| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
7. நிக்கட்³ட⁴னஸிக்கா²பத³வண்ணனா
7. Nikkaḍḍhanasikkhāpadavaṇṇanā
அனேககொட்ட²கானீதி அனேகத்³வாரகொட்ட²கானி. ‘‘நிக்க²மாதி வசனங் ஸுத்வா அத்தனோ ருசியா சே நிக்க²மதி, அனாபத்தீ’’தி (ஸாரத்த²॰ டீ॰ பாசித்திய 126) வத³ந்தி.
Anekakoṭṭhakānīti anekadvārakoṭṭhakāni. ‘‘Nikkhamāti vacanaṃ sutvā attano ruciyā ce nikkhamati, anāpattī’’ti (sārattha. ṭī. pācittiya 126) vadanti.
தஸ்ஸ பரிக்கா²ரனிக்கட்³ட⁴னேதி தஸ்ஸ ஸந்தகங் யங் கிஞ்சி பத்தசீவரபரிஸ்ஸாவனத⁴ம்மகரணமஞ்சபீட²பி⁴ஸிபி³ப்³போ³ஹனாதி³பே⁴த³ங் அந்தமஸோ ரஜனச²ல்லிபி அத்தி², தஸ்ஸ பரிக்கா²ரஸ்ஸ நிக்கட்³ட⁴னே. தஞ்சாதி து³க்கடங் பராமஸதி. நிக்கட்³டா⁴பனேபி ஏஸேவ நயோ. கா³ள்ஹங் ப³ந்தி⁴த்வா ட²பிதேஸு பன ஏகாவ ஆபத்தி.
Tassaparikkhāranikkaḍḍhaneti tassa santakaṃ yaṃ kiñci pattacīvaraparissāvanadhammakaraṇamañcapīṭhabhisibibbohanādibhedaṃ antamaso rajanachallipi atthi, tassa parikkhārassa nikkaḍḍhane. Tañcāti dukkaṭaṃ parāmasati. Nikkaḍḍhāpanepi eseva nayo. Gāḷhaṃ bandhitvā ṭhapitesu pana ekāva āpatti.
ப⁴ண்ட³னகாரககலஹகாரகமேவ ஸகலஸங்கா⁴ராமதோ நிக்கட்³டி⁴துங் லப⁴தி. ஸோ ஹி பக்க²ங் லபி⁴த்வா ஸங்க⁴ம்பி பி⁴ந்தெ³ய்ய. அலஜ்ஜிஆத³யோ பன அத்தனோ வஸனட்டா²னதோயேவ நிக்கட்³டி⁴தப்³பா³. ஸகலஸங்கா⁴ராமதோ நிக்கட்³டி⁴துங் ந வட்டதி. தேனாஹ ‘‘ஸகலஸங்கா⁴ராமதோபீ’’திஆதி³.
Bhaṇḍanakārakakalahakārakameva sakalasaṅghārāmato nikkaḍḍhituṃ labhati. So hi pakkhaṃ labhitvā saṅghampi bhindeyya. Alajjiādayo pana attano vasanaṭṭhānatoyeva nikkaḍḍhitabbā. Sakalasaṅghārāmato nikkaḍḍhituṃ na vaṭṭati. Tenāha ‘‘sakalasaṅghārāmatopī’’tiādi.
நிக்கட்³ட⁴னஸிக்கா²பத³வண்ணனா நிட்டி²தா.
Nikkaḍḍhanasikkhāpadavaṇṇanā niṭṭhitā.
