| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
༧. ནིཀྐཌྜྷནསིཀྑཱཔདཾ
7. Nikkaḍḍhanasikkhāpadaṃ
༡༢༦. སཏྟམེ ཡེ པཱསཱདཱ ཝཱ ཡཱནི ཝཱ ཙཏུསྶཱལཱནཱིཏི ཡོཛནཱ། ཙཏསྶོ བྷཱུམིཡོ ཨེཏེསནྟི ཙཏུབྷཱུམཀཱ། ཨེཝཾ པཉྩབྷཱུམཀཱ། ཀོཊྛཀཱནཱིཏི དྭཱརཀོཊྛཀཱནི། ‘‘པཱསཱདཱ’’ཏིཔདམཔེཀྑིཡ ཝུཏྟཾ ‘‘ཡེ’’ཏིཔདཾ, ‘‘ཙཏུསྶཱལཱནཱི’’ཏིཔདེ ཨཔེཀྑིཏེ ‘‘ཡཱནཱི’’ཏི ལིངྒཝིཔལླཱསོ ཧོཏི། སེནཱསནེསུ ཨེཀེན པཡོགེན བཧུཀེ དྭཱརེ བྷིཀྑུཾ ཨཏིཀྐཱམེཏཱིཏི སམྦནྡྷོ། ནཱནཱཔཡོགེཧི ནཱནཱདྭཱརེ བྷིཀྑུཾ ཨཏིཀྐཱམེནྟསྶཱཏི ཡོཛནཱ། ‘‘དྭཱརགཎནཱཡཱ’’ཏིཨིམིནཱ པཡོགགཎནཱཡཱཏིཔི ཨཏྠཾ ཉཱཔེཏི ཨཏྠཏོ པཱཀཊཏྟཱ། ཨནཱམསིཏྭཱཏི ཨཚུཔིཏྭཱ།
126. Sattame ye pāsādā vā yāni vā catussālānīti yojanā. Catasso bhūmiyo etesanti catubhūmakā. Evaṃ pañcabhūmakā. Koṭṭhakānīti dvārakoṭṭhakāni. ‘‘Pāsādā’’tipadamapekkhiya vuttaṃ ‘‘ye’’tipadaṃ, ‘‘catussālānī’’tipade apekkhite ‘‘yānī’’ti liṅgavipallāso hoti. Senāsanesu ekena payogena bahuke dvāre bhikkhuṃ atikkāmetīti sambandho. Nānāpayogehi nānādvāre bhikkhuṃ atikkāmentassāti yojanā. ‘‘Dvāragaṇanāyā’’tiiminā payogagaṇanāyātipi atthaṃ ñāpeti atthato pākaṭattā. Anāmasitvāti achupitvā.
ཨེཏྟཀཱནཱིཏི ཨེཏཔམཱཎཱནི། ཏསྶཱཏི ནིཀྐཌྜྷིཡམཱནསྶ བྷིཀྑུསྶ། གཱལ༹ྷནྟི དལ༹ྷཾ།
Ettakānīti etapamāṇāni. Tassāti nikkaḍḍhiyamānassa bhikkhussa. Gāḷhanti daḷhaṃ.
༡༢༧. ཨིདྷཱཔཱིཏི ཨིམསྨིམྤི སིཀྑཱཔདེ། པིསདྡོ པུརིམསིཀྑཱཔདཱཔེཀྑོ། སབྦཏྠཱཏི སབྦེསུ སིཀྑཱཔདེསུ། ཡཏྲཱཏི ཡསྨིཾ སིཀྑཱཔདེ།
127.Idhāpīti imasmimpi sikkhāpade. Pisaddo purimasikkhāpadāpekkho. Sabbatthāti sabbesu sikkhāpadesu. Yatrāti yasmiṃ sikkhāpade.
༡༢༨. སོཏི བྷཎྜནཀཱརཀཀལཧཀཱརཀོ བྷིཀྑུ། ཧཱིཏི སཙྩཾ, ཡསྨཱ ཝཱ། པཀྑནྟི ཨཏྟནོ པཀྑཾ། ནིཀྐཌྜྷིཡམཱནཔུགྒལཔཀྑེ ཨུམྨཏྟཀསྶ ནིཀྐཌྜྷཏི ཝཱ ནིཀྐཌྜྷཱཔེཏི ཝཱཏི སམྦནྡྷིཏབྦཾ། ནིཀྐཌྜྷཀཔུགྒལཔཀྑེ ཨུམྨཏྟཀསྶ ཨནཱཔཏྟཱིཏི སམྦནྡྷིཏབྦནྟི། སཏྟམཾ།
128.Soti bhaṇḍanakārakakalahakārako bhikkhu. Hīti saccaṃ, yasmā vā. Pakkhanti attano pakkhaṃ. Nikkaḍḍhiyamānapuggalapakkhe ummattakassa nikkaḍḍhati vā nikkaḍḍhāpeti vāti sambandhitabbaṃ. Nikkaḍḍhakapuggalapakkhe ummattakassa anāpattīti sambandhitabbanti. Sattamaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༢. བྷཱུཏགཱམཝགྒོ • 2. Bhūtagāmavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༧. ནིཀྐཌྜྷནསིཀྑཱཔདཝཎྞནཱ • 7. Nikkaḍḍhanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༧. ནིཀྐཌྜྷནསིཀྑཱཔདཝཎྞནཱ • 7. Nikkaḍḍhanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༧. ནིཀྐཌྜྷནསིཀྑཱཔདཝཎྞནཱ • 7. Nikkaḍḍhanasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༧. ནིཀྐཌྜྷནསིཀྑཱཔདཝཎྞནཱ • 7. Nikkaḍḍhanasikkhāpadavaṇṇanā
