇и ниравасзсабарисам̣ сан̇г̇ан̣хид̇ваа ад̇д̇аанам̣ д̣̇ассзнд̇о бхан̣ад̇и. саманд̇ажагкууд̇иби бхаг̇аванд̇амзва саб̣б̣ан̃н̃уд̇ан̃н̃аан̣зна аалабад̇и. самавадтид̇аад̇и саммаа авадтид̇аа аабхог̇ам̣ гад̇ваа тид̇аа. нод̇и амхаагам̣. саванааяаад̇и имасса бан̃хасса взяяаагаран̣ассаванад̇т̇ааяа. сод̇аад̇и сод̇инд̣̇рияаани. д̇увам̣ но сад̇т̇аа д̇вамануд̇д̇аросийд̇и т̇уд̇иважанамад̇д̇амзвзд̇ам̣.
348.Sakyātipi bhagavantameva kulanāmena ālapati. Mayampi sabbeti niravasesaparisaṃ saṅgaṇhitvā attānaṃ dassento bhaṇati. Samantacakkhūtipi bhagavantameva sabbaññutaññāṇena ālapati. Samavaṭṭhitāti sammā avaṭṭhitā ābhogaṃ katvā ṭhitā. Noti amhākaṃ. Savanāyāti imassa pañhassa veyyākaraṇassavanatthāya. Sotāti sotindriyāni. Tuvaṃ no satthā tvamanuttarosīti thutivacanamattamevetaṃ.
349. чинд̣̇зва но вижигижчанд̇и агусалавижигижчааяа ниб̣б̣ижигижчо со, вижигижчаабад̇ируубагам̣ бана д̇ам̣ баривид̇аггам̣ санд̇хааязвамааха. б̣руухи мзд̇анд̇и б̣руухи мз зд̇ам̣, яам̣ маяаа яаажид̇оси ‘‘д̇ам̣ саавагам̣ сагяа, маяамби саб̣б̣з ан̃н̃аад̇умижчаамаа’’д̇и, б̣рууванд̇о жа д̇ам̣ б̣раахман̣ам̣ бариниб̣б̣уд̇ам̣ взд̣̇аяа бхуурибан̃н̃а маж̇жхзва но бхааса, бариниб̣б̣уд̇ам̣ н̃ад̇ваа махаабан̃н̃ам̣ бхаг̇аваа маж̇жхзва амхаагам̣ саб̣б̣зсам̣ бхааса, яат̇аа саб̣б̣зва маяам̣ ж̇аанзяяаама. саггова д̣̇зваана сахассанзд̇д̇од̇и ид̣̇ам̣ бана т̇уд̇иважанамзва. абижасса аяам̣ ад̇хиббааяо – яат̇аа сагго сахассанзд̇д̇о д̣̇зваанам̣ маж̇жхз д̇зхи саггажжам̣ самбадижчид̇аважано бхаасад̇и, звам̣ амхаагам̣ маж̇жхз амхзхи самбадижчид̇аважано бхаасаад̇и.
349.Chindevano vicikicchanti akusalavicikicchāya nibbicikiccho so, vicikicchāpatirūpakaṃ pana taṃ parivitakkaṃ sandhāyevamāha. Brūhi metanti brūhi me etaṃ, yaṃ mayā yācitosi ‘‘taṃ sāvakaṃ sakya, mayampi sabbe aññātumicchāmā’’ti, brūvanto ca taṃ brāhmaṇaṃ parinibbutaṃ vedaya bhūripañña majjheva no bhāsa, parinibbutaṃ ñatvā mahāpaññaṃ bhagavā majjheva amhākaṃ sabbesaṃ bhāsa, yathā sabbeva mayaṃ jāneyyāma. Sakkova devāna sahassanettoti idaṃ pana thutivacanameva. Apicassa ayaṃ adhippāyo – yathā sakko sahassanetto devānaṃ majjhe tehi sakkaccaṃ sampaṭicchitavacano bhāsati, evaṃ amhākaṃ majjhe amhehi sampaṭicchitavacano bhāsāti.
