| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[12] 2. ниг̇род̇хамиг̇аж̇аад̇агаван̣н̣анаа
[12] 2. Nigrodhamigajātakavaṇṇanā
ниг̇род̇хамзва сзвзяяаад̇и ид̣̇ам̣ сад̇т̇аа ж̇зд̇аванз вихаранд̇о гумаарагассабад̇т̇зрасса маад̇арам̣ аараб̣бха гат̇зси. саа гира рааж̇аг̇аханаг̇арз махаавибхавасса сздтино д̇хийд̇аа ахоси уссаннагусаламуулаа баримад̣̇д̣̇ид̇асан̇каараа бажчимабхавигаа, анд̇огхадз бад̣̇ийбо вияа д̇ассаа хад̣̇аяз арахад̇д̇уубаниссаяо ж̇алад̇и. саа ад̇д̇аанам̣ ж̇аананагаалад̇о бадтааяа г̇зхз анабхирад̇аа баб̣б̣аж̇ид̇угаамаа худ̇ваа маад̇аабид̇аро ааха – ‘‘аммад̇аад̇аа, маяхам̣ гхарааваасз жид̇д̇ам̣ наабхирамад̇и, ахам̣ нияяаанигз б̣уд̣̇д̇хасаасанз баб̣б̣аж̇ид̇угаамаа, баб̣б̣ааж̇зт̇а ма’’нд̇и. амма, гим̣ вад̣̇зси, ид̣̇ам̣ гулам̣ б̣ахувибхавам̣, д̇ван̃жа амхаагам̣ згад̇хийд̇аа, на лаб̣бхаа д̇аяаа баб̣б̣аж̇ид̇унд̇и. саа бунаббунам̣ яаажид̇вааби маад̇аабид̇уунам̣ санд̇игаа баб̣б̣аж̇ж̇ам̣ алабхамаанаа жинд̇зси ‘‘ход̇у, бад̇игулам̣ г̇ад̇аа саамигам̣ аараад̇хзд̇ваа баб̣б̣аж̇иссаамий’’д̇и. саа ваяаббад̇д̇аа бад̇игулам̣ г̇анд̇ваа бад̇ид̣̇звад̇аа худ̇ваа сийлавад̇ий галяаан̣ад̇хаммаа аг̇аарам̣ аж̇жхааваси.
Nigrodhameva seveyyāti idaṃ satthā jetavane viharanto kumārakassapattherassa mātaraṃ ārabbha kathesi. Sā kira rājagahanagare mahāvibhavassa seṭṭhino dhītā ahosi ussannakusalamūlā parimadditasaṅkhārā pacchimabhavikā, antoghaṭe padīpo viya tassā hadaye arahattūpanissayo jalati. Sā attānaṃ jānanakālato paṭṭhāya gehe anabhiratā pabbajitukāmā hutvā mātāpitaro āha – ‘‘ammatātā, mayhaṃ gharāvāse cittaṃ nābhiramati, ahaṃ niyyānike buddhasāsane pabbajitukāmā, pabbājetha ma’’nti. Amma, kiṃ vadesi, idaṃ kulaṃ bahuvibhavaṃ, tvañca amhākaṃ ekadhītā, na labbhā tayā pabbajitunti. Sā punappunaṃ yācitvāpi mātāpitūnaṃ santikā pabbajjaṃ alabhamānā cintesi ‘‘hotu, patikulaṃ gatā sāmikaṃ ārādhetvā pabbajissāmī’’ti. Sā vayappattā patikulaṃ gantvā patidevatā hutvā sīlavatī kalyāṇadhammā agāraṃ ajjhāvasi.
ат̇ассаа сам̣ваасаманвааяа гужчияам̣ г̇аб̣бхо бад̇идтахи. саа г̇аб̣бхасса бад̇идтид̇абхаавам̣ на ан̃н̃ааси. ат̇а д̇асмим̣ наг̇арз нагкад̇д̇ам̣ гхосаяим̣су, сагаланаг̇араваасино нагкад̇д̇ам̣ гийл̣им̣су, наг̇арам̣ д̣̇званаг̇арам̣ вияа алан̇гад̇абадияад̇д̇ам̣ ахоси. саа бана д̇аава ул̣аарааяаби нагкад̇д̇агийл̣ааяа вад̇д̇амаанааяа ад̇д̇ано сарийрам̣ на вилимбад̇и наалан̇гарод̇и, багад̇ивзсзнзва вижарад̇и.
Athassā saṃvāsamanvāya kucchiyaṃ gabbho patiṭṭhahi. Sā gabbhassa patiṭṭhitabhāvaṃ na aññāsi. Atha tasmiṃ nagare nakkhattaṃ ghosayiṃsu, sakalanagaravāsino nakkhattaṃ kīḷiṃsu, nagaraṃ devanagaraṃ viya alaṅkatapaṭiyattaṃ ahosi. Sā pana tāva uḷārāyapi nakkhattakīḷāya vattamānāya attano sarīraṃ na vilimpati nālaṅkaroti, pakativeseneva vicarati.
ат̇а нам̣ саамиго ааха – ‘‘бхад̣̇д̣̇з, сагаланаг̇арам̣ нагкад̇д̇аниссид̇ам̣, д̇вам̣ бана сарийрам̣ наббадиж̇аг̇г̇асий’’д̇и. аяяабуд̇д̇а, д̣̇вад̇д̇им̣сааяа мз гун̣абзхи буурид̇ам̣ сарийрам̣, гим̣ иминаа алан̇гад̇зна, аяан̃хи гааяо нзва д̣̇званиммид̇о, на б̣рахманиммид̇о, на суван̣н̣амаяо, на ман̣имаяо, на харижанд̣̇анамаяо, на бун̣д̣арийгагумуд̣̇уббалаг̇аб̣бхасамбхууд̇о , на амад̇осад̇хабуурид̇о, ат̇а ко гун̣абз ж̇аад̇о, маад̇аабзд̇д̇игасамбхаво, анижжужчаад̣̇анабаримад̣̇д̣̇анабхзд̣̇анавид̣̇д̇хам̣санад̇хаммо, гадасивад̣дхано, д̇ан̣хуубаад̣̇инно, согаанам̣ нид̣̇аанам̣, барид̣̇зваанам̣ вад̇т̇у, саб̣б̣арог̇аанам̣ аалаяо, гаммагаран̣аанам̣ бадиг̇г̇ахо, анд̇обууд̇и, б̣ахи нижжабаг̇гхаран̣о, гимигулаанам̣ ааваасо, сиват̇игабаяаад̇о, маран̣абарияосаано, саб̣б̣алогасса жагкубат̇з вад̇д̇амааноби –
Atha naṃ sāmiko āha – ‘‘bhadde, sakalanagaraṃ nakkhattanissitaṃ, tvaṃ pana sarīraṃ nappaṭijaggasī’’ti. Ayyaputta, dvattiṃsāya me kuṇapehi pūritaṃ sarīraṃ, kiṃ iminā alaṅkatena, ayañhi kāyo neva devanimmito, na brahmanimmito, na suvaṇṇamayo, na maṇimayo, na haricandanamayo, na puṇḍarīkakumuduppalagabbhasambhūto , na amatosadhapūrito, atha kho kuṇape jāto, mātāpettikasambhavo, aniccucchādanaparimaddanabhedanaviddhaṃsanadhammo, kaṭasivaḍḍhano, taṇhūpādinno, sokānaṃ nidānaṃ, paridevānaṃ vatthu, sabbarogānaṃ ālayo, kammakaraṇānaṃ paṭiggaho, antopūti, bahi niccapaggharaṇo, kimikulānaṃ āvāso, sivathikapayāto, maraṇapariyosāno, sabbalokassa cakkhupathe vattamānopi –
‘‘адтинахаарусам̣яуд̇д̇о, д̇ажамам̣саавалзбано;
‘‘Aṭṭhinahārusaṃyutto, tacamaṃsāvalepano;
чавияаа гааяо бадижчанно, яат̇аабхууд̇ам̣ на д̣̇иссад̇и.
Chaviyā kāyo paṭicchanno, yathābhūtaṃ na dissati.
‘‘анд̇абууро уд̣̇арабууро, яаганабзл̣асса вад̇т̇ино;
‘‘Antapūro udarapūro, yakanapeḷassa vatthino;
хад̣̇аяасса бабпаасасса, ваггасса бихагасса жа.
Hadayassa papphāsassa, vakkassa pihakassa ca.
‘‘син̇гхаан̣игааяа кзл̣асса, сзд̣̇асса жа мзд̣̇асса жа;
‘‘Siṅghāṇikāya kheḷassa, sedassa ca medassa ca;
лохид̇асса ласигааяа, бид̇д̇асса жа васааяа жа.
Lohitassa lasikāya, pittassa ca vasāya ca.
‘‘ат̇асса навахи сод̇зхи, асужий савад̇и саб̣б̣ад̣̇аа;
‘‘Athassa navahi sotehi, asucī savati sabbadā;
агкимхаа агкиг̇уут̇аго, ган̣н̣амхаа ган̣н̣аг̇уут̇аго.
Akkhimhā akkhigūthako, kaṇṇamhā kaṇṇagūthako.
‘‘син̇гхаан̣игаа жа наасад̇о, мукзна вамад̇згад̣̇аа;
‘‘Siṅghāṇikā ca nāsato, mukhena vamatekadā;
бид̇д̇ам̣ сзмхан̃жа вамад̇и, гааяамхаа сзд̣̇аж̇аллигаа.
Pittaṃ semhañca vamati, kāyamhā sedajallikā.
‘‘ат̇асса сусирам̣ сийсам̣, мад̇т̇алун̇г̇асса буурид̇ам̣;
‘‘Athassa susiraṃ sīsaṃ, matthaluṅgassa pūritaṃ;
субхад̇о нам̣ ман̃н̃ад̇и б̣аало, авиж̇ж̇ааяа бурагкад̇о. (су. ни. 196-201);
Subhato naṃ maññati bālo, avijjāya purakkhato. (su. ni. 196-201);
‘‘ананд̇аад̣̇ийнаво гааяо, висаругкасамуубамо;
‘‘Anantādīnavo kāyo, visarukkhasamūpamo;
ааваасо саб̣б̣арог̇аанам̣, бун̃ж̇о д̣̇угкасса гзвало. (аба. т̇зра 2.54.55);
Āvāso sabbarogānaṃ, puñjo dukkhassa kevalo. (apa. thera 2.54.55);
‘‘сажз имасса гааяасса, анд̇о б̣аахираго сияаа;
‘‘Sace imassa kāyassa, anto bāhirako siyā;
д̣̇ан̣д̣ам̣ нууна г̇ахзд̇ваана, гаагз сон̣з жа ваараяз.
Daṇḍaṃ nūna gahetvāna, kāke soṇe ca vāraye.
‘‘д̣̇уг̇г̇анд̇хо асужи гааяо, гун̣або уггаруубамо;
‘‘Duggandho asuci kāyo, kuṇapo ukkarūpamo;
нинд̣̇ид̇о жагкубхууд̇зхи, гааяо б̣аалаабхинанд̣̇ид̇о.
Nindito cakkhubhūtehi, kāyo bālābhinandito.
‘‘аллажаммабадижчанно, навад̣̇вааро махааван̣о;
‘‘Allacammapaṭicchanno, navadvāro mahāvaṇo;
саманд̇ад̇о баг̇гхарад̇и, асужий бууд̇иг̇анд̇хияо’’д̇и. (висуд̣̇д̇хи. 1.122);
Samantato paggharati, asucī pūtigandhiyo’’ti. (visuddhi. 1.122);
аяяабуд̇д̇а , имам̣ гааяам̣ алан̇гарид̇ваа гим̣ гариссаами? нану имасса алан̇гад̇агаран̣ам̣ г̇уут̇абун̣н̣агхадасса б̣ахи жид̇д̇агаммагаран̣ам̣ вияа ход̇ийд̇и? сздтибуд̇д̇о д̇ассаа важанам̣ суд̇ваа ааха ‘‘бхад̣̇д̣̇з, д̇вам̣ имасса сарийрасса имз д̣̇осз бассамаанаа гасмаа на баб̣б̣аж̇асий’’д̇и? ‘‘аяяабуд̇д̇а, ахам̣ баб̣б̣аж̇ж̇ам̣ лабхамаанаа аж̇ж̇зва баб̣б̣аж̇зяяа’’нд̇и. сздтибуд̇д̇о ‘‘саад̇ху, ахам̣ д̇ам̣ баб̣б̣ааж̇зссаамий’’д̇и вад̇ваа махаад̣̇аанам̣ бавад̇д̇зд̇ваа махаасаггаарам̣ гад̇ваа маханд̇зна бариваарзна бхигкунубассаяам̣ нзд̇ваа д̇ам̣ баб̣б̣ааж̇знд̇о д̣̇звад̣̇ад̇д̇абагкияаанам̣ бхигкунийнам̣ санд̇игз баб̣б̣ааж̇зси. саа баб̣б̣аж̇ж̇ам̣ лабхид̇ваа барибун̣н̣асан̇габбаа ад̇д̇аманаа ахоси.
Ayyaputta , imaṃ kāyaṃ alaṅkaritvā kiṃ karissāmi? Nanu imassa alaṅkatakaraṇaṃ gūthapuṇṇaghaṭassa bahi cittakammakaraṇaṃ viya hotīti? Seṭṭhiputto tassā vacanaṃ sutvā āha ‘‘bhadde, tvaṃ imassa sarīrassa ime dose passamānā kasmā na pabbajasī’’ti? ‘‘Ayyaputta, ahaṃ pabbajjaṃ labhamānā ajjeva pabbajeyya’’nti. Seṭṭhiputto ‘‘sādhu, ahaṃ taṃ pabbājessāmī’’ti vatvā mahādānaṃ pavattetvā mahāsakkāraṃ katvā mahantena parivārena bhikkhunupassayaṃ netvā taṃ pabbājento devadattapakkhiyānaṃ bhikkhunīnaṃ santike pabbājesi. Sā pabbajjaṃ labhitvā paripuṇṇasaṅkappā attamanā ahosi.
ат̇ассаа г̇аб̣бхз барибаагам̣ г̇ажчанд̇з инд̣̇рияаанам̣ ан̃н̃ат̇ад̇д̇ам̣ хад̇т̇абаад̣̇абидтийнам̣ б̣ахалад̇д̇ам̣ уд̣̇арабадаласса жа маханд̇ад̇ам̣ д̣̇исваа бхигкунияо д̇ам̣ бужчим̣су ‘‘аяяз, д̇вам̣ г̇аб̣бхиний вияа бан̃н̃ааяаси, гим̣ зд̇а’’нд̇и? аяяз, ‘‘ид̣̇ам̣ наама гааран̣а’’нд̇и на ж̇аанаами, сийлам̣ бана мз барибун̣н̣анд̇и . ат̇а нам̣ д̇аа бхигкунияо д̣̇звад̣̇ад̇д̇асса санд̇игам̣ нзд̇ваа д̣̇звад̣̇ад̇д̇ам̣ бужчим̣су ‘‘аяяа, аяам̣ гулад̇хийд̇аа гижчзна саамигам̣ аараад̇хзд̇ваа баб̣б̣аж̇ж̇ам̣ лабхи, ид̣̇аани банассаа г̇аб̣бхо бан̃н̃ааяад̇и, маяам̣ имасса г̇аб̣бхасса г̇ихигаалз ваа баб̣б̣аж̇ид̇агаалз ваа лад̣̇д̇хабхаавам̣ на ж̇аанаама, гим̣д̣̇аани гаромаа’’д̇и? д̣̇звад̣̇ад̇д̇о ад̇д̇ано аб̣уд̣̇д̇хабхаавзна жа канд̇имзд̇д̇аануд̣̇д̣̇аяаанан̃жа над̇т̇ид̇ааяа звам̣ жинд̇зси ‘‘д̣̇звад̣̇ад̇д̇абагкигаа бхигкуний гужчинаа г̇аб̣бхам̣ барихарад̇и, д̣̇звад̣̇ад̇д̇о жа д̇ам̣ аж̇жхубзгкад̇иязваад̇и маяхам̣ г̇арахаа уббаж̇ж̇иссад̇и, маяаа имам̣ уббаб̣б̣ааж̇зд̇ум̣ ваддад̇ий’’д̇и. со авиймам̣сид̇ваава сзлаг̇ул̣ам̣ баваддаяамаано вияа багканд̣̇ид̇ваа ‘‘г̇ажчат̇а, имам̣ уббаб̣б̣ааж̇зт̇аа’’д̇и ааха. д̇аа д̇асса важанам̣ суд̇ваа удтааяа ванд̣̇ид̇ваа убассаяам̣ г̇ад̇аа.
