| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੭. ਨਿਕ੍ਕਡ੍ਢਨਸਿਕ੍ਖਾਪਦਂ
7. Nikkaḍḍhanasikkhāpadaṃ
੧੨੬. ਸਤ੍ਤਮੇ ਯੇ ਪਾਸਾਦਾ વਾ ਯਾਨਿ વਾ ਚਤੁਸ੍ਸਾਲਾਨੀਤਿ ਯੋਜਨਾ। ਚਤਸ੍ਸੋ ਭੂਮਿਯੋ ਏਤੇਸਨ੍ਤਿ ਚਤੁਭੂਮਕਾ। ਏવਂ ਪਞ੍ਚਭੂਮਕਾ। ਕੋਟ੍ਠਕਾਨੀਤਿ ਦ੍વਾਰਕੋਟ੍ਠਕਾਨਿ। ‘‘ਪਾਸਾਦਾ’’ਤਿਪਦਮਪੇਕ੍ਖਿਯ વੁਤ੍ਤਂ ‘‘ਯੇ’’ਤਿਪਦਂ, ‘‘ਚਤੁਸ੍ਸਾਲਾਨੀ’’ਤਿਪਦੇ ਅਪੇਕ੍ਖਿਤੇ ‘‘ਯਾਨੀ’’ਤਿ ਲਿਙ੍ਗવਿਪਲ੍ਲਾਸੋ ਹੋਤਿ। ਸੇਨਾਸਨੇਸੁ ਏਕੇਨ ਪਯੋਗੇਨ ਬਹੁਕੇ ਦ੍વਾਰੇ ਭਿਕ੍ਖੁਂ ਅਤਿਕ੍ਕਾਮੇਤੀਤਿ ਸਮ੍ਬਨ੍ਧੋ। ਨਾਨਾਪਯੋਗੇਹਿ ਨਾਨਾਦ੍વਾਰੇ ਭਿਕ੍ਖੁਂ ਅਤਿਕ੍ਕਾਮੇਨ੍ਤਸ੍ਸਾਤਿ ਯੋਜਨਾ। ‘‘ਦ੍વਾਰਗਣਨਾਯਾ’’ਤਿਇਮਿਨਾ ਪਯੋਗਗਣਨਾਯਾਤਿਪਿ ਅਤ੍ਥਂ ਞਾਪੇਤਿ ਅਤ੍ਥਤੋ ਪਾਕਟਤ੍ਤਾ। ਅਨਾਮਸਿਤ੍વਾਤਿ ਅਛੁਪਿਤ੍વਾ।
126. Sattame ye pāsādā vā yāni vā catussālānīti yojanā. Catasso bhūmiyo etesanti catubhūmakā. Evaṃ pañcabhūmakā. Koṭṭhakānīti dvārakoṭṭhakāni. ‘‘Pāsādā’’tipadamapekkhiya vuttaṃ ‘‘ye’’tipadaṃ, ‘‘catussālānī’’tipade apekkhite ‘‘yānī’’ti liṅgavipallāso hoti. Senāsanesu ekena payogena bahuke dvāre bhikkhuṃ atikkāmetīti sambandho. Nānāpayogehi nānādvāre bhikkhuṃ atikkāmentassāti yojanā. ‘‘Dvāragaṇanāyā’’tiiminā payogagaṇanāyātipi atthaṃ ñāpeti atthato pākaṭattā. Anāmasitvāti achupitvā.
ਏਤ੍ਤਕਾਨੀਤਿ ਏਤਪਮਾਣਾਨਿ। ਤਸ੍ਸਾਤਿ ਨਿਕ੍ਕਡ੍ਢਿਯਮਾਨਸ੍ਸ ਭਿਕ੍ਖੁਸ੍ਸ। ਗਾਲ਼੍ਹਨ੍ਤਿ ਦਲ਼੍ਹਂ।
Ettakānīti etapamāṇāni. Tassāti nikkaḍḍhiyamānassa bhikkhussa. Gāḷhanti daḷhaṃ.
੧੨੭. ਇਧਾਪੀਤਿ ਇਮਸ੍ਮਿਮ੍ਪਿ ਸਿਕ੍ਖਾਪਦੇ। ਪਿਸਦ੍ਦੋ ਪੁਰਿਮਸਿਕ੍ਖਾਪਦਾਪੇਕ੍ਖੋ। ਸਬ੍ਬਤ੍ਥਾਤਿ ਸਬ੍ਬੇਸੁ ਸਿਕ੍ਖਾਪਦੇਸੁ। ਯਤ੍ਰਾਤਿ ਯਸ੍ਮਿਂ ਸਿਕ੍ਖਾਪਦੇ।
127.Idhāpīti imasmimpi sikkhāpade. Pisaddo purimasikkhāpadāpekkho. Sabbatthāti sabbesu sikkhāpadesu. Yatrāti yasmiṃ sikkhāpade.
੧੨੮. ਸੋਤਿ ਭਣ੍ਡਨਕਾਰਕਕਲਹਕਾਰਕੋ ਭਿਕ੍ਖੁ। ਹੀਤਿ ਸਚ੍ਚਂ, ਯਸ੍ਮਾ વਾ। ਪਕ੍ਖਨ੍ਤਿ ਅਤ੍ਤਨੋ ਪਕ੍ਖਂ। ਨਿਕ੍ਕਡ੍ਢਿਯਮਾਨਪੁਗ੍ਗਲਪਕ੍ਖੇ ਉਮ੍ਮਤ੍ਤਕਸ੍ਸ ਨਿਕ੍ਕਡ੍ਢਤਿ વਾ ਨਿਕ੍ਕਡ੍ਢਾਪੇਤਿ વਾਤਿ ਸਮ੍ਬਨ੍ਧਿਤਬ੍ਬਂ। ਨਿਕ੍ਕਡ੍ਢਕਪੁਗ੍ਗਲਪਕ੍ਖੇ ਉਮ੍ਮਤ੍ਤਕਸ੍ਸ ਅਨਾਪਤ੍ਤੀਤਿ ਸਮ੍ਬਨ੍ਧਿਤਬ੍ਬਨ੍ਤਿ। ਸਤ੍ਤਮਂ।
128.Soti bhaṇḍanakārakakalahakārako bhikkhu. Hīti saccaṃ, yasmā vā. Pakkhanti attano pakkhaṃ. Nikkaḍḍhiyamānapuggalapakkhe ummattakassa nikkaḍḍhati vā nikkaḍḍhāpeti vāti sambandhitabbaṃ. Nikkaḍḍhakapuggalapakkhe ummattakassa anāpattīti sambandhitabbanti. Sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਭੂਤਗਾਮવਗ੍ਗੋ • 2. Bhūtagāmavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੭. ਨਿਕ੍ਕਡ੍ਢਨਸਿਕ੍ਖਾਪਦવਣ੍ਣਨਾ • 7. Nikkaḍḍhanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੭. ਨਿਕ੍ਕਡ੍ਢਨਸਿਕ੍ਖਾਪਦવਣ੍ਣਨਾ • 7. Nikkaḍḍhanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੭. ਨਿਕ੍ਕਡ੍ਢਨਸਿਕ੍ਖਾਪਦવਣ੍ਣਨਾ • 7. Nikkaḍḍhanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੭. ਨਿਕ੍ਕਡ੍ਢਨਸਿਕ੍ਖਾਪਦવਣ੍ਣਨਾ • 7. Nikkaḍḍhanasikkhāpadavaṇṇanā