350. яз гзжийд̇и имамби г̇аат̇ам̣ бхаг̇аванд̇ам̣ т̇унанд̇оязва вад̇д̇угаамад̇ам̣ ж̇анзд̇ум̣ бхан̣ад̇и. д̇ассад̇т̇о яз гзжи абхиж̇жхаад̣̇аяо г̇ант̇аа д̇зсам̣ аббахаанз мохавижигижчаанам̣ бахаанаабхаавад̇о ‘‘мохамаг̇г̇аа’’д̇и жа ‘‘ан̃н̃аан̣абагкаа’’д̇и жа ‘‘вижигижчадтаанаа’’д̇и жа вужжанд̇и. саб̣б̣з д̇з д̇ат̇ааг̇ад̇ам̣ бад̇ваа д̇ат̇ааг̇ад̇асса д̣̇зсанааб̣алзна вид̣̇д̇хам̣сид̇аа на бхаванд̇и нассанд̇и. гим̣ гааран̣ам̣? жагкун̃хи зд̇ам̣ барамам̣ нараанам̣, яасмаа д̇ат̇ааг̇ад̇о саб̣б̣аг̇ант̇авид̇хаманабан̃н̃аажагкуж̇ананад̇о нараанам̣ барамам̣ жагкунд̇и вуд̇д̇ам̣ ход̇и.
350.Ye kecīti imampi gāthaṃ bhagavantaṃ thunantoyeva vattukāmataṃ janetuṃ bhaṇati. Tassattho ye keci abhijjhādayo ganthā tesaṃ appahāne mohavicikicchānaṃ pahānābhāvato ‘‘mohamaggā’’ti ca ‘‘aññāṇapakkhā’’ti ca ‘‘vicikicchaṭṭhānā’’ti ca vuccanti. Sabbe te tathāgataṃ patvā tathāgatassa desanābalena viddhaṃsitā na bhavanti nassanti. Kiṃ kāraṇaṃ? Cakkhuñhi etaṃ paramaṃ narānaṃ, yasmā tathāgato sabbaganthavidhamanapaññācakkhujananato narānaṃ paramaṃ cakkhunti vuttaṃ hoti.
351. но жз хи ж̇аад̇ууд̇и имамби г̇аат̇ам̣ т̇унанд̇оязва вад̇д̇угаамад̇ам̣ ж̇анзнд̇ова бхан̣ад̇и. д̇ад̇т̇а ж̇аад̇ууд̇и згам̣саважанам̣. бурисод̇и бхаг̇аванд̇ам̣ санд̇хааяааха. ж̇од̇иманд̇од̇и бан̃н̃ааж̇од̇исаманнааг̇ад̇аа саарибуд̇д̇аад̣̇аяо. ид̣̇ам̣ вуд̇д̇ам̣ ход̇и – яад̣̇и бхаг̇аваа яат̇аа бурад̇т̇имаад̣̇ибхзд̣̇о ваад̇о аб̣бхагханам̣ виханад̇и, звам̣ д̣̇зсанаавзг̇зна гилзсз на виханзяяа . д̇ат̇аа яат̇аа аб̣бхагханзна нивуд̇о лого д̇амова ход̇и зганд̇хагааро, звам̣ ан̃н̃аан̣анивуд̇оби д̇амовасса. язби имз д̣̇аани ж̇од̇иманд̇о кааяанд̇и саарибуд̇д̇аад̣̇аяо, д̇зби нараа на д̇абзяяунд̇и.
351.No ce hi jātūti imampi gāthaṃ thunantoyeva vattukāmataṃ janentova bhaṇati. Tattha jātūti ekaṃsavacanaṃ. Purisoti bhagavantaṃ sandhāyāha. Jotimantoti paññājotisamannāgatā sāriputtādayo. Idaṃ vuttaṃ hoti – yadi bhagavā yathā puratthimādibhedo vāto abbhaghanaṃ vihanati, evaṃ desanāvegena kilese na vihaneyya . Tathā yathā abbhaghanena nivuto loko tamova hoti ekandhakāro, evaṃ aññāṇanivutopi tamovassa. Yepi ime dāni jotimanto khāyanti sāriputtādayo, tepi narā na tapeyyunti.
