| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๘. นิกฎฺฐสุตฺตํ
8. Nikaṭṭhasuttaṃ
๑๓๘. ‘‘จตฺตาโรเม, ภิกฺขเว, ปุคฺคลา สโนฺต สํวิชฺชมานา โลกสฺมิํฯ กตเม จตฺตาโร? นิกฎฺฐกาโย อนิกฎฺฐจิโตฺต, อนิกฎฺฐกาโย นิกฎฺฐจิโตฺต, อนิกฎฺฐกาโย จ อนิกฎฺฐจิโตฺต จ, นิกฎฺฐกาโย จ นิกฎฺฐจิโตฺต จฯ
138. ‘‘Cattārome, bhikkhave, puggalā santo saṃvijjamānā lokasmiṃ. Katame cattāro? Nikaṭṭhakāyo anikaṭṭhacitto, anikaṭṭhakāyo nikaṭṭhacitto, anikaṭṭhakāyo ca anikaṭṭhacitto ca, nikaṭṭhakāyo ca nikaṭṭhacitto ca.
‘‘กถญฺจ, ภิกฺขเว, ปุคฺคโล นิกฎฺฐกาโย โหติ อนิกฎฺฐจิโตฺต? อิธ, ภิกฺขเว, เอกโจฺจ ปุคฺคโล อรญฺญวนปตฺถานิ 1 ปนฺตานิ เสนาสนานิ ปฎิเสวติฯ โส ตตฺถ กามวิตกฺกมฺปิ วิตเกฺกติ พฺยาปาทวิตกฺกมฺปิ วิตเกฺกติ วิหิํสาวิตกฺกมฺปิ วิตเกฺกติฯ เอวํ โข, ภิกฺขเว, ปุคฺคโล นิกฎฺฐกาโย โหติ อนิกฎฺฐจิโตฺตฯ
‘‘Kathañca, bhikkhave, puggalo nikaṭṭhakāyo hoti anikaṭṭhacitto? Idha, bhikkhave, ekacco puggalo araññavanapatthāni 2 pantāni senāsanāni paṭisevati. So tattha kāmavitakkampi vitakketi byāpādavitakkampi vitakketi vihiṃsāvitakkampi vitakketi. Evaṃ kho, bhikkhave, puggalo nikaṭṭhakāyo hoti anikaṭṭhacitto.
‘‘กถญฺจ, ภิกฺขเว, ปุคฺคโล อนิกฎฺฐกาโย โหติ นิกฎฺฐจิโตฺต? อิธ, ภิกฺขเว, เอกโจฺจ ปุคฺคโล นเหว โข อรญฺญวนปตฺถานิ ปนฺตานิ เสนาสนานิ ปฎิเสวติฯ โส ตตฺถ เนกฺขมฺมวิตกฺกมฺปิ วิตเกฺกติ อพฺยาปาทวิตกฺกมฺปิ วิตเกฺกติ อวิหิํสาวิตกฺกมฺปิ วิตเกฺกติฯ เอวํ โข, ภิกฺขเว, ปุคฺคโล อนิกฎฺฐกาโย โหติ นิกฎฺฐจิโตฺตฯ
‘‘Kathañca, bhikkhave, puggalo anikaṭṭhakāyo hoti nikaṭṭhacitto? Idha, bhikkhave, ekacco puggalo naheva kho araññavanapatthāni pantāni senāsanāni paṭisevati. So tattha nekkhammavitakkampi vitakketi abyāpādavitakkampi vitakketi avihiṃsāvitakkampi vitakketi. Evaṃ kho, bhikkhave, puggalo anikaṭṭhakāyo hoti nikaṭṭhacitto.
‘‘กถญฺจ, ภิกฺขเว, ปุคฺคโล อนิกฎฺฐกาโย จ โหติ อนิกฎฺฐจิโตฺต จ? อิธ, ภิกฺขเว, เอกโจฺจ ปุคฺคโล นเหว โข อรญฺญวนปตฺถานิ ปนฺตานิ เสนาสนานิ ปฎิเสวติ ฯ โส ตตฺถ กามวิตกฺกมฺปิ วิตเกฺกติ พฺยาปาทวิตกฺกมฺปิ วิตเกฺกติ วิหิํสาวิตกฺกมฺปิ วิตเกฺกติฯ เอวํ โข, ภิกฺขเว, ปุคฺคโล อนิกฎฺฐกาโย จ โหติ อนิกฎฺฐจิโตฺต จฯ
‘‘Kathañca, bhikkhave, puggalo anikaṭṭhakāyo ca hoti anikaṭṭhacitto ca? Idha, bhikkhave, ekacco puggalo naheva kho araññavanapatthāni pantāni senāsanāni paṭisevati . So tattha kāmavitakkampi vitakketi byāpādavitakkampi vitakketi vihiṃsāvitakkampi vitakketi. Evaṃ kho, bhikkhave, puggalo anikaṭṭhakāyo ca hoti anikaṭṭhacitto ca.
‘‘กถญฺจ, ภิกฺขเว, ปุคฺคโล นิกฎฺฐกาโย จ โหติ นิกฎฺฐจิโตฺต จ? อิธ, ภิกฺขเว, เอกโจฺจ ปุคฺคโล อรญฺญวนปตฺถานิ ปนฺตานิ เสนาสนานิ ปฎิเสวติฯ โส ตตฺถ เนกฺขมฺมวิตกฺกมฺปิ วิตเกฺกติ อพฺยาปาทวิตกฺกมฺปิ วิตเกฺกติ อวิหิํสาวิตกฺกมฺปิ วิตเกฺกติฯ เอวํ โข, ภิกฺขเว, ปุคฺคโล นิกฎฺฐกาโย จ โหติ นิกฎฺฐจิโตฺต จฯ อิเม โข, ภิกฺขเว, จตฺตาโร ปุคฺคลา สโนฺต สํวิชฺชมานา โลกสฺมิ’’นฺติฯ อฎฺฐมํฯ
‘‘Kathañca, bhikkhave, puggalo nikaṭṭhakāyo ca hoti nikaṭṭhacitto ca? Idha, bhikkhave, ekacco puggalo araññavanapatthāni pantāni senāsanāni paṭisevati. So tattha nekkhammavitakkampi vitakketi abyāpādavitakkampi vitakketi avihiṃsāvitakkampi vitakketi. Evaṃ kho, bhikkhave, puggalo nikaṭṭhakāyo ca hoti nikaṭṭhacitto ca. Ime kho, bhikkhave, cattāro puggalā santo saṃvijjamānā lokasmi’’nti. Aṭṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๘. นิกฎฺฐสุตฺตวณฺณนา • 8. Nikaṭṭhasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๕-๘. สาวชฺชสุตฺตาทิวณฺณนา • 5-8. Sāvajjasuttādivaṇṇanā
