| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
3. д̇ад̇ияаваг̇г̇о
3. Tatiyavaggo
1. ниг̇род̇хад̇т̇зраг̇аат̇ааван̣н̣анаа
1. Nigrodhattheragāthāvaṇṇanā
наахам̣ бхаяасса бхааяаамийд̇и ааяасмад̇о ниг̇род̇хад̇т̇зрасса г̇аат̇аа. гаа уббад̇д̇и? аяам̣ гира ид̇о адтаарасз габбасад̇з б̣раахман̣амахаасаалагулз ниб̣б̣ад̇д̇ид̇ваа ваяаббад̇д̇о гаамзсу аад̣̇ийнавам̣ нзгкаммз жа аанисам̣сам̣ д̣̇исваа гхараб̣анд̇ханам̣ бахааяа аран̃н̃ааяад̇анам̣ бависид̇ваа ан̃н̃ад̇арасмим̣ саалаванз бан̣н̣асаалам̣ гад̇ваа д̇аабасабаб̣б̣аж̇ам̣ баб̣б̣аж̇ид̇ваа ванамуулапалаахааро васад̇и. д̇зна самаязна бияад̣̇ассий наама саммаасамб̣уд̣̇д̇хо логз уббаж̇ж̇ид̇ваа сад̣̇звагасса логасса д̇хаммаамад̇авассзна гилзсасанд̇аабам̣ ниб̣б̣аабзнд̇о згад̣̇ивасам̣ д̇аабасз анугамбааяа д̇ам̣ саалаванам̣ бависид̇ваа нирод̇хасамаабад̇д̇им̣ самаабанно. д̇аабасо ванамуулапалад̇т̇ааяа г̇ажчанд̇о бхаг̇аванд̇ам̣ д̣̇исваа басаннамаанасо бубпид̇асаалад̣̇ан̣д̣асаакааяо г̇ахзд̇ваа сааламан̣д̣абам̣ гад̇ваа д̇ам̣ саб̣б̣ад̇т̇агамзва саалабубпзхи сан̃чаад̣̇зд̇ваа бхаг̇аванд̇ам̣ ванд̣̇ид̇ваа бийд̇исоманассавасзнзва аахаарад̇т̇ааяаби аг̇анд̇ваа намассамаано адтааси. сад̇т̇аа нирод̇хад̇о вудтааяа д̇асса анугамбааяа ‘‘бхигкусан̇гхо ааг̇ажчад̇уу’’д̇и жинд̇зси, ‘‘бхигкусан̇гхзби жид̇д̇ам̣ басаад̣̇зссад̇ий’’д̇и. д̇аавад̣̇зва бхигкусан̇гхо ааг̇ад̇о. со бхигкусан̇гхамби д̣̇исваа басаннамаанасо ванд̣̇ид̇ваа ан̃ж̇алим̣ баг̇г̇аяха адтааси. сад̇т̇аа сид̇асса баад̇угаран̣аабад̣̇зсзна д̇асса бхаавиним̣ самбад̇д̇им̣ багаасзнд̇о д̇хаммам̣ гат̇зд̇ваа баггаами сад̣̇д̇хим̣ бхигкусан̇гхзна. со д̇зна бун̃н̃агаммзна д̣̇звамануссзсуязва сам̣саранд̇о виваддуубаниссаяам̣ б̣ахум̣ гусалам̣ убажинид̇ваа имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣амахаасаалагулз ниб̣б̣ад̇д̇и, ниг̇род̇ход̇исса наамам̣ ахоси. со ж̇зд̇аванабадиг̇г̇ахан̣ад̣̇ивасз б̣уд̣̇д̇хаанубхаавад̣̇ассанзна сан̃ж̇аад̇аббасаад̣̇о баб̣б̣аж̇ид̇ваа вибассанам̣ аарабхид̇ваа нажирассзва чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 2.49.190-220) –
Nāhaṃbhayassa bhāyāmīti āyasmato nigrodhattherassa gāthā. Kā uppatti? Ayaṃ kira ito aṭṭhārase kappasate brāhmaṇamahāsālakule nibbattitvā vayappatto kāmesu ādīnavaṃ nekkhamme ca ānisaṃsaṃ disvā gharabandhanaṃ pahāya araññāyatanaṃ pavisitvā aññatarasmiṃ sālavane paṇṇasālaṃ katvā tāpasapabbajaṃ pabbajitvā vanamūlaphalāhāro vasati. Tena samayena piyadassī nāma sammāsambuddho loke uppajjitvā sadevakassa lokassa dhammāmatavassena kilesasantāpaṃ nibbāpento ekadivasaṃ tāpase anukampāya taṃ sālavanaṃ pavisitvā nirodhasamāpattiṃ samāpanno. Tāpaso vanamūlaphalatthāya gacchanto bhagavantaṃ disvā pasannamānaso pupphitasāladaṇḍasākhāyo gahetvā sālamaṇḍapaṃ katvā taṃ sabbatthakameva sālapupphehi sañchādetvā bhagavantaṃ vanditvā pītisomanassavaseneva āhāratthāyapi agantvā namassamāno aṭṭhāsi. Satthā nirodhato vuṭṭhāya tassa anukampāya ‘‘bhikkhusaṅgho āgacchatū’’ti cintesi, ‘‘bhikkhusaṅghepi cittaṃ pasādessatī’’ti. Tāvadeva bhikkhusaṅgho āgato. So bhikkhusaṅghampi disvā pasannamānaso vanditvā añjaliṃ paggayha aṭṭhāsi. Satthā sitassa pātukaraṇāpadesena tassa bhāviniṃ sampattiṃ pakāsento dhammaṃ kathetvā pakkāmi saddhiṃ bhikkhusaṅghena. So tena puññakammena devamanussesuyeva saṃsaranto vivaṭṭūpanissayaṃ bahuṃ kusalaṃ upacinitvā imasmiṃ buddhuppāde sāvatthiyaṃ brāhmaṇamahāsālakule nibbatti, nigrodhotissa nāmaṃ ahosi. So jetavanapaṭiggahaṇadivase buddhānubhāvadassanena sañjātappasādo pabbajitvā vipassanaṃ ārabhitvā nacirasseva chaḷabhiñño ahosi. Tena vuttaṃ apadāne (apa. thera 2.49.190-220) –
‘‘аж̇жхог̇аахзд̇ваа саалаванам̣, сугад̇о ассамо мама;
‘‘Ajjhogāhetvā sālavanaṃ, sukato assamo mama;
саалабубпзхи сан̃чанно, васаами вибинз д̇ад̣̇аа.
Sālapupphehi sañchanno, vasāmi vipine tadā.
‘‘бияад̣̇ассий жа бхаг̇аваа, саяамбхуу аг̇г̇абуг̇г̇ало;
‘‘Piyadassī ca bhagavā, sayambhū aggapuggalo;
вивзгагаамо самб̣уд̣̇д̇хо, саалаванамубааг̇ами.
Vivekakāmo sambuddho, sālavanamupāgami.
‘‘ассамаа абхинигкамма, баванам̣ аг̇амаасахам̣;
‘‘Assamā abhinikkhamma, pavanaṃ agamāsahaṃ;
муулапалам̣ г̇авзсанд̇о, аахинд̣̇аами ванз д̇ад̣̇аа.
Mūlaphalaṃ gavesanto, āhindāmi vane tadā.
‘‘д̇ад̇т̇ад̣̇д̣̇асаасим̣ самб̣уд̣̇д̇хам̣, бияад̣̇ассим̣ махааяасам̣;
‘‘Tatthaddasāsiṃ sambuddhaṃ, piyadassiṃ mahāyasaṃ;
сунисиннам̣ самаабаннам̣, вирожанд̇ам̣ махааванз.
Sunisinnaṃ samāpannaṃ, virocantaṃ mahāvane.
‘‘жад̇уд̣̇ан̣д̣з табзд̇ваана, б̣уд̣̇д̇хасса убарий ахам̣;
‘‘Catudaṇḍe ṭhapetvāna, buddhassa uparī ahaṃ;
ман̣д̣абам̣ сугад̇ам̣ гад̇ваа, саалабубпзхи чаад̣̇аяим̣.
Maṇḍapaṃ sukataṃ katvā, sālapupphehi chādayiṃ.
‘‘сад̇д̇аахам̣ д̇хаараяид̇ваана, ман̣д̣абам̣ саалачаад̣̇ид̇ам̣;
‘‘Sattāhaṃ dhārayitvāna, maṇḍapaṃ sālachāditaṃ;
д̇ад̇т̇а жид̇д̇ам̣ басаад̣̇зд̇ваа, б̣уд̣̇д̇хасздтамаванд̣̇ахам̣.
Tattha cittaṃ pasādetvā, buddhaseṭṭhamavandahaṃ.
‘‘бхаг̇аваа д̇амхи самаяз, вудтахид̇ваа самаад̇хид̇о;
‘‘Bhagavā tamhi samaye, vuṭṭhahitvā samādhito;
яуг̇амад̇д̇ам̣ бзгкамаано, нисийд̣̇и бурисуд̇д̇амо.