352. д̇хийраа жаад̇и имамби г̇аат̇ам̣ буриманаязнзва бхан̣ад̇и. д̇ассад̇т̇о д̇хийраа жа бан̣д̣ид̇аа бурисаа баж̇ж̇од̇агараа бхаванд̇и, бан̃н̃аабаж̇ж̇од̇ам̣ уббаад̣̇знд̇и. д̇асмаа ахам̣ д̇ам̣ вийра бад̇хаанавийрияасаманнааг̇ад̇о бхаг̇аваа д̇ат̇зва ман̃н̃з д̇хийрод̇и жа баж̇ж̇од̇агарод̇взва жа ман̃н̃аами. маяан̃хи вибассинам̣ саб̣б̣ад̇хаммз яат̇аабхууд̇ам̣ бассанд̇ам̣ бхаг̇аванд̇ам̣ ж̇аананд̇аа зва убааг̇амумхаа, д̇асмаа барисаасу но аавигарохи габбам̣, ниг̇род̇хагаббам̣ аажигка багаасзхийд̇и.
352.Dhīrā cāti imampi gāthaṃ purimanayeneva bhaṇati. Tassattho dhīrā ca paṇḍitā purisā pajjotakarā bhavanti, paññāpajjotaṃ uppādenti. Tasmā ahaṃ taṃ vīra padhānavīriyasamannāgato bhagavā tatheva maññe dhīroti ca pajjotakarotveva ca maññāmi. Mayañhi vipassinaṃ sabbadhamme yathābhūtaṃ passantaṃ bhagavantaṃ jānantā eva upāgamumhā, tasmā parisāsu no āvikarohi kappaṃ, nigrodhakappaṃ ācikkha pakāsehīti.
353. киббанд̇и имамби г̇аат̇ам̣ буриманаязнзва бхан̣ад̇и. д̇ассад̇т̇о киббам̣ г̇ирам̣ зраяа лахум̣ ажирааяамаано важанам̣ бхааса, ваг̇г̇ум̣ манорамам̣ бхаг̇аваа. яат̇аа суван̣н̣ахам̣со г̇ожарабадигганд̇о ж̇аад̇ассараванасан̣д̣ам̣ д̣̇исваа г̇ийвам̣ баг̇г̇аяха ужжаарзд̇ваа рад̇д̇ад̇ун̣д̣зна сан̣игам̣ ад̇арамаано ваг̇г̇ум̣ г̇ирам̣ нигууж̇ад̇и нижчаарзд̇и, звамзва д̇вамби сан̣игам̣ нигууж̇а, иминаа махаабурисалагкан̣ан̃н̃ад̇арзна б̣инд̣̇уссарзна сувигаббид̇зна судтувигаббид̇зна абхисан̇кад̇зна. зд̇з маяам̣ саб̣б̣зва уж̇уг̇ад̇аа авигкид̇д̇амаанасаа худ̇ваа д̇ава нигууж̇ид̇ам̣ сун̣омаад̇и.
353.Khippanti imampi gāthaṃ purimanayeneva bhaṇati. Tassattho khippaṃ giraṃ eraya lahuṃ acirāyamāno vacanaṃ bhāsa, vagguṃ manoramaṃ bhagavā. Yathā suvaṇṇahaṃso gocarapaṭikkanto jātassaravanasaṇḍaṃ disvā gīvaṃ paggayha uccāretvā rattatuṇḍena saṇikaṃ ataramāno vagguṃ giraṃ nikūjati nicchāreti, evameva tvampi saṇikaṃ nikūja, iminā mahāpurisalakkhaṇaññatarena bindussarena suvikappitena suṭṭhuvikappitena abhisaṅkhatena. Ete mayaṃ sabbeva ujugatā avikkhittamānasā hutvā tava nikūjitaṃ suṇomāti.
354. бахийнаж̇аад̇имаран̣анд̇и имамби г̇аат̇ам̣ буриманаязнзва бхан̣ад̇и. д̇ад̇т̇а на сзсзд̇ийд̇и асзсо, д̇ам̣ асзсам̣. сод̇аабаннаад̣̇аяо вияа гин̃жи асзсзд̇ваа бахийнаж̇аад̇имаран̣анд̇и вуд̇д̇ам̣ ход̇и. ниг̇г̇аяхаад̇и судту яаажид̇ваа ниб̣анд̇хид̇ваа. д̇хонанд̇и д̇худ̇асаб̣б̣абаабам̣. вад̣̇зссаамийд̇и гат̇аабзссаами д̇хаммам̣. на гаамагааро хи бут̇уж̇ж̇анаананд̇и бут̇уж̇ж̇анаанамзва хи гаамагааро над̇т̇и, яам̣ бад̇т̇знд̇и н̃аад̇ум̣ ваа вад̇д̇ум̣ ваа, д̇ам̣ на саггонд̇и. сан̇кзяяагааро жа д̇ат̇ааг̇ад̇аананд̇и д̇ат̇ааг̇ад̇аанам̣ бана виймам̣сагааро бан̃н̃аабуб̣б̣ан̇г̇амаа гирияаа. д̇з яам̣ бад̇т̇знд̇и н̃аад̇ум̣ ваа вад̇д̇ум̣ ваа, д̇ам̣ саггонд̇ийд̇и ад̇хиббааяо.
