| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৭. নিক্কড্ঢনসিক্খাপদং
7. Nikkaḍḍhanasikkhāpadaṃ
১২৬. সত্তমে যে পাসাদা ৰা যানি ৰা চতুস্সালানীতি যোজনা। চতস্সো ভূমিযো এতেসন্তি চতুভূমকা। এৰং পঞ্চভূমকা। কোট্ঠকানীতি দ্ৰারকোট্ঠকানি। ‘‘পাসাদা’’তিপদমপেক্খিয ৰুত্তং ‘‘যে’’তিপদং, ‘‘চতুস্সালানী’’তিপদে অপেক্খিতে ‘‘যানী’’তি লিঙ্গৰিপল্লাসো হোতি। সেনাসনেসু একেন পযোগেন বহুকে দ্ৰারে ভিক্খুং অতিক্কামেতীতি সম্বন্ধো। নানাপযোগেহি নানাদ্ৰারে ভিক্খুং অতিক্কামেন্তস্সাতি যোজনা। ‘‘দ্ৰারগণনাযা’’তিইমিনা পযোগগণনাযাতিপি অত্থং ঞাপেতি অত্থতো পাকটত্তা। অনামসিত্ৰাতি অছুপিত্ৰা।
126. Sattame ye pāsādā vā yāni vā catussālānīti yojanā. Catasso bhūmiyo etesanti catubhūmakā. Evaṃ pañcabhūmakā. Koṭṭhakānīti dvārakoṭṭhakāni. ‘‘Pāsādā’’tipadamapekkhiya vuttaṃ ‘‘ye’’tipadaṃ, ‘‘catussālānī’’tipade apekkhite ‘‘yānī’’ti liṅgavipallāso hoti. Senāsanesu ekena payogena bahuke dvāre bhikkhuṃ atikkāmetīti sambandho. Nānāpayogehi nānādvāre bhikkhuṃ atikkāmentassāti yojanā. ‘‘Dvāragaṇanāyā’’tiiminā payogagaṇanāyātipi atthaṃ ñāpeti atthato pākaṭattā. Anāmasitvāti achupitvā.
এত্তকানীতি এতপমাণানি। তস্সাতি নিক্কড্ঢিযমানস্স ভিক্খুস্স। গাল়্হন্তি দল়্হং।
Ettakānīti etapamāṇāni. Tassāti nikkaḍḍhiyamānassa bhikkhussa. Gāḷhanti daḷhaṃ.
১২৭. ইধাপীতি ইমস্মিম্পি সিক্খাপদে। পিসদ্দো পুরিমসিক্খাপদাপেক্খো। সব্বত্থাতি সব্বেসু সিক্খাপদেসু। যত্রাতি যস্মিং সিক্খাপদে।
127.Idhāpīti imasmimpi sikkhāpade. Pisaddo purimasikkhāpadāpekkho. Sabbatthāti sabbesu sikkhāpadesu. Yatrāti yasmiṃ sikkhāpade.
১২৮. সোতি ভণ্ডনকারককলহকারকো ভিক্খু। হীতি সচ্চং, যস্মা ৰা। পক্খন্তি অত্তনো পক্খং। নিক্কড্ঢিযমানপুগ্গলপক্খে উম্মত্তকস্স নিক্কড্ঢতি ৰা নিক্কড্ঢাপেতি ৰাতি সম্বন্ধিতব্বং। নিক্কড্ঢকপুগ্গলপক্খে উম্মত্তকস্স অনাপত্তীতি সম্বন্ধিতব্বন্তি। সত্তমং।
128.Soti bhaṇḍanakārakakalahakārako bhikkhu. Hīti saccaṃ, yasmā vā. Pakkhanti attano pakkhaṃ. Nikkaḍḍhiyamānapuggalapakkhe ummattakassa nikkaḍḍhati vā nikkaḍḍhāpeti vāti sambandhitabbaṃ. Nikkaḍḍhakapuggalapakkhe ummattakassa anāpattīti sambandhitabbanti. Sattamaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ২. ভূতগামৰগ্গো • 2. Bhūtagāmavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৭. নিক্কড্ঢনসিক্খাপদৰণ্ণনা • 7. Nikkaḍḍhanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৭. নিক্কড্ঢনসিক্খাপদৰণ্ণনা • 7. Nikkaḍḍhanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৭. নিক্কড্ঢনসিক্খাপদৰণ্ণনা • 7. Nikkaḍḍhanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৭. নিক্কড্ঢনসিক্খাপদৰণ্ণনা • 7. Nikkaḍḍhanasikkhāpadavaṇṇanā
