| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੮. ਨਿਕਟ੍ਠਸੁਤ੍ਤਂ
8. Nikaṭṭhasuttaṃ
੧੩੮. ‘‘ਚਤ੍ਤਾਰੋਮੇ, ਭਿਕ੍ਖવੇ, ਪੁਗ੍ਗਲਾ ਸਨ੍ਤੋ ਸਂવਿਜ੍ਜਮਾਨਾ ਲੋਕਸ੍ਮਿਂ। ਕਤਮੇ ਚਤ੍ਤਾਰੋ? ਨਿਕਟ੍ਠਕਾਯੋ ਅਨਿਕਟ੍ਠਚਿਤ੍ਤੋ, ਅਨਿਕਟ੍ਠਕਾਯੋ ਨਿਕਟ੍ਠਚਿਤ੍ਤੋ, ਅਨਿਕਟ੍ਠਕਾਯੋ ਚ ਅਨਿਕਟ੍ਠਚਿਤ੍ਤੋ ਚ, ਨਿਕਟ੍ਠਕਾਯੋ ਚ ਨਿਕਟ੍ਠਚਿਤ੍ਤੋ ਚ।
138. ‘‘Cattārome, bhikkhave, puggalā santo saṃvijjamānā lokasmiṃ. Katame cattāro? Nikaṭṭhakāyo anikaṭṭhacitto, anikaṭṭhakāyo nikaṭṭhacitto, anikaṭṭhakāyo ca anikaṭṭhacitto ca, nikaṭṭhakāyo ca nikaṭṭhacitto ca.
‘‘ਕਥਞ੍ਚ, ਭਿਕ੍ਖવੇ, ਪੁਗ੍ਗਲੋ ਨਿਕਟ੍ਠਕਾਯੋ ਹੋਤਿ ਅਨਿਕਟ੍ਠਚਿਤ੍ਤੋ? ਇਧ, ਭਿਕ੍ਖવੇ, ਏਕਚ੍ਚੋ ਪੁਗ੍ਗਲੋ ਅਰਞ੍ਞવਨਪਤ੍ਥਾਨਿ 1 ਪਨ੍ਤਾਨਿ ਸੇਨਾਸਨਾਨਿ ਪਟਿਸੇવਤਿ। ਸੋ ਤਤ੍ਥ ਕਾਮવਿਤਕ੍ਕਮ੍ਪਿ વਿਤਕ੍ਕੇਤਿ ਬ੍ਯਾਪਾਦવਿਤਕ੍ਕਮ੍ਪਿ વਿਤਕ੍ਕੇਤਿ વਿਹਿਂਸਾવਿਤਕ੍ਕਮ੍ਪਿ વਿਤਕ੍ਕੇਤਿ। ਏવਂ ਖੋ, ਭਿਕ੍ਖવੇ, ਪੁਗ੍ਗਲੋ ਨਿਕਟ੍ਠਕਾਯੋ ਹੋਤਿ ਅਨਿਕਟ੍ਠਚਿਤ੍ਤੋ।
‘‘Kathañca, bhikkhave, puggalo nikaṭṭhakāyo hoti anikaṭṭhacitto? Idha, bhikkhave, ekacco puggalo araññavanapatthāni 2 pantāni senāsanāni paṭisevati. So tattha kāmavitakkampi vitakketi byāpādavitakkampi vitakketi vihiṃsāvitakkampi vitakketi. Evaṃ kho, bhikkhave, puggalo nikaṭṭhakāyo hoti anikaṭṭhacitto.
‘‘ਕਥਞ੍ਚ, ਭਿਕ੍ਖવੇ, ਪੁਗ੍ਗਲੋ ਅਨਿਕਟ੍ਠਕਾਯੋ ਹੋਤਿ ਨਿਕਟ੍ਠਚਿਤ੍ਤੋ? ਇਧ, ਭਿਕ੍ਖવੇ, ਏਕਚ੍ਚੋ ਪੁਗ੍ਗਲੋ ਨਹੇવ ਖੋ ਅਰਞ੍ਞવਨਪਤ੍ਥਾਨਿ ਪਨ੍ਤਾਨਿ ਸੇਨਾਸਨਾਨਿ ਪਟਿਸੇવਤਿ। ਸੋ ਤਤ੍ਥ ਨੇਕ੍ਖਮ੍ਮવਿਤਕ੍ਕਮ੍ਪਿ વਿਤਕ੍ਕੇਤਿ ਅਬ੍ਯਾਪਾਦવਿਤਕ੍ਕਮ੍ਪਿ વਿਤਕ੍ਕੇਤਿ ਅવਿਹਿਂਸਾવਿਤਕ੍ਕਮ੍ਪਿ વਿਤਕ੍ਕੇਤਿ। ਏવਂ ਖੋ, ਭਿਕ੍ਖવੇ, ਪੁਗ੍ਗਲੋ ਅਨਿਕਟ੍ਠਕਾਯੋ ਹੋਤਿ ਨਿਕਟ੍ਠਚਿਤ੍ਤੋ।
‘‘Kathañca, bhikkhave, puggalo anikaṭṭhakāyo hoti nikaṭṭhacitto? Idha, bhikkhave, ekacco puggalo naheva kho araññavanapatthāni pantāni senāsanāni paṭisevati. So tattha nekkhammavitakkampi vitakketi abyāpādavitakkampi vitakketi avihiṃsāvitakkampi vitakketi. Evaṃ kho, bhikkhave, puggalo anikaṭṭhakāyo hoti nikaṭṭhacitto.