354.Pahīnajātimaraṇanti imampi gāthaṃ purimanayeneva bhaṇati. Tattha na sesetīti aseso, taṃ asesaṃ. Sotāpannādayo viya kiñci asesetvā pahīnajātimaraṇanti vuttaṃ hoti. Niggayhāti suṭṭhu yācitvā nibandhitvā. Dhonanti dhutasabbapāpaṃ. Vadessāmīti kathāpessāmi dhammaṃ. Na kāmakāro hi puthujjanānanti puthujjanānameva hi kāmakāro natthi, yaṃ patthenti ñātuṃ vā vattuṃ vā, taṃ na sakkonti. Saṅkheyyakāro ca tathāgatānanti tathāgatānaṃ pana vīmaṃsakāro paññāpubbaṅgamā kiriyā. Te yaṃ patthenti ñātuṃ vā vattuṃ vā, taṃ sakkontīti adhippāyo.
355. ид̣̇аани д̇ам̣ сан̇кзяяагаарам̣ багаасзнд̇о ‘‘самбаннавзяяаагаран̣а’’нд̇и г̇аат̇амааха. д̇ассад̇т̇о – д̇ат̇аа хи д̇ава бхаг̇аваа ид̣̇ам̣ самуж̇ж̇убан̃н̃асса д̇ад̇т̇а д̇ад̇т̇а самуг̇г̇ахийд̇ам̣ вуд̇д̇ам̣ бавад̇д̇ид̇ам̣ самбаннавзяяаагаран̣ам̣, ‘‘санд̇ад̇имахаамад̇д̇о сад̇д̇ад̇ааламад̇д̇ам̣ аб̣бхуг̇г̇анд̇ваа бариниб̣б̣ааяиссад̇и, суббаб̣уд̣̇д̇хо сагго сад̇д̇амз д̣̇ивасз бат̇авим̣ бависиссад̇ий’’д̇и звамаад̣̇ийсу авибарийд̇ам̣ д̣̇идтам̣. д̇ад̇о бана судтуд̇арам̣ ан̃ж̇алим̣ бан̣аамзд̇ваа ааха – аяаман̃ж̇алий бажчимо суббан̣аамид̇о, аяамабароби ан̃ж̇алий судтуд̇арам̣ бан̣аамид̇о. маа мохаяийд̇и маа но агат̇анзна мохаяи ж̇аанам̣ ж̇аананд̇о габбасса г̇ад̇им̣. аномабан̃н̃аад̇и бхаг̇аванд̇ам̣ аалабад̇и.
355. Idāni taṃ saṅkheyyakāraṃ pakāsento ‘‘sampannaveyyākaraṇa’’nti gāthamāha. Tassattho – tathā hi tava bhagavā idaṃ samujjupaññassa tattha tattha samuggahītaṃ vuttaṃ pavattitaṃ sampannaveyyākaraṇaṃ, ‘‘santatimahāmatto sattatālamattaṃ abbhuggantvā parinibbāyissati, suppabuddho sakko sattame divase pathaviṃ pavisissatī’’ti evamādīsu aviparītaṃ diṭṭhaṃ. Tato pana suṭṭhutaraṃ añjaliṃ paṇāmetvā āha – ayamañjalī pacchimo suppaṇāmito, ayamaparopi añjalī suṭṭhutaraṃ paṇāmito. Mā mohayīti mā no akathanena mohayi jānaṃ jānanto kappassa gatiṃ. Anomapaññāti bhagavantaṃ ālapati.
