| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
7. නික්‌කඩ්‌ඪනසික්‌ඛාපදං
7. Nikkaḍḍhanasikkhāpadaṃ
126. සත්‌තමෙ යෙ පාසාදා වා යානි වා චතුස්‌සාලානීති යොජනා. චතස්‌සො භූමියො එතෙසන්‌ති චතුභූමකා. එවං පඤ්‌චභූමකා. කොට්‌ඨකානීති ද්‌වාරකොට්‌ඨකානි. ‘‘පාසාදා’’තිපදමපෙක්‌ඛිය වුත්‌තං ‘‘යෙ’’තිපදං, ‘‘චතුස්‌සාලානී’’තිපදෙ අපෙක්‌ඛිතෙ ‘‘යානී’’ති ලිඞ්‌ගවිපල්‌ලාසො හොති. සෙනාසනෙසු එකෙන පයොගෙන බහුකෙ ද්‌වාරෙ භික්‌ඛුං අතික්‌කාමෙතීති සම්‌බන්‌ධො. නානාපයොගෙහි නානාද්‌වාරෙ භික්‌ඛුං අතික්‌කාමෙන්‌තස්‌සාති යොජනා. ‘‘ද්‌වාරගණනායා’’තිඉමිනා පයොගගණනායාතිපි අත්‌ථං ඤාපෙති අත්‌ථතො පාකටත්‌තා. අනාමසිත්‌වාති අඡුපිත්‌වා.
126. Sattame ye pāsādā vā yāni vā catussālānīti yojanā. Catasso bhūmiyo etesanti catubhūmakā. Evaṃ pañcabhūmakā. Koṭṭhakānīti dvārakoṭṭhakāni. ‘‘Pāsādā’’tipadamapekkhiya vuttaṃ ‘‘ye’’tipadaṃ, ‘‘catussālānī’’tipade apekkhite ‘‘yānī’’ti liṅgavipallāso hoti. Senāsanesu ekena payogena bahuke dvāre bhikkhuṃ atikkāmetīti sambandho. Nānāpayogehi nānādvāre bhikkhuṃ atikkāmentassāti yojanā. ‘‘Dvāragaṇanāyā’’tiiminā payogagaṇanāyātipi atthaṃ ñāpeti atthato pākaṭattā. Anāmasitvāti achupitvā.
එත්‌තකානීති එතපමාණානි. තස්‌සාති නික්‌කඩ්‌ඪියමානස්‌ස භික්‌ඛුස්‌ස. ගාළ්‌හන්‌ති දළ්‌හං.
Ettakānīti etapamāṇāni. Tassāti nikkaḍḍhiyamānassa bhikkhussa. Gāḷhanti daḷhaṃ.
127. ඉධාපීති ඉමස්‌මිම්‌පි සික්‌ඛාපදෙ. පිසද්‌දො පුරිමසික්‌ඛාපදාපෙක්‌ඛො. සබ්‌බත්‌ථාති සබ්‌බෙසු සික්‌ඛාපදෙසු. යත්‍රාති යස්‌මිං සික්‌ඛාපදෙ.
127.Idhāpīti imasmimpi sikkhāpade. Pisaddo purimasikkhāpadāpekkho. Sabbatthāti sabbesu sikkhāpadesu. Yatrāti yasmiṃ sikkhāpade.
128. සොති භණ්‌ඩනකාරකකලහකාරකො භික්‌ඛු. හීති සච්‌චං, යස්‌මා වා. පක්‌ඛන්‌ති අත්‌තනො පක්‌ඛං. නික්‌කඩ්‌ඪියමානපුග්‌ගලපක්‌ඛෙ උම්‌මත්‌තකස්‌ස නික්‌කඩ්‌ඪති වා නික්‌කඩ්‌ඪාපෙති වාති සම්‌බන්‌ධිතබ්‌බං. නික්‌කඩ්‌ඪකපුග්‌ගලපක්‌ඛෙ උම්‌මත්‌තකස්‌ස අනාපත්‌තීති සම්‌බන්‌ධිතබ්‌බන්‌ති. සත්‌තමං.
128.Soti bhaṇḍanakārakakalahakārako bhikkhu. Hīti saccaṃ, yasmā vā. Pakkhanti attano pakkhaṃ. Nikkaḍḍhiyamānapuggalapakkhe ummattakassa nikkaḍḍhati vā nikkaḍḍhāpeti vāti sambandhitabbaṃ. Nikkaḍḍhakapuggalapakkhe ummattakassa anāpattīti sambandhitabbanti. Sattamaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 2. භූතගාමවග්‌ගො • 2. Bhūtagāmavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 7. නික්‌කඩ්‌ඪනසික්‌ඛාපදවණ්‌ණනා • 7. Nikkaḍḍhanasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 7. නික්‌කඩ්‌ඪනසික්‌ඛාපදවණ්‌ණනා • 7. Nikkaḍḍhanasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 7. නික්‌කඩ්‌ඪනසික්‌ඛාපදවණ්‌ණනා • 7. Nikkaḍḍhanasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 7. නික්‌කඩ්‌ඪනසික්‌ඛාපදවණ්‌ණනා • 7. Nikkaḍḍhanasikkhāpadavaṇṇanā
