| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၇. နိက္ကဍ္ဎနသိက္ခာပဒံ
7. Nikkaḍḍhanasikkhāpadaṃ
၁၂၆. သတ္တမေ ယေ ပာသာဒာ ဝာ ယာနိ ဝာ စတုသ္သာလာနီတိ ယောဇနာ။ စတသ္သော ဘူမိယော ဧတေသန္တိ စတုဘူမကာ။ ဧဝံ ပဉ္စဘူမကာ။ ကောဋ္ဌကာနီတိ ဒ္ဝာရကောဋ္ဌကာနိ။ ‘‘ပာသာဒာ’’တိပဒမပေက္ခိယ ဝုတ္တံ ‘‘ယေ’’တိပဒံ, ‘‘စတုသ္သာလာနီ’’တိပဒေ အပေက္ခိတေ ‘‘ယာနီ’’တိ လိင္ဂဝိပလ္လာသော ဟောတိ။ သေနာသနေသု ဧကေန ပယောဂေန ဗဟုကေ ဒ္ဝာရေ ဘိက္ခုံ အတိက္ကာမေတီတိ သမ္ဗန္ဓော။ နာနာပယောဂေဟိ နာနာဒ္ဝာရေ ဘိက္ခုံ အတိက္ကာမေန္တသ္သာတိ ယောဇနာ။ ‘‘ဒ္ဝာရဂဏနာယာ’’တိဣမိနာ ပယောဂဂဏနာယာတိပိ အတ္ထံ ဉာပေတိ အတ္ထတော ပာကဋတ္တာ။ အနာမသိတ္ဝာတိ အဆုပိတ္ဝာ။
126. Sattame ye pāsādā vā yāni vā catussālānīti yojanā. Catasso bhūmiyo etesanti catubhūmakā. Evaṃ pañcabhūmakā. Koṭṭhakānīti dvārakoṭṭhakāni. ‘‘Pāsādā’’tipadamapekkhiya vuttaṃ ‘‘ye’’tipadaṃ, ‘‘catussālānī’’tipade apekkhite ‘‘yānī’’ti liṅgavipallāso hoti. Senāsanesu ekena payogena bahuke dvāre bhikkhuṃ atikkāmetīti sambandho. Nānāpayogehi nānādvāre bhikkhuṃ atikkāmentassāti yojanā. ‘‘Dvāragaṇanāyā’’tiiminā payogagaṇanāyātipi atthaṃ ñāpeti atthato pākaṭattā. Anāmasitvāti achupitvā.
ဧတ္တကာနီတိ ဧတပမာဏာနိ။ တသ္သာတိ နိက္ကဍ္ဎိယမာနသ္သ ဘိက္ခုသ္သ။ ဂာဠ္ဟန္တိ ဒဠ္ဟံ။
Ettakānīti etapamāṇāni. Tassāti nikkaḍḍhiyamānassa bhikkhussa. Gāḷhanti daḷhaṃ.
၁၂၇. ဣဓာပီတိ ဣမသ္မိမ္ပိ သိက္ခာပဒေ။ ပိသဒ္ဒော ပုရိမသိက္ခာပဒာပေက္ခော။ သဗ္ဗတ္ထာတိ သဗ္ဗေသု သိက္ခာပဒေသု။ ယတ္ရာတိ ယသ္မိံ သိက္ခာပဒေ။
127.Idhāpīti imasmimpi sikkhāpade. Pisaddo purimasikkhāpadāpekkho. Sabbatthāti sabbesu sikkhāpadesu. Yatrāti yasmiṃ sikkhāpade.
၁၂၈. သောတိ ဘဏ္ဍနကာရကကလဟကာရကော ဘိက္ခု။ ဟီတိ သစ္စံ, ယသ္မာ ဝာ။ ပက္ခန္တိ အတ္တနော ပက္ခံ။ နိက္ကဍ္ဎိယမာနပုဂ္ဂလပက္ခေ ဥမ္မတ္တကသ္သ နိက္ကဍ္ဎတိ ဝာ နိက္ကဍ္ဎာပေတိ ဝာတိ သမ္ဗန္ဓိတဗ္ဗံ။ နိက္ကဍ္ဎကပုဂ္ဂလပက္ခေ ဥမ္မတ္တကသ္သ အနာပတ္တီတိ သမ္ဗန္ဓိတဗ္ဗန္တိ။ သတ္တမံ။
128.Soti bhaṇḍanakārakakalahakārako bhikkhu. Hīti saccaṃ, yasmā vā. Pakkhanti attano pakkhaṃ. Nikkaḍḍhiyamānapuggalapakkhe ummattakassa nikkaḍḍhati vā nikkaḍḍhāpeti vāti sambandhitabbaṃ. Nikkaḍḍhakapuggalapakkhe ummattakassa anāpattīti sambandhitabbanti. Sattamaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၂. ဘူတဂာမဝဂ္ဂော • 2. Bhūtagāmavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၇. နိက္ကဍ္ဎနသိက္ခာပဒဝဏ္ဏနာ • 7. Nikkaḍḍhanasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၇. နိက္ကဍ္ဎနသိက္ခာပဒဝဏ္ဏနာ • 7. Nikkaḍḍhanasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၇. နိက္ကဍ္ဎနသိက္ခာပဒဝဏ္ဏနာ • 7. Nikkaḍḍhanasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၇. နိက္ကဍ္ဎနသိက္ခာပဒဝဏ္ဏနာ • 7. Nikkaḍḍhanasikkhāpadavaṇṇanā
