| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
7. ниггад̣дханасигкаабад̣̇ам̣
7. Nikkaḍḍhanasikkhāpadaṃ
126. сад̇д̇амз яз баасаад̣̇аа ваа яаани ваа жад̇уссаалаанийд̇и яож̇анаа. жад̇ассо бхуумияо зд̇зсанд̇и жад̇убхуумагаа. звам̣ бан̃жабхуумагаа. годтагаанийд̇и д̣̇ваарагодтагаани. ‘‘баасаад̣̇аа’’д̇ибад̣̇амабзгкияа вуд̇д̇ам̣ ‘‘яз’’д̇ибад̣̇ам̣, ‘‘жад̇уссаалааний’’д̇ибад̣̇з абзгкид̇з ‘‘яааний’’д̇и лин̇г̇авибаллаасо ход̇и. сзнаасанзсу згзна баяог̇зна б̣ахугз д̣̇ваарз бхигкум̣ ад̇иггаамзд̇ийд̇и самб̣анд̇хо. наанаабаяог̇зхи наанаад̣̇ваарз бхигкум̣ ад̇иггаамзнд̇ассаад̇и яож̇анаа. ‘‘д̣̇ваараг̇ан̣анааяаа’’д̇ииминаа баяог̇аг̇ан̣анааяаад̇иби ад̇т̇ам̣ н̃аабзд̇и ад̇т̇ад̇о баагадад̇д̇аа. анаамасид̇ваад̇и ачубид̇ваа.
126. Sattame ye pāsādā vā yāni vā catussālānīti yojanā. Catasso bhūmiyo etesanti catubhūmakā. Evaṃ pañcabhūmakā. Koṭṭhakānīti dvārakoṭṭhakāni. ‘‘Pāsādā’’tipadamapekkhiya vuttaṃ ‘‘ye’’tipadaṃ, ‘‘catussālānī’’tipade apekkhite ‘‘yānī’’ti liṅgavipallāso hoti. Senāsanesu ekena payogena bahuke dvāre bhikkhuṃ atikkāmetīti sambandho. Nānāpayogehi nānādvāre bhikkhuṃ atikkāmentassāti yojanā. ‘‘Dvāragaṇanāyā’’tiiminā payogagaṇanāyātipi atthaṃ ñāpeti atthato pākaṭattā. Anāmasitvāti achupitvā.
зд̇д̇агаанийд̇и зд̇абамаан̣аани. д̇ассаад̇и ниггад̣дхияамаанасса бхигкусса. г̇аал̣ханд̇и д̣̇ал̣хам̣.
Ettakānīti etapamāṇāni. Tassāti nikkaḍḍhiyamānassa bhikkhussa. Gāḷhanti daḷhaṃ.
127. ид̇хаабийд̇и имасмимби сигкаабад̣̇з. бисад̣̇д̣̇о буримасигкаабад̣̇аабзгко. саб̣б̣ад̇т̇аад̇и саб̣б̣зсу сигкаабад̣̇зсу. яад̇раад̇и яасмим̣ сигкаабад̣̇з.
127.Idhāpīti imasmimpi sikkhāpade. Pisaddo purimasikkhāpadāpekkho. Sabbatthāti sabbesu sikkhāpadesu. Yatrāti yasmiṃ sikkhāpade.
128. сод̇и бхан̣д̣анагаарагагалахагаараго бхигку. хийд̇и сажжам̣, яасмаа ваа. багканд̇и ад̇д̇ано багкам̣. ниггад̣дхияамаанабуг̇г̇алабагкз уммад̇д̇агасса ниггад̣дхад̇и ваа ниггад̣дхаабзд̇и ваад̇и самб̣анд̇хид̇аб̣б̣ам̣. ниггад̣дхагабуг̇г̇алабагкз уммад̇д̇агасса анаабад̇д̇ийд̇и самб̣анд̇хид̇аб̣б̣анд̇и. сад̇д̇амам̣.
128.Soti bhaṇḍanakārakakalahakārako bhikkhu. Hīti saccaṃ, yasmā vā. Pakkhanti attano pakkhaṃ. Nikkaḍḍhiyamānapuggalapakkhe ummattakassa nikkaḍḍhati vā nikkaḍḍhāpeti vāti sambandhitabbaṃ. Nikkaḍḍhakapuggalapakkhe ummattakassa anāpattīti sambandhitabbanti. Sattamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 7. ниггад̣дханасигкаабад̣̇аван̣н̣анаа • 7. Nikkaḍḍhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 7. ниггад̣дханасигкаабад̣̇аван̣н̣анаа • 7. Nikkaḍḍhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. ниггад̣дханасигкаабад̣̇аван̣н̣анаа • 7. Nikkaḍḍhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. ниггад̣дханасигкаабад̣̇аван̣н̣анаа • 7. Nikkaḍḍhanasikkhāpadavaṇṇanā
