| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
7. நிக்கட்³ட⁴னஸிக்கா²பத³ங்
7. Nikkaḍḍhanasikkhāpadaṃ
126. ஸத்தமே யே பாஸாதா³ வா யானி வா சதுஸ்ஸாலானீதி யோஜனா. சதஸ்ஸோ பூ⁴மியோ ஏதேஸந்தி சதுபூ⁴மகா. ஏவங் பஞ்சபூ⁴மகா. கொட்ட²கானீதி த்³வாரகொட்ட²கானி. ‘‘பாஸாதா³’’திபத³மபெக்கி²ய வுத்தங் ‘‘யே’’திபத³ங், ‘‘சதுஸ்ஸாலானீ’’திபதே³ அபெக்கி²தே ‘‘யானீ’’தி லிங்க³விபல்லாஸோ ஹோதி. ஸேனாஸனேஸு ஏகேன பயோகே³ன ப³ஹுகே த்³வாரே பி⁴க்கு²ங் அதிக்காமேதீதி ஸம்ப³ந்தோ⁴. நானாபயோகே³ஹி நானாத்³வாரே பி⁴க்கு²ங் அதிக்காமெந்தஸ்ஸாதி யோஜனா. ‘‘த்³வாரக³ணனாயா’’திஇமினா பயோக³க³ணனாயாதிபி அத்த²ங் ஞாபேதி அத்த²தோ பாகடத்தா. அனாமஸித்வாதி அசு²பித்வா.
126. Sattame ye pāsādā vā yāni vā catussālānīti yojanā. Catasso bhūmiyo etesanti catubhūmakā. Evaṃ pañcabhūmakā. Koṭṭhakānīti dvārakoṭṭhakāni. ‘‘Pāsādā’’tipadamapekkhiya vuttaṃ ‘‘ye’’tipadaṃ, ‘‘catussālānī’’tipade apekkhite ‘‘yānī’’ti liṅgavipallāso hoti. Senāsanesu ekena payogena bahuke dvāre bhikkhuṃ atikkāmetīti sambandho. Nānāpayogehi nānādvāre bhikkhuṃ atikkāmentassāti yojanā. ‘‘Dvāragaṇanāyā’’tiiminā payogagaṇanāyātipi atthaṃ ñāpeti atthato pākaṭattā. Anāmasitvāti achupitvā.
எத்தகானீதி ஏதபமாணானி. தஸ்ஸாதி நிக்கட்³டி⁴யமானஸ்ஸ பி⁴க்கு²ஸ்ஸ. கா³ள்ஹந்தி த³ள்ஹங்.
Ettakānīti etapamāṇāni. Tassāti nikkaḍḍhiyamānassa bhikkhussa. Gāḷhanti daḷhaṃ.
127. இதா⁴பீதி இமஸ்மிம்பி ஸிக்கா²பதே³. பிஸத்³தோ³ புரிமஸிக்கா²பதா³பெக்கோ². ஸப்³ப³த்தா²தி ஸப்³பே³ஸு ஸிக்கா²பதே³ஸு. யத்ராதி யஸ்மிங் ஸிக்கா²பதே³.
127.Idhāpīti imasmimpi sikkhāpade. Pisaddo purimasikkhāpadāpekkho. Sabbatthāti sabbesu sikkhāpadesu. Yatrāti yasmiṃ sikkhāpade.
128. ஸோதி ப⁴ண்ட³னகாரககலஹகாரகோ பி⁴க்கு². ஹீதி ஸச்சங், யஸ்மா வா. பக்க²ந்தி அத்தனோ பக்க²ங். நிக்கட்³டி⁴யமானபுக்³க³லபக்கே² உம்மத்தகஸ்ஸ நிக்கட்³ட⁴தி வா நிக்கட்³டா⁴பேதி வாதி ஸம்ப³ந்தி⁴தப்³ப³ங். நிக்கட்³ட⁴கபுக்³க³லபக்கே² உம்மத்தகஸ்ஸ அனாபத்தீதி ஸம்ப³ந்தி⁴தப்³ப³ந்தி. ஸத்தமங்.
128.Soti bhaṇḍanakārakakalahakārako bhikkhu. Hīti saccaṃ, yasmā vā. Pakkhanti attano pakkhaṃ. Nikkaḍḍhiyamānapuggalapakkhe ummattakassa nikkaḍḍhati vā nikkaḍḍhāpeti vāti sambandhitabbaṃ. Nikkaḍḍhakapuggalapakkhe ummattakassa anāpattīti sambandhitabbanti. Sattamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 2. பூ⁴தகா³மவக்³கோ³ • 2. Bhūtagāmavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 7. நிக்கட்³ட⁴னஸிக்கா²பத³வண்ணனா • 7. Nikkaḍḍhanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 7. நிக்கட்³ட⁴னஸிக்கா²பத³வண்ணனா • 7. Nikkaḍḍhanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 7. நிக்கட்³ட⁴னஸிக்கா²பத³வண்ணனா • 7. Nikkaḍḍhanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 7. நிக்கட்³ட⁴னஸிக்கா²பத³வண்ணனா • 7. Nikkaḍḍhanasikkhāpadavaṇṇanā