Yugamattaṃ pekkhamāno, nisīdi purisuttamo.
‘‘сааваго варун̣о наама, бияад̣̇ассисса сад̇т̇уно;
‘‘Sāvako varuṇo nāma, piyadassissa satthuno;
васийсад̇асахассзхи, убаг̇ажчи винааяагам̣.
Vasīsatasahassehi, upagacchi vināyakaṃ.
‘‘бияад̣̇ассий жа бхаг̇аваа, логаж̇здто нараасабхо;
‘‘Piyadassī ca bhagavā, lokajeṭṭho narāsabho;
бхигкусан̇гхз нисийд̣̇ид̇ваа, сид̇ам̣ баад̇угарий ж̇ино.
Bhikkhusaṅghe nisīditvā, sitaṃ pātukarī jino.
‘‘ануруд̣̇д̇хо убадтааго, бияад̣̇ассисса сад̇т̇уно;
‘‘Anuruddho upaṭṭhāko, piyadassissa satthuno;
згам̣сам̣ жийварам̣ гад̇ваа, абужчид̇т̇а махаамуним̣.
Ekaṃsaṃ cīvaraṃ katvā, apucchittha mahāmuniṃ.
‘‘го ну ко бхаг̇аваа хзд̇у, сид̇агаммасса сад̇т̇уно;
‘‘Ko nu kho bhagavā hetu, sitakammassa satthuno;
гааран̣з виж̇ж̇амаанамхи, сад̇т̇аа баад̇угарз сид̇ам̣.
Kāraṇe vijjamānamhi, satthā pātukare sitaṃ.
‘‘сад̇д̇аахам̣ саалажчад̣̇анам̣, яо мз д̇хаарзси маан̣аво;
‘‘Sattāhaṃ sālacchadanaṃ, yo me dhāresi māṇavo;
д̇асса гаммам̣ сарид̇ваана, сид̇ам̣ баад̇угарим̣ ахам̣.
Tassa kammaṃ saritvāna, sitaṃ pātukariṃ ahaṃ.
‘‘аногаасам̣ на бассаами, яад̇т̇а бун̃н̃ам̣ вибажжад̇и;
‘‘Anokāsaṃ na passāmi, yattha puññaṃ vipaccati;
д̣̇звалогз мануссз ваа, огаасова на саммад̇и.
Devaloke manusse vā, okāsova na sammati.
‘‘д̣̇звалогз васанд̇асса, бун̃н̃агаммасаман̇г̇ино;
‘‘Devaloke vasantassa, puññakammasamaṅgino;
яаавад̇аа барисаа д̇асса, саалажчаннаа бхависсад̇и.
Yāvatā parisā tassa, sālacchannā bhavissati.
‘‘д̇ад̇т̇а д̣̇иб̣б̣зхи нажжзхи, г̇ийд̇зхи ваад̣̇ид̇зхи жа;
‘‘Tattha dibbehi naccehi, gītehi vāditehi ca;
рамиссад̇и сад̣̇аа санд̇о, бун̃н̃агаммасамаахид̇о.
Ramissati sadā santo, puññakammasamāhito.
‘‘яаавад̇аа барисаа д̇асса, г̇анд̇хаг̇анд̇хий бхависсад̇и;
‘‘Yāvatā parisā tassa, gandhagandhī bhavissati;
сааласса бубпавассо жа, бавассиссад̇и д̇аавад̣̇з.
Sālassa pupphavasso ca, pavassissati tāvade.
‘‘д̇ад̇о жуд̇ояам̣ мануж̇о, маанусам̣ ааг̇амиссад̇и;
‘‘Tato cutoyaṃ manujo, mānusaṃ āgamissati;
ид̇хааби саалажчад̣̇анам̣, саб̣б̣агаалам̣ д̇хариссад̇и.
Idhāpi sālacchadanaṃ, sabbakālaṃ dharissati.
‘‘ид̇ха нажжан̃жа г̇ийд̇ан̃жа, саммад̇аал̣асамаахид̇ам̣;
‘‘Idha naccañca gītañca, sammatāḷasamāhitaṃ;
бариваарзссанд̇и мам̣ нижжам̣, б̣уд̣̇д̇хабууж̇ааяид̣̇ам̣ палам̣.
Parivāressanti maṃ niccaṃ, buddhapūjāyidaṃ phalaṃ.
‘‘уг̇г̇ажчанд̇з жа суурияз, саалавассам̣ бавассад̇з;
‘‘Uggacchante ca sūriye, sālavassaṃ pavassate;
бун̃н̃агаммзна сам̣яуд̇д̇ам̣, вассад̇з саб̣б̣агаалигам̣.
