| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৭. নিক্কড্ঢনসিক্খাপদৰণ্ণনা
7. Nikkaḍḍhanasikkhāpadavaṇṇanā
অনেককোট্ঠকানীতি অনেকদ্ৰারকোট্ঠকানি। ‘‘নিক্খমাতি ৰচনং সুত্ৰা অত্তনো রুচিযা চে নিক্খমতি, অনাপত্তী’’তি (সারত্থ॰ টী॰ পাচিত্তিয ১২৬) ৰদন্তি।
Anekakoṭṭhakānīti anekadvārakoṭṭhakāni. ‘‘Nikkhamāti vacanaṃ sutvā attano ruciyā ce nikkhamati, anāpattī’’ti (sārattha. ṭī. pācittiya 126) vadanti.
তস্স পরিক্খারনিক্কড্ঢনেতি তস্স সন্তকং যং কিঞ্চি পত্তচীৰরপরিস্সাৰনধম্মকরণমঞ্চপীঠভিসিবিব্বোহনাদিভেদং অন্তমসো রজনছল্লিপি অত্থি, তস্স পরিক্খারস্স নিক্কড্ঢনে। তঞ্চাতি দুক্কটং পরামসতি। নিক্কড্ঢাপনেপি এসেৰ নযো। গাল়্হং বন্ধিত্ৰা ঠপিতেসু পন একাৰ আপত্তি।
Tassaparikkhāranikkaḍḍhaneti tassa santakaṃ yaṃ kiñci pattacīvaraparissāvanadhammakaraṇamañcapīṭhabhisibibbohanādibhedaṃ antamaso rajanachallipi atthi, tassa parikkhārassa nikkaḍḍhane. Tañcāti dukkaṭaṃ parāmasati. Nikkaḍḍhāpanepi eseva nayo. Gāḷhaṃ bandhitvā ṭhapitesu pana ekāva āpatti.
ভণ্ডনকারককলহকারকমেৰ সকলসঙ্ঘারামতো নিক্কড্ঢিতুং লভতি। সো হি পক্খং লভিত্ৰা সঙ্ঘম্পি ভিন্দেয্য। অলজ্জিআদযো পন অত্তনো ৰসনট্ঠানতোযেৰ নিক্কড্ঢিতব্বা। সকলসঙ্ঘারামতো নিক্কড্ঢিতুং ন ৰট্টতি। তেনাহ ‘‘সকলসঙ্ঘারামতোপী’’তিআদি।
Bhaṇḍanakārakakalahakārakameva sakalasaṅghārāmato nikkaḍḍhituṃ labhati. So hi pakkhaṃ labhitvā saṅghampi bhindeyya. Alajjiādayo pana attano vasanaṭṭhānatoyeva nikkaḍḍhitabbā. Sakalasaṅghārāmato nikkaḍḍhituṃ na vaṭṭati. Tenāha ‘‘sakalasaṅghārāmatopī’’tiādi.
নিক্কড্ঢনসিক্খাপদৰণ্ণনা নিট্ঠিতা।
Nikkaḍḍhanasikkhāpadavaṇṇanā niṭṭhitā.