356. бароваранд̇и имам̣ бана г̇аат̇ам̣ абарзнаби барияааязна амоханамзва яаажанд̇о ааха. д̇ад̇т̇а бароваранд̇и логияалогуд̇д̇аравасзна сунд̣̇араасунд̣̇арам̣ д̣̇уурзсанд̇игам̣ ваа. арияад̇хамманд̇и жад̇усажжад̇хаммам̣. вид̣̇ид̇ваад̇и бадивиж̇жхид̇ваа. ж̇аананд̇и саб̣б̣ам̣ н̃зяяад̇хаммам̣ ж̇аананд̇о. ваажаабхиган̇каамийд̇и яат̇аа гхаммани гхаммад̇ад̇д̇о бурисо гиланд̇о д̇асид̇о ваарим̣, звам̣ д̇з ваажам̣ абхиган̇каами. суд̇ам̣ бавассаад̇и суд̇асан̇каад̇ам̣ сад̣̇д̣̇ааяад̇анам̣ бавасса баг̇гхара мун̃жа бавад̇д̇зхи. ‘‘суд̇асса вассаа’’д̇иби баато, вуд̇д̇аббагаарасса сад̣̇д̣̇ааяад̇анасса вудтим̣ вассаад̇и ад̇т̇о.
356.Parovaranti imaṃ pana gāthaṃ aparenapi pariyāyena amohanameva yācanto āha. Tattha parovaranti lokiyalokuttaravasena sundarāsundaraṃ dūresantikaṃ vā. Ariyadhammanti catusaccadhammaṃ. Viditvāti paṭivijjhitvā. Jānanti sabbaṃ ñeyyadhammaṃ jānanto. Vācābhikaṅkhāmīti yathā ghammani ghammatatto puriso kilanto tasito vāriṃ, evaṃ te vācaṃ abhikaṅkhāmi. Sutaṃ pavassāti sutasaṅkhātaṃ saddāyatanaṃ pavassa pagghara muñca pavattehi. ‘‘Sutassa vassā’’tipi pāṭho, vuttappakārassa saddāyatanassa vuṭṭhiṃ vassāti attho.
357. ид̣̇аани яаад̣̇исам̣ ваажам̣ абхиган̇кад̇и, д̇ам̣ багаасзнд̇о –
357. Idāni yādisaṃ vācaṃ abhikaṅkhati, taṃ pakāsento –
‘‘яад̣̇ад̇т̇игам̣ б̣рахмажарияам̣ ажарий,
‘‘Yadatthikaṃ brahmacariyaṃ acarī,
габбааяано гажжисса д̇ам̣ амогхам̣;
Kappāyano kaccissa taṃ amoghaṃ;
ниб̣б̣ааяи со аад̣̇у саубаад̣̇исзсо,
Nibbāyi so ādu saupādiseso,
яат̇аа вимуд̇д̇о аху д̇ам̣ сун̣омаа’’д̇и. –
Yathā vimutto ahu taṃ suṇomā’’ti. –
г̇аат̇амааха . д̇ад̇т̇а габбааяанод̇и габбамзва бууж̇аавасзна бхан̣ад̇и. яат̇аа вимуд̇д̇од̇и ‘‘гим̣ анубаад̣̇исзсааяа ниб̣б̣аанад̇хаад̇уяаа яат̇аа асзгкаа, уд̣̇ааху убаад̣̇исзсааяа яат̇аа сзгкаа’’д̇и бужчад̇и. сзсамзд̇т̇а баагадамзва.
Gāthamāha . Tattha kappāyanoti kappameva pūjāvasena bhaṇati. Yathā vimuttoti ‘‘kiṃ anupādisesāya nibbānadhātuyā yathā asekkhā, udāhu upādisesāya yathā sekkhā’’ti pucchati. Sesamettha pākaṭameva.
