| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
7. ниггад̣дханасигкаабад̣̇аван̣н̣анаа
7. Nikkaḍḍhanasikkhāpadavaṇṇanā
126. сад̇д̇амасигкаабад̣̇з – згзна баяог̇зна б̣ахугзби д̣̇ваарз ад̇иггаамзд̇ийд̇и яз жад̇убхуумагабан̃жабхуумагаа баасаад̣̇аа часад̇д̇агодтагаани ваа жад̇уссаалаани, д̇аад̣̇исзсу сзнаасанзсу хад̇т̇зсу ваа г̇ийвааяа ваа г̇ахзд̇ваа анд̇араа адтабзнд̇о згзна баяог̇зна ад̇иггаамзд̇и, згамзва баажид̇д̇ияам̣. табзд̇ваа табзд̇ваа наанаабаяог̇зхи ад̇иггаамзнд̇асса д̣̇ваараг̇ан̣анааяа баажид̇д̇ияаани. хад̇т̇зна анаамасид̇ваа ‘‘нигкамаа’’д̇и вад̇ваа ваажааяа ниггад̣дханд̇ассааби зсзва наяо.
126. Sattamasikkhāpade – ekena payogena bahukepi dvāre atikkāmetīti ye catubhūmakapañcabhūmakā pāsādā chasattakoṭṭhakāni vā catussālāni, tādisesu senāsanesu hatthesu vā gīvāya vā gahetvā antarā aṭṭhapento ekena payogena atikkāmeti, ekameva pācittiyaṃ. Ṭhapetvā ṭhapetvā nānāpayogehi atikkāmentassa dvāragaṇanāya pācittiyāni. Hatthena anāmasitvā ‘‘nikkhamā’’ti vatvā vācāya nikkaḍḍhantassāpi eseva nayo.
ан̃н̃ам̣ аан̣аабзд̇ийд̇и зд̇т̇а ‘‘имам̣ ниггад̣дхаа’’д̇и аан̣ад̇д̇имад̇д̇з д̣̇уггадам̣. сажз со сагим̣ аан̣ад̇д̇о б̣ахугзби д̣̇ваарз ад̇иггаамзд̇и, згам̣ баажид̇д̇ияам̣. сажз бана ‘‘зд̇д̇агаани д̣̇ваараани ниггад̣дхаахий’’д̇и ваа ‘‘яаава махаад̣̇ваарам̣ д̇аава ниггад̣дхаахий’’д̇и ваа звам̣ нияаамзд̇ваа аан̣ад̇д̇о ход̇и, д̣̇ваараг̇ан̣анааяа баажид̇д̇ияаани.
Aññaṃ āṇāpetīti ettha ‘‘imaṃ nikkaḍḍhā’’ti āṇattimatte dukkaṭaṃ. Sace so sakiṃ āṇatto bahukepi dvāre atikkāmeti, ekaṃ pācittiyaṃ. Sace pana ‘‘ettakāni dvārāni nikkaḍḍhāhī’’ti vā ‘‘yāva mahādvāraṃ tāva nikkaḍḍhāhī’’ti vā evaṃ niyāmetvā āṇatto hoti, dvāragaṇanāya pācittiyāni.
д̇асса баригкааранд̇и яам̣гин̃жи д̇асса санд̇агам̣ бад̇д̇ажийварабариссааванад̇хамагаран̣аман̃жабийтабхисиб̣имб̣оханаад̣̇ибхзд̣̇ам̣, анд̇амасо раж̇аначаллимби; яо ниггад̣дхад̇и ваа ниггад̣дхаабзд̇и ваа; д̇асса вад̇т̇уг̇ан̣анааяа д̣̇уггадаани . г̇аал̣хам̣ б̣анд̇хид̇ваа табид̇зсу бана згаава аабад̇д̇ийд̇и махаабажжарияам̣ вуд̇д̇ам̣.
Tassaparikkhāranti yaṃkiñci tassa santakaṃ pattacīvaraparissāvanadhamakaraṇamañcapīṭhabhisibimbohanādibhedaṃ, antamaso rajanachallimpi; yo nikkaḍḍhati vā nikkaḍḍhāpeti vā; tassa vatthugaṇanāya dukkaṭāni . Gāḷhaṃ bandhitvā ṭhapitesu pana ekāva āpattīti mahāpaccariyaṃ vuttaṃ.
127. ан̃н̃асса буг̇г̇алигзд̇и ид̇хааби виссаасигабуг̇г̇алигам̣ ад̇д̇ано буг̇г̇алигасад̣̇исамзва. яат̇аа жа ид̇ха; звам̣ саб̣б̣ад̇т̇а. яад̇ра бана висзсо бхависсад̇и, д̇ад̇ра вагкаама.
127.Aññassa puggaliketi idhāpi vissāsikapuggalikaṃ attano puggalikasadisameva. Yathā ca idha; evaṃ sabbattha. Yatra pana viseso bhavissati, tatra vakkhāma.
128. алаж̇ж̇им̣ ниггад̣дхад̇и ваад̇иаад̣̇ийсу бхан̣д̣анагаарагагалахагаарагамзва сагаласан̇гхаараамад̇о ниггад̣дхид̇ум̣ лабхад̇и, со хи багкам̣ лабхид̇ваа сан̇гхамби бхинд̣̇зяяа. алаж̇ж̇ийаад̣̇аяо бана ад̇д̇ано васанадтаанад̇оязва ниггад̣дхид̇аб̣б̣аа, сагаласан̇гхаараамад̇о ниггад̣дхид̇ум̣ на ваддад̇и. уммад̇д̇агассаад̇и саяам̣ уммад̇д̇агасса анаабад̇д̇и. сзсам̣ уд̇д̇аанамзваад̇и.
128.Alajjiṃ nikkaḍḍhati vātiādīsu bhaṇḍanakārakakalahakārakameva sakalasaṅghārāmato nikkaḍḍhituṃ labhati, so hi pakkhaṃ labhitvā saṅghampi bhindeyya. Alajjīādayo pana attano vasanaṭṭhānatoyeva nikkaḍḍhitabbā, sakalasaṅghārāmato nikkaḍḍhituṃ na vaṭṭati. Ummattakassāti sayaṃ ummattakassa anāpatti. Sesaṃ uttānamevāti.
д̇исамудтаанам̣ – гааяажид̇д̇ад̇о ваажаажид̇д̇ад̇о гааяаваажаажид̇д̇ад̇о жа самудтаад̇и, гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇угкавзд̣̇ананд̇и.
Tisamuṭṭhānaṃ – kāyacittato vācācittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
ниггад̣дханасигкаабад̣̇ам̣ сад̇д̇амам̣.
Nikkaḍḍhanasikkhāpadaṃ sattamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 7. ниггад̣дханасигкаабад̣̇аван̣н̣анаа • 7. Nikkaḍḍhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. ниггад̣дханасигкаабад̣̇аван̣н̣анаа • 7. Nikkaḍḍhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. ниггад̣дханасигкаабад̣̇аван̣н̣анаа • 7. Nikkaḍḍhanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. ниггад̣дханасигкаабад̣̇ам̣ • 7. Nikkaḍḍhanasikkhāpadaṃ
