| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๗. นิกฺกฑฺฒนสิกฺขาปทํ
7. Nikkaḍḍhanasikkhāpadaṃ
๑๒๖. สตฺตเม เย ปาสาทา วา ยานิ วา จตุสฺสาลานีติ โยชนาฯ จตโสฺส ภูมิโย เอเตสนฺติ จตุภูมกาฯ เอวํ ปญฺจภูมกาฯ โกฎฺฐกานีติ ทฺวารโกฎฺฐกานิฯ ‘‘ปาสาทา’’ติปทมเปกฺขิย วุตฺตํ ‘‘เย’’ติปทํ, ‘‘จตุสฺสาลานี’’ติปเท อเปกฺขิเต ‘‘ยานี’’ติ ลิงฺควิปลฺลาโส โหติฯ เสนาสเนสุ เอเกน ปโยเคน พหุเก ทฺวาเร ภิกฺขุํ อติกฺกาเมตีติ สมฺพโนฺธฯ นานาปโยเคหิ นานาทฺวาเร ภิกฺขุํ อติกฺกาเมนฺตสฺสาติ โยชนาฯ ‘‘ทฺวารคณนายา’’ติอิมินา ปโยคคณนายาติปิ อตฺถํ ญาเปติ อตฺถโต ปากฎตฺตาฯ อนามสิตฺวาติ อฉุปิตฺวาฯ
126. Sattame ye pāsādā vā yāni vā catussālānīti yojanā. Catasso bhūmiyo etesanti catubhūmakā. Evaṃ pañcabhūmakā. Koṭṭhakānīti dvārakoṭṭhakāni. ‘‘Pāsādā’’tipadamapekkhiya vuttaṃ ‘‘ye’’tipadaṃ, ‘‘catussālānī’’tipade apekkhite ‘‘yānī’’ti liṅgavipallāso hoti. Senāsanesu ekena payogena bahuke dvāre bhikkhuṃ atikkāmetīti sambandho. Nānāpayogehi nānādvāre bhikkhuṃ atikkāmentassāti yojanā. ‘‘Dvāragaṇanāyā’’tiiminā payogagaṇanāyātipi atthaṃ ñāpeti atthato pākaṭattā. Anāmasitvāti achupitvā.
เอตฺตกานีติ เอตปมาณานิฯ ตสฺสาติ นิกฺกฑฺฒิยมานสฺส ภิกฺขุสฺสฯ คาฬฺหนฺติ ทฬฺหํฯ
Ettakānīti etapamāṇāni. Tassāti nikkaḍḍhiyamānassa bhikkhussa. Gāḷhanti daḷhaṃ.
๑๒๗. อิธาปีติ อิมสฺมิมฺปิ สิกฺขาปเทฯ ปิสโทฺท ปุริมสิกฺขาปทาเปโกฺขฯ สพฺพตฺถาติ สเพฺพสุ สิกฺขาปเทสุฯ ยตฺราติ ยสฺมิํ สิกฺขาปเทฯ
127.Idhāpīti imasmimpi sikkhāpade. Pisaddo purimasikkhāpadāpekkho. Sabbatthāti sabbesu sikkhāpadesu. Yatrāti yasmiṃ sikkhāpade.
๑๒๘. โสติ ภณฺฑนการกกลหการโก ภิกฺขุฯ หีติ สจฺจํ, ยสฺมา วาฯ ปกฺขนฺติ อตฺตโน ปกฺขํฯ นิกฺกฑฺฒิยมานปุคฺคลปเกฺข อุมฺมตฺตกสฺส นิกฺกฑฺฒติ วา นิกฺกฑฺฒาเปติ วาติ สมฺพนฺธิตพฺพํฯ นิกฺกฑฺฒกปุคฺคลปเกฺข อุมฺมตฺตกสฺส อนาปตฺตีติ สมฺพนฺธิตพฺพนฺติฯ สตฺตมํฯ
128.Soti bhaṇḍanakārakakalahakārako bhikkhu. Hīti saccaṃ, yasmā vā. Pakkhanti attano pakkhaṃ. Nikkaḍḍhiyamānapuggalapakkhe ummattakassa nikkaḍḍhati vā nikkaḍḍhāpeti vāti sambandhitabbaṃ. Nikkaḍḍhakapuggalapakkhe ummattakassa anāpattīti sambandhitabbanti. Sattamaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๒. ภูตคามวโคฺค • 2. Bhūtagāmavaggo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวิภงฺค-อฎฺฐกถา • Mahāvibhaṅga-aṭṭhakathā / ๗. นิกฺกฑฺฒนสิกฺขาปทวณฺณนา • 7. Nikkaḍḍhanasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๗. นิกฺกฑฺฒนสิกฺขาปทวณฺณนา • 7. Nikkaḍḍhanasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๗. นิกฺกฑฺฒนสิกฺขาปทวณฺณนา • 7. Nikkaḍḍhanasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๗. นิกฺกฑฺฒนสิกฺขาปทวณฺณนา • 7. Nikkaḍḍhanasikkhāpadavaṇṇanā
