| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਨਿਜ੍ਜਰਸੁਤ੍ਤવਣ੍ਣਨਾ
6. Nijjarasuttavaṇṇanā
੧੦੬. ਛਟ੍ਠੇ ਨਿਜ੍ਜਰવਤ੍ਥੂਨੀਤਿ ਨਿਜ੍ਜਰਕਾਰਣਾਨਿ। ਮਿਚ੍ਛਾਦਿਟ੍ਠਿ ਨਿਜ੍ਜਿਣ੍ਣਾ ਹੋਤੀਤਿ ਅਯਂ ਹੇਟ੍ਠਾ વਿਪਸ੍ਸਨਾਯਪਿ ਨਿਜ੍ਜਿਣ੍ਣਾ ਏવ ਪਹੀਨਾ। ਕਸ੍ਮਾ ਪੁਨ ਗਹਿਤਾਤਿ? ਅਸਮੁਚ੍ਛਿਨ੍ਨਤ੍ਤਾ। વਿਪਸ੍ਸਨਾਯ ਹਿ ਕਿਞ੍ਚਾਪਿ ਨਿਜ੍ਜਿਣ੍ਣਾ, ਨ ਪਨ ਸਮੁਚ੍ਛਿਨ੍ਨਾ। ਮਗ੍ਗੋ ਪਨ ਉਪ੍ਪਜ੍ਜਿਤ੍વਾ ਤਂ ਸਮੁਚ੍ਛਿਨ੍ਦਤਿ, ਨ ਪੁਨ વੁਟ੍ਠਾਤੁਂ ਦੇਤਿ। ਤਸ੍ਮਾ ਪੁਨ ਗਹਿਤਾ। ਏવਂ ਸਬ੍ਬਪਦੇਸੁ ਯੋਜੇਤਬ੍ਬੋ। ਏਤ੍ਥ ਚ ਸਮ੍ਮਾવਿਮੁਤ੍ਤਿਪਚ੍ਚਯਾ ਚਤੁਸਟ੍ਠਿ ਧਮ੍ਮਾ ਭਾવਨਾਪਾਰਿਪੂਰਿਂ ਗਚ੍ਛਨ੍ਤਿ। ਕਤਮੇ ਚਤੁਸਟ੍ਠਿ? ਸੋਤਾਪਤ੍ਤਿਮਗ੍ਗਕ੍ਖਣੇ ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਂ ਪਰਿਪੂਰਤਿ, ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਂ, ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਂ, ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਂ, ਦਸ੍ਸਨਟ੍ਠੇਨ ਪਞ੍ਞਿਨ੍ਦ੍ਰਿਯਂ ਪਰਿਪੂਰੇਤਿ, વਿਜਾਨਨਟ੍ਠੇਨ ਮਨਿਨ੍ਦ੍ਰਿਯਂ, ਅਭਿਨਨ੍ਦਨਟ੍ਠੇਨ ਸੋਮਨਸ੍ਸਿਨ੍ਦ੍ਰਿਯਂ, ਪવਤ੍ਤਸਨ੍ਤਤਿਆਧਿਪਤੇਯ੍ਯਟ੍ਠੇਨ ਜੀવਿਤਿਨ੍ਦ੍ਰਿਯਂ ਪਰਿਪੂਰਤਿ…ਪੇ॰… ਅਰਹਤ੍ਤਫਲਕ੍ਖਣੇ ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਂ…ਪੇ॰… ਪવਤ੍ਤਸਨ੍ਤਤਿਆਧਿਪਤੇਯ੍ਯਟ੍ਠੇਨ ਜੀવਿਤਿਨ੍ਦ੍ਰਿਯਂ ਪਰਿਪੂਰਤੀਤਿ ਏવਂ ਚਤੂਸੁ ਚ ਮਗ੍ਗੇਸੁ ਚਤੂਸੁ ਚ ਫਲੇਸੁ ਅਟ੍ਠਟ੍ਠ ਹੁਤ੍વਾ ਚਤੁਸਟ੍ਠਿ ਧਮ੍ਮਾ ਪਾਰਿਪੂਰਿਂ ਗਚ੍ਛਨ੍ਤਿ।
106. Chaṭṭhe nijjaravatthūnīti nijjarakāraṇāni. Micchādiṭṭhi nijjiṇṇā hotīti ayaṃ heṭṭhā vipassanāyapi nijjiṇṇā eva pahīnā. Kasmā puna gahitāti? Asamucchinnattā. Vipassanāya hi kiñcāpi nijjiṇṇā, na pana samucchinnā. Maggo pana uppajjitvā taṃ samucchindati, na puna vuṭṭhātuṃ deti. Tasmā puna gahitā. Evaṃ sabbapadesu yojetabbo. Ettha ca sammāvimuttipaccayā catusaṭṭhi dhammā bhāvanāpāripūriṃ gacchanti. Katame catusaṭṭhi? Sotāpattimaggakkhaṇe adhimokkhaṭṭhena saddhindriyaṃ paripūrati, paggahaṭṭhena vīriyindriyaṃ, upaṭṭhānaṭṭhena satindriyaṃ, avikkhepaṭṭhena samādhindriyaṃ, dassanaṭṭhena paññindriyaṃ paripūreti, vijānanaṭṭhena manindriyaṃ, abhinandanaṭṭhena somanassindriyaṃ, pavattasantatiādhipateyyaṭṭhena jīvitindriyaṃ paripūrati…pe… arahattaphalakkhaṇe adhimokkhaṭṭhena saddhindriyaṃ…pe… pavattasantatiādhipateyyaṭṭhena jīvitindriyaṃ paripūratīti evaṃ catūsu ca maggesu catūsu ca phalesu aṭṭhaṭṭha hutvā catusaṭṭhi dhammā pāripūriṃ gacchanti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਨਿਜ੍ਜਰਸੁਤ੍ਤਂ • 6. Nijjarasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੧੨. ਸਮਣਸਞ੍ਞਾਸੁਤ੍ਤਾਦਿવਣ੍ਣਨਾ • 1-12. Samaṇasaññāsuttādivaṇṇanā