Athassā gabbhe paripākaṃ gacchante indriyānaṃ aññathattaṃ hatthapādapiṭṭhīnaṃ bahalattaṃ udarapaṭalassa ca mahantataṃ disvā bhikkhuniyo taṃ pucchiṃsu ‘‘ayye, tvaṃ gabbhinī viya paññāyasi, kiṃ eta’’nti? Ayye, ‘‘idaṃ nāma kāraṇa’’nti na jānāmi, sīlaṃ pana me paripuṇṇanti . Atha naṃ tā bhikkhuniyo devadattassa santikaṃ netvā devadattaṃ pucchiṃsu ‘‘ayya, ayaṃ kuladhītā kicchena sāmikaṃ ārādhetvā pabbajjaṃ labhi, idāni panassā gabbho paññāyati, mayaṃ imassa gabbhassa gihikāle vā pabbajitakāle vā laddhabhāvaṃ na jānāma, kiṃdāni karomā’’ti? Devadatto attano abuddhabhāvena ca khantimettānuddayānañca natthitāya evaṃ cintesi ‘‘devadattapakkhikā bhikkhunī kucchinā gabbhaṃ pariharati, devadatto ca taṃ ajjhupekkhatiyevāti mayhaṃ garahā uppajjissati, mayā imaṃ uppabbājetuṃ vaṭṭatī’’ti. So avīmaṃsitvāva selaguḷaṃ pavaṭṭayamāno viya pakkhanditvā ‘‘gacchatha, imaṃ uppabbājethā’’ti āha. Tā tassa vacanaṃ sutvā uṭṭhāya vanditvā upassayaṃ gatā.
ат̇а саа д̣̇ахараа д̇аа бхигкунияо ааха – ‘‘аяяз, на д̣̇звад̣̇ад̇д̇ад̇т̇зро б̣уд̣̇д̇хо, нааби маяхам̣ д̇асса санд̇игз баб̣б̣аж̇ж̇аа, логз бана аг̇г̇абуг̇г̇аласса саммаасамб̣уд̣̇д̇хасса санд̇игз маяхам̣ баб̣б̣аж̇ж̇аа, саа жа бана мз д̣̇угкзна лад̣̇д̇хаа, маа нам̣ анд̇арад̇хаабзт̇а, зт̇а мам̣ г̇ахзд̇ваа сад̇т̇у санд̇игам̣ ж̇зд̇аванам̣ г̇ажчат̇аа’’д̇и. д̇аа д̇ам̣ аад̣̇ааяа рааж̇аг̇ахаа бан̃жажад̇д̇аалийсаяож̇анигам̣ маг̇г̇ам̣ ад̇иггамма анубуб̣б̣зна ж̇зд̇аванам̣ бад̇ваа сад̇т̇аарам̣ ванд̣̇ид̇ваа д̇амад̇т̇ам̣ аарожзсум̣. сад̇т̇аа жинд̇зси – ‘‘гин̃жааби г̇ихигаалз зд̇иссаа г̇аб̣бхо бад̇идтид̇о, звам̣ санд̇зби ‘саман̣о г̇од̇амо д̣̇звад̣̇ад̇д̇зна ж̇ахид̇ам̣ аад̣̇ааяа жарад̇ий’д̇и д̇ид̇т̇ияаанам̣ огаасо бхависсад̇и. д̇асмаа имам̣ гат̇ам̣ бажчинд̣̇ид̇ум̣ сарааж̇игааяа барисааяа маж̇жхз имам̣ ад̇хигаран̣ам̣ винижчид̇ум̣ ваддад̇ий’’д̇и. бунад̣̇ивасз рааж̇аанам̣ басзнад̣̇игосалам̣ махааанаат̇абин̣д̣игам̣ жуул̣аанаат̇абин̣д̣игам̣ висаакам̣ махааубаасигам̣ ан̃н̃аани жа абхин̃н̃аад̇аани махаагулаани баггосаабзд̇ваа сааяанхасамаяз жад̇уусу барисаасу саннибад̇ид̇аасу убаалид̇т̇зрам̣ ааманд̇зси ‘‘г̇ажча, д̇вам̣ жад̇убарисамаж̇жхз имиссаа д̣̇ахарабхигкунияаа гаммам̣ сод̇хзхий’’д̇и. ‘‘саад̇ху, бханд̇з’’д̇и т̇зро барисамаж̇жхам̣ г̇анд̇ваа ад̇д̇ано бан̃н̃ад̇д̇аасанз нисийд̣̇ид̇ваа ран̃н̃о бурад̇о висаакам̣ убаасигам̣ баггосаабзд̇ваа имам̣ ад̇хигаран̣ам̣ бадижчаабзси ‘‘г̇ажча висаакз, ‘аяам̣ д̣̇ахараа асугамаасз асугад̣̇ивасз баб̣б̣аж̇ид̇аа’д̇и д̇ат̇ад̇о н̃ад̇ваа имасса г̇аб̣бхасса бурз ваа бажчаа ваа лад̣̇д̇хабхаавам̣ ж̇аанаахий’’д̇и. убаасигаа ‘‘саад̇хуу’’д̇и самбадижчид̇ваа саан̣им̣ баригкибаабзд̇ваа анд̇осаан̣ияам̣ д̣̇ахарабхигкунияаа хад̇т̇абаад̣̇анаабхиуд̣̇арабарияосаанаад̣̇ийни ологзд̇ваа маасад̣̇ивасз самаанзд̇ваа г̇ихибхаавз г̇аб̣бхасса лад̣̇д̇хабхаавам̣ д̇ат̇ад̇о н̃ад̇ваа т̇зрасса санд̇игам̣ г̇анд̇ваа д̇амад̇т̇ам̣ аарожзси. т̇зро жад̇убарисамаж̇жхз д̇ам̣ бхигкуним̣ суд̣̇д̇хам̣ агааси. саа суд̣̇д̇хаа худ̇ваа бхигкусан̇гхан̃жа сад̇т̇ааран̃жа ванд̣̇ид̇ваа бхигкунийхи сад̣̇д̇хим̣ убассаяамзва г̇ад̇аа. саа г̇аб̣бхабарибаагаманвааяа бад̣̇умуд̇д̇арабаад̣̇амуулз бад̇т̇ид̇абад̇т̇анам̣ махаанубхаавам̣ буд̇д̇ам̣ виж̇ааяи.