358. звам̣ д̣̇ваад̣̇асахи г̇аат̇аахи яаажид̇о бхаг̇аваа д̇ам̣ вияаагаронд̇о –
358. Evaṃ dvādasahi gāthāhi yācito bhagavā taṃ viyākaronto –
‘‘ажчзжчи д̇ан̣хам̣ ид̇ха наамаруубз, (ид̇и бхаг̇аваа)
‘‘Acchecchi taṇhaṃ idha nāmarūpe, (iti bhagavā)
ган̣хасса сод̇ам̣ д̣̇ийгхарад̇д̇аанусаяид̇ам̣;
Kaṇhassa sotaṃ dīgharattānusayitaṃ;
ад̇аари ж̇аад̇им̣ маран̣ам̣ асзсам̣,
Atāri jātiṃ maraṇaṃ asesaṃ,
ижжаб̣равий бхаг̇аваа бан̃жасздто’’д̇и. –
Iccabravī bhagavā pañcaseṭṭho’’ti. –
г̇аат̇амааха. д̇ад̇т̇а буримабад̣̇асса д̇аава ад̇т̇о – яааби имасмим̣ наамаруубз гаамад̇ан̣хаад̣̇ибхзд̣̇аа д̇ан̣хаад̣̇ийгхарад̇д̇ам̣ аббахийнадтзна анусаяид̇аа ган̣ханаамагасса маарасса ‘‘сод̇а’’нд̇иби вужжад̇и, д̇ам̣ ган̣хасса сод̇абхууд̇ам̣ д̣̇ийгхарад̇д̇аанусаяид̇ам̣ ид̇ха наамаруубз д̇ан̣хам̣ габбааяано чинд̣̇ийд̇и. ид̇и бхаг̇аваад̇и ид̣̇ам̣ банзд̇т̇а сан̇г̇ийд̇игаараанам̣ важанам̣. ад̇аари ж̇аад̇им̣ маран̣ам̣ асзсанд̇и со д̇ам̣ д̇ан̣хам̣ чзд̇ваа асзсам̣ ж̇аад̇имаран̣ам̣ ад̇аари, анубаад̣̇исзсааяа ниб̣б̣аанад̇хаад̇уяаа бариниб̣б̣ааяийд̇и д̣̇ассзд̇и. ижжаб̣равий бхаг̇аваа бан̃жасздтод̇и ван̇г̇ийсзна будто бхаг̇аваа зд̇ад̣̇авожа бан̃жаннам̣ батамасиссаанам̣ бан̃жаваг̇г̇ияаанам̣ сздто, бан̃жахи ваа сад̣̇д̇хаад̣̇ийхи инд̣̇риязхи, сийлаад̣̇ийхи ваа д̇хаммагканд̇хзхи ад̇ивисидтзхи жагкуухи жа сздтод̇и сан̇г̇ийд̇игаараанамзвид̣̇ам̣ важанам̣.
Gāthamāha. Tattha purimapadassa tāva attho – yāpi imasmiṃ nāmarūpe kāmataṇhādibhedā taṇhādīgharattaṃ appahīnaṭṭhena anusayitā kaṇhanāmakassa mārassa ‘‘sota’’ntipi vuccati, taṃ kaṇhassa sotabhūtaṃ dīgharattānusayitaṃ idha nāmarūpe taṇhaṃ kappāyano chindīti. Iti bhagavāti idaṃ panettha saṅgītikārānaṃ vacanaṃ. Atāri jātiṃ maraṇaṃ asesanti so taṃ taṇhaṃ chetvā asesaṃ jātimaraṇaṃ atāri, anupādisesāya nibbānadhātuyā parinibbāyīti dasseti. Iccabravī bhagavā pañcaseṭṭhoti vaṅgīsena puṭṭho bhagavā etadavoca pañcannaṃ paṭhamasissānaṃ pañcavaggiyānaṃ seṭṭho, pañcahi vā saddhādīhi indriyehi, sīlādīhi vā dhammakkhandhehi ativisiṭṭhehi cakkhūhi ca seṭṭhoti saṅgītikārānamevidaṃ vacanaṃ.
359. звам̣ вуд̇д̇з бхаг̇авад̇о бхаасид̇амабхинанд̣̇амаанасо ван̇г̇ийсо ‘‘зса суд̇ваа’’д̇иаад̣̇иг̇аат̇ааяо ааха. д̇ад̇т̇а батамаг̇аат̇ааяа исисад̇д̇амаад̇и бхаг̇аваа иси жа сад̇д̇амо жа уд̇д̇амадтзна вибассийсикийвзссабхуугагусанд̇хагон̣ааг̇аманагассабанаамагз ча исаяо ад̇д̇анаа саха сад̇д̇а гаронд̇о баад̇убхууд̇од̇иби исисад̇д̇амо, д̇ам̣ аалабанд̇о ааха. на мам̣ ван̃жзсийд̇и яасмаа бариниб̣б̣уд̇о, д̇асмаа д̇асса бариниб̣б̣уд̇абхаавам̣ ижчанд̇ам̣ мам̣ на ван̃жзси, на висам̣ваад̣̇зсийд̇и ад̇т̇о. сзсамзд̇т̇а баагадамзва.