‘‘ਕਥਞ੍ਚ, ਭਿਕ੍ਖવੇ, ਪੁਗ੍ਗਲੋ ਅਨਿਕਟ੍ਠਕਾਯੋ ਚ ਹੋਤਿ ਅਨਿਕਟ੍ਠਚਿਤ੍ਤੋ ਚ? ਇਧ, ਭਿਕ੍ਖવੇ, ਏਕਚ੍ਚੋ ਪੁਗ੍ਗਲੋ ਨਹੇવ ਖੋ ਅਰਞ੍ਞવਨਪਤ੍ਥਾਨਿ ਪਨ੍ਤਾਨਿ ਸੇਨਾਸਨਾਨਿ ਪਟਿਸੇવਤਿ । ਸੋ ਤਤ੍ਥ ਕਾਮવਿਤਕ੍ਕਮ੍ਪਿ વਿਤਕ੍ਕੇਤਿ ਬ੍ਯਾਪਾਦવਿਤਕ੍ਕਮ੍ਪਿ વਿਤਕ੍ਕੇਤਿ વਿਹਿਂਸਾવਿਤਕ੍ਕਮ੍ਪਿ વਿਤਕ੍ਕੇਤਿ। ਏવਂ ਖੋ, ਭਿਕ੍ਖવੇ, ਪੁਗ੍ਗਲੋ ਅਨਿਕਟ੍ਠਕਾਯੋ ਚ ਹੋਤਿ ਅਨਿਕਟ੍ਠਚਿਤ੍ਤੋ ਚ।
‘‘Kathañca, bhikkhave, puggalo anikaṭṭhakāyo ca hoti anikaṭṭhacitto ca? Idha, bhikkhave, ekacco puggalo naheva kho araññavanapatthāni pantāni senāsanāni paṭisevati . So tattha kāmavitakkampi vitakketi byāpādavitakkampi vitakketi vihiṃsāvitakkampi vitakketi. Evaṃ kho, bhikkhave, puggalo anikaṭṭhakāyo ca hoti anikaṭṭhacitto ca.
‘‘ਕਥਞ੍ਚ, ਭਿਕ੍ਖવੇ, ਪੁਗ੍ਗਲੋ ਨਿਕਟ੍ਠਕਾਯੋ ਚ ਹੋਤਿ ਨਿਕਟ੍ਠਚਿਤ੍ਤੋ ਚ? ਇਧ, ਭਿਕ੍ਖવੇ, ਏਕਚ੍ਚੋ ਪੁਗ੍ਗਲੋ ਅਰਞ੍ਞવਨਪਤ੍ਥਾਨਿ ਪਨ੍ਤਾਨਿ ਸੇਨਾਸਨਾਨਿ ਪਟਿਸੇવਤਿ। ਸੋ ਤਤ੍ਥ ਨੇਕ੍ਖਮ੍ਮવਿਤਕ੍ਕਮ੍ਪਿ વਿਤਕ੍ਕੇਤਿ ਅਬ੍ਯਾਪਾਦવਿਤਕ੍ਕਮ੍ਪਿ વਿਤਕ੍ਕੇਤਿ ਅવਿਹਿਂਸਾવਿਤਕ੍ਕਮ੍ਪਿ વਿਤਕ੍ਕੇਤਿ। ਏવਂ ਖੋ, ਭਿਕ੍ਖવੇ, ਪੁਗ੍ਗਲੋ ਨਿਕਟ੍ਠਕਾਯੋ ਚ ਹੋਤਿ ਨਿਕਟ੍ਠਚਿਤ੍ਤੋ ਚ। ਇਮੇ ਖੋ, ਭਿਕ੍ਖવੇ, ਚਤ੍ਤਾਰੋ ਪੁਗ੍ਗਲਾ ਸਨ੍ਤੋ ਸਂવਿਜ੍ਜਮਾਨਾ ਲੋਕਸ੍ਮਿ’’ਨ੍ਤਿ। ਅਟ੍ਠਮਂ।
‘‘Kathañca, bhikkhave, puggalo nikaṭṭhakāyo ca hoti nikaṭṭhacitto ca? Idha, bhikkhave, ekacco puggalo araññavanapatthāni pantāni senāsanāni paṭisevati. So tattha nekkhammavitakkampi vitakketi abyāpādavitakkampi vitakketi avihiṃsāvitakkampi vitakketi. Evaṃ kho, bhikkhave, puggalo nikaṭṭhakāyo ca hoti nikaṭṭhacitto ca. Ime kho, bhikkhave, cattāro puggalā santo saṃvijjamānā lokasmi’’nti. Aṭṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮. ਨਿਕਟ੍ਠਸੁਤ੍ਤવਣ੍ਣਨਾ • 8. Nikaṭṭhasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫-੮. ਸਾવਜ੍ਜਸੁਤ੍ਤਾਦਿવਣ੍ਣਨਾ • 5-8. Sāvajjasuttādivaṇṇanā