Atha sā daharā tā bhikkhuniyo āha – ‘‘ayye, na devadattatthero buddho, nāpi mayhaṃ tassa santike pabbajjā, loke pana aggapuggalassa sammāsambuddhassa santike mayhaṃ pabbajjā, sā ca pana me dukkhena laddhā, mā naṃ antaradhāpetha, etha maṃ gahetvā satthu santikaṃ jetavanaṃ gacchathā’’ti. Tā taṃ ādāya rājagahā pañcacattālīsayojanikaṃ maggaṃ atikkamma anupubbena jetavanaṃ patvā satthāraṃ vanditvā tamatthaṃ ārocesuṃ. Satthā cintesi – ‘‘kiñcāpi gihikāle etissā gabbho patiṭṭhito, evaṃ santepi ‘samaṇo gotamo devadattena jahitaṃ ādāya caratī’ti titthiyānaṃ okāso bhavissati. Tasmā imaṃ kathaṃ pacchindituṃ sarājikāya parisāya majjhe imaṃ adhikaraṇaṃ vinicchituṃ vaṭṭatī’’ti. Punadivase rājānaṃ pasenadikosalaṃ mahāanāthapiṇḍikaṃ cūḷaanāthapiṇḍikaṃ visākhaṃ mahāupāsikaṃ aññāni ca abhiññātāni mahākulāni pakkosāpetvā sāyanhasamaye catūsu parisāsu sannipatitāsu upālittheraṃ āmantesi ‘‘gaccha, tvaṃ catuparisamajjhe imissā daharabhikkhuniyā kammaṃ sodhehī’’ti. ‘‘Sādhu, bhante’’ti thero parisamajjhaṃ gantvā attano paññattāsane nisīditvā rañño purato visākhaṃ upāsikaṃ pakkosāpetvā imaṃ adhikaraṇaṃ paṭicchāpesi ‘‘gaccha visākhe, ‘ayaṃ daharā asukamāse asukadivase pabbajitā’ti tathato ñatvā imassa gabbhassa pure vā pacchā vā laddhabhāvaṃ jānāhī’’ti. Upāsikā ‘‘sādhū’’ti sampaṭicchitvā sāṇiṃ parikkhipāpetvā antosāṇiyaṃ daharabhikkhuniyā hatthapādanābhiudarapariyosānādīni oloketvā māsadivase samānetvā gihibhāve gabbhassa laddhabhāvaṃ tathato ñatvā therassa santikaṃ gantvā tamatthaṃ ārocesi. Thero catuparisamajjhe taṃ bhikkhuniṃ suddhaṃ akāsi. Sā suddhā hutvā bhikkhusaṅghañca satthārañca vanditvā bhikkhunīhi saddhiṃ upassayameva gatā. Sā gabbhaparipākamanvāya padumuttarapādamūle patthitapatthanaṃ mahānubhāvaṃ puttaṃ vijāyi.
ат̇згад̣̇ивасам̣ рааж̇аа бхигкунубассаяасамийбзна г̇ажчанд̇о д̣̇аарагасад̣̇д̣̇ам̣ суд̇ваа амажжз бужчи. амажжаа д̇ам̣ гааран̣ам̣ н̃ад̇ваа ‘‘д̣̇зва, д̣̇ахарабхигкуний буд̇д̇ам̣ виж̇аад̇аа, д̇ассзсо сад̣̇д̣̇о’’д̇и аахам̣су. ‘‘бхигкунийнам̣, бхан̣з, д̣̇аарагабадиж̇аг̇г̇анам̣ наама балиб̣од̇хо, маяам̣ нам̣ бадиж̇аг̇г̇иссаамаа’’д̇и рааж̇аа д̇ам̣ д̣̇аарагам̣ наадагид̇т̇ийнам̣ д̣̇аабзд̇ваа гумаарабарихаарзна вад̣дхаабзси. наамаг̇г̇ахан̣ад̣̇ивасз жасса ‘‘гассабо’’д̇и наамам̣ агам̣су. ат̇а нам̣ гумаарабарихаарзна вад̣дхид̇ад̇д̇аа ‘‘гумаарагассабо’’д̇и сан̃ж̇ааним̣су. со сад̇д̇авассигагаалз сад̇т̇у санд̇игз баб̣б̣аж̇ид̇ваа барибун̣н̣авассо убасамбад̣̇ам̣ лабхид̇ваа г̇ажчанд̇з г̇ажчанд̇з гаалз д̇хаммагат̇игзсу жид̇рагат̇ий ахоси. ат̇а нам̣ сад̇т̇аа ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ жид̇д̇агат̇игаанам̣ яад̣̇ид̣̇ам̣ гумаарагассабо’’д̇и (а. ни. 1.209, 217) зд̇ад̣̇аг̇г̇з табзси. со бажчаа ваммигасуд̇д̇з (ма. ни. 1.249 аад̣̇аяо) арахад̇д̇ам̣ баабун̣и. маад̇аабисса бхигкуний вибассанам̣ вад̣дхзд̇ваа аг̇г̇апалам̣ бад̇д̇аа. гумаарагассабад̇т̇зро б̣уд̣̇д̇хасаасанз г̇аг̇анамаж̇жхз бун̣н̣ажанд̣̇о вияа баагадо ж̇аад̇о.
Athekadivasaṃ rājā bhikkhunupassayasamīpena gacchanto dārakasaddaṃ sutvā amacce pucchi. Amaccā taṃ kāraṇaṃ ñatvā ‘‘deva, daharabhikkhunī puttaṃ vijātā, tasseso saddo’’ti āhaṃsu. ‘‘Bhikkhunīnaṃ, bhaṇe, dārakapaṭijagganaṃ nāma palibodho, mayaṃ naṃ paṭijaggissāmā’’ti rājā taṃ dārakaṃ nāṭakitthīnaṃ dāpetvā kumāraparihārena vaḍḍhāpesi. Nāmaggahaṇadivase cassa ‘‘kassapo’’ti nāmaṃ akaṃsu. Atha naṃ kumāraparihārena vaḍḍhitattā ‘‘kumārakassapo’’ti sañjāniṃsu. So sattavassikakāle satthu santike pabbajitvā paripuṇṇavasso upasampadaṃ labhitvā gacchante gacchante kāle dhammakathikesu citrakathī ahosi. Atha naṃ satthā ‘‘etadaggaṃ, bhikkhave, mama sāvakānaṃ bhikkhūnaṃ cittakathikānaṃ yadidaṃ kumārakassapo’’ti (a. ni. 1.209, 217) etadagge ṭhapesi. So pacchā vammikasutte (ma. ni. 1.249 ādayo) arahattaṃ pāpuṇi. Mātāpissa bhikkhunī vipassanaṃ vaḍḍhetvā aggaphalaṃ pattā. Kumārakassapatthero buddhasāsane gaganamajjhe puṇṇacando viya pākaṭo jāto.
ат̇згад̣̇ивасам̣ д̇ат̇ааг̇ад̇о бажчаабхад̇д̇ам̣ бин̣д̣абаад̇абадигганд̇о бхигкуунам̣ оваад̣̇ам̣ д̣̇ад̇ваа г̇анд̇хагудим̣ баависи. бхигкуу оваад̣̇ам̣ г̇ахзд̇ваа ад̇д̇ано ад̇д̇ано рад̇д̇идтаанад̣̇иваадтаанзсу д̣̇ивасабхааг̇ам̣ кзбзд̇ваа сааяанхасамаяз д̇хаммасабхааяам̣ саннибад̇ид̇ваа ‘‘аавусо, д̣̇звад̣̇ад̇д̇зна ад̇д̇ано аб̣уд̣̇д̇хабхаавзна жзва канд̇имзд̇д̇аад̣̇ийнан̃жа абхаавзна гумаарагассабад̇т̇зро жа т̇зрий жа убхо наасид̇аа, саммаасамб̣уд̣̇д̇хо бана ад̇д̇ано д̇хаммарааж̇ад̇ааяа жзва канд̇имзд̇д̇аануд̣̇д̣̇аяасамбад̇д̇ияаа жа убхиннамби д̇зсам̣ бажжаяо ж̇аад̇о’’д̇и б̣уд̣̇д̇хаг̇ун̣з ван̣н̣аяамаанаа нисийд̣̇им̣су. сад̇т̇аа б̣уд̣̇д̇халийлааяа д̇хаммасабхам̣ ааг̇анд̇ваа бан̃н̃ад̇д̇аасанз нисийд̣̇ид̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчи. ‘‘бханд̇з, д̇умхаагамзва г̇ун̣агат̇ааяаа’’д̇и саб̣б̣ам̣ аарожаяим̣су. на, бхигкавз, д̇ат̇ааг̇ад̇о ид̣̇аанзва имзсам̣ убхиннам̣ бажжаяо жа бад̇идтаа жа ж̇аад̇о, буб̣б̣зби ахосиязваад̇и. бхигкуу д̇ассад̇т̇ассаавибхаавад̇т̇ааяа бхаг̇аванд̇ам̣ яаажим̣су. бхаг̇аваа бхаванд̇арзна бадижчаннам̣ гааран̣ам̣ баагадам̣ агааси.