Puññakammena saṃyuttaṃ, vassate sabbakālikaṃ.
‘‘адтаарасз габбасад̇з, оггаагагуласамбхаво;
‘‘Aṭṭhārase kappasate, okkākakulasambhavo;
г̇од̇амо наама наамзна, сад̇т̇аа логз бхависсад̇и.
Gotamo nāma nāmena, satthā loke bhavissati.
‘‘д̇асса д̇хаммз суд̣̇ааяаад̣̇о, орасо д̇хамманиммид̇о;
‘‘Tassa dhamme sudāyādo, oraso dhammanimmito;
саб̣б̣аасавз барин̃н̃ааяа, ниб̣б̣ааяиссад̇инаасаво.
Sabbāsave pariññāya, nibbāyissatināsavo.
‘‘д̇хаммам̣ абхисамзнд̇асса, саалажчаннам̣ бхависсад̇и;
‘‘Dhammaṃ abhisamentassa, sālacchannaṃ bhavissati;
жид̇агз жхааяамаанасса, чад̣̇анам̣ д̇ад̇т̇а хзссад̇и.
Citake jhāyamānassa, chadanaṃ tattha hessati.
‘‘вибаагам̣ гид̇д̇аяид̇ваана, бияад̣̇ассий махаамуни;
‘‘Vipākaṃ kittayitvāna, piyadassī mahāmuni;
барисааяа д̇хаммам̣ д̣̇зсзси, д̇аббзнд̇о д̇хаммавудтияаа.
Parisāya dhammaṃ desesi, tappento dhammavuṭṭhiyā.
‘‘д̇им̣сагаббаани д̣̇звзсу, д̣̇звараж̇ж̇амагаараяим̣;
‘‘Tiṃsakappāni devesu, devarajjamakārayiṃ;
садти жа сад̇д̇агкад̇д̇ун̃жа, жаггавад̇д̇ий ахосахам̣.
Saṭṭhi ca sattakkhattuñca, cakkavattī ahosahaṃ.
‘‘д̣̇звалогаа ид̇хааг̇анд̇ваа, лабхаами вибулам̣ сукам̣;
‘‘Devalokā idhāgantvā, labhāmi vipulaṃ sukhaṃ;
ид̇хааби саалажчад̣̇анам̣, ман̣д̣абасса ид̣̇ам̣ палам̣.
Idhāpi sālacchadanaṃ, maṇḍapassa idaṃ phalaṃ.
‘‘аяам̣ бажчимаго маяхам̣, жаримо вад̇д̇ад̇з бхаво;
‘‘Ayaṃ pacchimako mayhaṃ, carimo vattate bhavo;
ид̇хааби саалажчад̣̇анам̣, хзссад̇и саб̣б̣агаалигам̣.
Idhāpi sālacchadanaṃ, hessati sabbakālikaṃ.
‘‘махаамуним̣ д̇осаяид̇ваа, г̇од̇амам̣ сагяабун̇г̇авам̣;
‘‘Mahāmuniṃ tosayitvā, gotamaṃ sakyapuṅgavaṃ;
бад̇д̇омхи ажалам̣ таанам̣, хид̇ваа ж̇аяабарааж̇аяам̣.
Pattomhi acalaṃ ṭhānaṃ, hitvā jayaparājayaṃ.
‘‘адтаарасз габбасад̇з, яам̣ б̣уд̣̇д̇хамабхибууж̇аяим̣;
‘‘Aṭṭhārase kappasate, yaṃ buddhamabhipūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘гилзсаа жхаабид̇аа маяхам̣, бхаваа саб̣б̣з самуухад̇аа;
‘‘Kilesā jhāpitā mayhaṃ, bhavā sabbe samūhatā;
нааг̇ова б̣анд̇ханам̣ чзд̇ваа, вихараами анаасаво.
Nāgova bandhanaṃ chetvā, viharāmi anāsavo.
‘‘свааг̇ад̇ам̣ вад̇а мз ааси, б̣уд̣̇д̇хасздтасса санд̇игз;
‘‘Svāgataṃ vata me āsi, buddhaseṭṭhassa santike;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.
Tisso vijjā anuppattā, kataṃ buddhassa sāsanaṃ.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасана’’нд̇и.
Chaḷabhiññā sacchikatā, kataṃ buddhassa sāsana’’nti.
