| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. ниж̇ж̇арасуд̇д̇аван̣н̣анаа
6. Nijjarasuttavaṇṇanā
106. чадтз ниж̇ж̇аравад̇т̇уунийд̇и ниж̇ж̇арагааран̣аани. мижчаад̣̇идти ниж̇ж̇ин̣н̣аа ход̇ийд̇и аяам̣ хздтаа вибассанааяаби ниж̇ж̇ин̣н̣аа зва бахийнаа. гасмаа буна г̇ахид̇аад̇и? асамужчиннад̇д̇аа. вибассанааяа хи гин̃жааби ниж̇ж̇ин̣н̣аа, на бана самужчиннаа. маг̇г̇о бана уббаж̇ж̇ид̇ваа д̇ам̣ самужчинд̣̇ад̇и, на буна вудтаад̇ум̣ д̣̇зд̇и. д̇асмаа буна г̇ахид̇аа. звам̣ саб̣б̣абад̣̇зсу яож̇зд̇аб̣б̣о. зд̇т̇а жа саммаавимуд̇д̇ибажжаяаа жад̇усадти д̇хаммаа бхааванаабаарибуурим̣ г̇ажчанд̇и. гад̇амз жад̇усадти? сод̇аабад̇д̇имаг̇г̇агкан̣з ад̇химогкадтзна сад̣̇д̇хинд̣̇рияам̣ барибуурад̇и, баг̇г̇ахадтзна вийрияинд̣̇рияам̣, убадтаанадтзна сад̇инд̣̇рияам̣, авигкзбадтзна самаад̇хинд̣̇рияам̣, д̣̇ассанадтзна бан̃н̃инд̣̇рияам̣ барибуурзд̇и, виж̇аананадтзна манинд̣̇рияам̣, абхинанд̣̇анадтзна соманассинд̣̇рияам̣, бавад̇д̇асанд̇ад̇иаад̇хибад̇зяяадтзна ж̇ийвид̇инд̣̇рияам̣ барибуурад̇и…бз… арахад̇д̇апалагкан̣з ад̇химогкадтзна сад̣̇д̇хинд̣̇рияам̣…бз… бавад̇д̇асанд̇ад̇иаад̇хибад̇зяяадтзна ж̇ийвид̇инд̣̇рияам̣ барибуурад̇ийд̇и звам̣ жад̇уусу жа маг̇г̇зсу жад̇уусу жа палзсу адтадта худ̇ваа жад̇усадти д̇хаммаа баарибуурим̣ г̇ажчанд̇и.
106. Chaṭṭhe nijjaravatthūnīti nijjarakāraṇāni. Micchādiṭṭhi nijjiṇṇā hotīti ayaṃ heṭṭhā vipassanāyapi nijjiṇṇā eva pahīnā. Kasmā puna gahitāti? Asamucchinnattā. Vipassanāya hi kiñcāpi nijjiṇṇā, na pana samucchinnā. Maggo pana uppajjitvā taṃ samucchindati, na puna vuṭṭhātuṃ deti. Tasmā puna gahitā. Evaṃ sabbapadesu yojetabbo. Ettha ca sammāvimuttipaccayā catusaṭṭhi dhammā bhāvanāpāripūriṃ gacchanti. Katame catusaṭṭhi? Sotāpattimaggakkhaṇe adhimokkhaṭṭhena saddhindriyaṃ paripūrati, paggahaṭṭhena vīriyindriyaṃ, upaṭṭhānaṭṭhena satindriyaṃ, avikkhepaṭṭhena samādhindriyaṃ, dassanaṭṭhena paññindriyaṃ paripūreti, vijānanaṭṭhena manindriyaṃ, abhinandanaṭṭhena somanassindriyaṃ, pavattasantatiādhipateyyaṭṭhena jīvitindriyaṃ paripūrati…pe… arahattaphalakkhaṇe adhimokkhaṭṭhena saddhindriyaṃ…pe… pavattasantatiādhipateyyaṭṭhena jīvitindriyaṃ paripūratīti evaṃ catūsu ca maggesu catūsu ca phalesu aṭṭhaṭṭha hutvā catusaṭṭhi dhammā pāripūriṃ gacchanti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. ниж̇ж̇арасуд̇д̇ам̣ • 6. Nijjarasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-12. саман̣асан̃н̃аасуд̇д̇аад̣̇иван̣н̣анаа • 1-12. Samaṇasaññāsuttādivaṇṇanā