Athekadivasaṃ tathāgato pacchābhattaṃ piṇḍapātapaṭikkanto bhikkhūnaṃ ovādaṃ datvā gandhakuṭiṃ pāvisi. Bhikkhū ovādaṃ gahetvā attano attano rattiṭṭhānadivāṭṭhānesu divasabhāgaṃ khepetvā sāyanhasamaye dhammasabhāyaṃ sannipatitvā ‘‘āvuso, devadattena attano abuddhabhāvena ceva khantimettādīnañca abhāvena kumārakassapatthero ca therī ca ubho nāsitā, sammāsambuddho pana attano dhammarājatāya ceva khantimettānuddayasampattiyā ca ubhinnampi tesaṃ paccayo jāto’’ti buddhaguṇe vaṇṇayamānā nisīdiṃsu. Satthā buddhalīlāya dhammasabhaṃ āgantvā paññattāsane nisīditvā ‘‘kāya nuttha, bhikkhave, etarahi kathāya sannisinnā’’ti pucchi. ‘‘Bhante, tumhākameva guṇakathāyā’’ti sabbaṃ ārocayiṃsu. Na, bhikkhave, tathāgato idāneva imesaṃ ubhinnaṃ paccayo ca patiṭṭhā ca jāto, pubbepi ahosiyevāti. Bhikkhū tassatthassāvibhāvatthāya bhagavantaṃ yāciṃsu. Bhagavā bhavantarena paṭicchannaṃ kāraṇaṃ pākaṭaṃ akāsi.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаараяамаанз б̣од̇хисад̇д̇о миг̇аяонияам̣ бадисанд̇хим̣ г̇ан̣хи. со маад̇угужчид̇о нигканд̇о суван̣н̣аван̣н̣о ахоси, агкийни банасса ман̣иг̇ул̣асад̣̇исаани ахзсум̣, син̇г̇аани раж̇ад̇аван̣н̣аани, мукам̣ рад̇д̇агамб̣алабун̃ж̇аван̣н̣ам̣, хад̇т̇абаад̣̇абарияанд̇аа лаакаарасабаригаммагад̇аа вияа, ваалад̇хи жамарасса вияа ахоси, сарийрам̣ банасса маханд̇ам̣ ассабод̇агаббамаан̣ам̣ ахоси. со бан̃жасад̇амиг̇абаривааро аран̃н̃з ваасам̣ габбзси наамзна ниг̇род̇хамиг̇арааж̇аа наама. авид̣̇уурз банасса ан̃н̃оби бан̃жасад̇амиг̇абаривааро саакамиг̇о наама васад̇и, соби суван̣н̣аван̣н̣ова ахоси.
Atīte bārāṇasiyaṃ brahmadatte rajjaṃ kārayamāne bodhisatto migayoniyaṃ paṭisandhiṃ gaṇhi. So mātukucchito nikkhanto suvaṇṇavaṇṇo ahosi, akkhīni panassa maṇiguḷasadisāni ahesuṃ, siṅgāni rajatavaṇṇāni, mukhaṃ rattakambalapuñjavaṇṇaṃ, hatthapādapariyantā lākhārasaparikammakatā viya, vāladhi camarassa viya ahosi, sarīraṃ panassa mahantaṃ assapotakappamāṇaṃ ahosi. So pañcasatamigaparivāro araññe vāsaṃ kappesi nāmena nigrodhamigarājā nāma. Avidūre panassa aññopi pañcasatamigaparivāro sākhamigo nāma vasati, sopi suvaṇṇavaṇṇova ahosi.
д̇зна самаязна б̣аараан̣асирааж̇аа миг̇авад̇хаббасуд̇о ход̇и, винаа мам̣сзна на бхун̃ж̇ад̇и, мануссаанам̣ гаммажчзд̣̇ам̣ гад̇ваа саб̣б̣з нзг̇амаж̇аанабад̣̇з саннибаад̇зд̇ваа д̣̇звасигам̣ миг̇авам̣ г̇ажчад̇и. мануссаа жинд̇зсум̣ – ‘‘аяам̣ рааж̇аа амхаагам̣ гаммажчзд̣̇ам̣ гарод̇и, яам̣нууна маяам̣ уяяаанз миг̇аанам̣ ниваабам̣ вабид̇ваа баанийяам̣ самбаад̣̇зд̇ваа б̣ахуу миг̇з уяяаанам̣ бавзсзд̇ваа д̣̇ваарам̣ б̣анд̇хид̇ваа ран̃н̃о нияяаад̣̇зяяаамаа’’д̇и. д̇з саб̣б̣з уяяаанз миг̇аанам̣ ниваабад̇ин̣аани робзд̇ваа уд̣̇агам̣ самбаад̣̇зд̇ваа д̣̇ваарам̣ яож̇зд̇ваа вааг̇ураани аад̣̇ааяа муг̇г̇араад̣̇инаанаавуд̇хахад̇т̇аа аран̃н̃ам̣ бависид̇ваа миг̇з бариязсамаанаа ‘‘маж̇жхз тид̇з миг̇з г̇ан̣хиссаамаа’’д̇и яож̇анамад̇д̇ам̣ таанам̣ баригкибид̇ваа сан̇кибамаанаа ниг̇род̇хамиг̇асаакамиг̇аанам̣ васанадтаанам̣ маж̇жхз гад̇ваа баригкибим̣су. ат̇а нам̣ миг̇аг̇ан̣ам̣ д̣̇исваа ругкаг̇умб̣аад̣̇аяо жа бхуумин̃жа муг̇г̇арзхи бахаранд̇аа миг̇аг̇ан̣ам̣ г̇аханадтаанад̇о нийхарид̇ваа асисад̇д̇ид̇хануаад̣̇ийни аавуд̇хаани уг̇г̇ирид̇ваа махаанаад̣̇ам̣ над̣̇анд̇аа д̇ам̣ миг̇аг̇ан̣ам̣ уяяаанам̣ бавзсзд̇ваа д̣̇ваарам̣ бид̇хааяа рааж̇аанам̣ убасан̇гамид̇ваа ‘‘д̣̇зва, ниб̣ад̣̇д̇хам̣ миг̇авам̣ г̇ажчанд̇аа амхаагам̣ гаммам̣ наасзт̇а, амхзхи аран̃н̃ад̇о миг̇з аанзд̇ваа д̇умхаагам̣ уяяаанам̣ буурид̇ам̣, ид̇о бадтааяа д̇зсам̣ мам̣саани каад̣̇ат̇аа’’д̇и рааж̇аанам̣ аабужчид̇ваа баггамим̣су.