звам̣ бана чал̣абхин̃н̃о худ̇ваа паласукзна вийд̇инаамзнд̇о саасанасса нияяаанигабхаававибхааванад̇т̇ам̣ ан̃н̃ааб̣яаагаран̣авасзна ‘‘наахам̣ бхаяасса бхааяаамий’’д̇и г̇аат̇ам̣ абхааси.
Evaṃ pana chaḷabhiñño hutvā phalasukhena vītināmento sāsanassa niyyānikabhāvavibhāvanatthaṃ aññābyākaraṇavasena ‘‘nāhaṃ bhayassa bhāyāmī’’ti gāthaṃ abhāsi.
21. д̇ад̇т̇а бхааяанд̇и зд̇асмаад̇и бхаяам̣, ж̇аад̇иж̇араад̣̇и. бхаяассаад̇и ниссаггз саамиважанам̣, бхаяад̇о бхааяид̇аб̣б̣анимид̇д̇ам̣ ж̇аад̇иж̇араамаран̣аад̣̇инаа хзд̇унаа наахам̣ бхааяаамийд̇и ад̇т̇о. д̇ад̇т̇а гааран̣амааха ‘‘сад̇т̇аа но амад̇асса говид̣̇о’’д̇и. амхаагам̣ сад̇т̇аа амад̇з гусало взнзяяаанам̣ амад̇ад̣̇аанз чзго. яад̇т̇а бхаяам̣ наавад̇идтад̇ийд̇и яасмим̣ ниб̣б̣аанз яат̇аавуд̇д̇ам̣ бхаяам̣ на д̇идтад̇и огаасам̣ на лабхад̇и. д̇знаад̇и д̇ад̇о ниб̣б̣аанад̇о. важ̇анд̇ийд̇и абхаяадтаанамзва г̇ажчанд̇и. ниб̣б̣аанан̃хи абхаяадтаанам̣ наама. гзна бана важ̇анд̇ийд̇и ааха ‘‘маг̇г̇зна важ̇анд̇и бхигкаво’’д̇и, адтан̇г̇игзна арияамаг̇г̇зна сад̇т̇у оваад̣̇агаран̣аа бхигкуу сам̣саарз бхаяасса игканагаад̇и ад̇т̇о. яад̇т̇аад̇и ваа яам̣ нимид̇д̇ам̣ яасса арияамаг̇г̇асса ад̇хиг̇амахзд̇у ад̇д̇аануваад̣̇аад̣̇игам̣ бан̃жавийсад̇ивид̇хамби бхаяам̣ наавад̇идтад̇и бад̇идтам̣ на лабхад̇и, д̇зна ариязна маг̇г̇зна важ̇анд̇и абхаяадтаанам̣ сад̇т̇у саасанз бхигкуу, д̇зна маг̇г̇зна ахамби г̇ад̇о, д̇асмаа наахам̣ бхаяасса бхааяаамийд̇и т̇зро ан̃н̃ам̣ б̣яаагааси.
21. Tattha bhāyanti etasmāti bhayaṃ, jātijarādi. Bhayassāti nissakke sāmivacanaṃ, bhayato bhāyitabbanimittaṃ jātijarāmaraṇādinā hetunā nāhaṃ bhāyāmīti attho. Tattha kāraṇamāha ‘‘satthā no amatassa kovido’’ti. Amhākaṃ satthā amate kusalo veneyyānaṃ amatadāne cheko. Yattha bhayaṃ nāvatiṭṭhatīti yasmiṃ nibbāne yathāvuttaṃ bhayaṃ na tiṭṭhati okāsaṃ na labhati. Tenāti tato nibbānato. Vajantīti abhayaṭṭhānameva gacchanti. Nibbānañhi abhayaṭṭhānaṃ nāma. Kena pana vajantīti āha ‘‘maggena vajanti bhikkhavo’’ti, aṭṭhaṅgikena ariyamaggena satthu ovādakaraṇā bhikkhū saṃsāre bhayassa ikkhanakāti attho. Yatthāti vā yaṃ nimittaṃ yassa ariyamaggassa adhigamahetu attānuvādādikaṃ pañcavīsatividhampi bhayaṃ nāvatiṭṭhati patiṭṭhaṃ na labhati, tena ariyena maggena vajanti abhayaṭṭhānaṃ satthu sāsane bhikkhū, tena maggena ahampi gato, tasmā nāhaṃ bhayassa bhāyāmīti thero aññaṃ byākāsi.
ниг̇род̇хад̇т̇зраг̇аат̇ааван̣н̣анаа нидтид̇аа.
Nigrodhattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. ниг̇род̇хад̇т̇зраг̇аат̇аа • 1. Nigrodhattheragāthā