359. Evaṃ vutte bhagavato bhāsitamabhinandamānaso vaṅgīso ‘‘esa sutvā’’tiādigāthāyo āha. Tattha paṭhamagāthāya isisattamāti bhagavā isi ca sattamo ca uttamaṭṭhena vipassīsikhīvessabhūkakusandhakoṇāgamanakassapanāmake cha isayo attanā saha satta karonto pātubhūtotipi isisattamo, taṃ ālapanto āha. Na maṃ vañcesīti yasmā parinibbuto, tasmā tassa parinibbutabhāvaṃ icchantaṃ maṃ na vañcesi, na visaṃvādesīti attho. Sesamettha pākaṭameva.
360. д̣̇уд̇ияаг̇аат̇ааяа яасмаа муд̇яабзгко вихааси, д̇асмаа д̇ам̣ санд̇хааяааха ‘‘яат̇ааваад̣̇ий д̇ат̇аагаарий, аху б̣уд̣̇д̇хасса сааваго’’д̇и. мажжуно ж̇аалам̣ д̇ад̇анд̇и д̇збхуумагаваддз вид̇т̇ад̇ам̣ маарасса д̇ан̣хааж̇аалам̣. мааяаавинод̇и б̣ахумааяасса. ‘‘д̇ат̇аа мааяаавино’’д̇иби гзжи батанд̇и, д̇зсам̣ яо анзгаахи мааяаахи анзгагкад̇д̇умби бхаг̇аванд̇ам̣ убасан̇гами, д̇асса д̇ат̇аа мааяаавинод̇и ад̇хиббааяо.
360. Dutiyagāthāya yasmā mutyapekkho vihāsi, tasmā taṃ sandhāyāha ‘‘yathāvādī tathākārī, ahu buddhassa sāvako’’ti. Maccuno jālaṃ tatanti tebhūmakavaṭṭe vitthataṃ mārassa taṇhājālaṃ. Māyāvinoti bahumāyassa. ‘‘Tathā māyāvino’’tipi keci paṭhanti, tesaṃ yo anekāhi māyāhi anekakkhattumpi bhagavantaṃ upasaṅkami, tassa tathā māyāvinoti adhippāyo.
361. д̇ад̇ияаг̇аат̇ааяа аад̣̇ийд̇и гааран̣ам̣. убаад̣̇аанассаад̇и ваддасса. ваддан̃хи убаад̣̇аад̇аб̣б̣адтзна ид̇ха ‘‘убаад̣̇аана’’нд̇и вуд̇д̇ам̣, д̇ассзва убаад̣̇аанасса аад̣̇им̣ авиж̇ж̇аад̇ан̣хаад̣̇ибхзд̣̇ам̣ гааран̣ам̣ ад̣̇д̣̇аса габбод̇и звам̣ вад̇д̇ум̣ ваддад̇и бхаг̇аваад̇и ад̇хиббааязна вад̣̇ад̇и. ажжаг̇аа вад̇аад̇и ад̇игганд̇о вад̇а. мажжуд̇хзяяанд̇и мажжу зд̇т̇а д̇хияад̇ийд̇и мажжуд̇хзяяам̣, д̇збхуумагаваддассзд̇ам̣ ад̇хиважанам̣. д̇ам̣ суд̣̇уд̇д̇арам̣ мажжуд̇хзяяам̣ ажжаг̇аа вад̇аад̇и взд̣̇аж̇аад̇о бхан̣ад̇и. сзсамзд̇т̇а баагадамзваад̇и.
361. Tatiyagāthāya ādīti kāraṇaṃ. Upādānassāti vaṭṭassa. Vaṭṭañhi upādātabbaṭṭhena idha ‘‘upādāna’’nti vuttaṃ, tasseva upādānassa ādiṃ avijjātaṇhādibhedaṃ kāraṇaṃ addasa kappoti evaṃ vattuṃ vaṭṭati bhagavāti adhippāyena vadati. Accagā vatāti atikkanto vata. Maccudheyyanti maccu ettha dhiyatīti maccudheyyaṃ, tebhūmakavaṭṭassetaṃ adhivacanaṃ. Taṃ suduttaraṃ maccudheyyaṃ accagā vatāti vedajāto bhaṇati. Sesamettha pākaṭamevāti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа ниг̇род̇хагаббасуд̇д̇аван̣н̣анаа нидтид̇аа.
Suttanipāta-aṭṭhakathāya nigrodhakappasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 12. ниг̇род̇хагаббасуд̇д̇ам̣ • 12. Nigrodhakappasuttaṃ