Tena samayena bārāṇasirājā migavadhappasuto hoti, vinā maṃsena na bhuñjati, manussānaṃ kammacchedaṃ katvā sabbe negamajānapade sannipātetvā devasikaṃ migavaṃ gacchati. Manussā cintesuṃ – ‘‘ayaṃ rājā amhākaṃ kammacchedaṃ karoti, yaṃnūna mayaṃ uyyāne migānaṃ nivāpaṃ vapitvā pānīyaṃ sampādetvā bahū mige uyyānaṃ pavesetvā dvāraṃ bandhitvā rañño niyyādeyyāmā’’ti. Te sabbe uyyāne migānaṃ nivāpatiṇāni ropetvā udakaṃ sampādetvā dvāraṃ yojetvā vāgurāni ādāya muggarādinānāvudhahatthā araññaṃ pavisitvā mige pariyesamānā ‘‘majjhe ṭhite mige gaṇhissāmā’’ti yojanamattaṃ ṭhānaṃ parikkhipitvā saṅkhipamānā nigrodhamigasākhamigānaṃ vasanaṭṭhānaṃ majjhe katvā parikkhipiṃsu. Atha naṃ migagaṇaṃ disvā rukkhagumbādayo ca bhūmiñca muggarehi paharantā migagaṇaṃ gahanaṭṭhānato nīharitvā asisattidhanuādīni āvudhāni uggiritvā mahānādaṃ nadantā taṃ migagaṇaṃ uyyānaṃ pavesetvā dvāraṃ pidhāya rājānaṃ upasaṅkamitvā ‘‘deva, nibaddhaṃ migavaṃ gacchantā amhākaṃ kammaṃ nāsetha, amhehi araññato mige ānetvā tumhākaṃ uyyānaṃ pūritaṃ, ito paṭṭhāya tesaṃ maṃsāni khādathā’’ti rājānaṃ āpucchitvā pakkamiṃsu.
рааж̇аа д̇зсам̣ важанам̣ суд̇ваа уяяаанам̣ г̇анд̇ваа миг̇з ологзнд̇о д̣̇вз суван̣н̣амиг̇з д̣̇исваа д̇зсам̣ абхаяам̣ ад̣̇ааси. д̇ад̇о бадтааяа бана гад̣̇аажи саяам̣ г̇анд̇ваа згам̣ миг̇ам̣ виж̇жхид̇ваа аанзд̇и, гад̣̇аажисса бхад̇д̇агаараго г̇анд̇ваа виж̇жхид̇ваа аахарад̇и. миг̇аа д̇ханум̣ д̣̇исваава маран̣абхаязна д̇аж̇ж̇ид̇аа балааяанд̇и, д̣̇вз д̇аяо бахаарз лабхид̇ваа гиламанд̇иби, г̇илаанааби хонд̇и, маран̣амби баабун̣анд̇и. миг̇аг̇ан̣о д̇ам̣ бавад̇д̇им̣ б̣од̇хисад̇д̇асса аарожзси. со саакам̣ баггосаабзд̇ваа ааха – ‘‘самма, б̣ахуу миг̇аа нассанд̇и, згам̣сзна марид̇аб̣б̣з сад̇и ид̇о бадтааяа маа ган̣д̣зна миг̇з виж̇жханд̇у, д̇хаммаг̇ан̣д̣игадтаанз миг̇аанам̣ вааро ход̇у. згад̣̇ивасам̣ мама барисааяа вааро баабун̣аад̇у, згад̣̇ивасам̣ д̇ава барисааяа, ваараббад̇д̇о миг̇о г̇анд̇ваа д̇хаммаг̇ан̣д̣игааяа г̇ийвам̣ табзд̇ваа нибаж̇ж̇ад̇у, звам̣ санд̇з миг̇аа гиланд̇аа на бхависсанд̇ий’’д̇и. со ‘‘саад̇хуу’’д̇и самбадижчи. д̇ад̇о бадтааяа ваараббад̇д̇ова миг̇о г̇анд̇ваа д̇хаммаг̇ан̣д̣игааяа г̇ийвам̣ табзд̇ваа нибаж̇ж̇ад̇и, бхад̇д̇агаараго ааг̇анд̇ваа д̇ад̇т̇а нибаннагамзва г̇ахзд̇ваа г̇ажчад̇и.
Rājā tesaṃ vacanaṃ sutvā uyyānaṃ gantvā mige olokento dve suvaṇṇamige disvā tesaṃ abhayaṃ adāsi. Tato paṭṭhāya pana kadāci sayaṃ gantvā ekaṃ migaṃ vijjhitvā āneti, kadācissa bhattakārako gantvā vijjhitvā āharati. Migā dhanuṃ disvāva maraṇabhayena tajjitā palāyanti, dve tayo pahāre labhitvā kilamantipi, gilānāpi honti, maraṇampi pāpuṇanti. Migagaṇo taṃ pavattiṃ bodhisattassa ārocesi. So sākhaṃ pakkosāpetvā āha – ‘‘samma, bahū migā nassanti, ekaṃsena maritabbe sati ito paṭṭhāya mā kaṇḍena mige vijjhantu, dhammagaṇḍikaṭṭhāne migānaṃ vāro hotu. Ekadivasaṃ mama parisāya vāro pāpuṇātu, ekadivasaṃ tava parisāya, vārappatto migo gantvā dhammagaṇḍikāya gīvaṃ ṭhapetvā nipajjatu, evaṃ sante migā kilantā na bhavissantī’’ti. So ‘‘sādhū’’ti sampaṭicchi. Tato paṭṭhāya vārappattova migo gantvā dhammagaṇḍikāya gīvaṃ ṭhapetvā nipajjati, bhattakārako āgantvā tattha nipannakameva gahetvā gacchati.
ат̇згад̣̇ивасам̣ саакамиг̇асса барисааяа згиссаа г̇аб̣бхинимиг̇ияаа вааро баабун̣и. саа саакам̣ убасан̇гамид̇ваа ‘‘саами, ахам̣ г̇аб̣бхиний, буд̇д̇ам̣ виж̇ааяид̇ваа д̣̇вз ж̇анаа ваарам̣ г̇амиссаама, маяхам̣ ваарам̣ ад̇иггаамзхий’’д̇и ааха. со ‘‘на саггаа д̇ава ваарам̣ ан̃н̃зсам̣ баабзд̇ум̣, д̇вамзва д̇уяхам̣ ваарам̣ ж̇ааниссаси, г̇ажчаахий’’д̇и ааха. саа д̇асса санд̇игаа ануг̇г̇ахам̣ алабхамаанаа б̣од̇хисад̇д̇ам̣ убасан̇гамид̇ваа д̇амад̇т̇ам̣ аарожзси. со д̇ассаа важанам̣ суд̇ваа ‘‘ход̇у г̇ажча д̇вам̣, ахам̣ д̇з ваарам̣ ад̇иггаамзссаамий’’д̇и саяам̣ г̇анд̇ваа д̇хаммаг̇ан̣д̣игааяа сийсам̣ гад̇ваа нибаж̇ж̇и. бхад̇д̇агаараго д̇ам̣ д̣̇исваа ‘‘лад̣̇д̇хаабхаяо миг̇арааж̇аа д̇хаммаг̇ан̣д̣игааяа нибанно, гим̣ ну ко гааран̣а’’нд̇и взг̇зна г̇анд̇ваа ран̃н̃о аарожзси.
Athekadivasaṃ sākhamigassa parisāya ekissā gabbhinimigiyā vāro pāpuṇi. Sā sākhaṃ upasaṅkamitvā ‘‘sāmi, ahaṃ gabbhinī, puttaṃ vijāyitvā dve janā vāraṃ gamissāma, mayhaṃ vāraṃ atikkāmehī’’ti āha. So ‘‘na sakkā tava vāraṃ aññesaṃ pāpetuṃ, tvameva tuyhaṃ vāraṃ jānissasi, gacchāhī’’ti āha. Sā tassa santikā anuggahaṃ alabhamānā bodhisattaṃ upasaṅkamitvā tamatthaṃ ārocesi. So tassā vacanaṃ sutvā ‘‘hotu gaccha tvaṃ, ahaṃ te vāraṃ atikkāmessāmī’’ti sayaṃ gantvā dhammagaṇḍikāya sīsaṃ katvā nipajji. Bhattakārako taṃ disvā ‘‘laddhābhayo migarājā dhammagaṇḍikāya nipanno, kiṃ nu kho kāraṇa’’nti vegena gantvā rañño ārocesi.
рааж̇аа д̇аавад̣̇зва рат̇ам̣ ааруяха маханд̇зна бариваарзна ааг̇анд̇ваа б̣од̇хисад̇д̇ам̣ д̣̇исваа ааха ‘‘самма миг̇арааж̇а, нану маяаа д̇уяхам̣ абхаяам̣ д̣̇иннам̣, гасмаа д̇вам̣ ид̇ха нибанно’’д̇и. махаарааж̇а, г̇аб̣бхиний миг̇ий ааг̇анд̇ваа ‘‘мама ваарам̣ ан̃н̃асса баабзхий’’д̇и ааха, на саггаа ко бана маяаа згасса маран̣ад̣̇угкам̣ ан̃н̃асса убари нигкибид̇ум̣, сваахам̣ ад̇д̇ано ж̇ийвид̇ам̣ д̇ассаа д̣̇ад̇ваа д̇ассаа санд̇агам̣ маран̣ам̣ г̇ахзд̇ваа ид̇ха нибанно, маа ан̃н̃ам̣ гин̃жи аасан̇гид̇т̇а, махаарааж̇аад̇и. рааж̇аа ааха – ‘‘саами, суван̣н̣аван̣н̣амиг̇арааж̇а, маяаа на д̇аад̣̇исо канд̇имзд̇д̇аануд̣̇д̣̇аяасамбанно мануссзсуби д̣̇идтабуб̣б̣о, д̇зна д̇з басанносми, удтзхи, д̇уяхан̃жа д̇ассаа жа абхаяам̣ д̣̇аммий’’д̇и. ‘‘д̣̇вийхи абхаяз лад̣̇д̇хз авасзсаа гим̣ гариссанд̇и, наринд̣̇аа’’д̇и? ‘‘авасзсаанамби абхаяам̣ д̣̇амми, саамий’’д̇и. ‘‘махаарааж̇а, звамби уяяаанзязва миг̇аа абхаяам̣ лабхиссанд̇и, сзсаа гим̣ гариссанд̇ий’’д̇и? ‘‘зд̇зсамби абхаяам̣ д̣̇амми, саамий’’д̇и. ‘‘махаарааж̇а, миг̇аа д̇аава абхаяам̣ лабханд̇у, сзсаа жад̇уббад̣̇аа гим̣ гариссанд̇ий’’д̇и ? ‘‘зд̇зсамби абхаяам̣ д̣̇амми, саамий’’д̇и. ‘‘махаарааж̇а, жад̇уббад̣̇аа д̇аава абхаяам̣ лабханд̇у, д̣̇иж̇аг̇ан̣аа гим̣ гариссанд̇ий’’д̇и? ‘‘зд̇зсамби абхаяам̣ д̣̇амми, саамий’’д̇и. ‘‘махаарааж̇а, д̣̇иж̇аг̇ан̣аа д̇аава абхаяам̣ лабханд̇у, уд̣̇агз васанд̇аа мажчаа гим̣ гариссанд̇ий’’д̇и? ‘‘зд̇зсамби абхаяам̣ д̣̇амми, саамий’’д̇и. звам̣ махаасад̇д̇о рааж̇аанам̣ саб̣б̣асад̇д̇аанам̣ абхаяам̣ яаажид̇ваа удтааяа рааж̇аанам̣ бан̃жасу сийлзсу бад̇идтаабзд̇ваа ‘‘д̇хаммам̣ жара, махаарааж̇а, маад̇аабид̇уусу буд̇д̇ад̇хийд̇аасу б̣раахман̣аг̇ахабад̇игзсу нзг̇амаж̇аанабад̣̇зсу д̇хаммам̣ жаранд̇о самам̣ жаранд̇о гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ г̇амиссасий’’д̇и ран̃н̃о б̣уд̣̇д̇халийлааяа д̇хаммам̣ д̣̇зсзд̇ваа гад̇ибаахам̣ уяяаанз васид̇ваа ран̃н̃о оваад̣̇ам̣ д̣̇ад̇ваа миг̇аг̇ан̣абаривуд̇о аран̃н̃ам̣ баависи. сааби ко миг̇ад̇хзну бубпаган̣н̣игасад̣̇исам̣ буд̇д̇ам̣ виж̇ааяи. со гийл̣амаано саакамиг̇асса санд̇игам̣ г̇ажчад̇и. ат̇а нам̣ маад̇аа д̇асса санд̇игам̣ г̇ажчанд̇ам̣ д̣̇исваа ‘‘буд̇д̇а, ид̇о бадтааяа маа зд̇асса санд̇игам̣ г̇ажча, ниг̇род̇хассзва санд̇игам̣ г̇ажчзяяаасий’’д̇и овад̣̇анд̇ий имам̣ г̇аат̇амааха –
Rājā tāvadeva rathaṃ āruyha mahantena parivārena āgantvā bodhisattaṃ disvā āha ‘‘samma migarāja, nanu mayā tuyhaṃ abhayaṃ dinnaṃ, kasmā tvaṃ idha nipanno’’ti. Mahārāja, gabbhinī migī āgantvā ‘‘mama vāraṃ aññassa pāpehī’’ti āha, na sakkā kho pana mayā ekassa maraṇadukkhaṃ aññassa upari nikkhipituṃ, svāhaṃ attano jīvitaṃ tassā datvā tassā santakaṃ maraṇaṃ gahetvā idha nipanno, mā aññaṃ kiñci āsaṅkittha, mahārājāti. Rājā āha – ‘‘sāmi, suvaṇṇavaṇṇamigarāja, mayā na tādiso khantimettānuddayasampanno manussesupi diṭṭhapubbo, tena te pasannosmi, uṭṭhehi, tuyhañca tassā ca abhayaṃ dammī’’ti. ‘‘Dvīhi abhaye laddhe avasesā kiṃ karissanti, narindā’’ti? ‘‘Avasesānampi abhayaṃ dammi, sāmī’’ti. ‘‘Mahārāja, evampi uyyāneyeva migā abhayaṃ labhissanti, sesā kiṃ karissantī’’ti? ‘‘Etesampi abhayaṃ dammi, sāmī’’ti. ‘‘Mahārāja, migā tāva abhayaṃ labhantu, sesā catuppadā kiṃ karissantī’’ti ? ‘‘Etesampi abhayaṃ dammi, sāmī’’ti. ‘‘Mahārāja, catuppadā tāva abhayaṃ labhantu, dijagaṇā kiṃ karissantī’’ti? ‘‘Etesampi abhayaṃ dammi, sāmī’’ti. ‘‘Mahārāja, dijagaṇā tāva abhayaṃ labhantu, udake vasantā macchā kiṃ karissantī’’ti? ‘‘Etesampi abhayaṃ dammi, sāmī’’ti. Evaṃ mahāsatto rājānaṃ sabbasattānaṃ abhayaṃ yācitvā uṭṭhāya rājānaṃ pañcasu sīlesu patiṭṭhāpetvā ‘‘dhammaṃ cara, mahārāja, mātāpitūsu puttadhītāsu brāhmaṇagahapatikesu negamajānapadesu dhammaṃ caranto samaṃ caranto kāyassa bhedā paraṃ maraṇā sugatiṃ saggaṃ lokaṃ gamissasī’’ti rañño buddhalīlāya dhammaṃ desetvā katipāhaṃ uyyāne vasitvā rañño ovādaṃ datvā migagaṇaparivuto araññaṃ pāvisi. Sāpi kho migadhenu pupphakaṇṇikasadisaṃ puttaṃ vijāyi. So kīḷamāno sākhamigassa santikaṃ gacchati. Atha naṃ mātā tassa santikaṃ gacchantaṃ disvā ‘‘putta, ito paṭṭhāya mā etassa santikaṃ gaccha, nigrodhasseva santikaṃ gaccheyyāsī’’ti ovadantī imaṃ gāthamāha –
12.
12.
‘‘ниг̇род̇хамзва сзвзяяа, на саакамубасам̣васз;
‘‘Nigrodhameva seveyya, na sākhamupasaṃvase;
ниг̇род̇хасмим̣ мад̇ам̣ сзяяо, яан̃жз саакасми ж̇ийвид̇а’’нд̇и.
Nigrodhasmiṃ mataṃ seyyo, yañce sākhasmi jīvita’’nti.
д̇ад̇т̇а ниг̇род̇хамзва сзвзяяаад̇и д̇аад̇а д̇вам̣ ваа ан̃н̃о ваа ад̇д̇ано хид̇агаамо ниг̇род̇хамзва сзвзяяа бхаж̇зяяа убасан̇гамзяяа, на саакамубасам̣васзд̇и саакамиг̇ам̣ бана на убасам̣васз убаг̇амма на сам̣васзяяа, зд̇ам̣ ниссааяа ж̇ийвигам̣ на габбзяяа. ниг̇род̇хасмим̣ мад̇ам̣ сзяяод̇и ниг̇род̇харан̃н̃о баад̣̇амуулз маран̣амби сзяяо варам̣ уд̇д̇амам̣. яан̃жз саакасми ж̇ийвид̇анд̇и яам̣ бана саакасса санд̇игз ж̇ийвид̇ам̣, д̇ам̣ нзва сзяяо на варам̣ на уд̇д̇аманд̇и ад̇т̇о.
Tattha nigrodhameva seveyyāti tāta tvaṃ vā añño vā attano hitakāmo nigrodhameva seveyya bhajeyya upasaṅkameyya, na sākhamupasaṃvaseti sākhamigaṃ pana na upasaṃvase upagamma na saṃvaseyya, etaṃ nissāya jīvikaṃ na kappeyya. Nigrodhasmiṃ mataṃ seyyoti nigrodharañño pādamūle maraṇampi seyyo varaṃ uttamaṃ. Yañce sākhasmi jīvitanti yaṃ pana sākhassa santike jīvitaṃ, taṃ neva seyyo na varaṃ na uttamanti attho.
д̇ад̇о бадтааяа жа бана абхаяалад̣̇д̇хагаа миг̇аа мануссаанам̣ сассаани каад̣̇анд̇и, мануссаа ‘‘лад̣̇д̇хаабхаяаа имз миг̇аа’’д̇и миг̇з бахарид̇ум̣ ваа балаабзд̇ум̣ ваа на висаханд̇и, д̇з рааж̇ан̇г̇ан̣з саннибад̇ид̇ваа ран̃н̃о д̇амад̇т̇ам̣ аарожзсум̣. рааж̇аа ‘‘маяаа басаннзна ниг̇род̇хамиг̇арааж̇асса варо д̣̇инно, ахам̣ раж̇ж̇ам̣ ж̇ахзяяам̣, на жа д̇ам̣ бадин̃н̃ам̣ бхинд̣̇аами, г̇ажчат̇а на гожи мама виж̇ид̇з миг̇з бахарид̇ум̣ лабхад̇ий’’д̇и ааха. ниг̇род̇хамиг̇о д̇ам̣ бавад̇д̇им̣ суд̇ваа миг̇аг̇ан̣ам̣ саннибаад̇аабзд̇ваа ‘‘ид̇о бадтааяа барзсам̣ сассам̣ каад̣̇ид̇ум̣ на лабхиссат̇аа’’д̇и миг̇з овад̣̇ид̇ваа мануссаанам̣ аарожаабзси ‘‘ид̇о бадтааяа сассагаарагаа мануссаа сассарагкан̣ад̇т̇ам̣ вад̇им̣ маа гаронд̇у, кзд̇д̇ам̣ бана аавиж̇жхид̇ваа бан̣н̣асан̃н̃ам̣ б̣анд̇ханд̇уу’’д̇и. д̇ад̇о бадтааяа гира кзд̇д̇зсу бан̣н̣аб̣анд̇ханасан̃н̃аа уд̣̇абаад̣̇и. д̇ад̇о бадтааяа бан̣н̣асан̃н̃ам̣ ад̇иггаманамиг̇о наама над̇т̇и. аяам̣ гира нзсам̣ б̣од̇хисад̇д̇ад̇о лад̣̇д̇хаоваад̣̇о. звам̣ миг̇аг̇ан̣ам̣ овад̣̇ид̇ваа б̣од̇хисад̇д̇о яаавад̇ааяугам̣ тад̇ваа сад̣̇д̇хим̣ миг̇зхи яат̇аагаммам̣ г̇ад̇о, рааж̇ааби б̣од̇хисад̇д̇асса оваад̣̇з тад̇ваа бун̃н̃аани гад̇ваа яат̇аагаммам̣ г̇ад̇о.
Tato paṭṭhāya ca pana abhayaladdhakā migā manussānaṃ sassāni khādanti, manussā ‘‘laddhābhayā ime migā’’ti mige paharituṃ vā palāpetuṃ vā na visahanti, te rājaṅgaṇe sannipatitvā rañño tamatthaṃ ārocesuṃ. Rājā ‘‘mayā pasannena nigrodhamigarājassa varo dinno, ahaṃ rajjaṃ jaheyyaṃ, na ca taṃ paṭiññaṃ bhindāmi, gacchatha na koci mama vijite mige paharituṃ labhatī’’ti āha. Nigrodhamigo taṃ pavattiṃ sutvā migagaṇaṃ sannipātāpetvā ‘‘ito paṭṭhāya paresaṃ sassaṃ khādituṃ na labhissathā’’ti mige ovaditvā manussānaṃ ārocāpesi ‘‘ito paṭṭhāya sassakārakā manussā sassarakkhaṇatthaṃ vatiṃ mā karontu, khettaṃ pana āvijjhitvā paṇṇasaññaṃ bandhantū’’ti. Tato paṭṭhāya kira khettesu paṇṇabandhanasaññā udapādi. Tato paṭṭhāya paṇṇasaññaṃ atikkamanamigo nāma natthi. Ayaṃ kira nesaṃ bodhisattato laddhaovādo. Evaṃ migagaṇaṃ ovaditvā bodhisatto yāvatāyukaṃ ṭhatvā saddhiṃ migehi yathākammaṃ gato, rājāpi bodhisattassa ovāde ṭhatvā puññāni katvā yathākammaṃ gato.
сад̇т̇аа ‘‘на, бхигкавз, ид̣̇аанзваахам̣ т̇зрияаа жа гумаарагассабасса жа авассаяо, буб̣б̣зби авассаяо зваа’’д̇и имам̣ д̇хаммад̣̇зсанам̣ аахарид̇ваа жад̇усажжад̇хаммад̣̇зсанам̣ виниваддзд̇ваа д̣̇вз вад̇т̇ууни гат̇зд̇ваа анусанд̇хим̣ гхадзд̇ваа ж̇аад̇агам̣ самод̇хаанзси ‘‘д̇ад̣̇аа саакамиг̇о д̣̇звад̣̇ад̇д̇о ахоси, барисаабисса д̣̇звад̣̇ад̇д̇абарисаава, миг̇ад̇хзну т̇зрий ахоси, буд̇д̇о гумаарагассабо, рааж̇аа аананд̣̇о, ниг̇род̇хамиг̇арааж̇аа бана ахамзва ахоси’’нд̇и.
Satthā ‘‘na, bhikkhave, idānevāhaṃ theriyā ca kumārakassapassa ca avassayo, pubbepi avassayo evā’’ti imaṃ dhammadesanaṃ āharitvā catusaccadhammadesanaṃ vinivaṭṭetvā dve vatthūni kathetvā anusandhiṃ ghaṭetvā jātakaṃ samodhānesi ‘‘tadā sākhamigo devadatto ahosi, parisāpissa devadattaparisāva, migadhenu therī ahosi, putto kumārakassapo, rājā ānando, nigrodhamigarājā pana ahameva ahosi’’nti.
ниг̇род̇хамиг̇аж̇аад̇агаван̣н̣анаа д̣̇уд̇ияаа.
Nigrodhamigajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 12. ниг̇род̇хамиг̇аж̇аад̇агам̣ • 12. Nigrodhamigajātakaṃ
